.:: مجالس الموروث ماضيا وحاضرا ::.
بسم الله الرحمن الرحيم,
إظهار / إخفاء الإعلاناتلجميع الاعلانات ذات الحجم الصغير
عدد الضغطات : 13,993 مساحة إعلانيه

مجلس الشعر العامي المنقول والنثر والخواطر يختص هذا القسم بنقل قصائد الشعراء من خارج المنتدى ومجلس النثر والخواطر

اضافة رد
الصورة الرمزية طالب الأسمر

طالب الأسمر

المستشار الخاص للمجالس

افتراضي يا مطلق السالفه يبغالها مطلق..!

بسم الله الرحمن الرحيم

أبيات مشبعة بالشعر والجزالة للشاعر الكبير محمد دويشر النصره ( ابونواف )




يا مطلق السالفه يبغالها مطلق..!
شهماً ايلا نوخت عنده ايحنيها..!

شرواك يلي لناظر لابتك تطلق..!
لا اشتد حبل العلوم وبرقوا بيها..'

ضحضاح نورا شعاعه للدجى يفلق
فعلك وعلمك وسيرتك ومباديها..!

ابا استميحك عذر باب الرجى مغلق
وان حيتها لك بسيتها وحسانيها.!

اليوم شب بطرف مجدولها واعلق .
فتيل نارا عجز صبري ايضاهيها.

واقبلت انا مطلقاً وانخالها مطلق ..!
ملموم راس الفخر دونه ما اثنيها.!

والي من اهدوم عزه للردى يشلق.!
لاقست نفسه ولاني من عوانيها.!

والله مايرتقي للمجد متمسلق..!
ضروة اكفوف الردا تتبع مربيها..

تبقى على حالها تقبس وتستعلق..!
ضو الرجى من فتيلاً مايقديها..

البذره الي تروت من نهر عفلق..!
شف الربيع امحل بفيضة مواشيها..

والاانت مطلق وتبقى النادرالمطلق..!
بالنظره اللي بعيداتاً مشاحيها..

الشاعر محمد النصره

كلمات البحث




لا شيء ... يستحق !!

.
.
.


سبحان الله وبحمده ..... سبحان الله العظيم
#2

المحيط

عضو مُميز

اقتباس:
المشاركة الأصلية كتبت بواسطة طالب الأسمر مشاهدة المشاركة
بسم الله الرحمن الرحيم

أبيات مشبعة بالشعر والجزالة للشاعر الكبير محمد دويشر النصره ( ابونواف )




يا مطلق السالفه يبغالها مطلق..!
شهماً ايلا نوخت عنده ايحنيها..!

شرواك يلي لناظر لابتك تطلق..!
لا اشتد حبل العلوم وبرقوا بيها..'

ضحضاح نورا شعاعه للدجى يفلق
فعلك وعلمك وسيرتك ومباديها..!

ابا استميحك عذر باب الرجى مغلق
وان حيتها لك بسيتها وحسانيها.!

اليوم شب بطرف مجدولها واعلق .
فتيل نارا عجز صبري ايضاهيها.

واقبلت انا مطلقاً وانخالها مطلق ..!
ملموم راس الفخر دونه ما اثنيها.!

والي من اهدوم عزه للردى يشلق.!
لاقست نفسه ولاني من عوانيها.!

والله مايرتقي للمجد متمسلق..!
ضروة اكفوف الردا تتبع مربيها..

تبقى على حالها تقبس وتستعلق..!
ضو الرجى من فتيلاً مايقديها..

البذره الي تروت من نهر عفلق..!
شف الربيع امحل بفيضة مواشيها..

والاانت مطلق وتبقى النادرالمطلق..!
بالنظره اللي بعيداتاً مشاحيها..

الشاعر محمد النصره

لله الله الله

هكذا الشعر عند لقاء العمالقه قامتين من اشهر رموز القبيله المهندس مطلق الأسمر اللغبه والشاعر الكبير محمد دويشر النصره فلا غرابة ان يكون لقاء الشموخ والشهامه والكرم

ابو نواف هنا الشعر بكامل اناقته وابها حلله لاتفي الكلمات تلك الشامخة النايفه

صح السانك وعلا شانك ومطلق الأسمر يستاهل وانت شاعر عرفت بقول الحق والسراحه

الشاعر القدير:طالب الأسمر اللغبه

شكر لك على اتحافنا بتلك النايفه المتفرده

#3
الصورة الرمزية ابن المروج

ابن المروج

عضو سوبر

صح لسان الشاعر محمد النصره
وصح لسانك يعطيك الف عافيه

#4
الصورة الرمزية محمد ابوذينه

محمد ابوذينه

الـــمُـــديـــر الـــعـــام

صح لسان ابونواف ..

شاعر كبير له وزنه وجزالته لا تحتاج شهادة .. وعزالله انه عرف وين اتجاهها , مطلق الاسمر علم من اعلامنا الذين نفخر ونفاخر بهم ..

