.:: مجالس الموروث ماضيا وحاضرا ::.
بسم الله الرحمن الرحيم,
إظهار / إخفاء الإعلاناتلجميع الاعلانات ذات الحجم الصغير
عدد الضغطات : 14,104 مساحة إعلانيه

مجلس الشعر العامي للأعضاء ,, يهتم بشعراء المنتدى ولا يسمح بنشر قصائد الغير

اضافة رد
#21
الصورة الرمزية سليمان العجيلي

سليمان العجيلي

شاعر

اقتباس:
المشاركة الأصلية كتبت بواسطة فرحان قيران مشاهدة المشاركة
رسمي مبارك الصرم من ابناء مبارك الصرم . هلا وغلادقيقه بوضح شي للإخوان وارجع لك . رسمي الصرم من جماعتي من ابناء عمومتي دهمشي من عظام رقبتي هو وإخوانه مجموعة شباب تبلش بهم اشرح اكثر لوصارت لك حاجه تبي تروح لواحد منهم تبلش من تروح له كل واحد أطيب من الثاني . مشكور بن عمي مشكور رسمي عساكم ذحز حزام عز ودرع جنب الله لايفرقكم يارسمي سلم على أخوانك لكم . محبتي

اخي العزيز ابوفيصل فرحان قيران الدهمشي العنزي

بارك الله فيك على الايضاح ونعم وسبعة انعام والله من قبيلة الدهامشه عامه

اهل الخوه الطيبه واهل الحميا والرجوله اعلومهم وافعالهم مشرفتهم بين القبايل

تحياتي وتقديري لكم









#22
الصورة الرمزية فرحان قيران

فرحان قيران

شاعر

اقتباس:
المشاركة الأصلية كتبت بواسطة القاموس مشاهدة المشاركة
لاحول ولا قوّة الاّ بالله
حسبنا الله ونعم الوكيل
----------------

الظلم يافرحان بالنّاس مايقاس
والصّبر مفتاح الفرج يالقيادي
عنيك في ساعة مناجا بالادماس
واطلب كريماً مايردّ المنادي

الواحد اللّي يجلي الضّيق والباس
إدعه وكرّر دعوته باجتهادي

يردّ لك غاليك وابليس ينداس
والظلم بأمره يتّضح للعبادي

وإن كان ودّك نلبس الدّرع والطاس
صوّت وناقف حضرنا والبوادي




مشكور يالقاموس يانسل الكرام =شم الجبال اللي يظلل ظلها
ياشوق من تزهى الزميم والوشام =بنت الرجال اللي زهاها دلها
يامعًرب الجدين من خال وعمام =ياقلت كلمه تعتبركفولها
يالهيلعي مالك شبيه الا الحسام =الكبد يبهجها ويشفيً غلها
لهل الشرف عندي محبه واحترام =اجلها وأهل الردى ماجلها
الناس يالقاموس ماتدرى الملام =ظلم البشر عادي ولا يشكلها
عفيه عيون الظلم والظالم تنام =الله مهو مهمل ولو يمهلها
الحق نور الشمس والظلم الظلام =واللي يبي درب النجاه يدلها
ياخوي يالقاموس يالشهم الهمام =اللي قسم لنفوسنا حاصلها
نحلها بالجاه والا باانظام =نفسي كرامتها عدوة ذلها
وان كان صارت. حرب من عقب السلام =سلمتهم دق الامور وجلها
ماوالله انشد عن مروجة الكلام =وأولاد مكلب عند وجهي كلها


