.:: مجالس الموروث ماضيا وحاضرا ::.
بسم الله الرحمن الرحيم,
إظهار / إخفاء الإعلاناتلجميع الاعلانات ذات الحجم الصغير
عدد الضغطات : 14,222 مساحة إعلانيه

مجلس الشعر العامي للأعضاء ,, يهتم بشعراء المنتدى ولا يسمح بنشر قصائد الغير

اضافة رد
الصورة الرمزية فرحان قيران

فرحان قيران

شاعر

افتراضي صوت الرعد



@( صـــــوت الـرعـــــــد )@

يازين جو(ن) راح يابو سليمان =تمطر سحابه تقتفيها سحابه
البرق مثل النار في غر الامزان =وصوت الرعد يضفي عليه المهابه
سبحان من يرسل من المزن هتان =اللي بعث طه بمحكم كتابه
اللي جعل للحق بالعدل ميزان= استغفره وارجيه وأخشى عذابه
ربي وانا عبده ومذنب وندمان =أستعطفه والوذبه من عقابه
عبده وبن عبده ومخطي وغلطان =جاء في رجى الرحمه ونوخ ركابه
ياما ارتكبت من الخطأ سر وإعلان =الذنب ثابت والليالي تشابه
جعله يقابل كبر ذنبي بغفران = في يوم ينساك الولد والقرابه
مافيه لأصاحب ولا فيه خلان = الا الذي ياضاق عبده لجابه
منان متكبر وللخلق رحمن =وعن طالب الغفران ماصك بابه
والا البشر ما بالبشر غير الأحزان = مثل الوحوش اللي تطارد بغابه
جربتهم والتجربة خير برهان = صاروا على دامي صوابي ذيابه
تتابعت طعناتهم والخفي بان = واليوم صدري صار منهم خرابه
ولا لنت من طاقتهم والحجر لان = أزيدياشدوا شموخ وصلابه

الموضوع الأصلي: صوت الرعد || الكاتب: فرحان قيران || المصدر: .:: مجالس قبيلة الشرارات ::.

كلمات البحث




التعديل الأخير تم بواسطة محمد العابر ; 06-01-2014 الساعة 11:53 PM
#2
الصورة الرمزية محمد العابر

محمد العابر

نائب المدير العام ومؤسس موسوعة الألغاز

صح لسانك يابو فيصل جزاله لا متناهيه
تحياتي وتقديري ،،

التعديل الأخير تم بواسطة محمد العابر ; 06-01-2014 الساعة 11:54 PM
#3
الصورة الرمزية حناين

حناين

مشرفة مجلس الألغاز 2

صح الله لسانك ثم اعتلى شانك
ابيات روعه
تسلم اخوي بو فيصل

#4
الصورة الرمزية فرحان قيران

فرحان قيران

شاعر

العابر هلا وغلا ابو سامر يابعد راسي والله ماقصرت يابو سامر انا قلته يوم اسجل القصيده والله انه ابتلش بي والقصيده هذي قبل مده ليلة عطله كنا سهرانين عند واحدمن الربع وتتأخر ياصار مافيه دوام متأخر لين نصلي الفجر اخر الليل يصير شعر وهوحيالله شعرعلى ما قالوا (محفوفه) فيه شعر ديوان مايقال هنا او علني خاصة شعر الوصف والشعر الوجداني وبعض شعر النقد . كنا قبل الفجر جت موجة سحب سحابه تمطروسحاب وراها تبرق وترعد الرعد يهز الارض من شدته والله ياخوي العابر اني خفت ورجعت البيت بكيت خشيه من عظمة ربي من يقدر يرسل السحب بهالطريقه ويأمرهن سحابه تمطر والثانيه كانها ماسكه سرا وراها من يقدر غير ملك الملوك (جميع الملوك وملكها في ملكوته) سبحانه آمنت فيه وصدقت رسوله احد يستأهل تعفر جبينك بالتراب غيره لا وعظمته وجبروته ما أسجد لغيره ليت بعض الناس اللي يهان وينذل شاف ذاك المنظر اقصد بعض الشعراء يمكن انا اكثر حاجه من بعضهم لكن وربي لو تهتز سلسلة جبال السروات مااهتزيت ماشفت ياخوي ابوسامر اتفه واحقر من بشر الرزاق موجود وينزل للسماء الدنيا يقول اطلبوا ومع هذا يترك الرزاق ويروح وين لعبد الرزاق السموحه طولت عليكم تذكرت ليلة القصيده وسببهابقى شي واحد تصورهالقصيده الابتهاليه اللي كلها خوف من الله وآمل برحمته معنا بالمجالس بنيه حبوبه شكلها ملتزمه أتوقع ان ثلاثه من بناتي المتزوجات اكبر منها اناراعي نيه لأيغرك الشعر وحنا بطبعنا ماعندنا عقد قلت والله ان القصيده هذي اني ابي أهديها (لفلأنه) هي اللي تستاهلها فعلا أهديتها بحسن نيه ثواني بعد ما نزلتها انت والفتاوي ترسل يجوز وما يجوز هذا حرام هذا حلال عاد انا وش لي بها البلشات ماعاد أهدي قصيده لبشر لارجال ولامره بعد اخاف اتورط انا اتهبد على عماها اخاف اهدي لي غزليه على لي مطوع وانشب لإعاد وانا مقرود يمكن انسى وأهديه وحده من غزليات الوصف اللي ماتقال الاعلى مستوى جلسه خاصه مثلا القصيده اللي منها صبر بدور بيت يقال هناايه( ورده وفيها عطورالكون ملتمه : نسيت معها عذاب الوقت وصدوفه) هذي جلد لين أنسى الكلام مهو بس الشعر ههههههههه . الحمد لله انك موجود اخوي (ابو الفزعات ) استنجدت فيك وما قصرت انقذتني كالعادة الله يستر عليها ويوفقها دنيا وآخره . تدري هونت يستر عليك انت ويوفقك انت ماصدقت اخلص وادعي لها أطيح لي بعد ببلشه تبي تقول جزاك الله خير لاتدعي لي انت مانت محرم لي . بقى هذي بس . محبتي لكم

