.:: مجالس قبيلة الشرارات ::.

.:: مجالس قبيلة الشرارات ::. (http://www.banymaklab.com/vb/index.php)
-   مجلس الشعر العامي المنقول والنثر والخواطر (http://www.banymaklab.com/vb/f63.html)
-   -   قصيدة للشاعر القدير ((فهد بن سويلم الظلام الشراري))[ياعمير] (http://www.banymaklab.com/vb/t8762.html)

نايل الميس 17-01-2008 01:37 AM

قصيدة للشاعر القدير ((فهد بن سويلم الظلام الشراري))[ياعمير]
 
قصيده للشاعر المحبوب الرائع / فهد سويلم الظلام الشراري.
أتمنى ان تحوز على رضاكم
ياعمير ماجاب البخت مرمش الجيش=تصفقت ماجت بعلم الطراشه.
غابت ورآ شمسه نجوماً مراهيش=حولين حالن كيف مالوقت حاشه.
ياعمير ترى عروق قلبي معاطيش=تشدا لقاعا" مبطيا" عن رشاشه
عليه بحشايه رماحا" لواكيش=صكن بصندوق الضلوع الهشاشه.
كني مكلف مع طيور الخفافيش=يومن كلا" غافيا" في فراشه
.أسج وأرقب فوق روس المطانيش=وأهل دمعي فوق خدي طشاشه
وأطنب طنيب اللي فردوها الطواريش=عن الولايف وإنتحوا بالغباشه
ياعمير ماعينت هيل العطاريش= اللي خطاته تقل مالقاع ناشه.
أوصيك يافرد الرفق بالمهاويش=يافازعا" لقلوب جتلك عطاشه
أوصيك باللي وصفها مابعد حيش=لاشفت ماغيره بوجهه بشاشه
العين عين اللي مغيرا" بتوحيش=حرا" على كبد الخظيرا إنتعاشه
له فكرتا" يرمي بها كامل الريش=يرسل إسهوما" عفوها في رماشه.
ومبيسمه جمرا" بطرق الهوى نيش= يسطع بوجهاً أبيظاً تقل شاشه
ومجدلا" غطى لبوس الدشاديش=ليلاً سواده لف وأخفى قماشه
بشوح الجذيل إن صد بالعنق بشويش= جد النحر شمسا" صفت من غباشه
تزمه نهوده على الخصر تنعيش=ويضيق صلبه للردوف بنشاشه
يظف ردفه لأوسط الورك ياويش?= مبروم ساقه مثل جنب الدعاشه
إن عمهج بزوله خطاته بلا طيش=يازن خطاته مثل خطوات باشه
ياعمر خذ وصفي مع الناس تفتيش=عنّ الركاب مع الوعر والجشاشه
ترقبه مع ناقلين التخاريش= ناسا" يجيبون العلوم الدهاشه
عث الديار المرمسات النواهيش= اللي بها قطون البدو مستحاشه
صبح بقوم ومسّ قوما" مطاويش=أنشد عن اللي نازح البعد طاشه
ماريته طرشا" تحاود مفاريش= وضحا" كما غيما" نشا من نشاشه
تلقى النزل في نايفا" عن مباحيش= بأرضا" ربيع وعشبها بإنفراشه
إنشد ونبش لي عن العلم تنبيش=عن من غدت بذراع يدها نواشه
اللي رمتني في رموشا" معاكيش=من تعترض له ينقرط بإفتراشه
ياعمير إنشد لو تجيب التناويش= باللي أرحلوا من دون كف ونباشه
عن إقصرانا بالرخا والتشاويشج= على النقى ماخالطته الدفاشه
ماتقل نقسم بيننا لقمة العيش= ولاتقل صفينا لقوما" إطشاشه
إيضا" ولا أعزبنا بلادا" مهاميش=يوماً كلاً صافياً مابجاشه
ياما وقفنا للمعادي مقاشيش= عن ذودهم طاحت شيوخا" بلاشه
ياعمير شدوا وإنتحوا للمخابيش=أمست منازلهم توالي دشاشه
في دارهم ظلت بقايا خرابيش= تهل عيني شوفهن من طفاشه
غديت تقل مقيداً لي بكلابيش= بأرضاً قفر ماحول ماها مشاشه
ياعمير لاتسوي سوات المباليش= دور لأبن ظلام ونساً لجاشه
وختامها مني سلاماً بلا طيش= إعداد ماللنور طارت فراشه
نقل /// نايل الميس

