.:: مجالس قبيلة الشرارات ::.

.:: مجالس قبيلة الشرارات ::. (http://www.banymaklab.com/vb/index.php)
-   مجلس شعراء وأدباء قبيلة الشرارات (http://www.banymaklab.com/vb/f16.html)
-   -   الأيثار على النفس البطل خميس ولد عزنود صورها الشاعر مشارع الجعيري رحمه الله (http://www.banymaklab.com/vb/t31988.html)

كرم 10-11-2009 03:32 AM

الأيثار على النفس البطل خميس ولد عزنود صورها الشاعر مشارع الجعيري رحمه الله
 
صوره من ابدع صور الأيثار على النفس والشجاعه المطلقه صورها الشاعر مشارع الجعيري
حيث وقع مشارع الجعيري صويب بالمعركه وردها عليه الفارس خميس ولد عزنود وأركبه يوم اركبه والين فيه واحد على رجليه يركض ينخا و خميس يركبه ترى مشارع وهو يعد القصه يقول ترى البطحا اللي تحتنا لون تنيفت العصيده من الرصاص اصبحو عليها ثلاث وخاف خميس ولد عزنود نها تضايق أشعيله ولا تحرز عليهم وهو يحول <عسى عظامه للجنه وقام يركض وراهم اللي هم اللحقوه ارخا الرسن لشعيله وراحت ومشارع مكصومه يده وبيده الثانيه يقضب الرسن ويقوم يبرمه ويشده على غزال الشداد لما قامت تحمطر وراع راسها وركب خميس ولد عزنود من ضرب اروع امثال الايثار على النفس والشجاعه المطلقه رحمهم الله جميعا

اكتب سالم لا يخاف = لو دونه سبع أسلاف
واللي دونه بحر(ن) طاف = على ذبحه مستشفين
الميت وده يموت = ماله نهار(ن) يفوت
لوهو بوسط البيوت =غير يواجه عزرايين
وأنا بأول هالزمان = طحت بحفرة الهوان
مثلي ما فات المكان =مير الروح إلها ضمين
أول قصمت أيديه = وذبحت بي المطية
واركض على رجليه =ضليت وربعي مقفين
يوم الجيش اقفى وأجتال = صالح نادى يا الغوال
وردو ماضين الأفعال =خميس وحمدان اثنين
احرفوهن على الصوت =وأوردوهن حوض الموت
كل(ن)وده هو يفوت = نسي روحه هاك الحين
طبت بخميس إشمام =قال ظهرها يالغلام
عطني يدك بالهمام = لا تطاك الظالمين
قال أللحق لي صويب(ن) ضل =علمي به دمه يشل
ناشف ما بريقه بلل = ضل بتالي الشاردين
قال أجيبه كان الله راد = فرحة من عني نشاد
مزولي على الشداد = على مصفية جدين
والحق عليها ثلاث = مع نفود ومع ادعاث
وخوف(ن) عليها تغتاث = طبق ما بين اثنين
وراعيها حول وضل = واقفت مابيها فشل
وخلا له عليها أعطل = من عزام وضباعين
رده عليها الصويب =هي على الله والنصيب
واللي مايعلم بالغيب = إلا رب العالمين
أوقفها عليه وقوف = بالشهود اللي تشوف
ومركابه على الكتوف = والله مع الصابرين
انشد فاضل كانه قر = ومسند كان معه خبر
باللي خلق له نضر = هو صهاد الظالمين
بأمر الله وما يقول = الكفر اقضبو الرسول
واللي له عمر(ن) يطول = ما قصروه الحاسدين
بالما زمان أقضبوه = وبأمر الله أطلقوه
ولو هو بيديهم لاطوه =عيا رب العالمين
تزبن جبل أغرور = وخضع له جبل النور
وأستها نو بالوعور =وماهم لله عابدين
يومن اكربو وزره = نحمد الله ما عثره
لمن الله انصره = على القوم الكافرين
فعاله عند الله جاز = ضربهم ضرب ارتواز
وحدرهم من الحجاز = وقطعهم بين السدين
أعجلهم لبس ألوزره = وقطعهم مع العزره
لما طبو بالجزرة = وارعهم بيها لا هلحين
لا تنشد عن قول فلان = انشد هاللي بالقران
إن قالو هذا اللي كان = احمد رب العالمين

الحق مايزعل رجال الحمايل؟ 10-11-2009 03:47 AM

رد: الأيثار على النفس البطل خميس ولد عزنود صورها الشاعر مشارع الجعيري رحمه الله
 
اشكر لك نقلك لهذه الرائعه
ورحم الله جميع المسلمين
وغفر لهم


لفت انتباهي
ثقافة الشاعر رحمه الله في ذلك الوقت
من حيث ذكره لابار الارتواز
وقصة الرسول عليه السلام
وحديثه عن القضاء والقدر
وكذلك عن ابيات له سابقه
في فضل الصلاه
وعن الرزق والاعتماد فيه على الله في بيت له يذكر فيه
بيض الجراد
ان هذا مثل هذا الشاعر لم يصل الينا من شعره
الا اقل القليل
ومثل هذا الشاعر
اتوقع ان له قصائد لم تظهر حتى الان
عموما اشكرك اخي
وبارك الله بك على هذه المشاركه
الرائعه

محمد ابوذينه 10-11-2009 12:59 PM

رد: الأيثار على النفس البطل خميس ولد عزنود صورها الشاعر مشارع الجعيري رحمه الله
 
رحمهم الله رحمة واسعه واسكنهم فسيح جنانه ...رجال دين في وقت الجهل ..

