لشيخ شمل الشرارات مهداه من الشاعر صالح المنيع

النشر حصرياً للمجالس

جديد الشاعر صالح المنيع مهداه لشيخ شمل القبيلة الامير حسين بن عاشق اللحاوي


[frame="12 60"]
[poem=font="traditional arabic,7,black,bold,normal" bkcolor="transparent" bkimage="backgrounds/45.gif" border="outset,8,crimson" type=2 line=0 align=center use=ex num="0,black""]
من اقصى الشمال ب وادي الذيب سرحان=داراً من بلاد السعود المجيدة
داراً لها العزه والامجاد عنوان =من ماضي الازمان ماهي جديده
سلام كثر اللي نشاهد ب الأعيان =وإعداد ماشالت من رمال بيده
وإعداد ماسبّح له العبد بإيمان =ربٍ تعالى ب الصفات الفريدة
عسى الحيا واليا أقبلت غرّ الأمزان =وادوى صدى صوت السما من رعيدة
ينثر على " طبرجل الخير" هتّان =وكل القرى من نوّها مستفيدة
حيث ان فيها شيخنا حسين سكان=اللي سرّى حب الوطن في وريده
أمير فوج وشيخ عربان وإنسان =له تنتمي كل الخصال الحميدة
ربعه خذاهم من غلاهم ب الأحضان =هو رادهم والكل منهم يريده
يا شيخ ماجيت اشتكى ضيم خلان=نفسى عن اللي مايبيها محيده
ولاني غريباً يشتكي بعد الأوطان =حده زمانه .. والظروف العنيدة
الحمد لله عايشاً ب أمن وأمان =في ظل راعي مملكتنا الرشيدة
بين الجماعه.. والقرايب .. والاخوان=والكل ينعم ب الحياه .. السعيدة
ولاشك ماقلت القصيده على شان=تكتب .. وتنشر في سطور الجريدة
كل الهدف من قافيتها والأوزان =ياصل مقام الشيخ .. نبض القصيدة
[/poem]
[/frame]