.:: مجالس الموروث ماضيا وحاضرا ::.

.:: مجالس الموروث ماضيا وحاضرا ::. (http://www.banymaklab.com/vb/index.php)
-   مجلس الشعر العامي للأعضاء ,, (http://www.banymaklab.com/vb/f22.html)
-   -   سحابت البارح (http://www.banymaklab.com/vb/t66194.html)

فرحان قيران 28-06-2014 10:43 PM

رد: سحابت البارح
 
اقتباس:

المشاركة الأصلية كتبت بواسطة خاتم سليمان (المشاركة 970267)
السلام عليكم ورحمة الله وبركاته
بارك الله لكم بشعبان وبلغكم رمضان وكل عام وانتم بخير اعزائي اعضاء هذا الصرح الشامخ
اتقدم لكم بالشكر الجزيل كافه على ماوجدته من حفاوه واهتمام اثناء كتباتي باسمي المستعار خاتم سليمان واخص بالشكر كلاً من الاستاذ المحيط والاستاذ الميزان والاستاذ علي بن نايف العنزي الذين اولو نصوصي الاهتمام البالغ كما اخص بالشكر الشاعر الكبير فرحان قيران الدهمشي
الذي كان له الفضل الكبير علي بالدافع المعنوي والاثر النفسي واشادة مثله وسام.
ولكم مني وافر التقدير والاحترام..
متواضعه ترتقي بكم


باح الحليم وجاد وبل المخيله=واقفى مع الهوجاس موال ولحون
من عوهلياً ماورد لثميله=فرايداً فيها من الحص مكنون
حي المهار الفارعات الجميله=ماهي على مقفى وطيب وموزون
الا على اللي كل ماننتحيله=نمتاز به معنى ونمتاز به لون
نارد ونصدح بالبيوت الجزيله=منهل وفى ولنا به العرف مرهون
سحابت البارح دهوماً ضليله=ماطت لثام المدمسه يالله العون
ياثقلها يامحترين الثقيله=ويازينها يوم اقبلت تغدق بهون
اسهر بها ليل الشقى وانتشيله=طاروق جذلاناً لها الصم يوحون
يميل بي نسناسها واستميله=ممنونتي وانا لها دوم ممنون
معشوقتي بين الرضى والفضيله=اعمي بك عيوناً واكحل بك عيون
انتي جميله والليالي طويله=سرجك وقار ورمح ماضيك مسنون
تثيقلي وانا علي ارتكيله=حملك ولو ضاق بفضى جودك الكون
غني ايلا بار العميل بعميله=نرخي لك المقبض ولا نقبل الدون
ماكل من حث القدم تستويله=غراً لروعتها هل العرف يصغون
(الحق ضلمى والمصقل دليله=ولاتنقضي حاجات من يتبع الهون)

