شبه حمرن وسمهن وسم الشراري ضمرن من دونهن موتن حمر

ياوليفي طال صبري وانتظاري * حتى قلبي من غيابك يحتضر
عجل بوصلك ترى وصلك يداري * خاطرن مكسور مافاده جبر
ماخشرت بحبكم غير الصحاري * ابدوين عايشن بين الحضر
كل مامليت من مسكان داري * اتونس بالخلا لو هو قفر
واطرد عماسي إلى شبيت ناري * واضبط البن الموزن في قدر
اشقرن رايب يخالطه الحماري * ريحته تنعشك من قبل يخدر
شبه حمرن وسمهن وسم الشراري *ضمرن من دونهن موتن حمر
يومها بسيوف وارماح وجثاري * حدهن ماينقطع لو هو شبر
لا امتطو ربعي عليهن كالحراري * يطبخ في روسهم عز وسطر
منهم تخاف العداء خوف الحباري *لا استحسن واستذرن بالشجر
ويستعز اللي بذراهم بفتخاري * وفي ذراهم مايمسه لو ضرر
لصديق حزام في كل الطواري * وللعدو اسباع كالحمضل ومر
وبالمكارم طيبين بلاء مجاري *يشهد الجربا لهم وقت الدهر
يوم جا ربعي رحيل بلا احتضاري *في سهالن مابهن عود وحجر
ارتكو لطيب في ذيك المحاري * يوم فيها يجوز لطيب عذر
ذبحو من شمخ الروس الكباري *والهوادي روسهن مثل الصخر
ونارهم بالخام تزداد استعاري *واجبآً لضيف من طيب وقدر
ربعي اللي صيتهم كله وقاري * هم شرارات المعزه والفخر


بندر بن دعيجاء الشراري✒