.:: مجالس الموروث ماضيا وحاضرا ::.
بسم الله الرحمن الرحيم,
إظهار / إخفاء الإعلاناتلجميع الاعلانات ذات الحجم الصغير
عدد الضغطات : 14,239 مساحة إعلانيه

مجلس الشعر العامي للأعضاء ,, يهتم بشعراء المنتدى ولا يسمح بنشر قصائد الغير

اضافة رد
الصورة الرمزية فرحان قيران

فرحان قيران

شاعر

افتراضي هبوب النسانيس



هبي عليه يا هبوب النسآنيس =الصدر ضيقاته بدن يكتمني

قاعد كأني نمت مدري وساويس =قعدت مدري نمت مدري كأني

أحلام يقضه تيقض احلام اباليس =حتى بنات أفكارهم بالتبني

حلمت وأحلامي مجرد هواجيس =هاجوس يبعدني والآخريدني

ماغير انا وإبليس وعييل أبليس =وأبليس ماسك له ربابه يغني

هو بيت واحد يزعجه صوت جسيس =يقول في بيتً رموزه خذني

اللي يحم الجم عني مهو تيس =تراه عنز وردوا العلم عني

هذا العور رباب واحيان قديس =غرر ببوي آدم وجاء يمتحني

ارعف قلم واستسلمت له كراريس =يروي حلوم الليل يوم ازعجني

هدهد وفأر وسد مارب وبلقيس =وعرش وتحدي بين جني وجني

ومرًن دروب الحلم محبس محابيس =وللغايب الحاظرحلومي خفني

الليل قال الليل للظلم تكريس =الهم قال اركى علي وأمتحني

النوم قال النوم كله كوابيس =يا خلقي لاترحم اللي سجني

كان بعميق النوم رحتو ا غواطيس=تراي ما اذكر يوم نمت متهًني

قلت الصبر يقهر هل الكبر والفيس =واللي اقفن امس اليوم لك يقبلني

أنا بنومي تقل حدري دبابيس =والأخ في نوم الهنا يحسبني

والعذب من فعل البشر منبعه حيس =أنا ادري انه حلم لكن غبني

بالله يا حادي طوال النسانيس =علط الرقاب بدرهمتهن شعني

عج لي رقآب العيس ياحادي العيس =عجهن وخذ لك(جوهرة)شعرمني

تهدى مجالس كاسبين النواميس =اللي ركآب ضيوفهم ماتوني

ذولا مداويرً وذولا عواسيس =قلن بيوت اهل الكرم واحزنني

جزارة الحايل وفكاكة الكيس =حرام كان وجيههم فارقني

وجدي على اللي مثل فعل القرآنيس =وقت الهدد يافرعن وطلعني

تنهدي يالعامريه على قيس =حني على مافات لك ثم وني

ماعآد عنده لالعلا ولا ليس =عطآه جور الوقت رمح المطني

شوفي مهار القوم حوله كراديس =صفرً لمثل اليوم هذا تعني

مكشوف واقف والعدا بالمتاريس =حول أربعين اللي عليه طرقني

وبحاملأت الموت حمر المقاييس =كلً على راس الشعيره وزني

لكن لوأن وجيه اهلهن معابيس =أن ماكتب ربي فلا يذبحني

ليلى تقول القاع شرط وتضاريس =تمنًك دامك جيت ريع المغني

قلت اسكتي صارت علومك برابيس =وتذكري وقتً مضالك وحني

اليوم مابه حد مرسوم مأديس =الخيل في بيضاء نثيل لحقني

قالت وراك جيوش وأمه وفرًيس =وخيلً بحزات الخطر يسرجني

قلت آيه ذا جيش الفلس والدنافيس =جعله يروح وعقبها مايثني

أجسامهم كبر البقر والجواميس =وعضودهم عن كل جزله تكني

لو وزنهم بالطن خف القراطيس. =على الهبني ياحشود الهبني

يالعامريه نصف جيشي جواسيس =رجالهم بالكذب شاطر وفني

تؤخذ غلابا قبل خوفو ورمسيس =نيل المطالب مايجي بالتمني

أضيق واستاحش وأحس بحواسيس =والوج من حزنً قديًم سكني

يانمت قامن يندسني نواديس =ما يتركن ندسي يما يقعدني

والله ياليلى همومي بلا قيس =ياقبل سواد الليل تحاشكني

من كل شكل ولون ردن مراويس =وهن توهن قبل شوي تركني

يقول لي رجال من دون أحاسيس =عندك حنين الأب قلت أشهدني

قالوا قبل ياعضو حزب المكانيس =حتى الجمل ياضاف صدره يحني

