.:: مجالس الموروث ماضيا وحاضرا ::.

.:: مجالس الموروث ماضيا وحاضرا ::. (http://www.banymaklab.com/vb/index.php)

- مجلس الشعر العامي للأعضاء ,, (http://www.banymaklab.com/vb/f22.html)

- - سحابت البارح (http://www.banymaklab.com/vb/t66194.html)

رد: سحابت البارح

الشاعر:سلطان سويلم الفليو
ي هلا الابداع والجزاله تكتمل بمرورك العطر
صح بدنك ولاهنت
تقديري لك

رد: سحابت البارح

السلام عليكم ورحمة الله وبركاته

وكل عام وأنتم بخير ومبارك عليكم رمضان

نواف النصرة

صح لسانك, لاشك أنك جذبت الأنظار منذا أول مشاركاتك وذلك بجزالة ماتقدم من درر وهذا ليس بغريب عليك خصوصًا بعدما أفصحت عن نفسك, نعمًا بك وبأبيك.

صح لسانك مرةً أخرى وطبت وطاب ما تقدم وإلى الأمام شاعرنا

تحياتي وتقديري

رد: سحابت البارح

وعليكم السلام ورحمة الله وبركاته
وانت بخير وصحه وعسى الله يكتب لك فيه الاجر
صح بدنك والجزاله تكتمل بمرورك العطر وماعليك زود ونعم بحالك
تقديري لك دمت بخير..

رد: سحابت البارح

اقتباس:

المشاركة الأصلية كتبت بواسطة خاتم سليمان (المشاركة 970267)

السلام عليكم ورحمة الله وبركاته
بارك الله لكم بشعبان وبلغكم رمضان وكل عام وانتم بخير اعزائي اعضاء هذا الصرح الشامخ
اتقدم لكم بالشكر الجزيل كافه على ماوجدته من حفاوه واهتمام اثناء كتباتي باسمي المستعار خاتم سليمان واخص بالشكر كلاً من الاستاذ المحيط والاستاذ الميزان والاستاذ علي بن نايف العنزي الذين اولو نصوصي الاهتمام البالغ كما اخص بالشكر الشاعر الكبير فرحان قيران الدهمشي
الذي كان له الفضل الكبير علي بالدافع المعنوي والاثر النفسي واشادة مثله وسام.
ولكم مني وافر التقدير والاحترام..
متواضعه ترتقي بكم

باح الحليم وجاد وبل المخيله=واقفى مع الهوجاس موال ولحون
من عوهلياً ماورد لثميله=فرايداً فيها من الحص مكنون
حي المهار الفارعات الجميله=ماهي على مقفى وطيب وموزون
الا على اللي كل ماننتحيله=نمتاز به معنى ونمتاز به لون
نارد ونصدح بالبيوت الجزيله=منهل وفى ولنا به العرف مرهون
سحابت البارح دهوماً ضليله=ماطت لثام المدمسه يالله العون
ياثقلها يامحترين الثقيله=ويازينها يوم اقبلت تغدق بهون
اسهر بها ليل الشقى وانتشيله=طاروق جذلاناً لها الصم يوحون
يميل بي نسناسها واستميله=ممنونتي وانا لها دوم ممنون
معشوقتي بين الرضى والفضيله=اعمي بك عيوناً واكحل بك عيون
انتي جميله والليالي طويله=سرجك وقار ورمح ماضيك مسنون
تثيقلي وانا علي ارتكيله=حملك ولو ضاق بفضى جودك الكون
غني ايلا بار العميل بعميله=نرخي لك المقبض ولا نقبل الدون
ماكل من حث القدم تستويله=غراً لروعتها هل العرف يصغون
(الحق ضلمى والمصقل دليله=ولاتنقضي حاجات من يتبع الهون)

نواف محمد النصره

تبارك الوهاب

الشاعر القدير

نواف محمد دويشر النصره

ليسا غريب ان تكون بداياتك بهذه الجزاله فأنت نشأت ببيئه شعريه وسمعت وجالست فطاحلة الشعراء بمجلس والدك اضافة الى والدك الشعار الكبير محمد محمد دويشر النصره

