.:: مجالس الموروث ماضيا وحاضرا ::.
بسم الله الرحمن الرحيم,
إظهار / إخفاء الإعلاناتلجميع الاعلانات ذات الحجم الصغير
عدد الضغطات : 14,112 مساحة إعلانيه
العودة   .:: مجالس الموروث ماضيا وحاضرا ::. > >

مجلس الشعر العامي للأعضاء ,, يهتم بشعراء المنتدى ولا يسمح بنشر قصائد الغير

اضافة رد
الصورة الرمزية فرحان قيران

فرحان قيران

شاعر

افتراضي اهداء اخوي الغالي عيد بن مقبول الفليو وعائلته الصغير قبل الكبير


// إهــــــــــــــــــــــداء //
أخوي الغالي // عيد بن مقبول الفليو
وعائلته الصغير قبل الكبير

يالله ياللي بالمطر تنعش البيد =تسوق له رخم الغيوم وتعله
عبدك وتفعل ماتشاء فيه وتريد =بيديك عقد قياد عبدك وحله
انك تخلي زيد لامه وابوزيد =وترد عنه الشر دقه وجله
زيد الفليو معرب الخال بن عيد =جعله جسد يحرم على كل عله
بكره يتكي للدلال البغاديد =عادات أبوه وهو بعد عادتله
بكره يتل من الغنم والمفاريد =ما تل ابوشاكر يجيه ويتله
ورث الجدود النادرين الاواليد =اهل المواقف دامحت كل زله
ياغاب وجه مسرد الحكي تسريد =اذا نخيت المكلبي جاك كله
اللي لياحتجته ضرب لك مواعيد =بكره عقب بكره توكل وخله
رح يم زيد وربع زيد الصناديد =واترك وجيه المسكنه والمذله
يا زيد روس القوم راحوا مطاريد =وطراح شاخ وسادت الغيد شله
يا زيد انا صبحي مغثه وتنكيد =والليل ما لليل مذهب ومله
تنًور صدري جمر من دور تبريد =تطبخ عليه إبريق شاهي ودله
يا زيد هذا وقتها باشة الغيد =لوهي هنيا كل جرح(ن) تمله
دنياي ماجت لي على كيف ماريد =لوهي هنيا ماشكيت الممله
عنود صيد تذيرالصيد وتعيد =صدري لوانه مملكه تستحله
محتاجها الليله مثل راضع الديد =يا زيد قل للقلب يركد وقله
ظبي(ن) تذيًر غرب حزم الجلاميد =حروة تبل ان حدًرت به مظله
ما عاد يرجع لو سحبت التناهيد =لو يرجعن لي ماضيات الاهله
ما للسعادة درب يم المقاريد =الا عليهم يأخذ الهم فله
يا زيد سامحني ترى عكسة السيد =عاده وشطحاتي تراها جبله
راسي وشطحاته بليا مواعيد=يا علها مازادت الطين بله
جعله فرح عمرك بليا تناكيد =وأمك لفقدك دمعها ما تهله
واسلم عسى يحميك ربي من الكيد =عد النجوم الساريات المطله


ما تشوف شر يا زيد وعسى عمرك عمر شعيب سًلم على أبوك وعمامك وخوالك واخوانك وعلى الجماعه كلهم سامحني تذكرتها بنص القصيده وشطحت فيه وجيه يازيد مايواطنها الهم والله يازيد مره توفى انسان من أغلى الناس عندي هزتني وفاته بعنف بس كانت موجوده اتصلت جلست تقرا نمت وهي تقرا ماقعدت الا ثاني يوم الحين من بيقرا علي مافيه غيرهم ياطالب الاسمر يا احمد عايض ابشروالله بزود الهم ههههههههههههه امزح والله انهم من اقرب الناس لقلبي زيد نبه على الجميع لحد يرد هذي شطحه مباشره لو احد رد ترى مااشطح لك مره ثانيه ابد ماحب امتحن احد احب اشطح براحتي وارجع براحتي . ودعتكم ربي

