.:: مجالس الموروث ماضيا وحاضرا ::.
بسم الله الرحمن الرحيم,
إظهار / إخفاء الإعلاناتلجميع الاعلانات ذات الحجم الصغير
عدد الضغطات : 14,108 مساحة إعلانيه

مجلس الشعر العامي للأعضاء ,, يهتم بشعراء المنتدى ولا يسمح بنشر قصائد الغير

اضافة رد
#31
الصورة الرمزية فرحان قيران

فرحان قيران

شاعر

اقتباس:
المشاركة الأصلية كتبت بواسطة خاتم سليمان مشاهدة المشاركة
السلام عليك ورحمة الله وبركاته
والله اني من نزلتها الى الان وانا كل ما ابغى ادخل واكتب احتار واقول اكتب لها ع فضى لاني صراحتا ما ادري انا اكتب عن هالدرر والجواهر الي والله انها تسلب الالباب والعقول
ولا اكتب عن موضوعها الي يشهد الله انه احزني لانه ع رجل عزيز علي وله مكانه خاصه بنفسي
الشاعر الكبير الاستاذ فرحان بن قيران الدهمشي الله لايعقد لسانك واسال الله ان يفرج عن فيصل ويمتعك بشوفته عاجلاً غير اجل ابوفيصل باختصار انت رجل نبيييل
فائق التقدير والاحترام لسموكك




خاتم سليمان . هلا وغلا شكثر احب هاالانسان وارتاح اذا شفته مدري شقول غمرتني انت والآخوان هنا بمحبتكم خل اللي يلوموني فيكم يجون يشوفون محبتكم لي ولكل رجل يعاشر كم ونعم المعشر والله أنكم تنسون الواحد حتى اهله انا رجل بسيط طبع مرهف إحساس عناد ماتسحبني جنازير الحديد محبه يقودني سلك الحرير سبحان الله مهما حاولت أغيًر طبعي هذا محاولاتي تفشل بتلت على طبعي وصار سبب لمحبتكم لي اكتشفت ان الناس اللي مثل طبعي واجد هنا عاجز عن شكرك على تعاطفك معي ومع أخوكم فيصل وهذي الدنيا لازم تقلب وعلاج تقلباتها الوحيد بعد الايمان بالله الصبر وكل الامور بيد رب العالمين سبحانه يقول صقر النصافي عن الدنيا : دنيا لهوم وتأخذ الناس هومه : كم فرقت من جمع ناس عمومي : ياما رتع باطرافها فرخ بومه : كثرت دنانيره وصارمحشومي : اذا ضحك كل ضحك مع يمومه : واذا كظم كل الجماعه كظومي : لكن لياجاء موقف فيه قومه : خطر(ن) تقوم امه وهو مايقومي . اتمنى لك وللجميع الصحه والعافيه . ودعتك الله

التعديل الأخير تم بواسطة فرحان قيران ; 12-05-2014 الساعة 05:24 AM
#32
الصورة الرمزية فرحان قيران

فرحان قيران

شاعر

اقتباس:
المشاركة الأصلية كتبت بواسطة متعب النصّار مشاهدة المشاركة
صح لسانك يابو فيصل قصيده ينطق لها الحجر
الله يفرج عن فيصل ويردّه لكم ولعياله سالماً معافا
لي كم يوم أقراها والله ماقدرت أرد
شاعر متمكن من مفرداتك ومشاعرك جيّاشه
دعواتنا للشبل فيصل


متعب النصار . هلاوغلا هلابك ابو نصار علني فدوه لنصف ها الوجه الظاهر والشعر فدوه لنصفه المخفي لانه وجه دوم مساندني ورافع معنوياتي والله يابو نصار ان الشعرمهومثل ماتفكره الاغلبيه من الناس انه سهل ومايتعب انا يهدحيلي قصيده مثل هذي على شان أطلعها بما الصوره تأخذ من عمري وتخلي ألقصيده المؤثرة على القارئ منهكه للشاعر كل قصيده لي تتعبني نفس التعب حتى الغزل اللي تسويه اغلب إلناس ترف انا يسوي بي سوايا الشعر خليط مشاعر ملتهبة وكل شاعر وموهبته الشعر دواء وداء فرح وحزن دمعه وابتسامه لكن كل تعب يهون دامه يعجبك يابو نصار انت وامثالك شكر على مرورك العطر . فائق الاحترام

