.:: مجالس الموروث ماضيا وحاضرا ::.
بسم الله الرحمن الرحيم,
إظهار / إخفاء الإعلاناتلجميع الاعلانات ذات الحجم الصغير
عدد الضغطات : 14,111 مساحة إعلانيه

مجلس الشعر العامي للأعضاء ,, يهتم بشعراء المنتدى ولا يسمح بنشر قصائد الغير

اضافة رد

نديم المجره

شاعر

افتراضي هبت الرويلي (4x4).......


هناك اصدقاء لاتتواصل معهم باستمرار وعندما تحتاج اليهم تجدهم فورا مثل طوق النجاة حولك. وعلى اتم الاستعداد لتقديم اقصى درجات الدعم المادي والمعنوي.

هب الهبوب وهب قلبي وهبيت = هـبـت رويـلي انـتـخـى به خـويــه


وذكرت لي قرمٍ بعرعر وناديت = ناديت ابومشهور راعي الحـمـيــه

تكفى يابن شعلان تكفـى توذيت = ضاق الفضا والارض ضاقت عليه

عـزالله انك هـقـوتي لـتهـقـويت = ماخـيب الهـقـوات ذيب السـريــــه

شعر/
احمد بن عبدالرحمن العريفي

(نديم المجره)


***********************
رد الرويلي + رشاش كلاشنكوف


عـز الله انك يالعريفي تعـزويت = نارد على شانك بحــور المـنـيـــــــه

يفداك قـلبٍ كل ماقـلت حــيـيـت = يـفـز كـنه شـايـفٍ زول خــيــــــــــه

حنا شعـالينٍ لنا بالعـرب صيت = من دور صيحة حصة الـوايـلـيـــــه

ابشر بعزك يالخوي يوم ناديت = نموت ماضاقـت عـليك الـفـضــيـــه

شعر/
فهد الاسمر الشعلان
(ابومشهور)


كلمات البحث




#2
الصورة الرمزية محمد العابر

محمد العابر

نائب المدير العام ومؤسس موسوعة الألغاز

صح لسانك اخي نديم المجرة ونعم عزالله انه كفووو
أبيات رائعة بحق وجزله من الصوت و الصدى

صحت السنتكم جميع


تحياتي وتقديري ،،

#3
الصورة الرمزية فرحان قيران

فرحان قيران

شاعر

اقتباس:
المشاركة الأصلية كتبت بواسطة نديم المجره مشاهدة المشاركة
هناك اصدقاء لاتتواصل معهم باستمرار وعندما تحتاج اليهم تجدهم فورا مثل طوق النجاة حولك. وعلى اتم الاستعداد لتقديم اقصى درجات الدعم المادي والمعنوي.

هب الهبوب وهب قلبي وهبيت = هـبـت رويـلي انـتـخـى به خـويــه



وذكرت لي قرمٍ بعرعر وناديت = ناديت ابومشهور راعي الحـمـيــه

تكفى يابن شعلان تكفـى توذيت = ضاق الفضا والارض ضاقت عليه

عـزالله انك هـقـوتي لـتهـقـويت = ماخـيب الهـقـوات ذيب السـريــــه

شعر/
احمد بن عبدالرحمن العريفي

(نديم المجره)


***********************
رد الرويلي + رشاش كلاشنكوف


عـز الله انك يالعريفي تعـزويت = نارد على شانك بحــور المـنـيـــــــه

يفداك قـلبٍ كل ماقـلت حــيـيـت = يـفـز كـنه شـايـفٍ زول خــيــــــــــه

حنا شعـالينٍ لنا بالعـرب صيت = من دور صيحة حصة الـوايـلـيـــــه

ابشر بعزك يالخوي يوم ناديت = نموت ماضاقـت عـليك الـفـضــيـــه

شعر/
فهد الاسمر الشعلان
(ابومشهور)