الوقت هذا ظلم واضح وتدليس. =وإجحاف واستبداد شيعي وسني

الله على ذيك الليال المر أميس =اللي مشن عجلات ما ودعني

هالحين دون مواصفات ومقاييس =يأهدني حومي مسكني حمني

البارحه نكست الاعلام تنكيس =نكستهن حزن وضحية تجني

دنياي حدتني على النذل والهيس =وضيعًت هقواتي بخيبات ظني

أرسلت هقواتي وردن مفاليس =حذفتهن قدام بس عقبني

أضيق وآخذ نادر الشعر تنفيس =عن حسرتي عن ونتي يوم اوني

شعرً مهو لجة مهايط وتمقيس =برعت في معناه من صغر سني

شعر يدًرس كان للشعر تدريس =أصخر أبياته ولا يعجزني

أقابله تقليب بن المحاميس =وكًل يعرف إتقان حمسي لبنًي

غيري قصد يبغى مرافق لباريس =وانا ابي افضي خاطري يوم اغني

الموضوع الأصلي: هبوب النسانيس || الكاتب: فرحان قيران || المصدر: .:: مجالس قبيلة الشرارات ::.

كلمات البحث




التعديل الأخير تم بواسطة محمد العابر ; 08-05-2015 الساعة 12:23 AM
#2
الصورة الرمزية محمد العابر

محمد العابر

نائب المدير العام ومؤسس موسوعة الألغاز

شعرً مهو لجة مهايط وتمقيس =برعت في معناه من صغر سني

شعر يدًرس كان للشعر تدريس =أصخر أبياته ولا يعجزني

أقابله تقليب بن المحاميس =وكًل يعرف إتقان حمسي لبنًي

غيري قصد يبغى مرافق لباريس =وانا ابي افضي خاطري يوم اغني

صح لسانك يابو فيصل . لا والله ما تعسرك الابيات
اطربتنا وارويت ذائقتنا حفظك الله

عذراً لتأ خري بإنزالها بعد التعديل ظننت انني نقلتها هنا في حينه

تثبيت

تحياتي لك ،،

التعديل الأخير تم بواسطة محمد العابر ; 09-05-2015 الساعة 06:17 AM
#3
الصورة الرمزية فرحان قيران

فرحان قيران

شاعر

اقتباس:
المشاركة الأصلية كتبت بواسطة السـ(العابر)ـامر مشاهدة المشاركة
شعرً مهو لجة مهايط وتمقيس =برعت في معناه من صغر سني

شعر يدًرس كان للشعر تدريس =أصخر أبياته ولا يعجزني

أقابله تقليب بن المحاميس =وكًل يعرف إتقان حمسي لبنًي

غيري قصد يبغى مرافق لباريس =وانا ابي افضي خاطري يوم اغني

صح لسانك يابو فيصل . لا والله ما تعسرك الابيات
اطربتنا وارويت ذائقتنا حفظك الله

عذراً لتأ خري بإنزالها بعد التعديل ظننت انني نقلتها هنا في حينه

تثبيت

تحياتي لك ،،
الغالي ابوسامر صح بدنك شهاده اعتز بها والله يستحي اللي بوسط الشرارات يجيب لهم او يقدم لهم غير الجزل لأنهم جزلين كرم جزلين مرجله جزلين بكل حالاتهم القصيده هذي اعتقد انها 55 منقيه شعر حطيت بكفي 100 بيت وعزلت الجزل عن الهزل مثل ما تعزل الحنطه عن الشعير كله من شانك انت وامثالك من متذوقين الشعر (بنكهته الاصليه) لكن فيها دفن واجد (رمزية ) وكل انسان وتفسيره وتبي قرايه بتمعن وأكثر من مره اتمنى أكون انتزعت اعجابك وإعجاب اي شخص أخذت شي من وقته وقراها
ابيات الشعر شوارد صيد (ظبا) وانا ياهجن حقي منهن وانا اخوك يالقايده يا اللي ورآها ، (مغرور) ههههههههههههههه امزح ياكثر اللي يجي معهم فرحان قيران (شعر) باخر الطابور ،،، ملاحظه اخويا بؤ سام الله لا يهينك البيت السادس 6 والبيت الحادي عشر11 اعكس اخركلمتين فيهن (خفني) اخر كلمه بالبيت ال11 حطها بمكان خفني اخر كلمه بالبيت 6 و(خفني) اخر كلمه بالبيت السادس6 حطها بمكانها بالبيت 11 الله يطول عمرك اخوك نشبه هههههههههههههه ودعتك الله محبتي للجميع

