.:: مجالس الموروث ماضيا وحاضرا ::.
بسم الله الرحمن الرحيم,
إظهار / إخفاء الإعلاناتلجميع الاعلانات ذات الحجم الصغير
عدد الضغطات : 13,901 مساحة إعلانيه

مجلس الشعر العامي للأعضاء ,, يهتم بشعراء المنتدى ولا يسمح بنشر قصائد الغير

اضافة رد
الصورة الرمزية خلف الأسيد

خلف الأسيد

شاعر ومستشار خاص للمجالس

افتراضي مسيار الطريق

[poem=font="traditional arabic,7,black,bold,normal" bkcolor="gray" bkimage="" border="outset,5,darkred" type=2 line=0 align=center use=ex num="0,black""]


رسمت خارطة الطريق المهمه = وابلغتها للشارهين بقراري
لاصار رجلي ماتسير ل قمه = مفروض اقدم للطريق اعتذاري
واجنب الواطي ولااروح يمه = حتى ولو قضيت عمري بداري
وش لي بهيلمة الزمان وملمه = وبعدي عن الذله يزيد اعتباري
ياشمس قولي للمساء طاح كمه = وجه العتيم وحددي له مساري
ادركت مدح الوقت وادركت ذمه = واخطيت بالشاره وصبت المحاري
وارويت من بير المثايل وجمه = سيف القصيد ومرهفات الشباري
تعبت وانا انثر خطايه ولمه = واساير الخطوه وجامل وادري
ياشمس ما لليل مذهب وذمه = ياكثر ماضيق علي المساري
طالت مشاويره وانا اشيل همه = اسهر وفكري بين بايع وشاري
يحدني صوب الوجيه المرمه = اللي تحسب اني على الذل ضاري
وانا الى جت هايمه مدلهمه = اقف لها مثل السباع الضواري
ماني بهذار المجالس وعمه = اللي تواروا في نهار الطواري
قصر الردا جعل العواصف تطمه = وتذرا عليه من الرياح الذواري
جيته وشفت الذل مرتع ملمه = ماجيت له جايع ولاجيت عاري
ولاصار رجلي ماتسير ل قمه = مفروض اقدم للطريق اعتذاري


[/poem]
الموضوع الأصلي: مسيار الطريق || الكاتب: خلف الأسيد || المصدر: .:: مجالس قبيلة الشرارات ::.

كلمات البحث




[poem=font="Traditional Arabic,6,blue,bold,italic" bkcolor="white" bkimage="" border="double,6,gray" type=1 line=0 align=center use=ex num="0,black""]
واللي خلق هالكون كله وسواه=ماقلت شعري لجل ينقال شاعر
قلته من ظروف الزمن والمعاناه=هذا سبب شعري وبوح المشاعر
[/poem]



isf0@hotmail.com
#2
الصورة الرمزية الريشاوي

الريشاوي

عضو ذهبي


[overline]يحـدنـي صــوب الوجـيـه الـمـرمـه _____ اللي تحسب اني على الذل ضـاري[/overline]

ههههههههههههههههههههه

والله ان هالبيت لحاله .. يكفي
صححححح لسسسسانك .. وعلأأأ شانك ../ ابو مزهــر
أنت أصلاً في قمــة !! وشلوون تسيّر ل، قمة ؟؟
صدقت .. اللي مايقدر مقام ابو مزهر .. اخصره ..ولكنه فالدنيــا
كل بيت افضل من سابقه ..
عوايدك الجزاالة وانت من شعراائها ..
دمت لنا ,, وتقبل أحترامي وتقديري ~~


#3
الصورة الرمزية سيف النهار

سيف النهار

عضو ذهبي

الشاعر القدير وهرم الشعر ابو مزهر

صح لسانك وبوحك

والقمه انتم لها وتستحقونها بجدارة

تحياتي وتقديري

#4
الصورة الرمزية فرحان قيران

فرحان قيران

شاعر

اقتباس:
المشاركة الأصلية كتبت بواسطة خلف الأسيد مشاهدة المشاركة
[poem=font="traditional arabic,7,black,bold,normal" bkcolor="gray" bkimage="" border="outset,5,darkred" type=2 line=0 align=center use=ex num="0,black""]


رسمت خارطة الطريق المهمه = وابلغتها للشارهين بقراري
لاصار رجلي ماتسير ل قمه = مفروض اقدم للطريق اعتذاري
واجنب الواطي ولااروح يمه = حتى ولو قضيت عمري بداري
وش لي بهيلمة الزمان وملمه = وبعدي عن الذله يزيد اعتباري ياشمس قولي للمساء طاح كمه = وجه العتيم وحددي له مساري
ادركت مدح الوقت وادركت ذمه = واخطيت بالشاره وصبت المحاري
وارويت من بير المثايل وجمه = سيف القصيد ومرهفات الشباري
تعبت وانا انثر خطايه ولمه = واساير الخطوه وجامل وادري
ياشمس ما لليل مذهب وذمه = ياكثر ماضيق علي المساري
طالت مشاويره وانا اشيل همه = اسهر وفكري بين بايع وشاري
يحدني صوب الوجيه المرمه = اللي تحسب اني على الذل ضاري
وانا الى جت هايمه مدلهمه = اقف لها مثل السباع الضواري
ماني بهذار المجالس وعمه = اللي تواروا في نهار الطواري
قصر الردا جعل العواصف تطمه = وتذرا عليه من الرياح الذواري
جيته وشفت الذل مرتع ملمه = ماجيت له جايع ولاجيت عاري
ولاصار رجلي ماتسير ل قمه = مفروض اقدم للطريق اعتذاري