كلمات البحث




التعديل الأخير تم بواسطة محمد العابر ; 16-05-2014 الساعة 04:27 PM
#2
الصورة الرمزية محمد العابر

محمد العابر

نائب المدير العام ومؤسس موسوعة الألغاز

تم التنسيق والنقل يابو فيصل
صح لسانك مدد بلا عدد رائعة بحق
ويستاهل شاعرنا عيد هذه الهدية الثمينة

تحياتي وتقديري ،،

#3
الصورة الرمزية فرحان قيران

فرحان قيران

شاعر

اقتباس:
المشاركة الأصلية كتبت بواسطة السـ(العابر)ـامر مشاهدة المشاركة
تم التنسيق والنقل يابو فيصل
صح لسانك مدد بلا عدد رائعة بحق
ويستاهل شاعرنا عيد هذه الهدية الثمينة

تحياتي وتقديري ،،






اخوي الغالي ابو سامر تسلم الله يطول عمرك عسى يديك ما يجيها الشلل ومن ناحية ابوشاكر والفليوات عموما اغليهم من قلبي والدليل الشعر مستحيل يمشي معي بيت الا لغالي وأبو شاكر له محبه خاصه بقلبي رغم اني ما شفته ولا حتى سمعت صوته ويا عالم أشوفه بقية هالعمر اولا عاد مابقى من العمر الا الحكاكه هههههههههههه لكن اغليه ولي مبرراتي وانت والله اني دوم ادعي لك يارجل ذبحتك الموهبة اذا تعدت الحدود تصير عقوبه تصدق كل ليله اذا كتبت اقل شي قصيدتين مايبرد صدري ومهو حياالله شعر يأخذ العقل شعر اسويه محمي عن اختراق ثلاث حاجات (( الهزل + النفاق + الهجاء )) اكثر ماحب شعر الغزل والغزل الوصفي بالذات ونوعية الشعر هذا بعض الناس ما يحبه عشان كذا لايمكن انزله لا بمنتدى ولا اقوله حتى بديوان اقوله على على مستوى ضيق عندنا كل شي حرام كل شي عوره وش لي بالمشاكل الموهبة موتها تضييق الخناق عليها حط طيربغرفه وشف كيف يطير اطلقه للفضاء وقارن تصدق لو تجي مره وتاقف قدامي وتقول وصفني الا اسوي لها تمثال شمع ملفوف بقصيده ربك كريم يابو سامر وبعد ماشفنا هنا حتى الحريه ماعاد نبيها . ناقصين براميل ههههههههههه ودعتك الله

#4

القاموس

مشرف مجالس موارد و مراعي الشرارات بوادي السرحان

صح لسانك
عافاك الله
ويستاهل الممدوح
وربعه المدح

#5
الصورة الرمزية سليمان العجيلي

سليمان العجيلي

شاعر

شاعرنا القدير فرحان قيران الدهمشي العنزي

صح الله لسانك يابوفيصل على هالقصيده الجزله بمن يستاهلونها بالفليو وربعه

ولايمدح الغانم الا الغانم عساكم على القوه جميع

تحياتي وتقديري لكم










#6
الصورة الرمزية الريشاوي

الريشاوي

عضو ذهبي

يـا زيــد هــذا وقتـهـا بـاشـة الغـيـد=لوهـي هنـيـا كــل جــرح(ن) تمـلـه
عـنــود صـيــد تذيرالـصـيـد وتـعـيـد=صــدري لـوانـه ممـلـكـه تستـحـلـه
محتاجها الليلـه مثـل راضـع الديـد=يــا زيــد قــل للقـلـب يـركــد وقـلــه
ظبي(ن) تذيًر غرب حـزم الجلاميـد=حـروة تـبـل ان حــدًرت بــه مظـلـه


والله يبو فيصل ,, لأآآلي ..بحق .. ^
صح لساانك مدد بلا عدد ..