صح لسانك يابونواف ولسان ناقلها ابوعزام .

الحساب الرسمي لمجالس قبيلة الشرارات على السناب banykalb



حساب مجالس قبيلة الشرارات بتويتر
@banymaklab1

حسابي الشخصي في تويتر
@moh81024

للتواصل عبر بريد المجالس الجديد على الايميل التالي
banymaklab01@gmail.com


او التواصل مع الadmin عبر هذا الرقم (واتس اب فقط) 0501306585


كلمتان خفيفتان على اللسان ثقيلتان بالميزان(سبحان الله وبحمده سبحان الله العظيم)
#5
الصورة الرمزية فرحان قيران

فرحان قيران

شاعر

سلام عليكم اخوي طالب الاسمر والجميع وصح لسان شاعرنا الكبير محمد دويشر النصره الشراري ابونواف ونعم شعر ورجل والله يابو عزام اني استحي أنقد شاعر مثله او حتى اعلق على قصيده له انا تراي متابع جيد لشعراء الشمال وبالذات الشرارات فيه قامات اذا شفت اسم واحد منهم استمتع بالشعر بس ماودي احدد اسماء الكل يعرفهم وبونواف على راسهم بس ودي اصيرله دليل بحكم قربي لبو مشاري ومعرفتي التامه له مطلق عندنا ونعرفه اكثر منكم اي مطلق يقصد ابو نواف مطلق صحيح رجال واحد بس داخله مطاليق ن واجد اذا كان حاجة ابو نواف عاجله ما تحتمل تأخير عليه (بمطلق الفزعه) وانا المسئول) يارجال الحمد لله ان العمر عند الله ولايعطى منه والاكان مطلق مبطي متوفي اعرفه عدل (بسم الله على ابومشاري) طولت عمر يارب قاعد اضرب مثل اقول لوكان يقدر يعطي منه كل ماشاف له واحد يبي يموت عطاه شوي بذمتي الا يوزعه هذا سنه وهذا 6 شهور وهذا 3 شهور لين يقضي والقهر ان مطلق مايفرق طيب شامل مايسال هذا يستأهل وهذا مايستاهل يوزعه حتى على العفون عادي المهم عنده يعطي مطلق الاسمر اللغبه علًي الطلاق من ام فيصل انه عطا بس مايعرف ياخذ ماقول الوحيد لكني متأكد انهن يبن يبطن ماجابن مثله هذا رايي بمطلق الاسمراللغبه الشراري ونعم الشارب ليا عجزت أنام من اي هم عطيته عنوان الذيب (ابومشاري) ونمت وهذاك العلم به ماعاد يرجع : علني فداه وفدا كل طيب راس مثله مطلق وأمثاله فرح صدر عمى عين الحزن . (وأمثاله عاد من كثرتهم) السموحه قربت اشطح واجيب العيد . اقرب واحد لبو نواف يحب لي راسه والله اني أغليه وانا ماشفته وأغلي كل شراري . محبتي للجميع

#6
الصورة الرمزية محمد النصره الشراري

محمد النصره الشراري

الشاعر والمستشار الخاص للمجالس

بسم الله الرحمن الرحيم

أبيات مشبعة بالشعر والجزالة للشاعر الكبير محمد دويشر النصره ( ابونواف )


الاخ الشاعر القدير طالب الاسمر حفضك الله اشكرك اخي على هذا النقل
الذي شرفني فهي بنضري مشاعر متواضعه امام سموماقيلت فيه فامطلق
الاسمرمساحات واسعه من البذل والعطا السخي والمواقف الشامخه للجميع00اعطى ويستحق الكثيراطال الله بعمره
وشكرا لك انت يابوعزام كل الشكر والاحترام لاهنت

#7
الصورة الرمزية محمد النصره الشراري

محمد النصره الشراري

الشاعر والمستشار الخاص للمجالس

اقتباس:
المشاركة الأصلية كتبت بواسطة المحيط مشاهدة المشاركة
لله الله الله

هكذا الشعر عند لقاء العمالقه قامتين من اشهر رموز القبيله المهندس مطلق الأسمر اللغبه والشاعر الكبير محمد دويشر النصره فلا غرابة ان يكون لقاء الشموخ والشهامه والكرم

ابو نواف هنا الشعر بكامل اناقته وابها حلله لاتفي الكلمات تلك الشامخة النايفه

صح السانك وعلا شانك ومطلق الأسمر يستاهل وانت شاعر عرفت بقول الحق والسراحه

الشاعر القدير:طالب الأسمر اللغبه

شكر لك على اتحافنا بتلك النايفه المتفرده
الناقد العذب الجميل المحيط

شكرا لك ولكل حرف حطه قلمك الراقي بهذا المتصفح الجزاله والسمو تكتمل بحضورك
وانطباعك الجزل 00لاهنت حفضك الله


#8
الصورة الرمزية محمد النصره الشراري

محمد النصره الشراري

الشاعر والمستشار الخاص للمجالس

اقتباس:
المشاركة الأصلية كتبت بواسطة محمد ابوذينه مشاهدة المشاركة
صح لسان ابونواف ..