كرم الله لا يشل يمينك ولسانك على هالفرائد التي نبحث عنها بكل مكان .

ابو ليث 10-11-2009 01:05 PM

رد: الأيثار على النفس البطل خميس ولد عزنود صورها الشاعر مشارع الجعيري رحمه الله
 
رحمهم الله رحمة واسعه واسكنهم فسيح جنانه

قصيده رائعه وليست غريبه على هذا الشاعر الفذ


وبارك الله بك اخوي كرم على النقل الرااائع

خالدالنجدي 10-11-2009 06:03 PM

رد: الأيثار على النفس البطل خميس ولد عزنود صورها الشاعر مشارع الجعيري رحمه الله
 
عظيم عظيم عظيم جدا هذا الايثار الذي لايقوم له الا الكبا ر

رحم الله الجميع رحمة واسعة


كرم يعطيك العافية على هالرائعة والفريدة


تقبل مروري لاهنت

أبو مشاري 12-11-2009 12:47 AM

رد: الأيثار على النفس البطل خميس ولد عزنود صورها الشاعر مشارع الجعيري رحمه الله
 
أشكرك أخي كرم على إيراد هذا الموضوع واللي يحمل أسمى آيات البطولة والشهامة

خاصةً أنه اشتمل على أسماء فرسان لهم مكانتهم التاريخية والتي يحق لنا الافتخار بها ،

والشاعر الفارس / مشارع الجعيري رحمه الله رجل دين يقول الحق ولو على نفسه

و يصور المعارك في ادبه تصويراً لايهضم به حق احدٍ حتى ولو كان ممن يحاربهم

رحمهم الله جميــــعاً


ولكن وجب التنويه في هذا الحدث أن كل من وردت أسماؤهم لم يوردها الشاعر إلا لفخره بهم

ومنهم الفارس خـمـيـس ولد عزنود والفارس حــمـدان الـغــوّال وهما الاثنين اللذان أشار الشاعر إليهما بالمدح

واشتركا بصفة الإيــثــار على النفس والورود على حوض الموت بكل شجاعة بقوله :


يوم الجيش اقفـى وأجتـال= صالـح نـادى الغـوال
وردو ماضـيـن الأفـعـال =خميـس وحمـدان اثنـيـن
احرفوهـن علـى الصـوت =وأوردوهن حـوض المـوت
كـل(ن)وده هــو يـفـوت=نسي روحـه هـاك الحيـن



رحم الله الفارس حمدان الغوال والفارس خميس العزانيد راع اشعيله والفارس صالح الجعيري

وأسكنهم فسيح جناته

ورحم الله الشاعر الحكيم مشارع الجعيري الذي وثق هذه المواقف تاريخياً بهذه القصيدة

أخي كرم أكرر لك شكري ودمت بخير

كرم 08-12-2009 10:54 PM

رد: الأيثار على النفس البطل خميس ولد عزنود صورها الشاعر مشارع الجعيري رحمه الله
 
اقتباس:

المشاركة الأصلية كتبت بواسطة الحق مايزعل رجال الحمايل؟ (المشاركة 454050)
اشكر لك نقلك لهذه الرائعه

ورحم الله جميع المسلمين
وغفر لهم


لفت انتباهي
ثقافة الشاعر رحمه الله في ذلك الوقت
من حيث ذكره لابار الارتواز
وقصة الرسول عليه السلام
وحديثه عن القضاء والقدر
وكذلك عن ابيات له سابقه
في فضل الصلاه
وعن الرزق والاعتماد فيه على الله في بيت له يذكر فيه
بيض الجراد
ان هذا مثل هذا الشاعر لم يصل الينا من شعره
الا اقل القليل
ومثل هذا الشاعر
اتوقع ان له قصائد لم تظهر حتى الان
عموما اشكرك اخي
وبارك الله بك على هذه المشاركه
الرائعه

اخي الحق مايزعل رجال الحمايل شاكر مرورك ولكلماتك الاكثر من رائعه

كرم 08-12-2009 10:56 PM

رد: الأيثار على النفس البطل خميس ولد عزنود صورها الشاعر مشارع الجعيري رحمه الله
 
اقتباس:

المشاركة الأصلية كتبت بواسطة محمد ابوذينه (المشاركة 454123)
رحمهم الله رحمة واسعه واسكنهم فسيح جنانه ...رجال دين في وقت الجهل ..

كرم الله لا يشل يمينك ولسانك على هالفرائد التي نبحث عنها بكل مكان .

آمين
تسلم يا ابو خالد مرورك اللي انار متصفحي

عبدالكريم جدوع الوصيوص 08-12-2009 11:00 PM

رد: الأيثار على النفس البطل خميس ولد عزنود صورها الشاعر مشارع الجعيري رحمه الله
 
الله يرحمهم جميع
والف شكر لك اخوي كرم على النقل الرااائع

الجاهز 13-12-2009 12:15 PM

رد: الأيثار على النفس البطل خميس ولد عزنود صورها الشاعر مشارع الجعيري رحمه الله
 
رحمهم الله رحمة واسعه واسكنهم فسيح جنانه

وبارك الله بك اخوي كرم على النقل الرااائع


الساعة الآن 09:24 AM

Powered by vBulletin® Version 3.8.7
Copyright ©2000 - 2017, Jelsoft Enterprises Ltd.
SEO by vBSEO 3.3.0

Ads Management Version 3.0.1 by Saeed Al-Atwi

HêĽм √ 3.1 BY: ! ωαнαм ! © 2010
جميع الحقوق محفوظة لمجالس قبيلة الشرارات