ونعم ايوالله ونعم بالجميع الاخ احمد بن عبدالرحمن العريفي ... والشيخ . فهدالاسمرالمشهور الشعلان (ابو مشهور) والله من زمان ما شفته لاهو ولا مسعر ولااي واحد من المشهور لكن هذا مايمنع أوبنقص من محبتي لهذه الأسرة العريقه (المشهور) اسره جذورها ضاربه بالتاريخ وبالذات تاريخ قبيلة (عنزه) ماراح ادخل بتفاصيل لكن حبيت اعطي فهد وأبو فهد أبوه شفته الله يرحمه لأنهم من اهل عرعر وجد فهد وجده الاول (الدريعي) اللي انتخت به حصه وقالت (الدريعي يا رجالي) وباقي السالفة الكل يعرفها كفو قول وفعل (لعيون حصه ماتمصه) كان الرويلي اذا ولدت فرسه يذبح ولدها فلو والافلوه يبون الخيل تقفل بساع مستعجلين لتلبية نداء حصه يازين القول اللي على فعل عساكم ماتنقطعون يابو مشهور انتم والاجواد اللي مثلكم وجود الاجواد اذا جاز تعبيري حفظ لتوازن المجتمع مثل الجبال بالضبط حفظ لتوازن الارض وفيها ذرى عن العواصف وين رديتني يا فهد حنيت وحنيني مصيبه حنيت لبيوت الطين لبيتكم بالخالديه لطيبكم لابو مسعر لمسعر لمبادئ رجال لوجيه رجال اغلبهم تحت الارض لو واحد منهم حي ماترك فيصل بالسجن بدون ذنب وبدون قضيه وبدون محاكمه . اللي اطلبوا حصه بالعراق مهم تاركين فيصل وهو بوسطهم الله يا عنزه ياقبيلتي كيف كانت وكيف صارت ما سمعوا صياح (هند) بوسطهم يوم استبح بيت من اشرف البيوت الظهر من النهار بشهادة حاره كامله اقسم برب البيت مافيه واحد اتصل بي قال وشلون حال فيصل ( كان على رؤسهم الطير) بعذرهم ماينلامون كل واحد همه نفسه الجميع ولا استثني بشر حتى اخواني اقول كذا على شان محد يزعل لكن انا متاكد ان موضوعه اذا وصل لولاة الامر ماراح يسكتون على ظلم مواطن ( وسيعلم الذين ظلموا اي منقلب ينقلبون) . السموحه شطحه خفيًفه والله ما نويتها يوم ادش بس شفت اسم فهد والمشهور غالين عندي مع كامل احترامي وتقديري للأخ احمد عبدالرحمن العريفي لكن ماحصل لي شرف معرفته درس معي واحد بنفس الاسم بالابتدائي اللي درس معي عمه ابوسعد العريفي الله يمد بعمره على الطاعه المهم هو والا غيره صح لسانه ولسان ابو مشهور (من دور صيحة حصه الوايليه) يازين القول اللي يدعمه فعل . لي عوده . ودعتكم ربي

التعديل الأخير تم بواسطة فرحان قيران ; 22-05-2014 الساعة 04:28 PM
#4
الصورة الرمزية فرحان قيران

فرحان قيران

شاعر

اقتباس:
المشاركة الأصلية كتبت بواسطة فرحان قيران مشاهدة المشاركة
ونعم ايوالله ونعم بالجميع الاخ احمد بن عبدالرحمن العريفي ... والشيخ . فهدالاسمرالمشهور الشعلان (ابو مشهور) والله من زمان ما شفته لاهو ولا مسعر ولااي واحد من المشهور لكن هذا مايمنع أوبنقص من محبتي لهذه الأسرة العريقه (المشهور) اسره جذورها ضاربه بالتاريخ وبالذات تاريخ قبيلة (عنزه) ماراح ادخل بتفاصيل لكن حبيت اعطي فهد وأبو فهد أبوه شفته الله يرحمه لأنهم من اهل عرعر وجد فهد وجده الاول (الدريعي) اللي انتخت به حصه وقالت (الدريعي يا رجالي) وباقي السالفة الكل يعرفها كفو قول وفعل (لعيون حصه ماتمصه) كان الرويلي اذا ولدت فرسه يذبح ولدها فلو والافلوه يبون الخيل تقفل بساع مستعجلين لتلبية نداء حصه يازين القول اللي على فعل عساكم ماتنقطعون يابو مشهور انتم والاجواد اللي مثلكم وجود الاجواد اذا جاز تعبيري حفظ لتوازن المجتمع مثل الجبال بالضبط حفظ لتوازن الارض وفيها ذرى عن العواصف وين رديتني يا فهد حنيت وحنيني مصيبه حنيت لبيوت الطين لبيتكم بالخالديه لطيبكم لابو مسعر لمسعر لمبادئ رجال لوجيه رجال اغلبهم تحت الارض لو واحد منهم حي ماترك فيصل بالسجن بدون ذنب وبدون قضيه وبدون محاكمه . اللي اطلبوا حصه بالعراق مهم تاركين فيصل وهو بوسطهم الله يا عنزه ياقبيلتي كيف كانت وكيف صارت ما سمعوا صياح (هند) بوسطهم يوم استبح بيت من اشرف البيوت الظهر من النهار بشهادة حاره كامله اقسم برب البيت مافيه واحد اتصل بي قال وشلون حال فيصل ( كان على رؤسهم الطير) بعذرهم ماينلامون كل واحد همه نفسه الجميع ولا استثني بشر حتى اخواني اقول كذا على شان محد يزعل لكن انا متاكد ان موضوعه اذا وصل لولاة الامر ماراح يسكتون على ظلم مواطن ( وسيعلم الذين ظلموا اي منقلب ينقلبون) . السموحه شطحه خفيًفه والله ما نويتها يوم ادش بس شفت اسم فهد والمشهور غالين عندي مع كامل احترامي وتقديري للأخ احمد عبدالرحمن العريفي لكن ماحصل لي شرف معرفته درس معي واحد بنفس الاسم بالابتدائي اللي درس معي عمه ابوسعد العريفي الله يمد بعمره على الطاعه المهم هو والا غيره صح لسانه ولسان ابو مشهور (من دور صيحة حصه الوايليه) يازين القول اللي يدعمه فعل . لي عوده . ودعتكم ربي







