قصيدة حلاة صوته عوفتني سكاته
للــشآعر / حمدآن المـري

،،

احـب صوتـه واندمـر مـن سكوتـه
حـلاة صـوتـه عوفتـنـي سكـاتـه

من كثر مانـا اشتـاق واحـب صوتـه
يشحـن تلفونـي عـلـى مكالمـاتـه

الى حكـى مااحـب طـاري صموتـه
صمته نحت بضلـوع صـدري نحاتـه

حتـى عروقـي لاهـمـت ماتمـوتـه
لـنَـه يغذيـهـا عـلـى ذكريـاتـه

طابـع هـدوءه ينولـد مـن جروتـه
يعنـي التناقـض بينهـا مـن صفاتـه

حـاذا علـى درب الغـرام وحـذوتـه
ومعيَـشٍ ذاتـي علـى حـب ذاتــه

واشوف فـي صـدري بقايـا نحوتـه
باقـي لـه شـوي ويتلاشـي شتـاتـه

في ميلته .. في مشيتـه .. فـي ثبوتـه
في ضحكته .. في زعلته .. في اشرهاته

فـي كـل حالاتـه وبغلـب وقـوتـه
بأيـات حالـه تزيـد ميـزة حـلاتـه

حتى الأبـو وهـو الأبـو فـي ابوَتـه
اغـار منـه واحسـده فــي بنـاتـه

الما .. على خده غـدى مـن طروتـه
شفت المطـر والارض هـذي سواتـه

ينعم بـه المـا .. ليـن ياخـذ هدوتـه
وينساب في عروقه ويشـرب طراتـه

يمشـي ورجلـه كـل ماهـي تفوتـه
كنهـا تقـول لباقـي الجسـم .. هاتـه

كل الذي قلته .. علـى شـان صوتـه
واشلـون لـو شفتـه .. بليـا عباتـه

،،

زهر وعطر مع طلب حر لذائقتك الرآقية

يآ أجمل الوقت .. يآ أجمل توآجد

أنرت وعطرت بتوآجدك المشرف

شكراً لهكذا نقآء

//

أمير الشوق ..

شرفت بتوآجدك وتوآصلك المبهج
شكراً لهكذا نور وعطر بخور

//

أبجدية جرح

إمتلكتي هذه البقعه

لذلك لن أشكرك لتوآجدك بشئ ٍ هو ملك لك

لك بآقةً من التقدير والإحترام

//


كل مآأقفيت // للشآعر / بدر بن عبدالمحسن

//



كل ما أقفيت ناداني تعال
وكل ما أقبلت عزم بالرحيل

وكل ما أجنبت واعدني شمال
يا أهل الحب ضيعت الدليل

الحقيقة غدت مثل الخيال
هو عدوي وهو أغلى خليل

شفت أنا الظلم من بعض الدلال
يجرح القلب لو كانه جميل

أشهد إن الهوى ما به عدال
هو خلي وأنا قلبي عليل

وكل ما قلت له يا ابن الحلال
المحبة عطا وانت بخيل

التفت لي وهو عجل وقال
لذة الحب في الشي القليل

أجمل تحيه معطره بالشكر .. مع طلب حر يلمس ذآئقتك..

//

حينمـآ يطيب لنا القرب ممن تأنس الروح بهم

قد نتشاطر ذلك الشعور ولكن يبقى . . لكل شخص

بقعة كـ عرش يخصه يعتليها دائمــاً . . .

وإن تمــيز بمرور العديد . . .

.. فلا بد له من لون خاص يميزه كـ أنـتِ ..


