.:: مجالس الموروث ماضيا وحاضرا ::.
بسم الله الرحمن الرحيم,
إظهار / إخفاء الإعلاناتلجميع الاعلانات ذات الحجم الصغير
عدد الضغطات : 14,108 مساحة إعلانيه

مجلس الشعر العامي المنقول والنثر والخواطر يختص هذا القسم بنقل قصائد الشعراء من خارج المنتدى ومجلس النثر والخواطر

اضافة رد
الصورة الرمزية طالب الأسمر

طالب الأسمر

المستشار الخاص للمجالس

افتراضي مهرة القاف




وقّف نبي نبكي على بعض الأطلال = شـاهـد عصـر عـبر الليال الطويلة
'
دامـگ عزفـت وخاطري "جـر" موال = شلها معي يانايـح الطـلـح شيلـةه.

تـعـال نـبغـاهـا "كذا "فضفضة بال = بـيـن الـزمن .. والـذكـريـات الجـميله

مادامها صارت عريضات وطوال = السيل خلّه ينحدر مع مسيله..!

به جتك وديانه من الجال ل الجال = مضراب سرّاياً بعيدٍ مخيله

من فوق حدّر به تحت تقل شلال = ب الارض سوّت مجرياته نثيله

الشّعر له ب قلوبنا البيض منزال = لو مايجينا ..في مكانه نجي له

ان صب من غيم التفاكير همّال .! = نترك غثاه.. ونرتوي سلسبيله..

ب الليل نثني مهرة القاف ب حبال = والصبح تلحق موميات الجديله..

الحرف نلبس له من العرف سربال = وان ماعجبنا ...للتقاعد نحيله..!

يابوبشير السالفه حالها حال..! = ناسٍ تميل ..وتحتري منك ميله

ناسٍ تشكل مع هواها تشكاّل..! = كلمة"منافق"في بعضهم قليله

يدخل آليا حصّل له ادناة مدخال.! = يقتل ويمشي في جنازة قتيله

حتي ب مجلسهم ولو كله أزوال .! = مافيه نفس ٍفيه ..ماهي ثقيله

مابين وش ماقال وفلان وش قال.! = تظهر حكايات الف ليله وليله..!

وهذي تجي غيبه رساله ب جوال = ان ما لقت غير الرساله ..وسيله..!


راحـت سـوالـف مـرحبا كيف الاحوال = صارت لها " كم في رصيدگ" بديله

مـاهـمّـهم حـظ القـبيـلةه الـيـا مـال = ولايفـرحـون ان قـام حـظ القـبيله !




للشاعر / صالح المنيع الشراري
الموضوع الأصلي: مهرة القاف || الكاتب: طالب الأسمر || المصدر: .:: مجالس قبيلة الشرارات ::.

كلمات البحث




لا شيء ... يستحق !!

.
.
.


سبحان الله وبحمده ..... سبحان الله العظيم
التعديل الأخير تم بواسطة طالب الأسمر ; 10-06-2014 الساعة 04:27 PM
#2
الصورة الرمزية سيف النهار

سيف النهار

عضو ذهبي

صح لسان الشاعر/صالح المنيع الشراري

والشطر الاخير اوجعني

شكرا على نقل الابيات

تحياتي وتقديري

#3
الصورة الرمزية فرحان قيران

فرحان قيران

شاعر

قفا نبك من ذكرى حبيب ومنزل :: مطلع معلقة امرؤالقيس اللاميه :: وقف نبي نبكي على بعض الأطلال :: مطلع مهرة قاف صالح المنيع اللاميه ::: شفتوا كيف سعة خيال الشاعر بالمشد بس الله الله الله يالشعر انك سحر حلال اذا لقيت من يكتبك بهالطريقه ابوعزام خشمك على هالدره زين جبتها انا أتابع الاسم هذا بشغف وين ماراح تكفون بالنشاما قصيده مثل هذي ثبتوها تثبيت مؤبد افييييييه أقلعت مع هالقصيده اخذتني بعيد يالله ارجع صح لسان شاعرها وسلمت يمين ناقلها . ما يجيك الوجع ياخوي ياسيف النهار الحنطة ((القمح)) مايعذربها التبن هي تنفع البشر وهو بعد ينفع الحيوانات . تحياتي واحترامي للجميع

التعديل الأخير تم بواسطة فرحان قيران ; 09-06-2014 الساعة 12:11 AM
#4

المحيط

عضو مُميز

مهرة معنقيه من اصايل الخيل وفارسها الشاعر القدير صالح علي المنيع

الله الله

صور ابداعيه التقطت بحرفنه وبلاغة وصفيه وارسال واسترسال اخذنا معه بسعة خيال خصب وواسع الأفق هكذا الشعر مغنا ومعنا بحرفنه لايجيديها سوأ شاعر متمكن من الشعر الحقيقي

صح السان ابو بدر

والف شكر للشاعر طالب الاسمر على اتحافنا بتلك الدررره

تقديري

#5

القاموس

مشرف مجالس موارد و مراعي الشرارات بوادي السرحان

صح لسان الشاعر
وسلمت يمين الناقل
والناس اجناس منذ ان خلق الله هذا الكون
وسيبقون هكذا الا من هداهم الله
اللهم اصلح قلوبنا واعمالنا

إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


Powered by vBulletin® Version 3.8.11
Copyright ©2000 - 2020, Jelsoft Enterprises Ltd.
Ads Management Version 3.0.1 by Saeed Al-Atwi
Search Engine Optimisation provided by DragonByte SEO v2.0.42 (Pro) - vBulletin Mods & Addons Copyright © 2020 DragonByte Technologies Ltd.
جميع الحقوق محفوظة لمجالس الموروث ماضيا وحاضرا