بصرآآحة شعرررك يخليني سعيد جداً ..

ووصفك يجعلني أتبسم من جمال الوصف .. // حـروة تـبـل ان حــدًرت بــه مظـلـه //

وقبل كل شي .. كل الفليوات يستأهلوون كل المدح اللي يقاال فيهم .. عائلة ولها أسمها وقيمتها ~
و الأخ العزيز / عيد بن مقبول الفليو .. يستاهل ونعم فيه وف أهله ..



#7
الصورة الرمزية فرحان قيران

فرحان قيران

شاعر

اقتباس:
المشاركة الأصلية كتبت بواسطة القاموس مشاهدة المشاركة
صح لسانك
عافاك الله
ويستاهل الممدوح
وربعه المدح







الغالي القاموس . صح بدنك يابعد راسي دوم مساندني وتمدحني والشي هذا يسرني ويرفع معنوياتي والله ياخوي القاموس ان فرحتي با اشادتك وإشادة الربع انها فرحه طفوليه لايغرك سني ولاخبرتي العريضة وموهبتي والله اني اذا أرسلت قصيده للنشر سواء هنا او باي مكان يهتم بالشعر اني اتوتر وأبقى على أعصابي لين اقرأ اول. ردود الأفعال مشكور اخوي المحترم صدقت عائلة الفليو والله ماتدري من تمدح فيهم أدناهم احلاهم .

التعديل الأخير تم بواسطة فرحان قيران ; 16-05-2014 الساعة 07:49 PM
#8

عيد مقبول الفليو

شاعر

اقتباس:
المشاركة الأصلية كتبت بواسطة فرحان قيران مشاهدة المشاركة

// إهــــــــــــــــــــــداء //
أخوي الغالي // عيد بن مقبول الفليو
وعائلته الصغير قبل الكبير

يالله ياللي بالمطر تنعش البيد =تسوق له رخم الغيوم وتعله
عبدك وتفعل ماتشاء فيه وتريد =بيديك عقد قياد عبدك وحله
انك تخلي زيد لامه وابوزيد =وترد عنه الشر دقه وجله
زيد الفليو معرب الخال بن عيد =جعله جسد يحرم على كل عله
بكره يتكي للدلال البغاديد =عادات أبوه وهو بعد عادتله
بكره يتل من الغنم والمفاريد =ما تل ابوشاكر يجيه ويتله
ورث الجدود النادرين الاواليد =اهل المواقف دامحت كل زله
ياغاب وجه مسرد الحكي تسريد =اذا نخيت المكلبي جاك كله
اللي لياحتجته ضرب لك مواعيد =بكره عقب بكره توكل وخله
رح يم زيد وربع زيد الصناديد =واترك وجيه المسكنه والمذله
يا زيد روس القوم راحوا مطاريد =وطراح شاخ وسادت الغيد شله
يا زيد انا صبحي مغثه وتنكيد =والليل ما لليل مذهب ومله
تنًور صدري جمر من دور تبريد =تطبخ عليه إبريق شاهي ودله
يا زيد هذا وقتها باشة الغيد =لوهي هنيا كل جرح(ن) تمله
دنياي ماجت لي على كيف ماريد =لوهي هنيا ماشكيت الممله
عنود صيد تذيرالصيد وتعيد =صدري لوانه مملكه تستحله
محتاجها الليله مثل راضع الديد =يا زيد قل للقلب يركد وقله
ظبي(ن) تذيًر غرب حزم الجلاميد =حروة تبل ان حدًرت به مظله
ما عاد يرجع لو سحبت التناهيد =لو يرجعن لي ماضيات الاهله
ما للسعادة درب يم المقاريد =الا عليهم يأخذ الهم فله
يا زيد سامحني ترى عكسة السيد =عاده وشطحاتي تراها جبله
راسي وشطحاته بليا مواعيد=يا علها مازادت الطين بله
جعله فرح عمرك بليا تناكيد =وأمك لفقدك دمعها ما تهله
واسلم عسى يحميك ربي من الكيد =عد النجوم الساريات المطله


