.:: مجالس الموروث ماضيا وحاضرا ::.
بسم الله الرحمن الرحيم,
إظهار / إخفاء الإعلاناتلجميع الاعلانات ذات الحجم الصغير
عدد الضغطات : 14,104 مساحة إعلانيه

مجلس الشعر العامي للأعضاء ,, يهتم بشعراء المنتدى ولا يسمح بنشر قصائد الغير

اضافة رد
#11
الصورة الرمزية فرحان قيران

فرحان قيران

شاعر

اقتباس:
المشاركة الأصلية كتبت بواسطة سليمان العجيلي مشاهدة المشاركة
الشاعر الكبير فرحان قيران الدهمشي العنزي
صح الله لسانك يابوفيصل على هالقصيده الجزله من ابداع وجزالت شاعرها الكبير شعراً وقدراً

ماسندَت شكوى على كل بلاس
....................................ولاو جهت يم الكذوب الربادي
ان جنبت شرواك تبشر بالإفلاس
.................................يالشمري نسل الرجال النوادي

والنعم يفعلون الغانمه بمن يستاهلونها

فاالأعلامي فيصل معروفاً بمواقفه المشرفه وشجاعتة بقول الحق ومناصرتة المظلوم على الظالم عند الجميع حفظكم وحفظه الله
نسأل الله عزوجل أن يخرج أخينا الاستاذ الأعلامي فيصل وان يحقق الحق ويزهق الباطل انه على كل شيء قدير





سليمان العجيلي اخوي الغالي : هلابك هلا وغلا يازين ها الصوره صورة ابومتعب حي هاالوجه وحي هاليمين اللي ماخلت ضعيف الا ساندته ولاظالم الاردعته سبحان الله الحاكم الوحيد اللي على محبته إجماع احب الشعب فبادلوه المحبه الله يطول عمره ::: جعلني فدوه لها الصوره وراع الصوره : المليك اللي يحب الشعب مثل عياله : كان شاف الشعب مستأنس تزيد سروره : كل شعبه عن لهيب الشمس حدر ظلاله : سيدي ماله شبيه وند بالمعمورة ً سمح الله درب يمشي به وسمًح فاله : الله يعز ال سعود ويمد بعمرابو متعب ويجزاه عنا خير . اخوي سليمان انا رجل مؤمن بما يكتب لي الانسان المؤمن العاقل محصن بالإيمان ولا يمكن يفقد الأمل الباطل لا يمكنه الصمود امام الحق أتعجب من مسلم يسعى بكل ما أوتي من قوه لإلحاق الاذى بأخيه المسلم نحمد الله على كل حال وندعوه ان يحق الحق ويبطل الباطل . اخوي سليمان يعلم الله اني بعد ها التجربة المريرة لم افقد صبري ولكني فقدت الإحساس حتى ب الالم فمن المعيب ظهور رجل مثلي يستجدي ابسط حقوقه يستجدي اخراج ابنه من السجن الذي ادخل اليه بسبب أناس تجردوا من إنسانيتهم واستغلوا مناصبهم أبشع استغلال خادم الحرمين الشريفين أطال الله عمره ومنعه بالصحه والعافيه لم يترك مناسبه او فرصه الا ويوصي المسئولين بالمواطن خيرا انتبهوا للمواطن أوصيكم بالمواطن اهم ماعندي المواطن انا بخير دام انتم بخير أدامك الله يا سيدي سندا للمواطن وعونا له ومادام انك انت بخير فنحن بخير . اكرر شكري اخوي سليمان لك وللجميع

#12

مجرد رأي

عضو جديد

أبدأ حديثي ببيت شعر لخلف المشعان يصف فيه شاعرية فرحان قيران
وأتمنى أن أكتبه بشكل صحيح
الشاعر اللي لياقالوا اسمه قالوا اهيب
واهيب أنا أحسبها لغيري ماتقال
بعد التحية:-
يحتار القارئ
هل يستمتع بجمال التصوير وقوة اللفظ ام يسلم نفسه لمشاعر الحزن والأسى يعلم الله أن مايؤذيك بؤذينا وكأنه علينا
الله يفك سجن فيصل ويطلعه بالسلامة
واذا فيه اي مجال للمساعدة بشتى صورها كلنا معك من الصغير للكبير
ويعلم الله لانقول ذلك لاي غرض الا حقك علينا لم يجمعني معك الا جلسات قليلة ولكن قدرك كبير عند ابناء مبارك جميعا
رسمي مبارك الصرم

