روابط مهمة  : |  استرجاع كلمة المرور  |  طلب كود تفعيل العضوية   | تفعيل العضوية

 
بسم الله الرحمن الرحيم,
ديوان شعراء قبيلة الشرارات
عدد الضغطات : 9,601
عدد الضغطات : 3,952
إظهار / إخفاء الإعلاناتلجميع الاعلانات ذات الحجم الصغير
عدد الضغطات : 7,088 عدد الضغطات : 11,231 مساحة إعلانيه
   
العودة   .:: مجالس قبيلة الشرارات ::. > [مجالس قبيلة الشرارات الأدبية ] > مجلس الشعر العامي للأعضاء ,,
مجلس الشعر العامي للأعضاء ,, يهتم بشعراء المنتدى ولا يسمح بنشر قصائد الغير
   
ملاحظة: الحقوق امانه ولا نحلل احد إلا بحفظ حقوق المنتدى من خلال ذكر المصدر

إضافة رد
   
 
LinkBack أدوات الموضوع انواع عرض الموضوع
#1 (permalink)  
قديم 15-10-2016, 04:43 AM
ناجي الصقار
عضو جديد
ناجي الصقار غير متواجد حالياً
لوني المفضل Cadetblue
 رقم العضوية : 10611
 تاريخ التسجيل : Oct 2014
 فترة الأقامة : 1163 يوم
 أخر زيارة : 06-11-2016 (07:28 PM)
 المشاركات : 15 [ + ]
 التقييم : 25
 معدل التقييم : ناجي الصقار is on a distinguished road
بيانات اضافيه [ + ]
Arrow مساجلة الشاعر عبدالله بن عبار و الشاعر ناجي الصقار




أسند الشاعر ناجي الصقار هذه القصيده للشاعر الكبير عبدالله بن عبار العنزي
قال الشاعر ناجي الصقار


عـبـدالـلـه بن عـبار يـــا طيب الـفـال *** ما نـامت العين وخطابــك زجـرها
قـمـت اتقـلـب عن يمين وعـن شمال *** عـلّ وعسى عـيني تجـافي سهرها

لكـن مقـامك عـالي وفـــوق الجـبـال *** حـرّم عـلـى عـيـني تـنـام وأمـرهـا
تسهـر ليـالي مـا تقـول السّهـر طـال *** وجسمي عـليـل اليوم لكن عـذرها

واجـب عليها لـو تدهـور بـي الحـال *** تـقـرا جـوابـك مـا يفـارق نـظـرهـا
من يوم شاعت بالخفا بعض الأقوال *** مـن زوّر الأنـسـاب والـي نـشرهـا

مـن زمـرةٍ سـارت بـدربٍ بـه وحـال *** وحـالي تـبـّدل يـوم سـرت بـأثرها
بــانت مـسـاويـهـا ولا بــــد يـنـقـال *** مـا لـوم ابـن عـبـار يــوم إحتقـرها

هــذا كــذوب وذا مـنـافـق ودجــــال *** وهذاك ساكت عن جريمه حضرها
فيهم أوايل وأشهــد ان فيهم رجـال *** ومنهـم كسب أمجـاد لـكـن خسرهـا

ومنهم تـمـادى بـالـخـطـايا ولا زال *** ومنهـم وقـع بـالحـفـره الي حفـرها
ماهُم بــلا ذمــه ولا فـيـهـم أنـــذال *** كـلٍ حـصـد مـن زرعـه الي بـذرهـا

ما جابهم أبليس في شـر الأعـمـال *** لـكـن غــواهُـم للـنـمـيـمه وذكـرهـا
معذور أبـن عـبار لا شـاف محتـال *** خـان الأمانـه والـحـقـيـقـه نـكـرهـا

يـهـدم قـصـورٍ شيّـدوها من رمـال **ويفضح نوايا السوء والي ضـمـرهـا
من نـاجي الصقـار لا جـاك مرسال**سـاعـة نـدم يزرع ويقطـف ثـمـرهـا

جيتك يابو مشعـل وبرقبتي عـقـال *** منك السموحه والقصص في عبرها
جيت أعتذر وابريك من سو الأفعال *** بعـض الفتن ما يـنـتـدارك خطرها


الشاعر ناجي الصقار

.