#33
الصورة الرمزية مرقاب الوله

مرقاب الوله

مشرف سابق وعضو مميز

الشاعر العزيز فرحان قيران

لا اخفيك اني قرٲتها ثلاث مرات

وفي كل مره لا اجد ما اقوله نحوها

ففيها من الابداع والعذوبه بقدر ماهي مۇلمه بمعانيها

الله يجمعكم علﯽ خير باسرع وقت

وصح الله لسانك ملايين

#34
الصورة الرمزية حناين

حناين

مشرفة مجلس الألغاز 2

يالله على هذه القصيدة بأبياتها وحروفها وظروفها واحاسيسها الأكثر من مؤثرة
ما قول غير صح الله لسانك اخوي الكريم بو فيصل وأعتلى شانك .
يعلم الله كيف قطعت قلبي لما قريت القصيدة .. الله يفرج همك وهم فيصل
ويجمع شملكم ونشوف الفرحة بعيونك ..
أدعو الله أن يمسح على قلبك ويستجيب دعوتك .

#35
الصورة الرمزية فرحان قيران

فرحان قيران

شاعر

اقتباس:
المشاركة الأصلية كتبت بواسطة مرقاب الوله مشاهدة المشاركة
الشاعر العزيز فرحان قيران

لا اخفيك اني قرٲتها ثلاث مرات

وفي كل مره لا اجد ما اقوله نحوها

ففيها من الابداع والعذوبه بقدر ماهي مۇلمه بمعانيها

الله يجمعكم علﯽ خير باسرع وقت

وصح الله لسانك ملايين


مرقاب الوله . مرحباً ومسهلا اخوي المحترم غالي على قلب اخوك يشهد الله ان مجرد مرورك يفرحني ويسعدني وانا ليش اتعب على ألقصيده ادري انك انت وامثالك من متذوقي الشعر الحقيقيين تدققون على كل شي وانا اصلا ناقد واحاول استخدم خبرتي الطويله بتطوير المفردة لكن بهدوء استشير عدة أشخاص أثق اولا بمحبتهم لي ثانيا برأيهم وذائقتهم الشعريه الفذه شكرًا اخوي الغالي مرقاب الوله على حل كلمه قلتها عني وعلى تعاطفك ودعواتك للابن فيصل جزاكم الله عني وعن فيصل خير الجزاء : فائق احترامي وتقديري

#36
الصورة الرمزية فرحان قيران

فرحان قيران

شاعر

اقتباس:
المشاركة الأصلية كتبت بواسطة حناين مشاهدة المشاركة
يالله على هذه القصيدة بأبياتها وحروفها وظروفها واحاسيسها الأكثر من مؤثرة
ما قول غير صح الله لسانك اخوي الكريم بو فيصل وأعتلى شانك .
يعلم الله كيف قطعت قلبي لما قريت القصيدة .. الله يفرج همك وهم فيصل
ويجمع شملكم ونشوف الفرحة بعيونك ..
أدعو الله أن يمسح على قلبك ويستجيب دعوتك .





حناين . معقوله حياك لأعاد تغيبين فقدتج حيل زين الله جابج مرحباً عن أذنج رايح شوي وراد مع السلامه

التعديل الأخير تم بواسطة محمد العابر ; 13-05-2014 الساعة 11:30 AM
#37

المحيط

عضو مُميز

اقتباس:
المشاركة الأصلية كتبت بواسطة فرحان قيران مشاهدة المشاركة





.

.

.


