.:: مجالس الموروث ماضيا وحاضرا ::.
بسم الله الرحمن الرحيم,
إظهار / إخفاء الإعلاناتلجميع الاعلانات ذات الحجم الصغير
عدد الضغطات : 14,350 مساحة إعلانيه

مجلس الشعر العامي للأعضاء ,, يهتم بشعراء المنتدى ولا يسمح بنشر قصائد الغير

اضافة رد
الصورة الرمزية فرحان قيران

فرحان قيران

شاعر

Thumbs down مريت ديرتها / اهداء المهندس مطلق الأسمر الشراري


الدمعتين اللي نشت وانهلتً =طاحت على ثوبي ولاهو ودي
منهن خدودي ولعت وابتلتً =وانا لدمعي ماتعود خدي
البارحه كل الامور اختلتً =مريت ديرتها وانا متعدي
والروح من بين الضلوع انسلتً =راحت تعانق بابها وتهدي
وعلى درجها تنسحب ياملتً =ياناس حتى الروح صارت ضدي
والذكريات من الشريط انفلتً =وذكرت لي تاريخ بيح سدي
يوم انها للراس الاشقرفلتً =جزري عليها حال دونه مدي
هزت عروش الصدر لين احتلتً =قلبي غرور بزينها وتحدي
ايام ما تنسى ولكن ولتً =ماكان به واحد بعرعر قدي
لين القدم من شين حظي زلتً =بالساعه اللي للجحيم تودي
قولوا لها تدعي علي ياصلتً =بالموت والدرب الطويل يودي
مادامها عن خافقي ماحلتً =ماوالله اركد غير أواجه جدي


كلمات البحث




التعديل الأخير تم بواسطة محمد العابر ; 01-12-2013 الساعة 01:00 AM
#2
الصورة الرمزية محمد العابر

محمد العابر

نائب المدير العام ومؤسس موسوعة الألغاز

صـــــــــــــح لسانك يابو فيصل
ويستاهلها هديه المهندس مطلق
تشرفت بتنسيقها ومصافحتها

اعجابي وتقديري ،،

التعديل الأخير تم بواسطة محمد العابر ; 01-12-2013 الساعة 01:06 AM
#3
الصورة الرمزية سليمان العجيلي

سليمان العجيلي

شاعر

اخي فرحان قيران
صح لسانك على روعة ابداعك وجزالة استمتعنا مع هذه الشامخه
ويستاهل المهندس مطلق اللغبه رجلاً فاضل كسب محبة الجميع

#4
الصورة الرمزية فرحان قيران

فرحان قيران

شاعر

اخوي العابر : القصيده هذي اهدأء لك وللشرارات مالهاشغل ب ال100 قصيده هذي زود والله العظيم انها مباشره كلمه طيبه يقدح راسي مباشر (تشرفت بتنسيقها) كلمه كبيره احس اني انا وشعري اقل منها لا والله ياخوي الشعر هو اللي يتشرف فيك انت وكل شهم اصيل مثلك . البيت الاول يحتاج تعديل الاول صدره كذا الصحيح (عسى يديك يا العابر من النار ماتناش )مكتوبه بالغلط( ماتناس) العجز كذا صحته ( اخوي ابتلش بي هو ينسق وانا اغني ) انا مكرره مرتين شل الاولى ولا عليك امرهي ليتها تجمل بدون أخطاء مدري كم بيت ان شفتها ماتجملني عندك وعند الشرارات عطها مسح وأبشر. بالعوض دبل الشعر المباشر يبي تركيز شديد انا طالع من الدوام ومستعجل ابي ارجع ومشغول بس قلت بشوف قصيدة( مريت ديرتها) نزلت اولا لان مطلق طالبها هي وكم قصيده من سلسلة ضيقة صدر اللي اخرهن(شقائق النعمان) 13 قصيده وال 14 جاهزه كل سنه قصيده ول قلب فرقى 14 سنه ماعزته عنها كان علمي بها البارح : المهم طلبهن ابومشاري قبل وفاة سليمان الافنس بيوم ايام وفاته صعب تنزل غزل قلت يجن من ضمن ال 100 قال لا اول هن وكمل ( مطلق الاسمرمفلح اللغبه الشراري ) الاسم هذا يرفض له طلب أوقف الشعر على رجل وحده من شانه مهو لأجل حاجات دنيا الا من اجل (الكرم وأطيب والوفى والمرجله) مع الكل بعيد قريب تصدق اي واحد يروح له يفكر نفسه هواغلا الناس عنده ومطلق هذا تعامله مع الكل لي فيه قصايد برسل لو وحده اذا وافق هو مايداني تنشر مدح فيه لوبيت لكن (عفيه ولد) الا ارسلها مهما حصل زعل اعرفه مستحيل يزعل علي . قصيدتك عدلها ونسقها ونزلها كانها تستاهل وعطني رأيك فيها وبالشعر المباشر هذي وقصيدة ابوابراهيم الله يرحمه أخذن مني بس مدة كتابتهن - الله يحفظك تقبل احترامي

