قصايد الشاعر مشحن بن صليهم العنيق الشراري رحمه الله

شاعر من شعراء الشرارات القداما والفحول اندثرت قصائده او كادت ولم أجد
قصائد له على الشبكه العنكبوتيه سوى ماسمعته من احد كبار السن يحفظونها واحببت ان يدون لهذا الشاعر حفاظاً عليها

هو الشاعر / مشحن بن صليهم العنيق الحليسي الشراري ( رحمه الله ) والمتوفي بعد احتلال القدس بعام تقريباً

سأورد له بعض قصائد ه وعذراً لا احفظ الا القليل رغم انني سمعت الكثير
وبإذن الله سأسعى جاهداً الى تدوين ماسمعته هنا ومن يحفظ من شعره شيئاً فلا يبخل علينا

بداية ابو صبيح / مايل عبان العنيق الشراري قمت بزيارته وعد علي قصة تشريقة الشرارات وقصيده لهذا الشاعر فيقول
(( سنة تشريقتنا يوم ولية القدس شرقنا من عند مغيرا وخوعا مرينا من عند الجوبه محيلين من الوادي
يقولون الحيا من تربا وغاد ويم هالديار الشردزيه يقولون عشب يم سلمى ويم جلديه ويم الاجفر ويم صدر وهذيتس الديره
والله وقال ( منوخ بن دعيجا ) قال يالله وهم يحيلون الشرارات وحنا نرد الحيانيه وناخذ عليها خمسة أيام
وحنا نغرفها وناصل تربا ويوم وصلنا تربا ولياوالله العشب والخزاما على الكيف والله ونربع وشدي يالبل لما عجزت قبل عليها دزدم
وهي تشد لما عجزت من الشحم ... وحنا نغرب يم ديارنا عاد ( مشحن بن صليهم يتمثل باللي جرالنا وحنا حوله )

يقول:
[poem=font="simplified arabic,6,darkblue,bold,normal" bkcolor="white" bkimage="" border="outset,8,crimson" type=1 line=0 align=center use=ex num="0,black""]
راحوا من الجوبه شتات(ن) هل النيب= من السنين اللي صفت بسماها
اللي نصى نجد(ن) واللي تغاريب =واللي قعد ابديرة(ن) ماشتهاها
أبو محمد مايطيع الزواريب =شل الضعن والبل مشى بهواها
ياما سلَّكنا بديار الاجانيب= وروس المعزه حطنا في قراها
وتهنت المرباع عوج العراقيب=وتعدلت عجف العشاير إذراها
وراجت على حس المشايع جناديب=شقح البكار اللي طويل(ن) خطاها
من الرياض الى تلول(ن) ورى السيب=يرعن به الزرفات ماحد جفاها
حكام(ن) اصلي عارفين المواجيب =وكل علة(ن) مولمين(ن) دواها
إبن دعيجا شيخنا ماكر الطيب= حر(ن) ليا شل الضريبه رماها
[/poem]


القصيده الثانيه

[poem=font="simplified arabic,6,black,bold,normal" bkcolor="white" bkimage="" border="double,6,darkblue" type=1 line=0 align=center use=ex num="0,black""]
نطيت انا راس قرماشه= وزبنت جاله عن الطفه
وراسي كما راس قراشه= وتوذت النفس من جثه
وقلبي كما ظرب هباشه= عزالت الحب عن غفه
وجدي على كور مرعاشه= حمرا على ساقها الكفه
ماتداني العود وان ناشه= رف الحمامه مثل رفه
[/poem]

الثالثه
[poem=font="simplified arabic,6,black,bold,normal" bkcolor="coral" bkimage="" border="solid,6,darkblue" type=1 line=0 align=center use=ex num="0,black""]
براس الطويله عاوين قشطة اصوات= حنين خلج مذهبات(ن) اولاده
والين اهبالي راجع(ن) عقب مافات= مالي على صبر التقانه جلاده
من خفرة(ن) قفوا عليها الصبيحات = بس شوف عين ولا بغتني براده
قرونها شقر(ن) على الصدر زافات= وحطت من فوق الجدايل قلاده
والله خلق اعيونها تقل ساعات=عيون حر(ن) يوم وافق هداده
مير انتم تشوفون هبالي ياشرارات=كيف ردته وهي مابغتني براده
[/poem]


مع تحيات اخوكم / أبو سااامر