ياسعود والله لو تنحيت ياسعود=انت العلم من فوق مبني الوزاره
مادام راسك يافتي الجود موجود=من غيركم يفرض عليها الاداره
دربتها وطوعتها باربع اعقود=حتي اصبحت ياامير رهن الاشاره
يوم السياسه فوقها الحبل مشدود=وتحتاج شبلا فيه فهم ومهاره.
ياسعود من مثلك مع الناس محمود=قاد الوزاره واعتزي بالاماره
نفهم اذا كان الخبر عنك مردود=منشاه من قاد الذلول بجداره
سيف السياسه شذرته حد بالود=صلب القضا عن ميلته وانكساره
مجاهدٲ كنه علي حصان داوود=مواصلا ليله بتالي نهاره
ياماسرا الايام لو غطلست سود=وكلا عرف دربه علي ضوح ناره
شبلا مخضرم وان وقف كنه الطود=راسٱ بصولات العدا به جساره
فعله من الماضي الي اليوم مشهود=تاجٱ براس المجد والمجد كاره
مجدٱ من الوالد تبناه مولود=واسم الفخر بالباديه والحضاره
من والده فيصل علي منهل الجود=تسقيه موجات. البحور بغزا ه
وسعود عن شتي المخاليق به زود=شخصيته مع منصبه واعتباره
لو طالت الايام والعمر محدود=مازاد من عمره يزيد بوقاره
دام المعزب له تناظيم وبنود=ويعلم نتايج مربحه والخساره
تصدر مراسيمه علي خير مقصود=ولااحدٱ يعارض سيدي في قراره
واعفا الامير وريحه عقب مجهود=وقدر ظروفه بالعمل واستشاره
ونذكر جنابه كل ماذعذع النود=وراحة يمينه نعتبرها وزاره
لوهي لنا نجعل له الحبل ممدود= مادام حيٱ ماقبلنا اعتذاره
خطو الفتي لو راح ماهو بمفقود=لامن فوايد به ولامن نماره
ياخالقٱ عبده وهو خير معبود=رب الملا. في عزته واقتداره
تجعل ملكنا ابو فهد دوم موجود.=وتزيد في عمره يكمل مساره
عاش الملك دام الوطن سلم وخلود=حتي يجي بعث النبي بالبشاره
في رغد عيش وبامنها سهود ومهود=وراية هل العوجا عليها استاره
لهم العهد منا جماهير وجنود=ولهم الوفا منا صريح العباره
كلمة وفاوردت علي عد مارود=ورجلا كريم وموقعه بالصداره
حبوه خلق الله وخلق الله شهود=وارقبت مع غيري براس المناره
و راع الوفا منا ولاجاه منقود=وراع الجفا جافي ويسهح بداره
ختامها العمبر علي صافي العود=من صادر المنتج عليه استماره

الموضوع الأصلي: عايد رغيان الورده(والله لو تنحيت ياسعود) || الكاتب: الشراري || المصدر: .:: مجالس قبيلة الشرارات ::.