التعديل الأخير تم بواسطة فرحان قيران ; 01-12-2013 الساعة 01:42 PM
#5

عيد مقبول الفليو

شاعر

الشاعر / فرحان قيران

صح لسانك , قصيدة جزله تذكرنا بأيام الشباب

دمتم بالخير و المسرااات


#6
الصورة الرمزية محمد العابر

محمد العابر

نائب المدير العام ومؤسس موسوعة الألغاز


عسى يديك يالعابر من النار ماتناش =اخويه بلش بي هو ينسق وانا اغني
شراري مردد يا اختفت فزعة الهلاش =تبين ليا غابت مواقف يعين اني
شراري مردد يأخذ الطيب دين وكاش =شراري واناحب الشرارات يسكني
اذا راسي الصاحي قدح شعر ماينداش =وسرى الليل رحت لديرة الشعر متعني
وسقت النوادر بين قاع البحر والطاش =وتخطريت حيتان البحر ما تخطرني
عليهن طويل ذراع ما يعتريه رعاش =أخذت الفريدة والهوأمير ماجني
اذا الشعر عزامي فانا الهيلعي فدغاش =علي الحرام الا بيوته يطيعني
انوشه ثقه لو قالوا الخلق مايناش=أتله وحيتانه بجنبي يشوفني
إنا ما زرعت القمح مع زهرة الخشخاش =انا مختلف لفلان فنه ولي فني
سحابه مطرها سيل عارم مهو برشاش =ألوم الليالي والليالي يلومني
انا يابو سامر صدر ضايق بدون إنعاش =انا حر وفروخ البواشك يطقني
لحى الله زمن فيه النوادر تصير خشاش =لحى الله زمان(ن) فيه ابوذيل يطعني
اذا جسم كله شوك وش يأخذ المنقاش =الايام يالعابر على الشوك جرني
انا الشاعر الموهوب لاشك حظي ماش =بسباق الزمن حتى السلاحف تعدني
تعبت وجلست انطر متى ياصل القشاش =متى السود ياطلق الحجاجين يطوني
عسى من يعيش لسان دلال مايعتاش =ولوانه بشعره عاش ماعاش متهني
ولا اذكر جلست انطر لفورات بطل كراش =عن كراش تعليمات أبويه يرديني
عسى قبرعود(ن) عشقه الطيب للمرهاش =كلامه يهدي روع قلبي ليا حني
يقول انتبه لوجه ربعك تجي خماش =نسيت أساله حتى ولو خيبوا ظني
نسيت أساله عن ظبي راسه بدون عراش =ياليته سمح لي بس ارد الخطرعني
ومدامه رحل راس(ن) عصى كلمته لاعاش =عسى الله لو أرمى كلمته يوم يلعني
تحيرت يالعابر وانا اخوك وين انحاش =مهو خوف لكن من ظروف(ن) يحدني
طرشت لطبرجل يوم قلبي نوى المطرأش =جميع الدروب لدار مكلب يودني
انا يابو سامر لا منافق ولا غشاش =كرهت النفاق وديرته من صغر سني
اذا جيت ياطلق الحجاجين جيت اقراش =واذا رحت ماوالله يجيك الكدر مني

