.:: مجالس الموروث ماضيا وحاضرا ::.
بسم الله الرحمن الرحيم,
إظهار / إخفاء الإعلاناتلجميع الاعلانات ذات الحجم الصغير
عدد الضغطات : 14,232 مساحة إعلانيه

مجلس الشعر العامي للأعضاء ,, يهتم بشعراء المنتدى ولا يسمح بنشر قصائد الغير

اضافة رد
الصورة الرمزية فرحان قيران

فرحان قيران

شاعر

افتراضي دواليب الزمان : اهداء اخوي المحترم عيسى الدوكه



قالوا مكتًم قلت وش يشرح البال = ما يستريح اللي تعاقب هجوسه
العين عافت نومها والسهر طال = والرأس فيه من المواضيع هوسه
حاديك ياعيني عن النوم غربال = كنك عن النوم اللذيذ محروسه
احس في صدري من الحزن موال = كن الشباري بالخفوق مغروسة
الله من هم (ن) بالأضلاع يجتال = شرياني التاجي يحزه بموسه
ياحن قلبي حن من بعض الأحوال = حنين مور(ن) شطب المشي روسه
النار فيه ومقتفيه أشهب اللال = حمله ثقيل ويدفعنه تروسه
زالت جبال وهمنا مابعد زال = والمشكله متبينه ومحسوسه
قامت على روس الرجاجيل الاذيال = شفت اللحى متنتفه ومهلوسه
هذا على ماقيل في ماض الأمثال = دور(ن) رقد ذيبه وقامت تيوسه
فيه الشريف لخايب الجد مرسال = يتبع تعاليمه : ويسمع دروسه
يبي يعيش وضايمه بيت وأطفال = دمعات عينه مطلقه ومحبوسه
من شان هذا قال في غبن وإذلال = ياخشم خذ لك من ورى الخشم بوسه
وفيه الرجال اللي بها الضيم ينجال = تبيع بالشارع بطاطه وكوسه
هذا زمان (ن) فيه تبلش وتهتال = رومه غزونا واذهبونا مجوسه
دنيا بها غبر النوايا والأهوال = أيامها صارت علينا عبوسه
يقلط بها الشبعان لو كان دجال = مهو ذراعه قدمنه فلوسه
ويرجع بها الرجال لو كان رجال = تفتل دواليب الزمان وتدوسه
دورك مضى ياطيب العم والخال = الذيب يضلع والحصاني فروسه
لا تنطح التيار يا طيب الفال = الوقت شين وبلغتنا عسوسه
والله ليصفق راسك الوقت بالجال = والله لطحن مابقابك ضروسه
والله فلا تشرى مباديك بريال = كل المبادي ياالحبيب معكوسه
اصبر على ميلة زمانك ليا مال = ياجب عليك انك لعقلك تسوسه
واصبر على عيلة رفيقك ليا عال = لاتاخذ اسمه من حفيظة نفوسه
والشمس منها حالك الليل ينجال = دوراتها لازم تعود وتحوسه
الوقت هذا يابن الاجواد للمال = ماينفع الرجال رمحه وقوسه
يالله لا تسقي ثرى كل محتال = اقطع نمى زرعه ويبًس غروسه
محد (ن) جنى حلو الرطب عند الانذال = شكله عجيب وداخل التمر سوسه


كلمات البحث




التعديل الأخير تم بواسطة طالب الأسمر ; 01-01-2014 الساعة 10:49 PM
#2

الميزان

مبدع الغــــــــــــــــــاز


واصبر على عيلة رفيقك ليا عال=لاتاخذ اسمه من حفيظة نفوسه


نصيحه تحمل أسمى معاني الأخلاق .



محد (ن) جنى حلو الرطب عند الانذال=شكله عجيب وداخل التمر سوسه


ابو فيصل لا جديد هنا .. فقد عودتنا على الإبداع ..
صح لسانك ملايين ..

#3
الصورة الرمزية محمد العايد ابوذينه

محمد العايد ابوذينه

الـــمُـــديـــر الـــعـــام

صح لسانك يابوفيصل ابيات رائعة كالعادة وفيها من الحكمة الشيء الكثير .

