الشاعر ثاقل فالح المفالحه الشراري(من جيش ربعي)

[frame="2 50"]
&/ مــن جــيش ربعـــــــي /&

[poem=font="simplified arabic,6,black,bold,normal" bkcolor="white" bkimage="" border="none,4,gray" type=1 line=0 align=center use=ex num="0,black""]
ياراكب اللي ما أركضت بالميادين =ولا لوعوها مدورين الهديه
ترضع هجل ومجوده بين ضيرين=من خوف لا ينقص عليها مغذيه
ومعفيه يوم افردت بالربيعين=لما اقبلت بالوقم حول الثنيه
من جيش ربعي حافظينه من سنين=مجوده بالجيش ماهي شريه
نلحق عليها بالمغار المعادين=من فوقها نعوق بنت العبيه
بيها النظو ومردده بين جدين=اقصاهن وضيحان والنظو بيه
فجا نحر تبحل عقول البخينين=والكوع برز مايداني خويه
من الفرس تاخذ مع الاذن وركين=ومن الجمل هامه وعضداً رهيه
ومن الظبا تاخذ من الوصف نوعين=اخداعها وخشيم ريم البريه
عوصاء تهقوي راكبه للبعيدين=ممشا النهار تعقبه بضحويه
عوصاء تلافخ من سطرها المحاجين=اليا اروس المشوار بالمهمهيه
اتلا نهاره كن بيها شياطين=تجوض من رهراهةٍ جرهديه
من الجوف ياركابها خذ عناوين =وإسلم وسلملي على اهل الحميه
مع اهل الوفاء ربعي كرام ًوفيين=وبالطيب ربعي دوم بالاقدميه
ربعي نهار الكون قوماً ضريرين=ويشهد لسطوتهم وسيع الدويه
مني كلاماً لربوع العزيزين=دونك وعطهم من ضميري وصيه
ببلادنا ماتو حنا نزيلين=ابلادنا قبل السعود محميه
ابلادنا حميت بغال المثامين=جتنا بدفع ارواح ماهي عطيه
لا يهزكم يالربع هرج البغيضين=الريح ماتاخذ من الظلع طيه
بالحلم والحكمه وراي الفهيمين=وراس القلم امضا من البندقيه
والطب والتشخيص له مستشارين=والراي عند اهل الصدور الفضيه
وان مانفع لعق العسل للمريضين=اتلاء العلاج وخاتم الطب كيه
[/poem]
الشاعر / ثاقل فالح الشراري
[/frame]