#13

القاموس

مشرف مجالس موارد و مراعي الشرارات بوادي السرحان

لاحول ولا قوّة الاّ بالله
حسبنا الله ونعم الوكيل
----------------

الظلم يافرحان بالنّاس مايقاس
والصّبر مفتاح الفرج يالقيادي

عنيك في ساعة مناجا بالادماس
واطلب كريماً مايردّ المنادي

الواحد اللّي يجلي الضّيق والباس
إدعه وكرّر دعوته باجتهادي

يردّ لك غاليك وابليس ينداس
والظلم بأمره يتّضح للعبادي

وإن كان ودّك نلبس الدّرع والطاس
صوّت وناقف حضرنا والبوادي

#14
الصورة الرمزية فرحان قيران

فرحان قيران

شاعر

اقتباس:
المشاركة الأصلية كتبت بواسطة السـ(العابر)ـامر مشاهدة المشاركة
صح لسانك يا ابو فيصل والله آلمتني جداً
ونعم فيك ونعم في عايد رحيل الشمري ونعم الهدية له
وكفووووووو بالجميع
صراحة يؤلمنا جداً ما آل إليه الأستاذ فيصل
نسأل الله ان يرفع عنه الظلم عاجلاً غير آجل
وينعم بالإفراج القريب وتقر عينك في خروجه

ما نقول الا لاحول ولا قوة الا بالله
ونعم بالله فارج الهم والكرب


العابر ابوسامر . هلا وغلا صح بدنك وعسى الالم مايعرف لك طريق وترى حتى الالم له جوانب إيجابيه دليل على خوفك من ربك وان ضميرك حي وانا اقول مثلك لاحول ولاقوة الا بالله . ناس ما ادري من تكذب عليه القضيه مهي قضية (المتحلطم) ولاهي مواطنين اشتكوا فيصل ولدي وانا مربيه مستحيل يقول كلام يقوله المتحلطم ويقول لي شخص ان بعد سجن فيصل بيومين اوثلاثه انه شاف خطاب عاجل من وزارة الداخليه فيها تأكيد ان المتحلطم من بريطانيا وأخفي ولم ترفق منه صوره مع القضيه تصور بعد اعتقال فيصل بطريقه مابي حتى أتذكرها مؤلمه حيل اقسم بالله اني جلست مده مفكرالسالفه حلم اقول لنفسي مستحيل يصير هالشي اكيد انا نايم وبعد شوي اقعد وتصور20 يوم ماندري. وينه نعتمد على الاشاعات بعد مده قال لي واحد انه شافه بالليل بالمستشفى ومعه عسكر فيصل مريض ومسوي اكثر من عمليه والآخوان حاطينه بسجن أنفرادي بزنزانه مع منع الزيارة عنه يقول لإخوانه بعد مانت هى التحقيق معه وحولوه السجن العام وزاروه انا ما شفته ولا ابي أشوفه يقول تسلخ جلده من الالتهابات لان الزنزانه ضيقه وكلها تراب وبق وفيران وصراصير انا صراحه ماتوقعته يعيش او راح يعترف باي شي يبون لوماسواه سبحان اللي عطاه ها القوه والصبر لانه على حق وتصور بعد جواله الشخصي أخذوه فتشوه وخلوه مفتوح وهو مسجون لين اكتشفنا الشي هذا صدفه وقلت لإخوانه افصلوه نهائي ألواتساب شغال والجوال شغال من بيتصل بفيصل او يراسله غير امه خواته اهله اصدقاءه زوجته . التجسس على الناس محرم بكل الأديان والأعراف وفيه قلة ادب وكلامي هذا سهل التأكد منه تاريخ توقيف فيصل معروف وتاريخ فصل جواله معروف . أستحلفك بالله ناس بها العقليات وهاالضمائر الميته يستحقون يجلسون بوضايفهم يوم واحد . اترك الحكم لكم . قضية فيصل معهم مهي المتحلطم قضيته (عرعراليوم) ونقده للسلبيات ودفاعه عن كل مظلوم وتعريته لكل ظالم سبق نقلوه ورجعه سمو الامير الله يطول عمره خصم بشكل شهري محاظر كذب حاولوا فصله بشتى الطرق مأخلوا شي الا سووه وأزيد كم من الشعر بيت إخوانه المساكين بهذلوهم بهذله وحاولوا فصلهم وهم يشتغلون بااداره ثانيه ولالهم علاقه أخذتهم وديتهم سمو الامير وفكهم قسم بالله اني استحيت من الامير الله يطول عمره من كثرماوديت له عيالي وفيه قصيده روعه بسمو الامير بوحده من فزعاته ورى فرحان وعياله ايام نقل فيصل بنشرها إثبات ان المتحلطم قضيه صوريه ملفقه الهدف منها إدانة فيصل لكن بإرادة الله انقلب السحر على الساحر ويمكرون ويمكر الله والله خير الماكرين صدق الله العظيم . محبتي للجميع المعذرة على الاطاله

