.:: مجالس قبيلة الشرارات ::.

.:: مجالس قبيلة الشرارات ::. (http://www.banymaklab.com/vb/index.php)
-   ديوان الشاعر الكبير عايد رغيان بن ورده (http://www.banymaklab.com/vb/f60.html)
-   -   مرثية الشاعر عايد رغيان الورده بالاستاذ احمد عايد الخيال رحمه الله (http://www.banymaklab.com/vb/t66322.html)

شمالي1387 28-07-2014 05:14 AM

مرثية الشاعر عايد رغيان الورده بالاستاذ احمد عايد الخيال رحمه الله
 

ياونتي ونة خلوج المعاويد= ان شال جزار الضحايا حواره
تخم تال الذود عودا وترديد = وتذب في ركن المراح استداره
على صديقا سافر اليوم تأكيد =مشحاه في دار الفنا عن دياره
لا عاد ياعلم (ن) قبل ليلة العيد= عز الله انه شر ماهو بشاره
حضور عزرائيل حسب المواعيد= بالسبت حول المنتصف من نهاره
و اقفى بعزيز(ن) من خيار الاواليد = احمد ابن عايد وغيّر مساره
وفراق مثلك عند مثلي يابوزيد= كبوة بخت ياكبرها من خساره
عليك ذرفات المدامع مواريد= وقلبي كفخ لولا وراه الستاره
حلو النبا طبع الكرام الاجاويد =رمز الوفا شبل(ن) عفيف(ن) جواره
بالقول مايرمي على غير تسديد =وكف الخطا عن ابن عمه وجاره
ان جيت بالنخوه كما شامخ الحيد = شبل الرجال ومجلسه بالصداره
الجود من فعله ولاهو بتقليد = ماضاع طبعه مع رموز الحضاره
ياكبر فرجتكم على زيد وعبيد =والصبر لله في زمان المكاره
ياعل في دارك تمر الرواعيد =وتمطر على قبر الكريم بغزاره
وبل الثريا في هواها تخاديد =تحفظ محيطه ماتجيه الحراره
وينبت عليه من النواوير ويزيد =كل ما نوى ينشف تجدد خضاره
يا باكي الماضي اذا فات مايفيد =والله قضى في حكمته واقتداره
لله ماياخذ ولله مايريد = ونستغفر الله في صريح العباره

القاموس 28-07-2014 01:45 PM

رد: مرثية الشاعر عايد رغيان الورده بالاستاذ احمد عايد الخيال رحمه الله
 
صح لسان ابو سعد
وجزله من جزل
وسلمت يمين الناقل
ونسأل الله العظيم في هذه الساعة المباركة ان يغفر له
ويرحمه
ويعوضه الجنة

شمالي1387 29-07-2014 05:51 AM

رد: مرثية الشاعر عايد رغيان الورده بالاستاذ احمد عايد الخيال رحمه الله
 
اقتباس:

المشاركة الأصلية كتبت بواسطة القاموس (المشاركة 971528)
صح لسان ابو سعد
وجزله من جزل
وسلمت يمين الناقل
ونسأل الله العظيم في هذه الساعة المباركة ان يغفر له
ويرحمه
ويعوضه الجنة

صح بدنك مشرفنا العزيز القاموس

الله يسلمك من كل شر

اللهم آمين اسكن ابازيد فسيح جناتك


الساعة الآن 01:21 AM

Powered by vBulletin® Version 3.8.7
Copyright ©2000 - 2018, Jelsoft Enterprises Ltd.
SEO by vBSEO 3.3.0

Ads Management Version 3.0.1 by Saeed Al-Atwi

HêĽм √ 3.1 BY: ! ωαнαм ! © 2010
جميع الحقوق محفوظة لمجالس قبيلة الشرارات