.:: مجالس قبيلة الشرارات ::.

.:: مجالس قبيلة الشرارات ::. (http://www.banymaklab.com/vb/index.php)
-   مجلس الشعر العامي للأعضاء ,, (http://www.banymaklab.com/vb/f22.html)
-   -   اقرع كرك (http://www.banymaklab.com/vb/t70396.html)

بدر النعيم 26-10-2017 01:27 PM

اقرع كرك
 
متى نشوف أجوالهن حول وقاد
غرب الهبر حول الخباري الخفية

ويقعد لهن قرمن مولع وصياد
ماترمش عيونه ونفسه شفية

اقرع كرك والصوت في نغطتة حاد
قبل طلوع الشمس مافيه زية

يازين زوله للمعالف إليا عاد
ووقع على مرما الجفوت القوية

وثارت من الي في مراميه ركااد
وطاح الحم من فضل رب البرية

والله يفكة من مقاريد الأوالاد
الي ماهم حذرين حزت مجية

دايم ومشرافه على درب الأجواد
زودن على الغشمة يحوم الجوية

مايدري إن الكرك حذرن إليا قاد
إن عارضة بالدرب ماجاء خوية

فري وسمونه وأرنب إليا صاد
مثل الكرك عنده وزودن شوية

لاشك نعمة وافيه مير أنا عاد
بالطائر الملكي أحط أولوية

يقولها الي دايم لقنصه أعتاد
ماهو مثل قنص الطيور البقية

والي ماعاش الجو تلقاة نقاد
ضروة مقانيص الطيور الهدية

هذي مواقف شفتها العام تزداد
يفهمهن الي ضاري لكل هيه

والمختصر قلته على كل الأشهاد
كم واحدً منهم، جرتله شكية

تمت وصلو ثم زيدو بلاأعداد
على النبي أفضل صلاه وتحية

#بدر_النعيم الشراري

محمد العابر 26-10-2017 07:23 PM

رد: اقرع كرك
 
اللهم صل على نبينا محمد
صح لسانك شاعرنا

ذكرتني بمشرفنا ( مرقاب الوله ) متولع بالكرك
شكل القنص اخذ كل وقته

يعطيك العافية جزله وودنا يمثيلاتها لا هنت

بدر النعيم 27-10-2017 07:34 AM

رد: اقرع كرك
 
صح بدنك ويعافيك الله ،مرورك بحد ذاته ابداع 🌹🌹


الساعة الآن 11:21 PM

Powered by vBulletin® Version 3.8.7
Copyright ©2000 - 2017, Jelsoft Enterprises Ltd.
SEO by vBSEO 3.3.0

Ads Management Version 3.0.1 by Saeed Al-Atwi

HêĽм √ 3.1 BY: ! ωαнαм ! © 2010
جميع الحقوق محفوظة لمجالس قبيلة الشرارات