ياحسين عاشق خيبة إعداك بسمتك.. وهيبةشموخك ثابته باالصداره

يامير ياكبرك ويابعد نظرتك
كفو الاماره ياعقيد الاماره

يسمو مكانك تعتلي فيه هقوتك
مثل الملك واثق بخطوة مساره

ياحسين عاشق خيبة إعداك بسمتك
وهيبةشموخك ثابته باالصداره

شخصيتك حضورها فيه هيبتك
وامارتك ياامير فيها نماره

كسبت بقلوب الخلايق محبتك
محبةً فيها من الله بشاره

فيك التواضع خصه الله بقيمتك
واللي تواضع يرفع الله وقاره

عز وشموخ ومرجله من بدايتك
وهبه من الله فيك ماجت قماره

يامير لك مجداً تصدره رايتك
بيرق علمها تشتعل فيه ناره

من عهد ابوك لجد جدك لجيتك
والعز ثابت شامخاً في شعاره

هيبة شيوخاً كنها ملوك لاجتك
الأمر فيها سامياً في قراره

يامير ماودي أطول بقصتك
وخير الكلام إن قل فيه اختصاره

لك شارباً عطرته بطيب لحيتك
وانت الذي علمك على راس قاره

ولو البشر تمنع وتعطيك مااعطتك
من ثوبها ياشيخ حبة زراره

اللي عطاك الله وعزك بقامتك
ماجتك ياامير الشيوخ أستعاره

لنا الفخر بك وانت فخر لقبيلتك
وحنا على يمناك رهن الإشاره

عيدغانم الشراري