التعديل الأخير تم بواسطة فرحان قيران ; 09-05-2015 الساعة 02:26 PM سبب آخر: خطا كتابه
#4

مشتي قبيل الشراري

شاعر

اخوي الشاعر/ فرحان قيران صح السانك

الظاهر انك ماتعوذ من ابليس حتى تنهي القصيده 0 قصيده رائعه في كل المقاييس0ابدعت ونت مبدع دائم انا اسمي هذي القصيده0 القصيده المجنونه0الله يطول بعمرك ويحفظك0 تقبل مروري

سبحان الله العظيم
#5
الصورة الرمزية فرحان قيران

فرحان قيران

شاعر

اقتباس:
المشاركة الأصلية كتبت بواسطة مشتي قبيل الشراري مشاهدة المشاركة
اخوي الشاعر/ فرحان قيران صح السانك

الظاهر انك ماتعوذ من ابليس حتى تنهي القصيده 0 قصيده رائعه في كل المقاييس0ابدعت ونت مبدع دائم انا اسمي هذي القصيده0 القصيده المجنونه0الله يطول بعمرك ويحفظك0 تقبل مروري



هههههههههههههههههه علني فداك يامشتي ابليس اللي اعنيه وعييله ما ينفع معهم شي الله له أراده راح يجازي كل نفس بما عملت يمكرون ويمكر الله والله خير الماكرين ومن ناحية القصيده اجتهد فيها لدرجه ماتوصف منقيه ماخليت من جهدي جهد عاد الحكم للي يتذوقون الشعر أمثالك الله يجزاك خير على شهادتك لي والاسم ( المجنونة ) لانها من راس مجنون شعر 55 عازلهن عزل أقرها اكثر من مره وراح تلقى فيها اللي يعجبك زياده ، مشكور اخوي مشتي على كل كلمه قلتها عني ، الهموم ارض خصبه لنوادر الشعر

#6
الصورة الرمزية سليمان العجيلي

سليمان العجيلي

شاعر


الشاعر القدير فرحان قيران الدهمشي

صح الله لسانك شاعرنا الكبير ابوفيصل جزله من جزل

دمت وادام الله هذا العطاء والابداع

تحياتي لك وللجميع










#7
الصورة الرمزية فرحان قيران

فرحان قيران

شاعر

اقتباس:
المشاركة الأصلية كتبت بواسطة سليمان العجيلي مشاهدة المشاركة

الشاعر القدير فرحان قيران الدهمشي

صح الله لسانك شاعرنا الكبير ابوفيصل جزله من جزل

دمت وادام الله هذا العطاء والابداع

تحياتي لك وللجميع









الغالي سليمان العجيلي صح بدنك تسلم ومشكور على كل كلمه قلتها عني دوم تساندني وترفع معنوياتي عساني ماخلا منك يابوفارس ومن ناحية الجزاله والإبداع كلمات يستحقهن انت وامثالك من الرجال تعلمت منكم أشياء واجد وماجيت هنا عبث ولا حبيت هالقبيله عبث ولا قلت كل اللي قلته فيها عبث تأكد اني ماقول شي الا أراهن عليه اصلا اللي يجي عندكم اذا مايقدم جزل يقعد عند أهله افضل والله ماقوله من شان شي لكن اقوله من قلبي واراهن عليه الله يمتعك بالصحه والعافيه انت ومن يقرا كلامي هذا ويوفقك لكل خير والشرارات محبتي لهم قديمه واعرف كل شي عنهم على شان كذا احرص باي شي اقدمه هنا يا جزل يأما أجيب شي ابد ، محبتي لك وللجميع