لمشاهدة وسماع القصيدة فيديو



.

وقال الشاعر الكبير عبدالله بن دهيمش بن عبار جواب لقصيدة الشاعر ناجي الصقار :

حي الجواب وحي من صاغ الأمثال *** حيـه عـدد رمـل الديار وشجـرهـا
مـن نـاجي الصقّـار كسّاب الأنـفـال *** يـا عـل بـقـعـا مـا يصيبه ضررهـا

لـك الـشكـر يا زاكـي الجـد والخـال *** حيثك عرفت الـلي القبيله غـدرهـا
لا تطيع الـلي هـرجه درابيك طبّـال *** شرواك تلفيـق العـلـوم ايخصرهـا

كانـه شمتني صاحب القيل والقـال *** وكـل العـلـوم الهابطـه مـا ذخرهـا
يشهد لي اللي من الـرجاجيل عقّـال *** الـلي مثـل نـدف القطاني شعـرها

قـلتـه ولا زال الحمايـل لـهـا أنجـال *** لكـن بعـضها أمجـاد جـدّه قـبـرهـا
الناس فيها عـفون وخـباث وأرزال *** وفيها حمايـل نفتخـر فـي فـخـرهـا

بالنـاس مـن يـدرك وبالنـاس جهّـال *** وأهـل الحسد ما تاجد اللي شكرهـا
النـاس يا ناجي بهـا أنـواع واشكال *** مـا عـاد نميّز شيخهـا من نـفـرهـا

وبالناس يا نـاجي سنـانيـر واثـعـال *** قـشر المبادي من عـرفها حـقـرهـا
والـلي بتحريف النسّب وهّم الضال *** وجحـد تواريخ الـرجـال اتخبـرهـا

أنساب عـنزه وضّحت عبر الأجيال *** والفعـل مـابـيـن القبـايـل شهـرهـا
عـيـال وايـل مـابـهـم شـك واجـدال *** ماهـو بخيـت الـلي يجـرّب قشرهـا

يـوم القبايـل بـيـنهـا حـرب واقـتـال *** تـشرا صداقتها ويخشى خـطـرهـا
رجالهـم هـوشه اليـا هـاش بهـبـال *** كن السكر صاب العقـول وخشرها

ياما بضنـا عـنـاز فـرسان وأبـطـال *** وأعـلام لـو عـديـتهـا مـا احصرها
أتعبت لهم الحال وأرخصت الأموال *** وانسابهم بالطرس نرسم شجرها


الشاعر عبدالله بن عبار
.


.

ورد الشاعر ناجي الصقار على قصيدة الشاعر الكبير عبدالله بن عبار


قال الشاعر ناجي الصقار

أبــدي بــذكر الله عـلام الأحــوال **** رب السما والأرض والي فطرها
ناديت أبو مشعل جوابه ولا طال *** بـالطيب والمعروف حـالي أسرها

وأرسلت اله من داخل القلب مرسال **** يارد بواديها وياصل حضرها
قلت السموحه خط مخطوطه وقال **** يـا نـاجي الـصقار طيبك جبرها

وفي ذمتي غايب ويطري على البال **** يكفيه شـر اللآيذات وضررها
الجـود والأمجاد وسـلوم الأبــطــال *** عبدالله بــن عـبار بـيـده سـبـرها

ونار الفتن تخشاه في كل الأحوال **** عن دار أبو مشعل وتأخذ حذرها
ما يسمع القالات لو شاف الأهوال **** من جــاتــه الـقـالـه بسيفه بترها

حاز الكرامه والكرم ما بها جدال ***** وسند على روس الجبال وعبرها
ماشي على دروب الصناديد رحال *** تصعب على غيره ويمشي وعرها

لا ما بكت عيني على ذيك الأطلال *** وما لـوم عيني لــو تحـدّر مطرها
ون كنت ماشي مع منافـق وطبال *** أو عُـصبةٍ تـاهـت ومعمي بـصرها