التعديل الأخير تم بواسطة فرحان قيران ; 07-01-2014 الساعة 01:23 PM
#5
الصورة الرمزية سليمان العجيلي

سليمان العجيلي

شاعر

اقتباس:
المشاركة الأصلية كتبت بواسطة فرحان قيران مشاهدة المشاركة

@( صـــــوت الـرعـــــــد )@

يازين جو(ن) راح يابو سليمان =تمطر سحابه تقتفيها سحابه
البرق مثل النار في غر الامزان =وصوت الرعد يضفي عليه المهابه
سبحان من يرسل من المزن هتان =اللي بعث طه بمحكم كتابه
اللي جعل للحق بالعدل ميزان= استغفره وارجيه وأخشى عذابه
ربي وانا عبده ومذنب وندمان =أستعطفه والوذبه من عقابه
عبده وبن عبده ومخطي وغلطان =جاء في رجى الرحمه ونوخ ركابه
ياما ارتكبت من الخطأ سر وإعلان =الذنب ثابت والليالي تشابه
جعله يقابل كبر ذنبي بغفران = في يوم ينساك الولد والقرابه
مافيه لأصاحب ولا فيه خلان = الا الذي ياضاق عبده لجابه
منان متكبر وللخلق رحمن =وعن طالب الغفران ماصك بابه
والا البشر ما بالبشر غير الأحزان = مثل الوحوش اللي تطارد بغابه
جربتهم والتجربة خير برهان = صاروا على دامي صوابي ذيابه
تتابعت طعناتهم والخفي بان = واليوم صدري صار منهم خرابه
ولا لنت من طاقتهم والحجر لان = أزيدياشدوا شموخ وصلابه



تقبل الله منك يابوفيصل

وصح لسانك ابيات مكمن الجزاله والابداع بتوجه الى الله سبحانه وهو العزيز الرحوم الغفار

دمت بهذه الجزاله وأنت بأتم الصحه والعافيه


#6
الصورة الرمزية فرحان قيران

فرحان قيران

شاعر

حنونه : هلا وين رحتي كنت بروح وياج هذي قصيده ابنتهاليه بليلة خير ومطر ورحمه من ربي ياختي ياحناين اللي ما عمرها هاوشتني مشكوره اختي ام فهد . احترامي

التعديل الأخير تم بواسطة محمد العابر ; 07-01-2014 الساعة 05:19 PM
#7
الصورة الرمزية حناين

حناين

مشرفة مجلس الألغاز 2

اخوي الكريم ابو فيصل .. جزاك الله خير أنا ام فواز ولست ام فهد
يالله سامحتك هذي المرة

إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


Powered by vBulletin® Version 3.8.11
Copyright ©2000 - 2020, Jelsoft Enterprises Ltd.
Ads Management Version 3.0.1 by Saeed Al-Atwi
Search Engine Optimisation provided by DragonByte SEO v2.0.42 (Pro) - vBulletin Mods & Addons Copyright © 2020 DragonByte Technologies Ltd.
جميع الحقوق محفوظة لمجالس الموروث ماضيا وحاضرا