[/poem]



سلام عليكم . خلف الاسيد واحد من اهم الشعراء مهما قلت عن هذا الرجل لن اوفيه حقه من ناحية الشعريعلم الله اني اقل من تقييمه وش تقول بشاعرعارف وش يبي وعارف وش يقول خلف الاسيد من احب الاسماء واقربها لقلبي من سنين اتابعه هو أمدالله بعمره والأديب سليمان الأفنس رحمه الله كل ميزات ابو مزهر تعجبني لكن بختارميزه وحده ((شموخه)) أوعلى قولتنا مايوطيها سهل يعجني الشاعر الرجل مثل ابو مزهر وجوده إثراء لساحة الحقيقي الشعر وإغراء لكل متذوق شعر أرويتنا شعر وتأكد انك ماراح تروح لقمًه لانك انت القمه . محبتي لك

#5
الصورة الرمزية سليمان العجيلي

سليمان العجيلي

شاعر

الشاعر الكبير / خلف الاسيد الشراري
صح الله لسانك شاعرنا القدير ابومزهر مواقفك الكبيره والمشرفه هي من وضعتك بالقمه يالاسيد
وتاريخك المشرف مع ربعك ومع جيراننا هي من اوصلتك القمه لا اقولها مجامله لاوالله لكن كلمه الحق واجبه على كل مسلم
فأنت ياشاعر المواقف المشرفه لا تأتي الا بماهو مشرف كثر الله من امثالك شاعرنا الجزل والكبير
تحياتي وتقديري لشخصك الكريم









التعديل الأخير تم بواسطة سليمان العجيلي ; 07-06-2014 الساعة 01:33 PM
#6

القاموس

مشرف مجالس موارد و مراعي الشرارات بوادي السرحان

صح لسانك


وليس غريباً منك هذا الإبداع


فقد أعجبتني تلك الأبيات بقوّتها وجميل محتواها ومضمونها


وذكّرتني ببعض المواقف التي تمرّ بنا بين الحين والآخر




جاريت بحروفي مسارالمهمّه
خطّة خلف إبن الأسيد الشّراري



كنّه يجمّع بين همّي وهمّه

قولاً صحيحاً وأدعمه باختصاري





من واقع سنين الحياة الملمّه
ومن ناتج افكار الرّجال الكباري




هديّةٍ منزالها راس قمّه
نقيت له من درّها والثماري




توجّهت عبر المراسيل يمّه
وانا أدري انّه قبل ماوصيه داري




دنياك بيراً راهياً في مجمّه
ثلثه قراح وجمّ ثلثين صاري




وللحيّ وإن طالت لياليه ظمّه
واللّي كتبه الله لا بد جاري




أد الفروض وكل واجبك تمّه
وإحسب حساب لموقفك وانت عاري




وإتعب بدرب الخير والشّر دمّه
مادام لك حريّة الاختياري




واللّي يعدّ امجاد خاله وعمّه
وهو ضايعاً كبّه ولو جاك شاري




واللّي يبيع الدّين وأبوه وأمه
حذراك من عدّه خويّاً مباري




الداب يسري داخل الناب سمّه
لو ملمسه ناعم وبين الصغاري




وبالقيض لاتارد على غير جمه
ولا تعتمد على لميع الخباري




ولا تشتكي وقتك على كل رمّه
ولا تستمع غير الصحيح النقاري




وأبعد عن اللّي ضيقتك ماتهمّه
لو هو قريبك جنّبه ! لاتداري




واطلب لعل اهل النفوس المرمّه
تغور مع عصف الرّياح الذواري




لاصار مالهم بالمواثيق ذمّه
ولا يرفعون انفوسهم للوقاري




جنّب ورح لأهل النفوس المشمّه
جمع الرّجال الطّيبين الحراري




واعرف ترى الأيّام صحواً وغمّه
وكم ليلةً زان الزّمن واستداري




وقتاً يناحينا على كل يمّه
متقلّباً بين الحلا والمراري




احيان فيه الكارثة والمطمّه
وايّام تلقى للسعادة مواري




موجز نتاجي بالحياة الملمّه
مع مدرسة فكر الرّجال الكباري




وختامها صلّوا على سيّد أمّه
اللّي حديثه في صحيح البخاري





وتقبلوا احترامي وتقديري

إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


Powered by vBulletin® Version 3.8.11
Copyright ©2000 - 2020, Jelsoft Enterprises Ltd.
Ads Management Version 3.0.1 by Saeed Al-Atwi
Search Engine Optimisation provided by DragonByte SEO v2.0.42 (Pro) - vBulletin Mods & Addons Copyright © 2020 DragonByte Technologies Ltd.
جميع الحقوق محفوظة لمجالس الموروث ماضيا وحاضرا