ويشهد الله بشهر الكريم اني اعجبت بأول مشاركه لك وانا لا اعلم من انت ومن تكون

صح السانك وعلا شانك فارعه شامخه وغير مستغربه

حفظك الله وبارك بيك

احترامي وتقديري

رد: سحابت البارح

الشاعر الجزل نواف النصره صح لسانك واعتلى شانك شاعر جزالتك ليست بغريبه عليك فاانت شبلاً من ذاك الأسد يعطيك الله العافيه عرفناك وتشرفنا بعرفك وسيبقى خاتم سليمان وساماً مشرفاً لصاحب الجزاله نواف النصره للأمام دائماً دمت بحفظ الرحمن

رد: سحابت البارح

اقتباس:

المشاركة الأصلية كتبت بواسطة خاتم سليمان (المشاركة 970519)

هلابك ازود ي ابو فيصل الله يسعدك ي زين شطحاتك تسوا سوالف عالم ازينها حقت راعي الدفاتر اللي تقول احسبه من حقين التعداد السكاني ههههههههههههههه عسى الله يطول عمرك على العز ويكبر شانك وماعليك زود وونعم بحالك يكفيني فخر ان فرحان بن قيران الدهمشي احد جماهيري هذي بحد ذاتها تخليني احسب الف حساب لكل بيت
لك جُل التقدير استاذي

خاتم سليمان . هلا وغلا . مارحت للرياض ياربي يافيه شعراء تدخل على الله اشوا نفعني اسمي فكني من من ها البليه يوم قلت اسمي انخرع وسلم علي من جديد مايدري اني ماعرف حتى اهجي احد لاني اكره شعر الهجاء ذنوبه واجد يكفينا ذنوب شعر الغزل وبالذات الوصفي يقولون حرام توصف جسم المراه قبل المطاوعة سمحين الحين ياربي يشوونك وانت حي العام قريت اعلان لمحاظره دينيه عند احدى الإشارات على لوحه قريتها بدون نظارات من كبرها نصها الدعوه عامه لحضور المحاظره الدينيه لفضيلة الشيخ فلان الفلاني بعنوان ((نارتلظى)) والله هذا عنوانها انخرعت بغيت اصدم من العنوان ويبوني اجي اللهم صلي وسلم على نبينا محمد اللي يقرا سيرته يتعجب ويتاكد من سماحة الاسلام . الشطحات واجد وأحسنهن شطحتي لاحمد عايض يوم تورطت وقلت له ان عندي 3 عيال اكبر منه وجلست ارقًع على شان اثبت له ان ماني كبير تموت ضحك موجوده هنا بس شطحه قديمه العمرقصًير يانواف مايمدي الانسان يكشًر الإهو متوفي . فيه شعر مجلس صعب ينشربحاول اسجله صوت وارسله لك عن طريق احمد عايض بختارلك منه ومن المنشور كوكتيل بكل أغراض الشعر وهذا هديه خاصه مني لك تستأهل تحياتي لك وللجميع

رد: سحابت البارح

المحيط
الله لايهينك ويعز شانك شهادة امثالك من المميزين وسام يسعدني ويهمني اطلاعك
صح بدنك ودمت بخير
فائق التقدير لك

رد: سحابت البارح

الشاعر القدير:عيد غانم
الجزاله تكتمل بمرورك المشرف يالجزال صح بدنك والله يعافيك الشرف لي يابو نجم الله يطول عمرك
دمت بخير لك فائق التقدير والاحترام

رد: سحابت البارح

استاذي ابو فيصل
ههههههههههههههههههههه والله مالومه يوم يسلم عليك من جديد عسى عمرك طويل ويشهد الله يابو فيصل اتشرف وبنتظارها وتستاهل الطيب الله يعز شانك
دمت بخير ودام بوحك

رد: سحابت البارح

نواف النصره

معشوقتي بين الرضى والفضيله=اعمي بك عيوناً واكحل بك عيون
انتي جميله والليالي طويله=سرجك وقار ورمح ماضيك مسنون
تثيقلي وانا علي ارتكيله=حملك ولو ضاق بفضى جودك الكون
غني ايلا بار العميل بعميله=نرخي لك المقبض ولا نقبل الدون
ماكل من حث القدم تستويله=غراً لروعتها هل العرف يصغون

صح لسانك أبدعت وأمتعت نص راقي جداً ,,,

دمت بخير ,,