الإهداء الى اخي عايد رحيل الشمري ولكل متذوق للشعر اتمنى تحوز على رضاكم






سلام ياعايد من الرأس للراس = سلام (ن) الطف من هبوب البرادي

به فل جيزان وشذى ورد مكناس = وجاوي وكمبودي على شوي كادي

اغليك ياعايد رحيل بلاقياس = يشهد على ماقول رب العبادي

مهو غلا طعمه لحمزه وعباس = والاغلا حوزات قم لنجادي

الاغلا من قلب وشعور وإحساس = غلا الرجال اهل الشرف والمبادي

اربع خصال فيك للطيب مقياس = شهم وعفيف لسان عاقل وهادي

وعقب السلام اسمع ذهب واترك نحاس = ماينقله تلفاز والا روادي

شعر يتله باس ويعدله راس = عليه توقيعي وختم اعتمادي

ياصحت فيه ورحت لي فيه مرواس = يجيك مثل أسراب هيض الجرادي

انا عليه مصنف (ن) من أولي الباس = اذا قدح راس الفتيله زنادي

ماهي بلحية واضرب أخماس بااسداس = الا كما سيل (ن) جرف بطن وادي

ياعايد البارح من عماس لعماس = الشعر نادى له براسي منادي

وشديت لي من سبق الشعر عرماس = وفوق الشراريه نسفت الشدادي

ضامر عساف وعينها تقل مقباس = شيبا ظهر حمرا عريضة توادي

دكيتها بين المغيرب والادماس = وقامت تلفّت والمسافه تنادي

هجت هجيج وبالرسن تضرس أضراس = كنك تدح جنوبها بالهوادي

ماسندّت شكوى على كل بلاس = ولا وجهت يم الكذوب الربادي

ان جنبت شرواك تبشر بالإفلاس = يالشمري نسل الرجال النوادي

ضيّعت فرخ وضيّع الحظ قرناس = والفرخ ماهو هم لوكان غادي

الهم ضيعة صافي الريش مدباس = قرناس ياعايد على الفرخ بادي

آليا شهر فرجه وياهد فرّاس = ويا ادلى على الحفال يفرى الثنادي

اذا صعد جو وتنكس تنكاس = تقل من كفوفه تسل الهنادي

ياماجهمت لضيعته تقل عساس = في كل عيطا بس اصيًح وانادي

لكن رجاي برجعته طمها الياس = وعن كاذب اوهامي قنعت بوكادي

الله من الضيقة ومن قل الاوناس = ومن تكلفة زرعي وندرة حصادي

ياعايد المطنوخ يامعّرب الساس = صبري بوجه العوج صبر المهادي

يانسل من فيهم على الخطر ينداس = جزارة الحايل كعام المعادي

البارحه كني بلي وسط محماس = بقعا تقالبني على غير قادي

الرأس ياعايد تساوى مع الفاس = ومن التعب حاربت شربي وزادي

الله وكيلك يوم جريت الأنفاس = كنه يغني وسط صدري عبادي

البارح ابو دباس مشتاق لدباس = ودباس يذكر له بسجن انفرادي

من دونه إقفال وحواجز وحراس = شهرين صبر ولا تقنطر جوادي

ساكت وانا كبدي تسًرد بالامواس = أزرى عناد الوقت يكسر عنادي

لو كان مذنب قلت حقه ولاباس = مظلوم والزعلان يأكل زبادي

يلعب بنا وسواس يسند بخناس = هذاك (متحلطم) وذاك اقتصادي

وياضاق صدرك حولوها لحواس = وحواس طول الوقت لونه رمادي

وكل الثلاث اوباش وانذال وانجاس = وموقف معًدل كل مايل حيادي

ادري واعرف ان الخطأ ديدن الناس = العيب ماهو بالخطأ بالتمادي

يانايم استيقظ كفى نوم ونعاس = اقبل على صبرالحليم النفادي

حدر (الخضر) لاتحسبنا بتكساس = احذر صباحي وانتبه من هجادي

