.:: مجالس الموروث ماضيا وحاضرا ::.
بسم الله الرحمن الرحيم,
إظهار / إخفاء الإعلاناتلجميع الاعلانات ذات الحجم الصغير
عدد الضغطات : 14,613 مساحة إعلانيه

مجلس الشعر العامي للأعضاء ,, يهتم بشعراء المنتدى ولا يسمح بنشر قصائد الغير

اضافة رد
الصورة الرمزية سالم مقبول

سالم مقبول

المستشار الخاص ومشرف مجالس الأدبية

افتراضي ياخالد وسلطان في أصدق شعور

بسم الله الرحمن الرحيم
قصيدتي المتواضعه كمشاركة بمناسبة الحفل التكريمي الذي دُعينا عليه من قِبل / أبو محمد (عايد مقبول أبو ذينه الشراري)
بمناسبة تخرج كل من : الدكتور سلطان فرحان أبوذينه وحصوله على الدكتوراه من جامعة شيفلد البريطانيه
والأستاذ خالد فرحان أبو ذينه لحصوله على درجة الماجستير بالإعلام
والذي أقيم في العيساويه
ماشاء الله ولاقوة إلا بالله والله يزيدهم من فضله وعلمه ونسأل لهم التوفيق



العلم نور .. وظلمة الجهل .. ديجـور=ولاعاش من يرضى الجهل والعتامه
من المهد : لين اللحـد .. اطلب النـور=بالعلـم : يعلـو .. كل بيـتْ .. بمقـامه
ياللي طلـبت العـلم .. بالعـلم لك دور=اغنـم .. وتغنـم .. بالعـلـوم الكـرامه
لاهنت .. ياللي بالعليـّات .. لك شور=ولا خبـت ياللـي .. بالفكـر لك علامه
من يطلب العليـا على الصبر مجبور=يبـذل .. ويكرب للشـدايد .. حزامـه
ولكل شخصٍ مجتهـد .. فكر وبحور=ودون الهـدف .. ماينـثـني باعتزامه
احدن بماجستـير .. واحدن بدكتـور=وكلن من ذراعه كسى الفكـر خـامه
والليـله الليـله .. بتاريـخ .. وحضـور=في مثل هالمحفل .. رسمنا ابتسامه
تستاهلـون الخيـر كله بلا قصور=وتساهلون العلـم .. وايضـاً وسـامه
جينا نشـارك .. في تباهيج وسـرور=ونحيـّي اهل العلـم .. في كل هـامه
ياخالد وسلطان في أصدق شعور=الله يعـلّي .. كل منـكـم .. مقـامه
مبروك ماجزتوا من سنين وشهور=بالعلم ودروب الفخر والشهامه
والله بكم ينفع .. مخاليق وعصور=ويجعل لكم : في كل عليا .. إقامه
وينفع بكم أرضٍ لها الدين دستور=دار لها .. باهل العلوم .. استقامه
وبمثلـكم .. فخر الشرارات مذكور=نفخر .. براع العلم .. في كل قامه
راع الشهاده .. عزه اليوم معمور=ياحي .. من بالعلم .. حط اهتمامه
ويامكرّم اهل العلم مشكور مشكور=في مثل هالمحفل .. شموخ الكرامه
للعلم : طلابٍ ، وشعبٍ ، وجمهور=هذا التصـدر ، والفخر ، والزعامه

سالم بن مقبول

كلمات البحث




التعديل الأخير تم بواسطة سالم مقبول ; 10-04-2014 الساعة 05:49 PM
#2
الصورة الرمزية سليمان العجيلي

سليمان العجيلي

شاعر

الشاعر القدير سالم مقبول الشراري
صح الله لسانك مشرفنا وشاعرنا الجزل على هذه الجزله والرائعه التي قيلت في من يستحقونها
فهم رجالاً ادركو كل علما غانم ويستاهلون كل خير ادام الله عليهم الافراح والمسرات
وبارك الله لهم بهذا العلم ونفع به وأن شاءالله الى اعلى المراتب والمناصب
ولكم فائق احترامي وتقديري