ما تشوف شر يا زيد وعسى عمرك عمر شعيب سًلم على أبوك وعمامك وخوالك واخوانك وعلى الجماعه كلهم سامحني تذكرتها بنص القصيده وشطحت فيه وجيه يازيد مايواطنها الهم والله يازيد مره توفى انسان من أغلى الناس عندي هزتني وفاته بعنف بس كانت موجوده اتصلت جلست تقرا نمت وهي تقرا ماقعدت الا ثاني يوم الحين من بيقرا علي مافيه غيرهم ياطالب الاسمر يا احمد عايض ابشروالله بزود الهم ههههههههههههه امزح والله انهم من اقرب الناس لقلبي زيد نبه على الجميع لحد يرد هذي شطحه مباشره لو احد رد ترى مااشطح لك مره ثانيه ابد ماحب امتحن احد احب اشطح براحتي وارجع براحتي . ودعتكم ربي
الشاعر الكبير / فرحان قيران
صح لسانك ملاااايييين , و الله لا يهينك , ما عليك زود يابو فيصل و أنت مقر الطيب و معدنه و الله يسلمك يابو فيصل , عساك ما تشوف مكروه في عزيز عليك , و بالنسبه للإبن / زيد الفليو فقد كبر راسه بعد هالقصيده و أجبرني على كتابتها له و كل شوي يطلعها و يقراها ,و هالحين يقول لي أنا قصد بي أكبر شاعر و هو / فرحان قيران و أغلى خال و هو خالي / علي خلف الفليو , لأن خاله علي خلف الفليو عندما علم بخروجه من المستشفى إتصل على أخته أم شاكر لتهنئتها بسلامته و قال الأبيات التاليه /

أحمد الله و اشكره على السلامه=يا ام شاكر يوم فك الله زيد
أطلب الوالي يطوِّل في عوامه=الثلاثاء و الله إنه يوم عيد
لحظةً فيها الفرح و الإبتسامه=عسى يوماً راح جِعْله ما يعيد

وفقك الله يابو فيصل على هالشعور الطيب و المشاركة المتميزه
و دمتم بالخير والمسراااات



#9
الصورة الرمزية فرحان قيران

فرحان قيران

شاعر

اقتباس:
المشاركة الأصلية كتبت بواسطة الريشاوي مشاهدة المشاركة

يـا زيــد هــذا وقتـهـا بـاشـة الغـيـد=لوهـي هنـيـا كــل جــرح(ن) تمـلـه
عـنــود صـيــد تذيرالـصـيـد وتـعـيـد=صــدري لـوانـه ممـلـكـه تستـحـلـه
محتاجها الليلـه مثـل راضـع الديـد=يــا زيــد قــل للقـلـب يـركــد وقـلــه
ظبي(ن) تذيًر غرب حـزم الجلاميـد=حـروة تـبـل ان حــدًرت بــه مظـلـه




والله يبو فيصل ,, لأآآلي ..بحق .. ^
صح لساانك مدد بلا عدد ..

بصرآآحة شعرررك يخليني سعيد جداً ..

ووصفك يجعلني أتبسم من جمال الوصف .. // حـروة تـبـل ان حــدًرت بــه مظـلـه //

وقبل كل شي .. كل الفليوات يستأهلوون كل المدح اللي يقاال فيهم .. عائلة ولها أسمها وقيمتها ~
و الأخ العزيز / عيد بن مقبول الفليو .. يستاهل ونعم فيه وف أهله ..