التعديل الأخير تم بواسطة محمد العابر ; 18-05-2014 الساعة 08:47 PM
#23

القاموس

مشرف مجالس موارد و مراعي الشرارات بوادي السرحان

اقتباس:
المشاركة الأصلية كتبت بواسطة فرحان قيران مشاهدة المشاركة


مشكور يالقاموس يانسل الكرام =شم الجبال اللي يظلل ظلها


ياشوق من تزهى الزميم والوشام =بنت الرجال اللي زهاها دلها


يامعًرب الجدين من خال وعمام =ياقلت كلمه تعتبركفولها


يالهيلعي مالك شبيه الا الحسام =الكبد يبهجها ويشفيً غلها


لهل الشرف عندي محبه واحترام =اجلها وأهل الردى ماجلها


الناس يالقاموس ماتدرى الملام =ظلم البشر عادي ولا يشكلها


عفيه عيون الظلم والظالم تنام =الله مهو مهمل ولو يمهلها


الحق نور الشمس والظلم الظلام =واللي يبي درب النجاه يدلها


ياخوي يالقاموس يالشهم الهمام =اللي قسم لنفوسنا حاصلها


نحلها بالجاه والا باانظام =نفسي كرامتها عدوة ذلها


وان كان صارت. حرب من عقب السلام =سلمتهم دق الامور وجلها


ماوالله انشد عن مروجة الكلام =وأولاد مكلب عند وجهي كلها



صح لسانك
كفو
قول وفعل

التعديل الأخير تم بواسطة محمد العابر ; 18-05-2014 الساعة 08:51 PM
#24

عيد مقبول الفليو

شاعر

الشاعر الكبير و الرجل الخلوق/ فرحان قيران

يعلم الله إنني مبتعد عن النت و المنتديات خلال الأسبوع الماضي نظراً لوفاة والدتي رحمها الله و أسكنها فسيح جناته و عندما أخبرني أحد أبنائي بهذه القصيدة فتحت النت و المنتدى للمشاركة بالرد و شاهدت هذه القصيدة الشامخة الواضحة , و أسأل الله أن يقر عينك بخروج إبنك و عودته لكم , و الله يابو فيصل أننا نحزن لحزنكم و نفرح لفرحكم و نسأل الله لكم الفرج القريب

دمتم بالخير و المسرااااات


#25
الصورة الرمزية فرحان قيران

فرحان قيران

شاعر

اقتباس:
المشاركة الأصلية كتبت بواسطة سيف النهار مشاهدة المشاركة
عجل الله له بالفرج القريب

والله على كل ظالم

وصح لسانك على ماتكرمتم به


سيف النهار . هلا وغلا اخوي المحترم الله يجزاك خير ويكفينا شر الظلم والظالمين والله ياخوي ان ولاة أمرنا كلهم خير لكن دونهم فيه ظلمه اذا محد التفت لهم راح يلعبون بالناس ويضايقونهم حتى بارزاقهم ناس ملها قلوب ولا تخاف ربها الله قادر على البطش بكل واحد يحب الاذى لعباده مشكور اخوي على تعاطفك مع اخوك فيصل وهذاهو بالسجن العام مرمي بدون محاكمه وبدون محد يسال عنه قضيه مفبركه وهميه مالها راس ولارجلين . حسبي الله ونعم الوكيل على كل ظالم

#26
الصورة الرمزية فرحان قيران

فرحان قيران

شاعر

اقتباس:
المشاركة الأصلية كتبت بواسطة محمد النصره الشراري مشاهدة المشاركة
الشاعرالكبير:فرحان بن قيران
اولاً صح لسانك وبيض الله وجهك على هالشامخه التي عانقت السحاب بسموها
وتاكد اني متابع لكل ماتكتب سوا دخلت او لم ادخل
ثانياً اسال الله ان يفك نايبة ابنك وان يفرج كربه هو القادر
على ذالك
وبالاخير شكراً لك ولاتواصلك ووفائك لربعك ابناء قبيلة الشرارات
وليس غريب عليك الوفاء
تقديري لك


محمدالنصره الشراري . هلا وغلا اسم مهم وشاعراتابعه بكل شغف محمدالنصره الشراري اسم لشاعر مفوه مهو بحاجه لشهاده لامني ولا من غيري محمد النصرة الشراري رجل كريم من قبيله غاليه على قلبي محمد النصرة الشراري تواضع الكبار أراه في كل كلمه يقولها عن اخوه فرحان بن قيران فيه من الشعراء وهم قله ولله الحمد اذا سمع شاعر يثنون عليه الناس اوحس ان ممكن ينافسه او يزاحمه على موقع يحاول تهميشه بااي وسيله مع العلم ان الساحة تأخذ الجميع وعلى ما نقول بامثالنا السابق تطلعها يدها والميدان يا حميدان . اخوي محمد النصرة كل الاخوان غالين عندي لكن دخولك انت بالذات له وقع خاص بنفسي لاني اعرف قيمة محمد النصره لاني متابع لدرجه ماتوصف لك ولكل رجل مثلك ومن زمان بعد اخوي المحترم افرح لو واحد مثلك قرا قصيده لي وانا يشهد الله ماعرف ازيًف مشاعري اللي بقلبي اقوله فلا يفرحني انك تقرا لي قصيده اما ان محمد النصره يتبعني هذي يعلم الله كبيره علي والله اني صادق بكل كلمه قلتها كل الموجودين يعرفون طبعي حتي فرحتي بإشادة رجل مثلك بي تجي طفوليه هذي أحاسيسي شرحتها لكم بكل صدق وربي شاهد على كل كلمه قلتها شكر على تعاطفك مع الابن فيصل والله نسيته من فرحتي بكلامك عني . احترامي وتقديري لك وللجميع

#27
الصورة الرمزية فرحان قيران

فرحان قيران

شاعر

اقتباس:
المشاركة الأصلية كتبت بواسطة سليمان العجيلي مشاهدة المشاركة
اخي العزيز ابوفيصل فرحان قيران الدهمشي العنزي