نواف محمد النصره


خاتم سليمان . نواف محمد النصره . هلابك هلا وغلا ونعم فيك وب النصره كلهم العائله العريقه المعروفة المشهوره طيب ومرجله وشعر وكل علم غانم . اولا والله اخجلتني بكلامك عني يشهد الله نك انت صاحب الفضل امتعتني بشعر ماكنت افكره موجود خاصه مع جيل الشباب كنت حزين على قرب انقراض الشعر((البلاتيني)) ان جاز التعبير واعني الشعر الحقيقي اللي لو تقرأه ليل نهار مأتمله الشعر اللي ياخذك برفق لين يوصلك للسحاب ويردك مكانك بكل هدوء لكنك اكثر سعاده . نواف ماتصًور سعادتي باول قصيده شفتها لك انا بحكم خبرتي الطويله اي قصيده اقرا اول بيت منها يا اكملها يا اتركها الشاعر الموهوب يبين من مشده من قريتها تركت مجلس الشعر وطلعت اعلنت عنها على الشريط ورجعت اقرأها نواف . انا ماحب الشعر بس انا اعشقه عشق باختصار الشعر هو الأكسجين اللي اتنفسه لي بالشعر نفسه قصايد سبك ذهب ماتصدق لو قلت لك ان اغلب القصايد المؤثرة تنزل معها دمعتي بدون ماحس ::: (مشاري ولا شوفك ليامن بغيت تروح : ترى إدنات ماحرك دموعي وبكاني) بيت بمشاري ولد مطلق الاسمر بيوم سفره لامريكا للدرسه موجوده كامله هنا الشعر تدري ليش اقوله وبالذات اخر الليل قبل أنام عشان اقدر أنام اعشقه لي ولغيري حتى شعري اذا سويت قصيده وطلعت من جوها استمتع فيها كان مهي لي اسم الشاعر مايهمني كبير صغير امير فقير قريب بعيد صديق عدوكله مايهمني المهم عندي يروي ضماي للشعروضماي ياهو ضماء له نواف . انا اشدت فيك وانا ماعرفك بس عرفت انك شاب وهذا ضاعف فرحتي فيك لانا قربنا لنهاية المشور استلمه لين ربي يبعث له موهوب مثلك صدق بالله من يومها اني انضميت لجمهورك وصرت من ادش ادورك فرحت انك حجمتني وحطيتني بحجمي الطبيعي شعريا . مرت علي فتره صابني غرور ان مافيه شاعر مثلي واني واني الخ نواف . حنا كيف تعلمنا وجهونا شعراء ما عندهم عقد ولاخوف ولا حسد مايكسًرون مجاديف موهبة شاعر شاب عبقري ولا يخافون انه يغطي عليهم ويهمشهم لاوالله يانواف اذا حسوا بموهبة شاعر دعموه وشجعوه ومسكوا يده لين يجلسونه جنبهم على القمه واذا لزم الامرقامواوجلسوه مكانهم وانا على دربهم على شان كذا شف الفرق بيني وبين اغلب الشعراء ولا اقول كلهم تدري ليش خلو قلبي من ((الحسد)) الافه اللي خلت الشاعر الموهوب المكروه الاول بأغلب المجالس انتبه نواف تعير لبشر اهتمام الا اللي تحس انه يحبك وهذاخلها لقلبك لان قلبك دليلك لمن يحبك واذا تبي تعرف اللي يحبك من اللي ما يحبك اذا كان عندك بنفس المجلس سهل تعرفه حتى لو يمدحك ركز (بعيونه) وانت تعرف ما بداخل صدره احس ان (العيون) سوادهن كميرات حساسه مسلطات على الصدر بثهن مباشر شاشتهن محاجرهن (بياضهن) وانت أفكاري لاتاخذها كلها بعضها خيال شاعر . أخيرا فرحت انك طلعت باسمك الصريح واعتقد قلت لك قبل شاعر مثلك لازم يطلع باسمه الحقيقي خوف على شعرك من السرقه اسم مستعار مهو توثيق لقصيده ممكن اي واحد يأخذهن بنفس اللقب بمكان ثاني ويقول الاسم المستعار هذا (خاتم سليمان) انا اكتب به من سنين والشهود جاهزين بوقتنا هذا بطاقة شحن سوا 50 واحيان اقل يجيك شاعر(سفري) للبيت . بقى سؤال أبوك هو الشاعر محمد النصره اللي دخل علي بقصيدة (صبرالمهادي) وقال انه يتابعني حتى لومادش وسؤالي هذا شخصي بعيد عن الشعر لاني عطيت رايي فيك قبل اعرف اسمك الصريح اعطيته ب(خاتم سليمان) . نواف بقت كلمه أوبالأصح دعاء . الله يحميك من كل حاسد وحاقد ويطول عمرك ويحرسك لشبابك .المعذرة طولت عليك السالفة لكنك تستأهل تحمل من قال لك تمدحني هههههههههههههههههه محبتي لك

خاتم سليمان 30-06-2014 01:20 AM

رد: سحابت البارح
 
هلا مستشارنا ابوسامر
صح بدنك والروعه تكتمل بمرورك العطر
لك تقديري

خاتم سليمان 30-06-2014 01:22 AM

رد: سحابت البارح
 
يا هلا والله يحييك ي ابو فيصل
يعلم الله ان اطلاعك وكلامك عني انه يسعدني ويشرفني بعيد عن المجاملات انت احد قمم الشعر الشهاده منك وسام الله يبيض وجهك فيك تواضع غريب يابو فيصل تقول ان واحد من جماهير نواف وانت سابق نواف بمسافه طويلة جداً منك استفيد
شرفتني الله يطول عمرك وبالنسبة لسؤالك عن محمد دويشر النصره نعم هو ابوي الله يطول عمره
فائق التقدير والاحترام لك استاذي