#15
الصورة الرمزية فرحان قيران

فرحان قيران

شاعر

اقتباس:
المشاركة الأصلية كتبت بواسطة سالم مقبول مشاهدة المشاركة
الغالي والنقي : أبوفيصل
يعلم الله بما لك من محبة واحترام
إعلم ياصديقي أن ماحصل مقدر ومكتوب
واللهم ان كتبت مثل هذا فاجعلنا مظلومين لاظالمين
لأن دعوة المظلوم من الدعوات التي لاتحتمل تأجيل وتستجاب
حتى وإن خرجت من غير مسلم لأن الله حرم الظلم على نفسه ولله حكمته في ذلك
وفي هذه الحياة لنا قصص عن الظلم وأهله إما سمعناها أو قرأناها أو رأيناها أو عايشناها


أقسم بالله أنني رأيت دعوات من قبل مظلومين على أناس ظلموهم
رأيتها عياناً بياناً وفي سرعة هائله .. بدعوة واحده ألا وهي
حسبي الله الذي لا إله إلا هو عليه توكلت وهو رب العرش العظيم
الانسان يمر بإختبار وامتحان يمتحن الله به صبر عبده المؤمن
أوصيك بالصبر والدعاء وأن تحتسب الله على كل ظالم وفي كل أمر والله نعم الوكيل
كلامك كلام الواثق بربه والمتكل عليه بإذن الله وأنت رجل لاتستحق إلا كل خير ومن رجال أخيار
وأسأل الله أن يفرح قلبك بإظهار الحق وخروج فيصل عاجلاً غير آجلاً
تأثرت بماكتبت عن فارس وفجر أسأل الله أن يحفظهم ويصلحهم ويفرحهم برؤية أبوهم عاجلاً
وأن يأخذ حقهم من تسببوا في هذا الوضع وظلمهم
وأن يظهر الله الحق ويزهق الباطل
حسبنا الله ونعم الوكيل
،،


الغالي سالم مقبول . تسلم الله لا يحزنك على غالي تصدق وتامن بالله العظيم حتى هم ماودي احد يدعي عليهم احيان أتضايق وادعي عليهم واتحسف بسرعه انا ادعي ان الله يفك اسرفيصل وهم لهم رب يحاسبهم يكفي قول حسبي الله ونعم الوكيل حتى هم لهم عيال وأمهات وأهل لكن اي انسان يظلم الناس يخشى عليه من بطش الجبارالمتكبربدون حتى دعوه ماراح يسمح لبشر يتمادى بظلم بشر وهو محرم الظلم حتى على نفسه . شي ثاني ذكري لفجر واخوها يشهد الله مهو ضعف ولا استعطاف لوبضعف واستعطف ماكنت مضطراطلع قدام الناس لكن انا قاعد اشرح ماساه ويشهد الله علي اني ارويها بكل صدق وتجرد من كل شي حتى عاطفة الابوه ومثل القصة هذي لها توابع قصص انسانيه غايه بالجمال اطرحها هنا لأسباب عديده اول شي للعبره ولازم يكون داخلها قصيده وبثبت ان الشاعر الانسان الموهوب أبقى واشد تأثير على المتلقي من شاعر ماعنده قضيه اومشكله واناماسبيت احد تربيتي تمنعني انا قاعد أروي اللي أشوفه بعيني واسمعه بأذني وكل الاحداث اللي رويتها صارت بالنهار الظهران ام الجميع الجميع ولا فيهن روايه تحتاج إثبات كلهن شوف العين لأنهم إصلامهم خايفين من احد وايغال باهانة فيصل وإهانة فيصل اكيد انها موجهه لي قبله ولأنهم فكروا ان زمانهم صفالهم حبوا يخلون النقل ع المباشر اكثر متعه وهذا اللي صارانا صاحب حق ومن حقي أطالب بالطريقة اللي اشوفها مناسبه لانتزاع حقي بدون الإساءة لالهم ولا لغيرهم وكل كلمه اقولها انا المسئول عنها لا مجالس الشرارات ولا الاخوان العاملين فيها عليهم اي مسئوليه . اكرر شكري لأخوي عايد مقبول الرجل الشهم المحترم واتمنى للجميع التوفيق