الدار وحدها معًزي على ساس = والعدل حطه بالمكان القيادي

وان كان في راسك على الظلم وسواس = أذلف لحكم المالكي بالرمادي

مافيه غير الشرع بالمملكة راس = محجته بيضا ودربك سوادي

ما فيه نصر الله ولا مصطفى طلاس = بحكم السعود وخل عنك الدوادي

سجلت ما شفته لعايد بقرطاس = حبيت افضفض لجل يبرد فوادي

اقبلت فارس يلبس الدرع والطاس = واقفيت حاديني من الغيض حادي

واسلم عدد ما داعب الورد نسناس = وعداد ماجًود زماني قيادي

الهم صلي وسلم على سيدنا محمد عليه افضل الصلاة والتسليم

الشاعر الكبير والقدير

فرحان قيران الدهمشي العنزي

بالبداية اسئل الله العظيم ان يفك ابنك المسجون فيصل وتقر عينك به سليم معافا

اما بخصوص تلك الفارعه وماتحمله من ألم وامل بين الوجد والتوجد فيصعب التعليق عليها فهيا فوق كل تحليق واطراء وثناء ولا ينافس تلك الجزاله الا جزالة وفاءك ونبلك وطيب معدنك الاصيل ونقاءك المتجلي بالصدق

بتلك الفارعه الشامحه كل مايحتاجه اي شاعر مبتدأ ليتعلم كيف يكتب النصوص الفخمه

مشد حريف ومتمكن واسترسال واسهاب شيق وممتع..وترابط وتماسك وتناغم عجيب تبارك الوهاب وانتقاء للمفرده دقيق بسعة خيال خصب وواسع وقدره فائقه على تطويع الصعب بكل حرفنه شعريه
وتصوير دقيق معنا ومغنا

للله درك يابو فيصل واسئل الله العضيم ان يقر عينك بفيصل عاجلٍ غير اجل

صح السانك وعلا شانك

نسيت ملاحظه::اعتقد اني شفت عنوان تلك القصيده بالبدايه (الشراريه) فهل تم التعديل من قبل صاحب القصيده او من اجتهاد غير موفق ان لم يكن صاحب النص طلب ذالك

فائق التقدير والحترام


#38
الصورة الرمزية فرحان قيران

فرحان قيران

شاعر

اقتباس:
المشاركة الأصلية كتبت بواسطة المحيط مشاهدة المشاركة
الهم صلي وسلم على سيدنا محمد عليه افضل الصلاة والتسليم

الشاعر الكبير والقدير

فرحان قيران الدهمشي العنزي

بالبداية اسئل الله العظيم ان يفك ابنك المسجون فيصل وتقر عينك به سليم معافا

اما بخصوص تلك الفارعه وماتحمله من ألم وامل بين الوجد والتوجد فيصعب التعليق عليها فهيا فوق كل تحليق واطراء وثناء ولا ينافس تلك الجزاله الا جزالة وفاءك ونبلك وطيب معدنك الاصيل ونقاءك المتجلي بالصدق

بتلك الفارعه الشامحه كل مايحتاجه اي شاعر مبتدأ ليتعلم كيف يكتب النصوص الفخمه

مشد حريف ومتمكن واسترسال واسهاب شيق وممتع..وترابط وتماسك وتناغم عجيب تبارك الوهاب وانتقاء للمفرده دقيق بسعة خيال خصب وواسع وقدره فائقه على تطويع الصعب بكل حرفنه شعريه
وتصوير دقيق معنا ومغنا

للله درك يابو فيصل واسئل الله العضيم ان يقر عينك بفيصل عاجلٍ غير اجل

صح السانك وعلا شانك

نسيت ملاحظه::اعتقد اني شفت عنوان تلك القصيده بالبدايه (الشراريه) فهل تم التعديل من قبل صاحب القصيده او من اجتهاد غير موفق ان لم يكن صاحب النص طلب ذالك