#8
الصورة الرمزية خاتم سليمان

خاتم سليمان

شاعر

اسعد الله مساك دايماً حضورك مميز

ارعـف قـلـم واستسلـمـت لــه كـراريـس
يــروي حـلـوم الـلـيـل يـــوم ازعـجـنـي


الله الله

عج لي رقآب العيس ياحـادي العيـس
عـجـهـن وخـــذ لك(جوهرة)شعـرمـنـي

تغيير مسار ي ابو فيصل وجزاله
لاتستغرب وعمق معنى

الـيــوم مـابــه حـــد مـرســوم مـأديــس
الخـيـل فــي بـيـضـاء نـثـيـل لحـقـنـي

من بيضا نثيل لـ ريع المغني صح الله لسانك
معنا ومغنا

دنيـاي حدتنـي علـى الـنـذل والهـيـس
وضيـعًـت هـقـواتـي بخـيـبـات ظـنــي
أرســلـــت هـقــواتــي وردن مـفـالـيــس
حـذفـتــهــن قــــــدام بــــــس عـقـبــنــي

الله لايخيب لك هقوه ويطول عمرك

شـعـر يــدًرس كـــان للـشـعـر تـدريــس
أصـــخــــر أبــيـــاتـــه ولا يــعــجــزنــي

وقبله تقول:
شـــعـــر يــتــلــه بــــــاس ويــعــدلــه راس
عـلــيــه تـوقـيـعــي وخـــتـــم اعــتــمــادي


اشهد لله انك مدرسه من مدارس الشعر الله يزيدك مما اعطاك
ودمت ودام بوحك واعذرني على قلت الدخول والله اني متابعك واقراء جديدك وقديمك وانا المستفيد جزاله ومتعه
بس العاصفه هذي^ لزمت علي الدخول
جل التقدير لك استاذي

[poem=font="Simplified Arabic,5,black,normal,normal" bkcolor="transparent" bkimage="" border="solid,4,gray" type=0 line=0 align=center use=ex num="0,black""]
ما شهرت اسمي على القاف الهزيل=والجزايل باسم خاتم كلها
[/poem]
#9
الصورة الرمزية فرحان قيران

فرحان قيران

شاعر

اقتباس:
المشاركة الأصلية كتبت بواسطة خاتم سليمان مشاهدة المشاركة
اسعد الله مساك دايماً حضورك مميز

ارعـف قـلـم واستسلـمـت لــه كـراريـس
يــروي حـلـوم الـلـيـل يـــوم ازعـجـنـي


الله الله

عج لي رقآب العيس ياحـادي العيـس
عـجـهـن وخـــذ لك(جوهرة)شعـرمـنـي

تغيير مسار ي ابو فيصل وجزاله
لاتستغرب وعمق معنى

الـيــوم مـابــه حـــد مـرســوم مـأديــس
الخـيـل فــي بـيـضـاء نـثـيـل لحـقـنـي


من بيضا نثيل لـ ريع المغني صح الله لسانك
معنا ومغنا

دنيـاي حدتنـي علـى الـنـذل والهـيـس
وضيـعًـت هـقـواتـي بخـيـبـات ظـنــي
أرســلـــت هـقــواتــي وردن مـفـالـيــس
حـذفـتــهــن قــــــدام بــــــس عـقـبــنــي

الله لايخيب لك هقوه ويطول عمرك

شـعـر يــدًرس كـــان للـشـعـر تـدريــس
أصـــخــــر أبــيـــاتـــه ولا يــعــجــزنــي

وقبله تقول:
شـــعـــر يــتــلــه بــــــاس ويــعــدلــه راس
عـلــيــه تـوقـيـعــي وخـــتـــم اعــتــمــادي


اشهد لله انك مدرسه من مدارس الشعر الله يزيدك مما اعطاك
ودمت ودام بوحك واعذرني على قلت الدخول والله اني متابعك واقراء جديدك وقديمك وانا المستفيد جزاله ومتعه
بس العاصفه هذي^ لزمت علي الدخول
جل التقدير لك استاذي