الريشاوي . هلا وغلا ((بصراحه شعرك يخليني سعيد جداً)) من افضل الجمل اللي وجهت لي ثناء على الشعر كثير فكرت اتركه بس ماقدرت من محبين وغالين شرواك مايخلوني اتركه الو اموت يقولون شعرك ما عمرنا سمعنا مثله وآخر شي اضطر ارجع انا أشوف الشعر غير مايشوفه اغلب الشعراء لي طريقتي ولي فلسفه خاصه احب شعر الوصف اطلع به بعيد احلق فيه للسماء ومن ناحية باشة الغيد هذي اللي مسوي لها سلسلة ضيقة صدر من ضمنهن شقائق النعمان الجو ممطر. راحت بعيد اغلبهم منشورات هنا ضيقة صدر 14نزلوها العيال يوتوب قبل مده فيه وجيه تفرق الهم وفيه وجيه تليمه سالفه طويله راح اشرحها لك بوقت ثاني باذن الله يطول عمري ويبارك فيك

التعديل الأخير تم بواسطة فرحان قيران ; 17-05-2014 الساعة 06:21 AM
#10
الصورة الرمزية فرحان قيران

فرحان قيران

شاعر

اقتباس:
المشاركة الأصلية كتبت بواسطة عيد مقبول الفليو مشاهدة المشاركة
الشاعر الكبير / فرحان قيران
صح لسانك ملاااايييين , و الله لا يهينك , ما عليك زود يابو فيصل و أنت مقر الطيب و معدنه و الله يسلمك يابو فيصل , عساك ما تشوف مكروه في عزيز عليك , و بالنسبه للإبن / زيد الفليو فقد كبر راسه بعد هالقصيده و أجبرني على كتابتها له و كل شوي يطلعها و يقراها ,و هالحين يقول لي أنا قصد بي أكبر شاعر و هو / فرحان قيران و أغلى خال و هو خالي / علي خلف الفليو , لأن خاله علي خلف الفليو عندما علم بخروجه من المستشفى إتصل على أخته أم شاكر لتهنئتها بسلامته و قال الأبيات التاليه /

أحمد الله و اشكره على السلامه=يا ام شاكر يوم فك الله زيد
أطلب الوالي يطوِّل في عوامه=الثلاثاء و الله إنه يوم عيد
لحظةً فيها الفرح و الإبتسامه=عسى يوماً راح جِعْله ما يعيد

وفقك الله يابو فيصل على هالشعور الطيب و المشاركة المتميزه
و دمتم بالخير والمسراااات





الاخ ابوشاكر ام شاكر اختنا كلنا وخوات علي الفليو خواتي الخير بألباديه وحنا مثل ماتعرف قبائل والقبائل أصالتها موجوده والله ماتغيرتا حريم الصديق والجار والخوي والمعرفة خوات لنا وانتم نفس الشي وصح لسان خاله علي رجل مثله يستأهل الغلا ومن ناحيتي انا دام زيد مدحني بسجلها وأخلي اخوانك (عيالي) ينزلونها يوتوب وفيه قصيده مجاراه لقصيدتة ابوك بسجلها معها كانك وافقت او تبيني اسجلها لحالها عاد أبلش بي يا غازي انا اذا مدحني واحد كل شوي سلام عليكم هههههههه والله يابو شاكر يوم اسوي قصيدة زيد ان لاقصدي استعرض ولا أدور شهره انا ابي أهني زيد يوم علمتني انه القعدة وفكه الله نويت اهنيه بقصيده لانها اسرع وابلغ وزيد تقريبا بسن حمودي اسم الدلع ل محمد بن فرحان بن قيران الله يخلي لك يابو شاكر ويخلي لنا مانرجي حنا وكل غالي سلم على الجميع . ودعتكم الحافظ

التعديل الأخير تم بواسطة فرحان قيران ; 17-05-2014 الساعة 07:23 AM
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


Powered by vBulletin® Version 3.8.11
Copyright ©2000 - 2020, Jelsoft Enterprises Ltd.
Ads Management Version 3.0.1 by Saeed Al-Atwi
Search Engine Optimisation provided by DragonByte SEO v2.0.42 (Pro) - vBulletin Mods & Addons Copyright © 2020 DragonByte Technologies Ltd.
جميع الحقوق محفوظة لمجالس الموروث ماضيا وحاضرا