فائق التقدير والحترام


المحيط . عليكم السلام ياهلا وغلا صراحه كلامك عني خيال وش الشعر مع كلامك هذا انا تراي غشيم نت لكن بس يقعدون العيال ابيهم يسحبونه اعلقه شهاده بالمجلس عندي على راسي اخوي المحيط . اقسم بالله العظيم على كتابه الكريم اني كنت صادق بكل كلمه قلتها لا وفيه بلاوي مارويتها جلست بعد القبض على فيصل شهرين ما تكلمت كلمه اعتقد يكفي وهذي وراها قصايد وكل قصيده أثقل من الثانيه وعلي الطلاق من امه ان متطلع وأعيدت لي كرامتي. انا اولا وهو ثانيا وقبلنا كلنا كرامة ابوي رحمة الله عليه اني اقل شي اسويه آخذا بناتي اللي ماتزوجن هند وخواتها وحمودي القعدة وأشوف لي ديره تلمني بقية عمري انا وبناتي الان طلع فيصل بعد ذبحوه صلخوه أطلقوه عادي ماعادت تفرق وأبشرك الظاهر انه مطًول الامير الله يطول عمره بسويسرا مصًيف والأمور مستلمينها ناس يبيضون وجه الدوله واذا جاء طويل العمر اكيد يبون يلتفتون لفيصل على قولت واحد منهم كل مانسجن فيصل زياده من صالحه باليوم 1150 احسبها هذي كم والله ياخوي المحيط اني خايف من كارثه لان فيصل مريض حيل هو خارج السجن يوم انه عندنا يوم والثاني بالمستشفى كيف الحين يقولون إخوانه انا رفضت اروح له ولي عذري فيصل بن العائله المحترمه يسوى فيه كذا واالحراميه والمرتشين وعديمين الضمائر هم اللي متولين أمره تصور من يوم القبض عليه حوالي شهر ماندري وينه هذا حق هذا يصير بالممملكه العربيه السعوديه اللي وحدها الملك المؤسس عبدالعزيزبن عبدالرحمن ال سعود طيب الله ثراه على الكتاب والسنه والله ياخوي المحيط ان حكامنا كلهم خير وبركه يحبون الشعب وانا احلف ان مافيهم واحد يرضى با للي صار لكن مشكلتنا البطانه تجب الرؤيا عنهم قدر المستطاع قلت لهم ياناس يابشر ياوادم انتم تابعين لوزارة الداخليه ليش ماتاخذون صاحب السمو الملكي الامير محمد بن عبد العزيز ال سعود قدوه لكم متهمين بالإرهاب من اول يوم يسلمون انفسهم يفتح لأهاليهم الزيارة لا أزيدكم من الشعر بيت اللي اهله خارج الرياض يجيبهم على حساب وزارة الداخليه ولدي ماسوى شي تمنعوه عنه حتى الماء والكهرباء حسبي الله ونعم الوكيل . الف شكر اخوي المحيط على تعاطفك معي ومع فيصل وما بعد الضيق الا الفرج أملي بشي واحد هو ان الامر ياصل سمو الامير محمد بن نايف عسى الله يرحم أبوه وجده عندها تأكد ان فيصل يبي يطلع وانا استرد كرامتي . ودعتك رب البيت

