وصفك يعيش شاعرك في ثماله حتى شعوره لا تخيلك يغديه

انتي قصيده شاعرك ويل حاله
يعجز يترجم عن شعورك ويبديه
لكن ولا يهمك ياعنق الغزاله
شاعرك لعيونك شعوره يقديه
فيك الجمال اليوسفي في كماله
والله مكمل زينته مع مباديه
وصفك يحير من تمعن جماله
والعذر منك خايف اني ارديه
وصفك يعيش شاعرك في ثماله
حتى شعوره لا تخيلك يغديه
هني من حظه يجيبك حلاله
انشهد ان الله من الحور مهديه
ماهو بمثل اللي بتقطع وصاله
وحظه مايدري وين ربه موديه
لكن عساها خيرتن لو تزاله
هم المحبه قابلن في تحديه
بصبر ولو صبري مايونس اقباله
يقول هم الحب صعبه تعديه
كم واحدن قبلك بلي به وحاله
ماهو على كيفه ولا عاد يمديه
قلت القناعه كنز مابها شكاله
لا تاه بي قلبي على غير واديه

بندر بن دعيجاء✒