.:: مجالس قبيلة الشرارات ::.

.:: مجالس قبيلة الشرارات ::. (http://www.banymaklab.com/vb/index.php)
-   مجلس الشعر العامي للأعضاء ,, (http://www.banymaklab.com/vb/f22.html)
-   -   ياخذ بروفه (http://www.banymaklab.com/vb/t70348.html)

بدر النعيم 30-09-2017 03:06 PM

ياخذ بروفه
 
بالوجه يضحك بس لاصار محتاج
وليا قضى في لازمه ما تشوفه


الوجه سامج ماعرف كيف الإحراج
والدم بارد و العروق معروفه


وإن جيت مجلس دوم تلقاه هراج
و لافيه هرجه بالفخر ما تطوفه


يحس حاله مع الخلا لابسن تاج
وكل العرب ودها تحلى وصوفه


مايدري أنه لا لفى مصدر إزعاج
ويزعج كثير الخلق بكثرة حلوفه



راعي نقيلي و المذمه له اعلاج
ودايم على الاجواد يرقع دفوفه


وان صار للوقفات مدخل ومخراج
لازم يكن شوي ياخذ بروفه


ويارب لاتجعلّي مع الناقص إفراج
اللي قبل يجزم يشاور هنوفه

#بدر_النعيم الشراري

@badder2008

محمد العابر 30-09-2017 08:45 PM

رد: ياخذ بروفه
 
شهادة حق / قمة رائعة فالتصوير
ولا تصدر الا من شاعر ملهم
( ويزعج كثير الخلق كثرة حلوفه) كذا بدون توقف
(ودها) فيها ثقل طفيف على الشطر
صح لسانك
صدقت بعض البشر يتصدر المجلس بالهرج ويكثر الحلفان يشكك بروحه

اعجبني قوة هذا البيت
وان صار للوقفات مدخل ومخراج
لازم يكن شوي ياخذ بروفه

ههههه كنته وراه هنوفه

بدر النعيم 30-09-2017 09:24 PM

رد: ياخذ بروفه
 
حياك الله اخوي العابر نائب مديرنا العام المميز ومرورك وتعليقك بحد ذاته تميز لي ولا يضفي على كلماتي إلا جمالاً وإبداع آخر، بارك الله فيك والي تشوفه صح نعتبره صح 😘 ،،،وتعرف اليوم عاشورا وصيام وله تأثيره نسأل الله القبول الحسن ،، لاتنسى التقيمم 😂😂😂🌹🌹


الساعة الآن 11:28 AM

Powered by vBulletin® Version 3.8.7
Copyright ©2000 - 2017, Jelsoft Enterprises Ltd.
SEO by vBSEO 3.3.0

Ads Management Version 3.0.1 by Saeed Al-Atwi

HêĽм √ 3.1 BY: ! ωαнαм ! © 2010
جميع الحقوق محفوظة لمجالس قبيلة الشرارات