#16
الصورة الرمزية سيف النهار

سيف النهار

عضو ذهبي

عجل الله له بالفرج القريب

والله على كل ظالم

وصح لسانك على ماتكرمتم به


#17
الصورة الرمزية محمد النصره الشراري

محمد النصره الشراري

الشاعر والمستشار الخاص للمجالس

الشاعرالكبير:فرحان بن قيران
اولاً صح لسانك وبيض الله وجهك على هالشامخه التي عانقت السحاب بسموها
وتاكد اني متابع لكل ماتكتب سوا دخلت او لم ادخل
ثانياً اسال الله ان يفك نايبة ابنك وان يفرج كربه هو القادر
على ذالك
وبالاخير شكراً لك ولاتواصلك ووفائك لربعك ابناء قبيلة الشرارات
وليس غريب عليك الوفاء
تقديري لك

#18

صادق الطرح

عضو جديد

تألمنا فضاع الاقتباس

تألمنا فضاع تذوقنا لشعراً وقف شعر الراس

تألمنا من المُــك ابا فيصل فنحبست الانفاس

تألمنا من واقعاً عليك غريب في بلد(ن) بالعدل هو الاساس

فصبراً ابا فيصل فولاة امرنا لهم عدل(ن) وأن طالــت لهم عدل(ن)

لهم غيره لهم شعباً لهم حباً لهم حكماً وأن طالــت لهم عدل (ن)

فلا تهتم من ضلل ؟ ولاتهتم من اخطى فعز الشعب بالمرصاد وان طالت لهم عدل(ن)

سندعو كلنا معكم وناقف وقفةٍ معكم لدحر الظلم بالقانون 0

#19
الصورة الرمزية فرحان قيران

فرحان قيران

شاعر

اقتباس:
المشاركة الأصلية كتبت بواسطة مجرد رأي مشاهدة المشاركة
أبدأ حديثي ببيت شعر لخلف المشعان يصف فيه شاعرية فرحان قيران
وأتمنى أن أكتبه بشكل صحيح
الشاعر اللي لياقالوا اسمه قالوا اهيب
واهيب أنا أحسبها لغيري ماتقال
بعد التحية:-
يحتار القارئ
هل يستمتع بجمال التصوير وقوة اللفظ ام يسلم نفسه لمشاعر الحزن والأسى يعلم الله أن مايؤذيك بؤذينا وكأنه علينا
الله يفك سجن فيصل ويطلعه بالسلامة واذا فيه اي مجال للمساعدة بشتى صورها كلنا معك من الصغير للكبير
ويعلم الله لانقول ذلك لاي غرض الا حقك علينا لم يجمعني معك الا جلسات قليلة ولكن قدرك كبير عند ابناء مبارك جميعا
رسمي مبارك الصرم



رسمي مبارك الصرم من ابناء مبارك الصرم . هلا وغلادقيقه بوضح شي للإخوان وارجع لك . رسمي الصرم من جماعتي من ابناء عمومتي دهمشي من عظام رقبتي هو وإخوانه مجموعة شباب تبلش بهم اشرح اكثر لوصارت لك حاجه تبي تروح لواحد منهم تبلش من تروح له كل واحد أطيب من الثاني . مشكور بن عمي مشكور رسمي عساكم ذحز حزام عز ودرع جنب الله لايفرقكم يارسمي سلم على أخوانك لكم . محبتي

#20
الصورة الرمزية خاتم سليمان

خاتم سليمان

شاعر

السلام عليك ورحمة الله وبركاته
والله اني من نزلتها الى الان وانا كل ما ابغى ادخل واكتب احتار واقول اكتب لها ع فضى لاني صراحتا ما ادري انا اكتب عن هالدرر والجواهر الي والله انها تسلب الالباب والعقول
ولا اكتب عن موضوعها الي يشهد الله انه احزني لانه ع رجل عزيز علي وله مكانه خاصه بنفسي
الشاعر الكبير الاستاذ فرحان بن قيران الدهمشي الله لايعقد لسانك واسال الله ان يفرج عن فيصل ويمتعك بشوفته عاجلاً غير اجل ابوفيصل باختصار انت رجل نبيييل
فائق التقدير والاحترام لسموكك

[poem=font="Simplified Arabic,5,black,normal,normal" bkcolor="transparent" bkimage="" border="solid,4,gray" type=0 line=0 align=center use=ex num="0,black""]
ما شهرت اسمي على القاف الهزيل=والجزايل باسم خاتم كلها
[/poem]
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


Powered by vBulletin® Version 3.8.11
Copyright ©2000 - 2020, Jelsoft Enterprises Ltd.
Ads Management Version 3.0.1 by Saeed Al-Atwi
Search Engine Optimisation provided by DragonByte SEO v2.0.42 (Pro) - vBulletin Mods & Addons Copyright © 2020 DragonByte Technologies Ltd.
جميع الحقوق محفوظة لمجالس الموروث ماضيا وحاضرا