الـمـعــذره للصاحب التايـه الضّال ** مثلك مِن ذنـــوب الـقـرايـب عـذرها
والي غـوى جاهل والأعـداء جُهّــال ** أيــران قــــادتـهـم الى مـؤتــمـرها

في سوريا اعتادوا على ذبح الأطفال**وحتى اليمن بالسيف هدوا حجرها
فيهم خذوه الروس حذوه أو نعـال *** وفيهم ورى أمريـكا ويـاكـل بعـرها

وحالي مثل حال العرب دمها سال ** لـولا الملك سـلمان مـاحـدٍ نـصرها
أهـــدي تحياتي لـه إكبار وإجـلال ** ومني ل بن عـبــار بــاقــة زهــرها

الشاعر ناجي الصقار
.

.
لمشاهدة وسماع القصيدة فيديو



.


.


كلمات البحث






رد مع اقتباس
قديم 24-10-2016, 10:48 AM   #2 (permalink)
نواف النعيم
مشرف مجالس قبيلة الشرارات الأدبية


الصورة الرمزية نواف النعيم
نواف النعيم غير متواجد حالياً

بيانات اضافيه [ + ]
 رقم العضوية : 8530
 تاريخ التسجيل :  Feb 2012
 أخر زيارة : 29-08-2017 (01:31 AM)
 المشاركات : 8,698 [ + ]
 التقييم :  1078
 الدولهـ
Saudi Arabia
 الجنس ~
Male
لوني المفضل : red

اوسمتي

افتراضي رد: مساجلة الشاعر عبدالله بن عبار و الشاعر ناجي الصقار



صحت اللسنة الشعراء مساجلات شعريه جميله


 
 توقيع : نواف النعيم
يالله حسن الخاتمه


رد مع اقتباس
قديم 06-11-2016, 07:28 PM   #3 (permalink)
ناجي الصقار
عضو جديد


الصورة الرمزية ناجي الصقار
ناجي الصقار غير متواجد حالياً

بيانات اضافيه [ + ]
 رقم العضوية : 10611
 تاريخ التسجيل :  Oct 2014
 أخر زيارة : 06-11-2016 (07:28 PM)
 المشاركات : 15 [ + ]
 التقييم :  25
لوني المفضل : Cadetblue
افتراضي رد: مساجلة الشاعر عبدالله بن عبار و الشاعر ناجي الصقار



.


مشرفنا المبدع
نواف النعيم

صح بدنك ولا هنت يالنشمي





.


 


رد مع اقتباس
قديم 09-11-2016, 07:27 PM   #4 (permalink)
جمر الغضى
رحمه الله والى جنات الخلد


الصورة الرمزية جمر الغضى
جمر الغضى غير متواجد حالياً

بيانات اضافيه [ + ]
 رقم العضوية : 8039
 تاريخ التسجيل :  Sep 2011
 أخر زيارة : 09-05-2017 (12:24 AM)
 المشاركات : 2,786 [ + ]
 التقييم :  277
 الدولهـ
Saudi Arabia
 الجنس ~
Male
لوني المفضل : Crimson

اوسمتي

افتراضي رد: مساجلة الشاعر عبدالله بن عبار و الشاعر ناجي الصقار



صح لسان الشاعرين الجزلين
مساجله رائعه


 
 توقيع : جمر الغضى


رد مع اقتباس
   
إضافة رد

مواقع النشر (المفضلة)

الكلمات الدلالية (Tags)
مساجلة الصقار والعبار, الشاعر ناجي الصقار, ناجي الصقار
   
   


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 04:21 PM


Powered by vBulletin® Version 3.8.7
Copyright ©2000 - 2017, Jelsoft Enterprises Ltd.
SEO by vBSEO 3.3.0
Ads Management Version 3.0.1 by Saeed Al-Atwi

HêĽм √ 3.1 BY: ! ωαнαм ! © 2010
جميع الحقوق محفوظة لمجالس قبيلة الشرارات
  مجموعة ترايدنت العربية