خاتم سليمان نواف محمد النصره ، أمل الشعر الشمالي الجزل حط اللي تبي هلا والله وغلا يشهد الله ماغبتوا عن بالي بكل وقت لا أبوك ولا انت ولا الأصدقاء من الشرارات سواء بمجالسهم هنا أوخارجها لكن صارت ضروف صعبه فيها اللي من الله واللي منه سبحانه ماوالله عمري تقبلته الا بالرضى آمنت بالقدر خيره وشره ان جاني خير شكرت وان جاني شر صبرت توفت وحده من بناتي وهذا شي للخالق مهو للخلق صحيح ان وفاتها هزتي بعنف لاني بشر بس ماطحت ولايمكن أطيح راح أموت واقف النخل مهو احسن مني كلنا مخلوقات ، اللي يزعل مهو امر الله اللي يزعل ظلم البشر للبشر وهذا من الخلق وأوكلت خالق الخلق بأخذ حقي من كل ظالم رب حرم الظلم على نفسه ماراح يسمح به لمخلوق ، ماودي أزعجك يانواف بس حبيت أوضح لك سبب غيابي لانك من اقرب الشعراء لقلبي ك شاعر وك رجل لماكنت خاتم سليمان ولما عرفت انك ولد محمد النصره الشاعر العلم ومن هالعائله الكريمة زادت محبتي لك ، وقبل أنسى ترى الأشرطة اللي سجلت لك محفوظات عندي وان راح لكم احد أرسلتهن معه ومن ناحية هبوب النسانيس قصيده من المطولات بس متعوب عليها وتبي واحد يقرأها بتمعن لانها محمله شعر ، الله يطول عمر أبوك وعمرك وعمر كل غالي عندكم غالين يانواف وانا لو أغيب سنين الغالي يبقى غالي بلغ الجميع سلامي ومحبتي للجميع


(( هواجيس ليل ))

ودعتك الله لو وداعك يامنى " وداع روح وجرح قلب ونزف عين

روحي لدار الخلد من دارالفنا " روحي بعد عمري هناك ولاتجين

روحي وانا كبدي لهبها له سنا " مع نار فقدك تلتهب نار السجين

ياسيدة روحي غلا يومك دنا " النازلين اليوم بكره راحلين

ودعتك الله يامنى وانتي ضنى " وموت الضنى يصرم قلوب الوالدين

والله ما عقبك بها الدنيا هنا " لكن ثباتي من ثبات المسلمين

ضيقه وحشرة صدر وإجحاف وعنا " من وين ماصديت ياربي تعين

والذكريات اللي بقن عقبك لنا " نظرة عيونك شوق يوم توًدعين

حرام مايفداك مخلوق الا انا " ياتالي أفراح الزمن لو تنفدين

مالي لزوم بمن مشى والا تنى " عندي تساووا مقبلين ورايحين

من القطع راع القطع مدري وش جنى " العالم الحيين بكره ميتين

يرحل فقير ويتبعه راعي غنا " وياكثر من راحوا وهم متزاعلين

لك يا آلهي حمد مع شكر وثنى " حنا عبيدك وانت رب العالمين

رحماك في قلبً على غالي حنا " مهو اعتراض ودمعته شوق وحنين

ادعوك ياخالق منى ترحم منى " انت المعين ولك لجى عبد المعين



اتمنى ما أ كون أحزنت أحد كم بيت عبرت فيهن عن مشاعري

وانا العبد المؤمن بماكتب ربه المحتاح لرحمته الفقير لمغفرته

لك الحمد ولك الشكر يامن لايحمد على مكروه سواه

التعديل الأخير تم بواسطة فرحان قيران ; 12-05-2015 الساعة 08:36 PM سبب آخر: خطأ كتابه
#10
الصورة الرمزية خاتم سليمان

خاتم سليمان

شاعر

اسال الله لها الرحمه والمغفره واحسن الله عزاكم وعظم الله اجركم يا ابوفيصل الله يجبر مصابكم ويطول عمرك على العز والحمد لله
على قضاء الله وقدره

[poem=font="Simplified Arabic,5,black,normal,normal" bkcolor="transparent" bkimage="" border="solid,4,gray" type=0 line=0 align=center use=ex num="0,black""]
ما شهرت اسمي على القاف الهزيل=والجزايل باسم خاتم كلها
[/poem]
إضافة رد

مواقع النشر (المفضلة)

الكلمات الدلالية (Tags)
خجو


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


Powered by vBulletin® Version 3.8.11
Copyright ©2000 - 2020, Jelsoft Enterprises Ltd.
Ads Management Version 3.0.1 by Saeed Al-Atwi
Search Engine Optimisation provided by DragonByte SEO v2.0.42 (Pro) - vBulletin Mods & Addons Copyright © 2020 DragonByte Technologies Ltd.
جميع الحقوق محفوظة لمجالس الموروث ماضيا وحاضرا