منجوبة الفكر غيدا الشعر منجوبه=غنا لها المزن والنسناس داعبها
من كبد موقد ضلام الليل مصبوبه=مزنن يهل الروى واشعل لواهبها
للدرب سقته وانا لو ضيع دروبه=الجاهل اللي على عمياه يشعبها
اسرجت قباً لهام المجد مركوبه=شقرا وانا من سنام العز جاذبها
ماكنها الا ضوامر عود رعبوبه=صهاة مجداً عريباتاً مناجبها
سامرت شيخ الشمال وسقتها صوبه=منارة الجود ترقب له ويرقبها
ياحسين غر المدايح شام مندوبه=هالمره الا عليك العرف طالبها
ابطيت ماقلت بك واقبلت هالنوبه=شاعر جزال الفرايد فيك كاتبها
يامنبع العز يامجناه وعذوبه=شربت جم المراجل وانت شاربها
اصالة المجد لمحياك مجذوبه=من روس شيخان قوماً طال حاجبها
حفيد كاسب وعاشق لابساً ثوبه=ومحسن وحماد فيك ومنك وانت ابها
مبطي ولاتو خلق الله تغنوبه=تاريخ مجداً لجدانك مقاضبها
هامت عرب لك منارالعرب مشبوبه=سرايت الليل لاتاهت تقداابها
زيزوم قوماً نهارالعد محسوبه=روس الفخر ما انثنت من دون واجبها
لاختل ميزان عدل وقفلت بوبه=تمسك زمام الثمينه وانت صاحبها
هومتك يانايد الهومات مهيوبه=يقصر شنب من تعلق في مقاضبها
لاعودت بين طلابه ومطلوبه=اعقول تصغي لها وعقول تدبها
واليوم ياشيخ لك جريت مسحوبه=معزوفتاً بك ترتبني وارتبها
لو الفرزدق قراها قال منهوبه=من فكري الي زمان الشعر كاتبها