بارك الله فيك على الايضاح ونعم وسبعة انعام والله من قبيلة الدهامشه عامه

اهل الخوه الطيبه واهل الحميا والرجوله اعلومهم وافعالهم مشرفتهم بين القبايل
تحياتي وتقديري لك



اخوي الغالي سليمان العجيلي . ونعم بشاربك تسلم الدهامشه عموما وانا واحد منهم يكنون لقبيلة الشرارات كل محبه وتقدير اكرر شكري لك باسم عيال مبارك الصرم الدهمشي الله يرحمه وبااسمي الشخصي . لك محبتي

#28
الصورة الرمزية متعب النصّار

متعب النصّار

وصيف شاعر المليون وأحد اداريي مجالس الشرارات

صح لسانك يابو فيصل قصيده ينطق لها الحجر
الله يفرج عن فيصل ويردّه لكم ولعياله سالماً معافا
لي كم يوم أقراها والله ماقدرت أرد
شاعر متمكن من مفرداتك ومشاعرك جيّاشه
دعواتنا للشبل فيصل


تعالي وكل ذنب ٍ لي عليك أغفره
____________________كل الذنوب إن رجعتي بعتبرهن ثواب


Mt3bN@
#29
الصورة الرمزية محمد النصره الشراري

محمد النصره الشراري

الشاعر والمستشار الخاص للمجالس

مساك الله بالنور ياابو فيصل انت شاعر شامخ اوفي وتعامل بوضوح
مع نفسك ومع الجميع
فرضت احترامك على كل رجل نضرته بعيده..
هذا غير شاعريتك الفذه
التي تجبرالمتذوق المنصف بالتحيز لها..
اشكرك يابوفيصل ولاهنت...

#30
الصورة الرمزية فرحان قيران

فرحان قيران

شاعر

اقتباس:
المشاركة الأصلية كتبت بواسطة عيد مقبول الفليو مشاهدة المشاركة
الشاعر الكبير و الرجل الخلوق/ فرحان قيران

يعلم الله إنني مبتعد عن النت و المنتديات خلال الأسبوع الماضي نظراً لوفاة والدتي رحمها الله و أسكنها فسيح جناته و عندما أخبرني أحد أبنائي بهذه القصيدة فتحت النت و المنتدى للمشاركة بالرد و

شاهدت هذه القصيدة الشامخة الواضحة , و أسأل الله أن يقر عينك بخروج إبنك و عودته لكم , و الله يابو فيصل أننا نحزن لحزنكم و نفرح لفرحكم و نسأل الله لكم الفرج القريب

دمتم بالخير و المسرااااات


اخوي الغالي عيد بن مقبول الفليو . اولاعظم الله أجرك انت وإخوانك وعيالكم وجميع افراد عائلة الفليو الغاليه عندي فقد الام فقد الأمان فقد الوجه الوحيد اللي اذا شفته تنسى الدنيا باللي فيها الام وكلمة (امي) أنطقها شف تأثيرها على الروح انا امي على كرسي متحرك شيل وحط بس اذا جت وجلست سوالفها وذاكرتها ماتغيرت ابد حنا عوائل بعائله الكل بخدمتها وجودها سبب رئيسي بتماسك هالعوائل وترابطها جزاء والدينا الجنه حزنت لحزنكم يابو شاكر اخر يوم عزاء عندكم اعتقد الجمعه والله فكرت اجي بس المزاج مأمن سنع انا مزاجي مثل طقس ابريل متقلب وانتم بعد الله يكون بعونكم قلت اجي بفرح بإذن الله عساها اخراحزانكم يابوشاكربلغ الاخوان والعيال تعزيتي الحاره . عاد قبلها بيوم لقيت لك قصيده صدفه جاريتها بقصيده بس عجله اتمنى تحوز رضاكم وبالنسبة للابن فيصل يبي يطلع بإذن الله انسجن بقضيه ماتكسرالوجه والكل يعرفه ويشهدله بالصلاح والاستقامه مشكورابوشاكرعلى كل كلمه قلتها عني وعنه. . محبتي لك وللجميع

التعديل الأخير تم بواسطة فرحان قيران ; 11-05-2014 الساعة 05:31 PM
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


Powered by vBulletin® Version 3.8.11
Copyright ©2000 - 2020, Jelsoft Enterprises Ltd.
Ads Management Version 3.0.1 by Saeed Al-Atwi
Search Engine Optimisation provided by DragonByte SEO v2.0.42 (Pro) - vBulletin Mods & Addons Copyright © 2020 DragonByte Technologies Ltd.
جميع الحقوق محفوظة لمجالس الموروث ماضيا وحاضرا