بسومه 30-06-2014 03:19 AM

رد: سحابت البارح
 
http://www.albdoo.info/uploaded2008/3/11205944675.gif
http://www.almizany.info//uploads/im...65c1687484.gif

فرحان قيران 30-06-2014 08:33 PM

رد: سحابت البارح
 
اقتباس:

المشاركة الأصلية كتبت بواسطة خاتم سليمان (المشاركة 970480)
يا هلا والله يحييك ي ابو فيصل
يعلم الله ان اطلاعك وكلامك عني انه يسعدني ويشرفني بعيد عن المجاملات انت احد قمم الشعر الشهاده منك وسام الله يبيض وجهك فيك تواضع غريب يابو فيصل تقول ان واحد من جماهير نواف وانت سابق نواف بمسافه طويلة جداً منك استفيد
شرفتني الله يطول عمرك وبالنسبة لسؤالك عن محمد دويشر النصره نعم هو ابوي الله يطول عمره
فائق التقدير والاحترام لك استاذي



خاتم سليمان . نواف محمدالنصره . هلا وغلا . والله اني صادق تراي جد ماعرف (تواضع) مدري وشو احسها كلمه بعيده عني يشهد الله ماعمري بلحظه حسيت بغرور من بديت الشعر للحين اذا دشيت مجلس وعرًف بي أحدالشاعرفرحان قيران والله اتنرفز ودي ارجع اعضه مثل (سواريز) ههههههههههههه اهب تقل كلب ان طوًل أتوقع يأكل له لاعب تصوريلقى (الشلهوب) يزغده بلقمه والحكم ماسك رجليه يجره يبي يطلعه . فريق مايركز على البناء الجسماني ما تمشي حاله ياربي يالعيبتنا تقل جرابيع وش يسوون مع هالبعارين :: هههههههههههههههه شطحت خذ يانواف قاعد اشوف مباراة نيجيريا وفرنسا وخشيت بها لا وتقول تواضع . هذا انا على حقيقتي الانسان البسيط اللي رافع الجام وساحب على نياتكم ترزقون .نجي للجد والله اني من جمهورك شاعر يشوف نفسه وصل القمه ماعنده سالفه يقعد طول عمًره يراوح مكانه(فرنسا سجلوا قول)شطحه خفيفه ودام أبوك يانواف محمد النصره (ونعم بشاربه) وش تبي بالنهر والبحر عندك اتبع دربه واسمع نصايحه خلك عنه على شوف الدربيل (طبعا شعر) ان قربت له ضيعك يحرقك واسحب لين تكون شخصيتك الشعريه الخاصة بك وتصير معه ند لند هنا قرًب له عادي لاتمل ثابر تراك بتبطي ماقربت له الله يخليك له انت واخوانك ويديمه على روسكم . نواف أمانه معك حب لي راسه ::::::: بلغ سلامي للجميع نواف بعد ما رفعتها رجعتها تدري ليه ابي أعلمك ان فرنسا سجلوا الثاني ههههههههههههههههههههه والمباراة انتهت خذ مني الشعر غيره لك الله . محبتي

خاتم سليمان 30-06-2014 10:49 PM

رد: سحابت البارح
 
حياك الله ابتسام وصح بدنك
اسعدني اطلاعك الجزاله تكتمل بمرورك
تقدير لك

خاتم سليمان 30-06-2014 10:50 PM

رد: سحابت البارح
 
هلابك ازود ي ابو فيصل الله يسعدك ي زين شطحاتك تسوا سوالف عالم ازينها حقت راعي الدفاتر اللي تقول احسبه من حقين التعداد السكاني ههههههههههههههه عسى الله يطول عمرك على العز ويكبر شانك وماعليك زود وونعم بحالك يكفيني فخر ان فرحان بن قيران الدهمشي احد جماهيري هذي بحد ذاتها تخليني احسب الف حساب لكل بيت
لك جُل التقدير استاذي