اهداء اخوي العابر والله انها مباشره

***************
اقتباس:
المشاركة الأصلية كتبت بواسطة فرحان قيران مشاهدة المشاركة
اخوي العابر : القصيده هذي اهدأء لك وللشرارات مالهاشغل ب ال100 قصيده هذي زود والله العظيم انها مباشره كلمه طيبه يقدح راسي مباشر (تشرفت بتنسيقها) كلمه كبيره احس اني انا وشعري اقل منها لا والله ياخوي الشعر هو اللي يتشرف فيك انت وكل شهم اصيل مثلك . البيت الاول يحتاج تعديل الاول صدره كذا الصحيح (عسى يديك يا العابر من النار ماتناش )مكتوبه بالغلط( ماتناس) العجز كذا صحته ( اخوي ابتلش بي هو ينسق وانا اغني ) انا مكرره مرتين شل الاولى ولا عليك امرهي ليتها تجمل بدون أخطاء مدري كم بيت ان شفتها ماتجملني عندك وعند الشرارات عطها مسح وأبشر. بالعوض دبل الشعر المباشر يبي تركيز شديد انا طالع من الدوام ومستعجل ابي ارجع ومشغول بس قلت بشوف قصيدة( مريت ديرتها) نزلت اولا لان مطلق طالبها هي وكم قصيده من سلسلة ضيقة صدر اللي اخرهن(شقائق النعمان) 13 قصيده وال 14 جاهزه كل سنه قصيده ول قلب فرقى 14 سنه ماعزته عنها كان علمي بها البارح : المهم طلبهن ابومشاري قبل وفاة سليمان الافنس بيوم ايام وفاته صعب تنزل غزل قلت يجن من ضمن ال 100 قال لا اول هن وكمل ( مطلق الاسمرمفلح اللغبه الشراري ) الاسم هذا يرفض له طلب أوقف الشعر على رجل وحده من شانه مهو لأجل حاجات دنيا الا من اجل (الكرم وأطيب والوفى والمرجله) مع الكل بعيد قريب تصدق اي واحد يروح له يفكر نفسه هواغلا الناس عنده ومطلق هذا تعامله مع الكل لي فيه قصايد برسل لو وحده اذا وافق هو مايداني تنشر مدح فيه لوبيت لكن (عفيه ولد) الا ارسلها مهما حصل زعل اعرفه مستحيل يزعل علي . قصيدتك عدلها ونسقها ونزلها كانها تستاهل وعطني رأيك فيها وبالشعر المباشر هذي وقصيدة ابوابراهيم الله يرحمه أخذن مني بس مدة كتابتهن - الله يحفظك تقبل احترامي
والله من اغلى الهدايا يابو فيصل تشرفت فيها الله يسعدك حقيقه مجارات شاعر كبير بحجمك
من مبتدء بحجمي ظلم لقصائدك احاول مجاراتها بنصفها لترد لها بعض من الجميل في ثناياها لكن هيهات شامخه بشموخ شاعرها فالعذر والسموحه أبا فيصل صح لسانك واعتلى شانك


على بيض الورق يحتار فكري لو يهوم الجاش=أعانقها تسامت فوق سنا منها ولا مني
تزوم وتنزح بحلو المعاني مرعدة برهاش= وانا احاول أسانف عنقها يامير تشطني
غزيره وارتوت تروي معانيها والكبود عطاش=يرحب في مصافحها وهو بالحيل متجني
تودد للشموخ اللي اشوفه خلف رق الشاش=اعيد القراءه ثم اعيد ولا ارتوى فني
الا ياهي عذوبه لو يرددها من ركب طراش=على حمرا حصى اخفافها حيل نزني
يردد فوقها طربان قصيدة من بدعها كاش=ابو فيصل يزف ابها هديه بالوفى حني
سلامي له عدد بنن حظنه من الكرم مهباش=وعدد ذراته اللي وسط نجر حيل دقني
وعدد رمش(ن) بعين آدم عدد مارف بالمرماش=هلا ياحي اهل عرعر الى قاصيهم مثني
هلا ولفين مرحب يالوفي واللا الردي لاعاش=هلا ورد ومحبه ينفرش لك دون مايكني
لك الله والسموحه بالصدى لو تشوفه ماش= نعانق بالشعر بيضا نوادرها تسامني


التعديل الأخير تم بواسطة محمد العابر ; 02-12-2013 الساعة 01:00 AM
#7
الصورة الرمزية فرحان قيران

فرحان قيران

شاعر

عيد مقبول الفليو : اسم غالي عندي وربي شاهد هلابك هلا كبرت هالحين تونا انا وانت شباب من حق الانسان ينعش صدره بشوي أكسجين انا بحياتي من يوم كنت شباب عمري ماعشقت المره غريزه احبها روح وأعشقها فكر : مرورك اسعدني ربي يحفظك ويطول عمرك