ياأجمل الوقت 17-01-2008 04:59 PM

رد: قصيدة للشاعر القدير ((فهد بن سويلم الظلام الشراري))[ياعمير]
 
ياعمير ماعينـت هيـل العطاريـشا ^^^ للي خطاتـه تقـل مالقـاع ناشـه

صح السان الشاعر فهد سويلم الظلام

وتسلم على النقل الجميل

ماجد البرقان 17-01-2008 05:37 PM

رد: قصيدة للشاعر القدير ((فهد بن سويلم الظلام الشراري))[ياعمير]
 
نايل الميس
يعطيك العافية علي الاختيار والنقل المميز
وصح لسان الشاعر فهد سويلم الظلام
تقبل مروري
ولك اعذب التحاااااايا
نواف الشمال

مخاوي الليل 18-01-2008 03:46 AM

رد: قصيدة للشاعر القدير ((فهد بن سويلم الظلام الشراري))[ياعمير]
 
نايل الميس



الله يعطيك العافيه على نقل هالقصيده


وصح لسان الشاعر




تقبل مروري

الخـــــلاوي 19-01-2008 02:45 PM

رد: قصيدة للشاعر القدير ((فهد بن سويلم الظلام الشراري))[ياعمير]
 
نـايل الميس
الله يعطيك العافيه على النقل
وصح لسان فهد سويلم
ونطمع بالمزيد من شعر هذا الشاعر

نايل الميس 20-01-2008 01:59 AM

رد: قصيدة للشاعر القدير ((فهد بن سويلم الظلام الشراري))[ياعمير]
 
تسلمون وصح لسان شاعرها فهد الظلام
وان شاء الله نزودكم من روائعه مانحصل عليه

غيم الشمال 20-01-2008 02:13 AM

رد: قصيدة للشاعر القدير ((فهد بن سويلم الظلام الشراري))[ياعمير]
 
صح لسان الشاعر فهد
ومشكور على النقل
وبصراحه الشاعر فهد من الشعراء المظلومين اعلاميا وجماهيريا
ولهذا الشاعر قصائد رائعه وجزله مايكتبها الا شعراء فطاحله في الشعر
وياليت تورد قصيدته في الرد على قصيدة الطاء
من ذاق حر الشوك برجله يبطا = يبعد عن دروب الوعر بالمواطي
اللي مطلعها
اعجبتني ياكاتب الطاء على الطا = شعرك حوى كل المعاني وحاطي


ولا ننسى الشاعر الكبير ولكنه ايضا من الشعراء المظلومين جماهيريا
الشاعر عبدالخالق صياح
ودمتم

عبدالله العشيشان 20-01-2008 05:07 PM

رد: قصيدة للشاعر القدير ((فهد بن سويلم الظلام الشراري))[ياعمير]
 
ماتقـل نقسـم بيننـا لقمـة العيـش
ولاتقـل صفينـا لقومـا" إطشاشـه
إيضا" ولا أعزبنـا بـلادا" مهاميـش
يومـاً كــلاً صافـيـاً مابجـاشـه
يامـا وقفنـا للمعـادي مقاشـيـش
عن ذودهم طاحت شيوخـا" بلاشـه
ياعمير شـدوا وإنتحـوا للمخابيـش
ا مسـت منازلهـم توالـي دشاشـه
في دارهـم ظلـت بقايـا خرابيـش
تهل عينـي شوفهـن مـن طفاشـه


نايل الميس


سلمت يمناك

على النقل الجميل

وفهد شاعر جزل

ياليت تنقل لنا من ابداعاته

اذا عندك شي

وتسلم على الطله

تحياتي لك

سعد بن سويلم 20-01-2008 11:25 PM

رد: قصيدة للشاعر القدير ((فهد بن سويلم الظلام الشراري))[ياعمير]
 
صح لسان شاعرها

ولاهنت يانيل


على النقل الاكثر من رئاع


دمت مبدعا

نايف الخضير 17-03-2008 01:13 AM

رد: قصيدة للشاعر القدير ((فهد بن سويلم الظلام الشراري))[ياعمير]
 
صح السان الشاعر فهد سويلم الظلام

وتسلم على النقل الجميل


الساعة الآن 11:00 PM

Powered by vBulletin® Version 3.8.7
Copyright ©2000 - 2017, Jelsoft Enterprises Ltd.
SEO by vBSEO 3.3.0

Ads Management Version 3.0.1 by Saeed Al-Atwi

HêĽм √ 3.1 BY: ! ωαнαм ! © 2010
جميع الحقوق محفوظة لمجالس قبيلة الشرارات