تصحيح أوشرح معلومه . اخواني انا كنت اقصد لم يقف معي احد بموضوع فيصل المفتعل اقصد فقط ((قبيلتي عنزه)) كافه ولم اكن أخطاط للوم لكن فهد الاسمر الشعلان ذكرني بسالفة حصه عملت مقاره سريعه بين نخوة الرجال قبل والآن فوجدت ان حتى المقارنه حرام . ادري ان الزمن يختلف وادري انا تحت حكم ال سعود عسى مايحكمنا غيرهم لكن من راح لهم من قبيلتي كلها شيوخها كلهم موجودين كلمت كم واحد منهم بدون ذكر اسماء لحد يطلع يقول والله مادريت اللي خلا سفيه لندن وأشكاله يدري اكيد خلاكم تدرون أرسلت لولاة الامر باستنكاري وغضبي على هذا المعتوه سعد الفقيه مع اعترافي بصحة كلامه الا ماقاله عن سمو الامير عبدالله بن عبدالعزيزبن مساعد فهو واقسم بالله العظيم يعاملنا مثل أبنائه اقولها وانا الرجل الصادق وانا اعتبره ولي امرلي ولو كان توقيف فيصل بأمر منه لما اعترضت لو أمضى عمره بهذا الوضع لكن انا متاكد وكنت واثق انه يستحيل يأمر باهانة فيصل واستباحة منزلي بطريقة وحشيه وبث الرعب في قلوب بناتي وزوجتي وسحب ابني امام الجميع بطريقه استعراضه انتقاميه امام الناس وقت خروج الناس من أعمالهم ومدارسهم وتأكد ظني عندما ذهبت للسلام عليه في جلسة المساء كعادتي متى ما سنحت لي الفرصة لم أتكلم لانها جلسه رسميه تضم حشد كبير من اهالي المنطقه لكنه بادرني امام الجميع بقوله ( والله يابو فيصل اني مادريت) كانت إجابتي كما هي عادتي أجابة الرجل المطيع لولي أمره رغم الجرح الغائر الذي احمله والذي لن يشفى مهما حصل حتى لوخرج فيصل من سجنه الا اذا عوقب كل من اشترك بهذا الفعل المشين الذي لا يقره لاشريعه ولاقانون وهذا لمستحيل لان من قام به اناس نافذون لا يستطيع احد معاقبتهم الا الله لوكانون يخشون من عقاب لما أقدموا على فعلتهم النكراء بقى شي واحد قبل انسحب من متنفسي أوبالأصح اعلق مشاركاتي في مجالس الشرارات لحين انتهاء قضية الابن فيصل وبدون ضغط من احد ولكنها مبادره مني لرغبتي عدم أحراج احد أوصلت صوتي لولاة الامر وانتهى دوري بيض الله وجيه الشرارات قبيله وافراد وأخص بالذكر الاخ محمدا بوذينه المدير العام والرجل الخلوق المتدين الملتزم شكرًا من القلب اباخالد وكذلك اشكر الاخ الغالي محمد الشراري ابوسامرنائب المدير العام فهذا الرجل يندر وجود أمثاله كما أشكر اخوي طالب الاسمر الشراري اخي الذي لم تلده امي واشكركل من تعاطف معي في قضية الابن فيصل الكبير قبل الصغير قبل انسحابي من كل شي حتى المجتمع ليس كره لمجتمعي لاوالله ولكن لان نفسيتي لم تعد كما كانت ولا احب ان يراني احد الا كما عرفني الرجل المحب للجميع اسأل الله ان يحفظ هذا الوطن من كل مكروه وان يحفظ ولاة مرنا ويرزقهم البطانه الصالحة كم تأثرت وانا ارى يوم امس سيدي خادم الحرمين الشريفين ايده الله بنصره ومتعه بالصحه والعافيه كان يقول لابنه المعين امير للرياض ((أوصيك بالمواطن)) خير ولم يكتف بهذه بل اردفها بكلمه لم اسمع او اقرا ان هناك حاكم قالها لشعبه من قبل (( اعتبر المواطن اهم مني انا)) عسانا فداك يابو الجيع. ايوالله واتكلم عن نفسي عسى يومي قبل يومك هل سمعوا ماقال خادم الحرمين الشريفين اتمنى . ارجو المعذرة من الجميع ذا أخطيت بحق احد أبقى بشر ::: مع السلامه

التعديل الأخير تم بواسطة فرحان قيران ; 22-05-2014 الساعة 06:48 PM
#5

القاموس

مشرف مجالس موارد و مراعي الشرارات بوادي السرحان

ونعم بالفازع
والمفزوع له
والنخوة باقية باذن الله ليوم القيامة بقلوب الاوفياء

إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


Powered by vBulletin® Version 3.8.11
Copyright ©2000 - 2020, Jelsoft Enterprises Ltd.
Ads Management Version 3.0.1 by Saeed Al-Atwi
Search Engine Optimisation provided by DragonByte SEO v2.0.42 (Pro) - vBulletin Mods & Addons Copyright © 2020 DragonByte Technologies Ltd.
جميع الحقوق محفوظة لمجالس الموروث ماضيا وحاضرا