لاتستثير الجرح..!!

لا تستثــير الجــروح بداخل اعماقي=خل المخفى الجريــح بداخــلي يبقى
ياطيــفي العـــابر اللي راوز عنـاقي=معك الأماني مع اوهام الزمن ترقى
كل ليله اطالــع الساعه وانا شــــاقي=واناظــرك وارتقــب ياساعــة الملقى
ماغير انا والقـلم :: والملتقى اوراقي=والهاجس اللي سبب للدمعــه الزرقـا
ياللـي مثــل خافقـي ماظـني تــــلاقي=لو وين مارحـت ماظـــني أبد تلــــقى
سددت بي طعنــة ٍ في نبـض خفـاقي=واقـــول يبقـى الزمن ومعــذبي يبـقى
لكـن انا باتــَّبــع ماتفـرض اخــــلاقي=ياللي على قـل وصلك طالت الفــرقى
واخـذت مع صـدتـك اسلــوبي الراقي=وانا بقلبي وفا رغـم الزمـــان .. أنقى
عالي شمــوخي يعــانق واسع آفـــاقي=واصبر لو ان المشاعر داخلي غـرقى
يالغـايب اللي حضـــوره بالحشا بـاقي=اشقـيت عـين المولــع والغيــاب أشقى
تعال شف صورتك في داخل احـداقي=من غير مانطق تشـوف بعيني النطقى
أرجـوك لاتستثـــير الجـرح بأعمــاقي=ماعـــاد فيـني نِفـَسْ لمعـــاتبك يــرقى

الموضوع الأصلي: لاتستثير الجرح..!! || الكاتب: سالم مقبول || المصدر: .:: مجالس قبيلة الشرارات ::.