شاعر كبير له وزنه وجزالته لا تحتاج شهادة .. وعزالله انه عرف وين اتجاهها , مطلق الاسمر علم من اعلامنا الذين نفخر ونفاخر بهم ..

صح لسانك يابونواف ولسان ناقلها ابوعزام .

صح بدنك يابو خالد شكرا لك ولانطباعك الراقي واشادتك الجزله يالجزل

لاهنت تقبل تقديري


#9
الصورة الرمزية محمد النصره الشراري

محمد النصره الشراري

الشاعر والمستشار الخاص للمجالس

اقتباس:
المشاركة الأصلية كتبت بواسطة ابن المروج مشاهدة المشاركة
صح لسان الشاعر محمد النصره
وصح لسانك يعطيك الف عافيه
اخي ابن المروج صح بنك يالغالي ولاهنت شكرا لك

تقبل احترامي وتقديري


#10
الصورة الرمزية محمد النصره الشراري

محمد النصره الشراري

الشاعر والمستشار الخاص للمجالس

اقتباس:
المشاركة الأصلية كتبت بواسطة فرحان قيران مشاهدة المشاركة
سلام عليكم اخوي طالب الاسمر والجميع وصح لسان شاعرنا الكبير محمد دويشر النصره الشراري ابونواف ونعم شعر ورجل والله يابو عزام اني استحي أنقد شاعر مثله او حتى اعلق على قصيده له انا تراي متابع جيد لشعراء الشمال وبالذات الشرارات فيه قامات اذا شفت اسم واحد منهم استمتع بالشعر بس ماودي احدد اسماء الكل يعرفهم وبونواف على راسهم بس ودي اصيرله دليل بحكم قربي لبو مشاري ومعرفتي التامه له مطلق عندنا ونعرفه اكثر منكم اي مطلق يقصد ابو نواف مطلق صحيح رجال واحد بس داخله مطاليق ن واجد اذا كان حاجة ابو نواف عاجله ما تحتمل تأخير عليه (بمطلق الفزعه) وانا المسئول) يارجال الحمد لله ان العمر عند الله ولايعطى منه والاكان مطلق مبطي متوفي اعرفه عدل (بسم الله على ابومشاري) طولت عمر يارب قاعد اضرب مثل اقول لوكان يقدر يعطي منه كل ماشاف له واحد يبي يموت عطاه شوي بذمتي الا يوزعه هذا سنه وهذا 6 شهور وهذا 3 شهور لين يقضي والقهر ان مطلق مايفرق طيب شامل مايسال هذا يستأهل وهذا مايستاهل يوزعه حتى على العفون عادي المهم عنده يعطي مطلق الاسمر اللغبه علًي الطلاق من ام فيصل انه عطا بس مايعرف ياخذ ماقول الوحيد لكني متأكد انهن يبن يبطن ماجابن مثله هذا رايي بمطلق الاسمراللغبه الشراري ونعم الشارب ليا عجزت أنام من اي هم عطيته عنوان الذيب (ابومشاري) ونمت وهذاك العلم به ماعاد يرجع : علني فداه وفدا كل طيب راس مثله مطلق وأمثاله فرح صدر عمى عين الحزن . (وأمثاله عاد من كثرتهم) السموحه قربت اشطح واجيب العيد . اقرب واحد لبو نواف يحب لي راسه والله اني أغليه وانا ماشفته وأغلي كل شراري . محبتي للجميع

الشاعرالقديرفرحان قيران

ياهلا ويامسهلا الله يحييك بين ربعك واهلك واخوانك اتشرف بمعرفتك من بعيد ومن قريب
اسعدني مرورك العذب واطرائك الجميل اما بخصوص ابومشاري فهوغانم شرواك والغانم
للجميع 00
والله انه دائما وابدا مدار حديث الجميع شعرا ونثرا00
والا الردي حاشاك محدا نشد عنه000لوهووزير الكهربا والصناعه
اعود واقول ابومشاري مواقفه خالده ومشرفه للجميع وما هذه الا قليلا من كثير يستحقه
ابومشاري وامثاله من الغانمين0 شكرا لبوعزام على نقل هالمتواضعه
شكرا لك انت يابو فيصل على كل حرف انرت به متصفحي0 لك فائض تقديري واحترامي

إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


Powered by vBulletin® Version 3.8.11
Copyright ©2000 - 2020, Jelsoft Enterprises Ltd.
Ads Management Version 3.0.1 by Saeed Al-Atwi
Search Engine Optimisation provided by DragonByte SEO v2.0.42 (Pro) - vBulletin Mods & Addons Copyright © 2020 DragonByte Technologies Ltd.
جميع الحقوق محفوظة لمجالس الموروث ماضيا وحاضرا