#39
الصورة الرمزية فرحان قيران

فرحان قيران

شاعر

اقتباس:
المشاركة الأصلية كتبت بواسطة فرحان قيران مشاهدة المشاركة
المحيط . عليكم السلام ياهلا وغلا صراحه كلامك عني خيال وش الشعر مع كلامك هذا انا تراي غشيم نت لكن بس يقعدون العيال ابيهم يسحبونه اعلقه شهاده بالمجلس عندي على راسي اخوي المحيط . اقسم بالله العظيم على كتابه الكريم اني كنت صادق بكل كلمه قلتها لا وفيه بلاوي مارويتها جلست بعد القبض على فيصل شهرين ما تكلمت كلمه اعتقد يكفي وهذي وراها قصايد وكل قصيده أثقل من الثانيه وعلي الطلاق من امه ان متطلع وأعيدت لي كرامتي. انا اولا وهو ثانيا وقبلنا كلنا كرامة ابوي رحمة الله عليه اني اقل شي اسويه آخذا بناتي اللي ماتزوجن هند وخواتها وحمودي القعدة وأشوف لي ديره تلمني بقية عمري انا وبناتي الان طلع فيصل بعد ذبحوه صلخوه أطلقوه عادي ماعادت تفرق وأبشرك الظاهرانه مطًول الامير الله يطول عمره بسويسرا مصًيف والأمور مستلمينها ناس يبيضون وجه الدوله واذا جاء طويل العمر اكيد يبون يلتفتون لفيصل على قولت واحد منهم كل مانسجن فيصل زياده من صالحه باليوم 1150 احسبها هذي كم والله ياخوي المحيط اني خايف من كارثه لان فيصل مريض حيل هو خارج السجن يوم انه عندنا يوم والثاني بالمستشفى كيف الحين يقولون إخوانه انا رفضت اروح له ولي عذري فيصل بن العائله المحترمه يسوى فيه كذا واالحراميه والمرتشين وعديمين الضمائر هم اللي متولين أمره تصور من يوم القبض عليه حوالي شهر ماندري وينه هذا حق هذا يصير بالممملكه العربيه السعوديه اللي وحدها الملك المؤسس عبدالعزيزبن عبدالرحمن ال سعود طيب الله ثراه على الكتاب والسنه والله ياخوي المحيط ان حكامنا كلهم خير وبركه يحبون الشعب وانا احلف ان مافيهم واحد يرضى با للي صار لكن مشكلتنا البطانه تجب الرؤيا عنهم قدر المستطاع قلت لهم ياناس يابشر ياوادم انتم تابعين لوزارة الداخليه ليش ماتاخذون صاحب السمو الملكي الامير محمد بن عبد العزيز ال سعود قدوه لكم متهمين بالإرهاب من اول يوم يسلمون انفسهم يفتح لأهاليهم الزيارة لا أزيدكم من الشعر بيت اللي اهله خارج الرياض يجيبهم على حساب وزارة الداخليه ولدي ماسوى شي تمنعوه عنه حتى الماء والكهرباء حسبي الله ونعم الوكيل . الف شكر اخوي المحيط على تعاطفك معي ومع فيصل وما بعد الضيق الا الفرج أملي بشي واحد هو ان الامر ياصل سمو الامير محمد بن نايف عسى الله يرحم أبوه وجده عندها تأكد ان فيصل يبي يطلع وانا استرد كرامتي . ودعتك رب البيت


الغالي المحيط سألتني سؤال مهم . وانشغلت بفيصل لا اله الا الله محمد رسول الله اذان المغرب عندنا يارب انك توري كل ظالم الجبروت اللي مهو جبروته والسطوه اللي مهي سطوته يارب يارب يارب انك تصدمه مثل ماصدمنا ترعبه مثل ما ارعب بناتي وامهن مافيه غيرك يارب ينصفها انا با النسبة لي تعبت مواعيد كذب وكلام لا يودي ولا يجيب وجلست انتظر فرجك وبطشك بكل ظالم ومتكبر يارب قيض لي من يوصل شكوى ام وأب وعائله مظلومه مكلومه وبيت من اكرم البيوت اهينوا على يد ناس لا ادري ماذا اشرح عنهم يارب قيض من يوصل شكواهم الى وزير الداخليه صاحب السمو الملكي محمد بن نايف بن عبدالعزيز ال سعود فانا متاكد لو انه عرف وأحيط علم بجميع جوانب القضيه قبل قرار اطلاق سراح فيصل سيتخذ قرار اهم وهو إيقاف هؤلاء الظلمه عند حدهم وكف ايديهم عن العمل والتحقيق معهم بشرط يكون التحقيق بالرياض ويكلف به محققين أكفاء وما اكثرهم ولله الحمد عندها انا متاكد سوف تتوالى المفاجآت لم تكن تخطر على بال احد . اخوي المحيط سؤالك كان ان القصيده كان اسمها (( الشراريه )) صدقت وهذا الاسم اللي أطلقته عليا انا وأرسلتها لأخوي طالب الاسمر اللغبه ينشرها اولا لاني ماعرف ثانيا لان عيال أبونا ابو مطلق الله يرحمه إخوان لي اتصل بي قال يابو فيصل القصيده ما عليها كلام بس العنوان (الشراريه) مهو مناسب لها. قلت خلاص شوفوا لي عنوان تشوفونه يناسبها اقترح مفلح الاسمر (صبر المهادي ) أعجب الجميع حطيناه انا أشوف الشراريه تناسبها حيل لاني اولا احس نفسي شراراي ثانيا لاني شبهت قصيدتي بالذلول الأصيل اللي ماتلحق هنا الجيش الأصيل اللي مسمانهن مشهور ومعروف ويطابق وزن القصيده (( الشراريه + العمانيه )) وبحكم محبتي للشرارات حطيت الشراريه وكانت تسميتي صح ولكن الشباب شافوا ان صبر المهادي انسب وهذي كل السالفة ياخوي الغالي المحيط . لك محبتي

