المشاركة الأصلية كتبت بواسطة الماو رحم الله عايش الكذيبا وشكرا لك اخى العارم والشكر موصولا لابو خالد

عينت لي قلباً من أقصى الحشـى فـر=مع ما أعرف مع ما أدري من أي عربان
قالوا وزيتـه قلـت يمكـن ولـد بَـرْ=حيثه غشيني مـع مداحيـم الأضعـان
فوق أشقحاً عن زومة القفـر مـا طَـر=يرعى زهـر نـوار مختلـف الألـوان
ليلـة فراقـه حـط لـي بالعشـا مـر=نـوار مـا بيـن الرصيفـة وعَـمَّـان
والله لـدوره فـوق حـراً ولـد حــر=مالـي كلوفـة غيـر بنـدق ومحجـان

أرقبت وأدباش الملأ بالمضاحـي=مرقاب من يصبر على مثل غلي
على وهف ما هو قريباً مطاحـي=بلعاط عاز الطير للعـش ظلـي
ولقيت لي رسماً على الطي ماحي=جاري لناس قبل ما جاريـاً لـي
وأشوف قاد من الدميثاء وضاحي=وضعون تتليها جموعـاً تجلـي
وأشوف مع نجع الحبيِّب رماحي=على المهار من أسمر اللون ظلي
شدت على ضافي البراطم شناحي=بمركـب ترفـاه بلحـاف زلـي
يا ونتي ونـة جريـح بضاحـي=بالقيظ وأخلف النضـا ولا يدلـي
عليك يا راع الثمـان الملاحـي=حتى الموادع بيننا ما حصل لـي
يا بعد أن بينـي وبينـه مناحـي=الذيب أصم القلب منهـن يملـي
الدمع في راس الطويلة سلاحـي=والبصر بمروين الأرمـاح قلـي