الحساب الرسمي لمجالس قبيلة الشرارات على السناب banykalb



حساب مجالس قبيلة الشرارات بتويتر
@banymaklab1

حسابي الشخصي في تويتر
@moh81024

للتواصل عبر بريد المجالس الجديد على الايميل التالي
banymaklab01@gmail.com


او التواصل مع الadmin عبر هذا الرقم (واتس اب فقط) 0501306585


كلمتان خفيفتان على اللسان ثقيلتان بالميزان(سبحان الله وبحمده سبحان الله العظيم)
#4
الصورة الرمزية سليمان العجيلي

سليمان العجيلي

شاعر

اقتباس:
المشاركة الأصلية كتبت بواسطة فرحان قيران مشاهدة المشاركة


قالوا مكتًم قلت وش يشرح البال = ما يستريح اللي تعاقب هجوسه
العين عافت نومها والسهر طال = والرأس فيه من المواضيع هوسه
حاديك ياعيني عن النوم غربال = كنك عن النوم اللذيذ محروسه
احس في صدري من الحزن موال = كن الشباري بالخفوق مغروسة
الله من هم (ن) بالأضلاع يجتال = شرياني التاجي يحزه بموسه
ياحن قلبي حن من بعض الأحوال = حنين مور(ن) شطب المشي روسه
النار فيه ومقتفيه أشهب اللال = حمله ثقيل ويدفعنه تروسه
زالت جبال وهمنا مابعد زال = والمشكله متبينه ومحسوسه
قامت على روس الرجاجيل الاذيال = شفت اللحى متنتفه ومهلوسه
هذا على ماقيل في ماض الأمثال = دور(ن) رقد ذيبه وقامت تيوسه
فيه الشريف لخايب الجد مرسال = يتبع تعاليمه : ويسمع دروسه
يبي يعيش وضايمه بيت وأطفال = دمعات عينه مطلقه ومحبوسه
من شان هذا قال في غبن وإذلال = ياخشم خذ لك من ورى الخشم بوسه
وفيه الرجال اللي بها الضيم ينجال = تبيع بالشارع بطاطه وكوسه
هذا زمان (ن) فيه تبلش وتهتال = رومه غزونا واذهبونا مجوسه
دنيا بها غبر النوايا والأهوال = أيامها صارت علينا عبوسه
يقلط بها الشبعان لو كان دجال = مهو ذراعه قدمنه فلوسه
ويرجع بها الرجال لو كان رجال = تفتل دواليب الزمان وتدوسه
دورك مضى ياطيب العم والخال = الذيب يضلع والحصاني فروسه
لا تنطح التيار يا طيب الفال = الوقت شين وبلغتنا عسوسه
والله ليصفق راسك الوقت بالجال = والله لطحن مابقابك ضروسه
والله فلا تشرى مباديك بريال = كل المبادي ياالحبيب معكوسه
اصبر على ميلة زمانك ليا مال = ياجب عليك انك لعقلك تسوسه
واصبر على عيلة رفيقك ليا عال = لاتاخذ اسمه من حفيظة نفوسه
والشمس منها حالك الليل ينجال = دوراتها لازم تعود وتحوسه
الوقت هذا يابن الاجواد للمال = ماينفع الرجال رمحه وقوسه
يالله لا تسقي ثرى كل محتال = اقطع نمى زرعه ويبًس غروسه
محد (ن) جنى حلو الرطب عند الانذال = شكله عجيب وداخل التمر سوسه



ابوفيصل صح لسانك قصيده رائعه بروعة شاعرها الجزل الشاعر الكبير فرحان قيران العنزي
قصيده تحاكي أحوال مانحن فيه اليوم داخلياً وما أتاناخارجياً فأنت شاعراً تطرب اسماع موتابعيك ومحبيك بكل ماهو جزل في كل مواضيعك
دمت بتواصلك الجزل والمتميز












#5
الصورة الرمزية فرحان قيران

فرحان قيران

شاعر

الميزان هلا وغلا باخوي المحترم صح بدنك انا من شفتك خففت ألرقابه عني عرفت اني نجحت بالاختبار الف شكر على كل كلمه قلتها عني تقبل احترامي

#6
الصورة الرمزية فرحان قيران

فرحان قيران

شاعر

محمد ابو ذينه ابوخالد هلا والله وغلا انا اسعد الناس بكل كلمه طيبه تقولها انت والآخوان عني الجزل لاهل الجزل هذا كله بتشجيعك ومؤازرتك لي مهما قلت ماراح اوفيك حقك ياطيب القلب والفعل : تحياتي وتقديري لك

#7
الصورة الرمزية فرحان قيران

فرحان قيران

شاعر

سليمان العجيلي اخوي المحترم الغالي اي واحد يسمع مثل كلامك هذا انت والشباب هنا توصل معنوياته لعنان السماء ويستحي يجيب قصيده بها بيت واحد هزل كلامك هذا يزيدي إصرار ويعطيني دافع اخلص من ال 100 بوقت قياسي واسرع مما توقعته انا ربي يحفظك ويحميك من كل شر

إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


Powered by vBulletin® Version 3.8.11
Copyright ©2000 - 2020, Jelsoft Enterprises Ltd.
Ads Management Version 3.0.1 by Saeed Al-Atwi
Search Engine Optimisation provided by DragonByte SEO v2.0.42 (Pro) - vBulletin Mods & Addons Copyright © 2020 DragonByte Technologies Ltd.
جميع الحقوق محفوظة لمجالس الموروث ماضيا وحاضرا