|
رد: الله خلقنا كالنجوم المشاهير
عافاك الله ابو فيصل
الشك بعيد عنك وعن امثالك وانت بلا شك رجل تستحق الشكر على صراحتك ووضوحك ووفائك بارك الله فيك وبكل امثالك الاوفياء وهذا ان دل على شيء فانما يدل على اصالة معدنك وثقتك بنفسك وبمن تمدح وقلبك وافي مثلك وهذا ليس بغريب عليك اكرر لك شكري وتقديري |
رد: الله خلقنا كالنجوم المشاهير
اقتباس:
القاموس . هلابك اخوي الغالي على راسي من فوق شهاده غاليه والله ياخوي ماعشقت بحياتي مثل الوضوح اذا أرضيت ربي اولا راح ارضي ضميري مهوعيب ان محد يوجهني لابمال ولا بوساطه شخص غالي عندي ولا يمكن بشر يقنعني اقول شي انا ماني مقتنع فيه ولاتفكرموقفي الصلب هذا اني تاجر والا عندي أملاك ماعندي غير الفقر وامرلك اصحاب الثراء رافع خشيمي يصوتون ياولد مر ياولد لك شيك عندنا وانا عمك أطرش هههههههههههه مثلي ياخوي القاموس مثل باقي الناس (الاغلبيه) ادفع نص راتبي أوأكثر اقساط ماقول كلامي هذا اطلب شي من بشر استحي اترك الرزاق واتجه لعبد الرزاق ((رزقكم في السماءوماتوعدون )) اقول كذا يمكن اقدر ارجع للشاعر الرجل شي من هيبته وأغير لوشي بسيط من نظره الناس للشاعر على انه من مستلزمات الحفل مثله مثل الطاوله او الكراسي او الذبايح او قطع الزل ماتكمل الحفله الافيه الشعر ياخوي علاج روح وضماد جروح سلوى وبلوى ومن ناحية محبتي للشرارات تأكد اني قادر ابررها بااي مجلس والجم اي واحد يلومني فيهم بسالفه وحده من سوالفهم انا غير الشعراحفظ سوالف وقصص مؤكده للشرارات ولغيرهم لكن الشرارات باالذات اعرف عنهم كل شي ويمكن اكثر من بعض الشرارات انفسهم حبيتهم وبادلوي المحبه بمحبه اكبرمنها حطيتهم بقلبي حطوني بعيونهم بس الغريب اني ماسبق جيتهم ولا جوني وانامصرمااجي ابد المحبه عن بعد تهبل تأخذ العقل وأبقى من المحبه عن قرب . الف شكر اخوي القاموس على كل كلمه قلتها عني . ودعتك الله |
رد: الله خلقنا كالنجوم المشاهير
عافاك الله
وبارك فيك وفي رعاية الرحمن وحفظه |
رد: الله خلقنا كالنجوم المشاهير
الشاعر الكبيرفرحان قيران الدهمشي العنزي
صح لسانك وافي يابوفيصل ولا يجي منك اقصور دائما ماتجي الا بالعلوم الغانمه يابن قيران ونعم بيك وربعك مشرفتهم اعلومهم وافعالهم بين القبايل ولاهي غريبه منك ولا من النشاما امثالك ممشاكم ممشاء عيال الحمايل اللى ماتجيب من الافعال الا جزالها ويستاهل عيد مقبول الفليو والله من الرجال اللي بعيده شوفتهم وفعالهم ساترتاً اوجيهم والشكر لك ابا فيصل على شعورك الصادق تحياتي وتقديري لشخصك الكريم |
رد: الله خلقنا كالنجوم المشاهير
اقتباس:
سليمان العجيلي . هلا وغلا صباح الخير ياوجه الخير الف شكر على كلامك الطيب عني الله يجعلني ماطيح من عينك ولا من عين كل رجل شهم وأصيل مثلك انت غالي واسم احترمه ومن الرجال اللي معرفتهم تجاره واحرص عليهم افرح بحظورهم واحزن بغيابهم تسلم اخوي سليمان دوم واقف معي ومساندني مهما قلت عنك ماراح اوفيك حقك سلامي واحترامي لك وللجميع |
رد: الله خلقنا كالنجوم المشاهير
الشاعر القدير عيد مقبول الفليو
صح لسانك وبيض الله وجهك ودمت ودام بوحك وبيض الله وجه ابو فيصل ع هالرد الي يتشرف به كل شراري جزاله غير مستغربه وشاعر يصوغ الحرف صياغه فريده غني عن شهادتي ابوفيصل مدرسه والله ماهو غريب عليك الوفا قبلها تقول: انا على درب الفضيلة تربيت ## شربتها يومن ابويه غرفها لكم فائق التقدير والاحترام |
رد: الله خلقنا كالنجوم المشاهير
اقتباس:
خاتم سليمان . هلا وغلا يامرحبابك من زمان ما شفتك . صح بدنك اخوي المحترم شهاده غاليه من انسان غالي الشعر توفيق احيان وبعض الكلمات خبره انا حصلت لي مجالس ودياوين نادر تحصل لغيري نهلت منها المفردة البدويه الاصيله وبحكم اني مدمن قراءه ومحب للاطلاع ثقفت نفسي بنفسي والآن الحمد لله استطعت تطوير المفردة بدون ان اضطر للتخلي عن اصالتي لكن بهدوء ورويه حتى اصبحت كما ترى الموهبة ماتنفع لحالها لازم ثقافه عاليه ورغبه جامحه لكتابة قصيده هنا يكتب الشعر بعد اكتمال اهم عناصره والشرارات مهما قلت بهم مقصر الشعر هو اللي يفخربهم تسلم اخوي خاتم سليمان شهاده غاليه واشاده ترفع المعنويه من شاعر جزل وإنسان اغليه من قلبي . تقبل محبتي |
رد: الله خلقنا كالنجوم المشاهير
اقتباس:
الشاعر الكبير بقدره و شِعْره / فرحان قيران المعذره يابو فيصل على تأخري بالرد , و الله يابو فيصل إنني مبتعد عن النت خلال الأسبوع الماضي لوفاة والدتي رحمها الله و أسكنها فسيح جناته ,و إنشغالي أيضاً بدخول إبني قبل يومين للعناية المركزة لتعرضه لحادث عرضي .و لم أشاهد ردك هذا إلا الآن , صح لسانك يابو فيصل و الله يعطيك العافيه على هالقصيدة الرائعه التي أعتبرها وسام مرصّع بالألماس , لأنها من رجل له وزنه و مقامه العالي الذي يستاهله بكل جداره و الجميع يشتركون بمحبته و تقديره , وفقك الله و جزاك كل خير عن إنطباعك و حبك للجميع دمتم بالخير و المسرااااااات |
رد: الله خلقنا كالنجوم المشاهير
اقتباس:
الريشاوي صح بدنك , لا هنت و ما عليك زود و التألق و الروعة إكتملت بمرورك المتميز وفقك الله دمتم بالخير و المسراااات |
رد: الله خلقنا كالنجوم المشاهير
القاموس أشكر لك مرورك المتميز و كلامك الطيب , و الحقيقة إن الشاعر الكبير فرحان قيران رجل يتمتع بطيب الذات و الأخلاق العالية و يشترك الجميع بمحبته و تقديره لطيب معدنه و أصالته دمتم بالخير و المسراااات |
| الساعة الآن 01:01 PM |
Powered by vBulletin® Version 3.8.11
Copyright ©2000 - 2021, Jelsoft Enterprises Ltd.