ياهيه هون ويش لك بالجديده = خلك على ماقيل في لقمة العيش
ان رحت ولا جيت مانت بفقيده = ريح ذلولك منت راعي مطاريش
يامكثر علومك ولاهي مفيده=بديارنا لا شك كنك ورى بيش
تذبح وتصلخ ماتخلي شريده = وان جاء الفعل نلقاك في قاعة الهيش
لاتكثر علومك ونفسك بليده=السالفة ماهي بحجم الدراويش
السالفة خذها من الراس سيده = ماهي مقاسك لو بعد حملها ريش
الفعل يبغاله شجاعاَ وليده =مايرتعد لاشافهم كنهم جيش
تكفيه بالمنطوق اشارة ايده = والى نزل خطوا رجل جالك محيش
كم حل عسرات الامور المكيده = وكم هز كرسي حاكماً مابعد نيش
هو العديم اللي علومه بعيده = قلبه من البولاد ماهو من الخيش
إلى حكى هز الحصون العنيده=وإلى ارتكى للأزمه جابها كيش
ساسه تليد ومن شيوخاً تليده = يرسي الى كثر الحكي والتناويش
فدغاش شيخ الموزمات الشديده =يومن غير ما تطوله مناقيش
يبين لاحكت حديده حديده = الى انخزن عنها خطاة المخاريش
قلب الاسد قلبه وباسه يزيده = راكز وهادي لا مهايط ولا طيش
يسير في نهج المليك وعضيده = وألى فعل يمون مايقاله ليش
لنه هو الخيال شيخ وبديده = كفو بجنابه والنعم فيه ويعيش
ماهو بسيط وسمعته هي رصيده =يومن بعض شيوخ يجيه تهميش
فدغاش عسى سنين عمره مديده = على رضى مرسل حقوق المراهيش

الموضوع الأصلي: فدغاش شيخ الموزمات الشديده || الكاتب: الشراري || المصدر: .:: مجالس قبيلة الشرارات ::.