سالم مقبول 01-07-2014 03:42 AM

رد: سحابت البارح
 
اقتباس:

المشاركة الأصلية كتبت بواسطة خاتم سليمان (المشاركة 970267)
السلام عليكم ورحمة الله وبركاته

بارك الله لكم بشعبان وبلغكم رمضان وكل عام وانتم بخير اعزائي اعضاء هذا الصرح الشامخ
اتقدم لكم بالشكر الجزيل كافه على ماوجدته من حفاوه واهتمام اثناء كتباتي باسمي المستعار خاتم سليمان واخص بالشكر كلاً من الاستاذ المحيط والاستاذ الميزان والاستاذ علي بن نايف العنزي الذين اولو نصوصي الاهتمام البالغ كما اخص بالشكر الشاعر الكبير فرحان قيران الدهمشي
الذي كان له الفضل الكبير علي بالدافع المعنوي والاثر النفسي واشادة مثله وسام.
ولكم مني وافر التقدير والاحترام..
متواضعه ترتقي بكم


باح الحليم وجاد وبل المخيله=واقفى مع الهوجاس موال ولحون
من عوهلياً ماورد لثميله=فرايداً فيها من الحص مكنون
حي المهار الفارعات الجميله=ماهي على مقفى وطيب وموزون
الا على اللي كل ماننتحيله=نمتاز به معنى ونمتاز به لون
نارد ونصدح بالبيوت الجزيله=منهل وفى ولنا به العرف مرهون
سحابت البارح دهوماً ضليله=ماطت لثام المدمسه يالله العون
ياثقلها يامحترين الثقيله=ويازينها يوم اقبلت تغدق بهون
اسهر بها ليل الشقى وانتشيله=طاروق جذلاناً لها الصم يوحون
يميل بي نسناسها واستميله=ممنونتي وانا لها دوم ممنون
معشوقتي بين الرضى والفضيله=اعمي بك عيوناً واكحل بك عيون
انتي جميله والليالي طويله=سرجك وقار ورمح ماضيك مسنون
تثيقلي وانا علي ارتكيله=حملك ولو ضاق بفضى جودك الكون
غني ايلا بار العميل بعميله=نرخي لك المقبض ولا نقبل الدون
ماكل من حث القدم تستويله=غراً لروعتها هل العرف يصغون
(الحق ضلمى والمصقل دليله=ولاتنقضي حاجات من يتبع الهون)


نواف محمد النصره

ونعم بنواف وبأبوه الشاعر القدير محمد النصره
الإبداع من أهله لايستغرب
شاعرنا المتميز نواف .. صح لسانك وفكرك المتميز ماشاء الله تبارك الله
على هذه الجزله والتي لاتقل عن سابقاتها بالجزالة والإبداع والمفردة المتميزة والتدفق الشعري الممتع
ولاغرابة في ذلك .. نسعد بهذا الحضور وهذا المداد لتلك المدرسة الشعرية
حفظكم الله جميعا
تقديري لك
،،

سلطان الفليو 02-07-2014 01:09 AM

رد: سحابت البارح
 
الشاعر // نواف محمد النصره
ابداع وتوهّج وتألق لايستغرب منك وصح لسانك على هالجزاله
ابهرتنا ماشاء الله عليك بصياغتها وابداعك بها
تمنياتي لك بدوام التوفيق والتألق ونطمع منك بالمزيد
اطيب واجل التحايا لك
أخوك / سلطان سويلم الفليو

خاتم سليمان 02-07-2014 04:27 AM

رد: سحابت البارح
 
الشاعر القدير:سالم مقبول
حياك الله وماعليك زود ونعم بحالك
وصح بدنك اسعدني مرورك العطر
تقديري لك


الساعة الآن 10:52 AM

Powered by vBulletin® Version 3.8.11
Copyright ©2000 - 2020, Jelsoft Enterprises Ltd.

Ads Management Version 3.0.1 by Saeed Al-Atwi

Search Engine Optimisation provided by DragonByte SEO v2.0.42 (Pro) - vBulletin Mods & Addons Copyright © 2020 DragonByte Technologies Ltd.
جميع الحقوق محفوظة لمجالس الموروث ماضيا وحاضرا