#8
الصورة الرمزية فرحان قيران

فرحان قيران

شاعر

اخوي المحترم سليمان العجيلي : هلابك هلا وغلا لوماكسبت من الشعر الا معرفتك انت وامثالك يكفي وزياده الرصيد الحقيقي اللي ماينفد معرفه الرجال حاجات الدنيا مقدور عليها غمرتني فضل وطوقتني محبه اليحفظك ويطول عمرك

#9
الصورة الرمزية فرحان قيران

فرحان قيران

شاعر

العابر هلا غلا اخو ي الذوق صح لسانك روووووووعه كبدايه تحتاج الوقت محد جاء. متعلم ودامك تقول انك بالبدايات واصل وراح تاصل الشعر مليان النت منه شف اي شاعر يعجبك وتابعه راح تجيده بس تحتاج صبرهذامن ناحيه إمامن ناحية قصيدتي انا لا بالله زينه اشوا والله ما قريتها مضبوط الا اليوم وأنت. والشرارات تستأهلون و شعر المدح عيب الرجل يقول شي ماعنده دليل عليه تستأهلون جيتكم محشوم وبودعكم الليله مقدر ومحشوم شف كم باقي من الميه ولوتبي فوقها ميه أناماصلح قريب ودك تعرفني عن بعد هههههههههه وجودي يحرج ابوخالد ويحرك خصوصا شعر بها الكثافة في احراج لأطراف واجد حتى انالاني على عماها مأخذ الامور ببساطه تقدر تقول تاصل للامبالاه انا قايل لكم فوضوي كأني نايم تنبهت للموضوع من رد لبومزهرعلى الميزان يسال ابو مزهر ليش شالوا قصيدتك ب الافنس رد عليه ابومزهرانانقلتهامحدنقلهانبي نعطي مجال لغيرنا إحساس ابومزهرغيرناانا مدرعم ب 100 قصيده يارجل سوالفي سوالف ابوسامر شف كم باقي وانا ارجع مثل اول ارسلها لطالب ينشرها بين مده ومده ولو تبون ال 100 دبل أرسلتها المهم الليله موجود وحاول ارسل لك اللي اقدر اكتبه وعقبها (شلعة قطاني بعيد النجم يزهاله بخلي ختامها مسك بقصيده برجل من أنبل الرجال من زمان بقصد به لانه كفؤ ويرفع الرأس وانا مالي اي مصلحه مع الرجل شفته مره وحده بحياتي بمناسبة وبعدها من الجوال وجاي شفته مره وسمعت فيه مرات ومرات راح اودعكم من خلاله تطمنوا يستاهل وزود حرام فلا عمري مدحت الا طيب راس مثله بتعرفونه الليله شراري شهم يستأهل المدح طبعا مأسوية ولابيت بخليها مباشر اقوى وعقبهاهيلك بالهوى شالوا شلعة قطامي بعيد النجم يرقاله وترتاحون من لجتي يارجل رثعت بكم ههههههههههههههههها مع وعد ان هروبي بموهبتي لكم اخر هروب بسفط ادوات الشعر واستمتع بمتابعة كل جديد لكم ولغير كم الله يحفظكم وجزاكم خير ياوجيه الخير

#10

المحيط

عضو مُميز

الـبــارحــه كـــــل الامــــــور اخــتــلــتً
مـــريـــت ديــرتــهــا وانــــــا مــتــعـــدي
والروح مـن بيـن الضلـوع انسلـتً
راحـــــت تـعــانــق بــابــهــا وتـــهـــدي



الله الله
عزف راقي ونزف متقن بتلك الباذخه الفاتنه وماتحمله من وجد وتوجد
قافيه رنانه ومتناغمه وممتعه للقارئ بسجع ولحن شيق
الشاعر القدير
فرحان قيران العنزي
لاينافس قمة شعرك الا قمة وفاءك ونبل اخلاقك وسمو ذاتك ومعدنك الاصيل
صح السانك وعلا شانك
احترامي وتقديري

إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


Powered by vBulletin® Version 3.8.11
Copyright ©2000 - 2020, Jelsoft Enterprises Ltd.
Ads Management Version 3.0.1 by Saeed Al-Atwi
Search Engine Optimisation provided by DragonByte SEO v2.0.42 (Pro) - vBulletin Mods & Addons Copyright © 2020 DragonByte Technologies Ltd.
جميع الحقوق محفوظة لمجالس الموروث ماضيا وحاضرا