#3

المظلي

عضوفعال

صح السانك شاعرنا القدير
علي هذه القصيده الجزله

ويستحقون القصيد
تقديري لك و للجميع

#4
الصورة الرمزية مرقاب الوله

مرقاب الوله

مشرف سابق وعضو مميز

الله الله

صح الله لسانك واعتلا شانك

شامخه وراعيها شامخ ويستاهلونها

عن اذنكم التثبيت مع التحيه

التعديل الأخير تم بواسطة مرقاب الوله ; 10-04-2014 الساعة 11:45 PM
#5
الصورة الرمزية الريشاوي

الريشاوي

عضو مُميز



قصيدتي المتواضعه ؟؟

لاوالله ماهي متواضعــة .. الآ جزلــة ومن شااعرٍ جزل ..


قصيده سلسه ومعبره .. اصدق تعبييييير

صح لسااانك ملااايين .. الشاعر القدير سالم مقبول الشراري

وبيض الله وجهك .. قلت وصدقت ~

يستااهلوون من قيلت فيهم ..


#6
الصورة الرمزية محمد العابر

محمد العابر

نائب المدير العام ومؤسس موسوعة الألغاز

شامخة ورائعة من روائعك استمتعنا بسماعها قبل
قراءتها من لدنكم على منصة الحفل صح لسانك ملايين
يستاهلون من قيلت فيهم هذه الشامخة ونكرر لهم التبريكات
على حصولهم على الشهادات العليا

شاعرنا قد عبرت عما يجول بخواطرنا تجاه من يستحقون
فلك الشكر الجزيل ... تحياتي ومودتي ،،

#7
الصورة الرمزية سيف النهار

سيف النهار

عضو ذهبي

صح لسانك على الرائعه الجزله

تحياتي لك

#8
الصورة الرمزية سالم مقبول

سالم مقبول

المستشار الخاص ومشرف مجالس الأدبية

اقتباس:
المشاركة الأصلية كتبت بواسطة سليمان العجيلي مشاهدة المشاركة
الشاعر القدير سالم مقبول الشراري
صح الله لسانك مشرفنا وشاعرنا الجزل على هذه الجزله والرائعه التي قيلت في من يستحقونها
فهم رجالاً ادركو كل علما غانم ويستاهلون كل خير ادام الله عليهم الافراح والمسرات
وبارك الله لهم بهذا العلم ونفع به وأن شاءالله الى اعلى المراتب والمناصب
ولكم فائق احترامي وتقديري






شاعرنا الخلوق : سليمان العجيلي
أهلاً بك وصح بدنك وماعليك زود والله لايهينك
شكرا لك على طيب حديثك وجمال حضورك
تقديري لك
،،

#9
الصورة الرمزية سالم مقبول

سالم مقبول

المستشار الخاص ومشرف مجالس الأدبية

اقتباس:
المشاركة الأصلية كتبت بواسطة المظلي مشاهدة المشاركة
صح السانك شاعرنا القدير
علي هذه القصيده الجزله

ويستحقون القصيد
تقديري لك و للجميع
الأخ القدير : المظلي
أهلاً بك وصح بدنك يالغالي
شاكر لك حضورك وتعليقك
تقديري لك
،،

#10
الصورة الرمزية سالم مقبول

سالم مقبول

المستشار الخاص ومشرف مجالس الأدبية

اقتباس:
المشاركة الأصلية كتبت بواسطة مرقاب الوله مشاهدة المشاركة
الله الله

صح الله لسانك واعتلا شانك

شامخه وراعيها شامخ ويستاهلونها

عن اذنكم التثبيت مع التحيه
أستاذنا وشاعرنا : مرقاب الوله أبو يزيد
حضورك وإطلالتك وإعجابك شرف وإعتزاز
صح بدنك وفكرك وأشكرك على التثبيت
تقديري لسموك
،،

إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
Ads Management Version 3.0.1 by Saeed Al-Atwi
Search Engine Optimisation provided by DragonByte SEO v2.0.42 (Pro) - vBulletin Mods & Addons Copyright © 2021 DragonByte Technologies Ltd.
جميع الحقوق محفوظة لمجالس الموروث ماضيا وحاضرا