#40
الصورة الرمزية فرحان قيران

فرحان قيران

شاعر

السلام عليكم صباح الخير اشكر الجميع على تعاطفهم مع قضية ابني العادله لارماكم ربي بيد ظالم قضيه غريبه الجميع افسح الطريق للظلمه لعمل ما يريدون والا كيف تبقى معاملة انسان برئ ذاق الأمرين على مرأى ومسمع من الجميع تبقى اولا بهيئة التحقيق والادعاء العام لمدة زادت عن الشهرين ولم يكن لديهم اي سبب لتاخيرها سوى زيادة الضغط على فيصل من اجل حفظ ماء وجوه ترى في تقاسيمها الحقد الدفين وعيون ترى فيها رايات الظالمين اعلم انهم سيخرجون منها سالمين وغانمين ولكنهم نسوا او تناسوا بطش رب العالمين : أخواني وأخواتي أبشركم معاملة فيصل جابت بنت مثل القمر هههههههههههوالله ما امزح يوم تاكدوا ان فيصل برئ اسقط في ايديهم وقاموا با اخراج معامله محفوظه من 3 سنوات ذهبوا بها بسرعة تسبق البرق : عودي ترى الفرقى تهدد حياتي : يا منيتي من بيض من سمر من زرق : يا رغبتي ياغيتي ياغناتي : صحيح من قل العذارى بهن فرق ((عاش مروي نزال)) الاسم واحد مار متخالفاتي : انوح نوح منوحات من الورق : ياشفت بعض ثيابك معلقاتي : هذا محل اللعب والمزح والقرق : وهذا محل ((المعطفه )) والعباتي . الفنان حجاب : ياربي يم بيوت الطين انا على نيتنا المعطفه عجزنا نعرفها نشدنا واحد هو افهمنا معه ثاني ابتدائي أخذ الاول وهو ساقط بدرسين بس علاماته قويه نشدناه عن المعطف قال عجزت وانا افهم كم المعطف ((الفروه)) ياخبول صدقناه يوم عاد كبرنا وتعلمنا وصرنا حضراكتشفنا انه كذوب اثريها ((البطانيه)) تليشت)) بكره اكمل لكم السالفة مع السلامه

إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


Powered by vBulletin® Version 3.8.11
Copyright ©2000 - 2020, Jelsoft Enterprises Ltd.
Ads Management Version 3.0.1 by Saeed Al-Atwi
Search Engine Optimisation provided by DragonByte SEO v2.0.42 (Pro) - vBulletin Mods & Addons Copyright © 2020 DragonByte Technologies Ltd.
جميع الحقوق محفوظة لمجالس الموروث ماضيا وحاضرا