/
\


قصيدة / في خاطري كلمتين

للشاعر : فـهد المــساعد



،،


من عز نومي صحيت وشفت في عيني
دمع تهادى على جفني وأنا غافي

سترت دمعي بكمي قبل يغريني
وأخذت هذا الجسد من باقي لحافي

وسريت تايه ورا خطوات رجليني
لا الوجه وجهي ولا أوصافي هي أوصافي

أمشي وأقول لطريقي لا توديني
لعيون ناس تبي تدري عن الخافي

أمانتك.. خلها ما بينك وبيني
خابرك يالدرب خوة عمر وسنافي

ما ودي الناس تدري وش يبكيني
كرامة النفس ورث أبوي وأسلافي


أمشي وأحس الخناجر في شراييني
والبرد يمشي وراي وينهش اطرافي

وحيد والليل بردونه يغطيني
تقول كن البلد روح بها السافي

إلين ما أوحيت لي صوت يناديني
صوت أعرفه مثل ما أجهل وش خلافي

قمت أتلفت وانادي لا تخليني
ما غيره.. الصوت هذا صوته الدافي

ولمحت زوله من أقصى الدرب لافيني
مدري وش اقول لكن حي ها اللافي

تعال.. شف غيبتك كيف أثرت فيني
تعال.. شفني وأنا أغرق عقب مجدافي

تعال.. خذني ورحبي من عناويني
تعبت أعدي على جمرك وأنا حافي

تعال واقطف بصوتك زهرة سنيني
كل المواعيد عقبك شمعها طافي

تعال وازرع خصل شعرك بكفيني
بضمها لين أحس بليلك الظافي

تعال وشفيك خايف؟ أنت ناسيني؟
قطعت صوتي عليك وطال ميقافي

حتى بديت أشعر أن الحب معميني
وان أنت حلم عثى فيني وأنا غافي

لكن أمانة ترى اللي في كافيني
إن رحت منك كذا ما رحت متعافي

بصدق الحلم وأحذر لا تصحيني
في خاطري كلمتين إن قلتها كافي

أمانة الله عليك إن غبت عن عيني
لا يكون قلبك مثل قلب الزمن جافي

مع كل دمعة تذكر رعشة يديني
ومع كل ضحكة تذكر قلبي الوافي


،،


اختر لنا من الغزل مايروق لك
مع كل الـود والتـقدير

^^^

يآرآقيه

فلتعلمي أنه يطربني ويمتعني توآجدك

//

حلـوة ولا يحتــاج زايــد حــلاوه
يكفيك من معنى الحلا ربع مافيك

زين العرب عادي وزينك نقـاوه
سبحان رب يوم خلقك مســـويــك

أعطاك من زين الحظر والبداوه
تهتي بزينك والبـها صار مطـغـيك

غصنك ليا هب الهوا به طـراوه
والرجل تقصر عنك والنفس تبغيك

انـتي بعـيد عنك معنى القـسـاوه
يافــتـنة كـل الغـنج في تـثـــــنـيـــك

لولا اني أخشى تحسبيها عداوه
لافرح بحبسك عن عــيون تراعيك

أنا بـلا شـوفــك حـيــاتـي شـقاوه
والقى الفرح من كلمة بين أشافيك


هذه القصيدة للشاعرعبد الله السلوم



//


أجمل بآقة جوري مع طلب حر ..

وأنـتِ كذلك




/
\



إجرح وأنا ببكي على قلبي إجرح
مادام لي قلبن يسامحك في الحال

قلبن يسامح وانت تجرح ويدمح
أبكيه وإلا ابكيك وإلا ابكي الحال

قلبن على ذكراك يمسي ويصبح
صبره طويل لكن معاندك طال

قلبن تركتك فيه تسرح وتمرح
محتاج حكم داخل القلب محتال

لو تدري المحزون وشلون يفرح
وقفت له من دهشتك وقفة اجلال

يفرح فرح خاسر تجاره بمربح
فرحة غريقن ساقه الموج للجال

والا فرح مترقب الموت الى أصبح
وهــو بظنــه تــالي الليـــل رحـــال

لاشاف وجهك باسم وانت تجرح
او شافك بجرحه مع الناس تختال

ودك تشوف الضعف في صورته صح
شف دمعة الفرقى على خد رجال

والا تشوف الذل في صوره أوضح
شف بسمة المقتول في وجه قتال


لـِ منصور الخنفري


/
\

باقة ورد أبيض اللون مع طلب حر ممـا يروق لك

سود الأيام عشق و فقر و أماني
وأنا أحبك ولا أطلب شيء وأتمنّى

يمكن الله يفرجها علشاني..!
أو علشان يرفع هالحزن عنّا

وأنت ياطيب قلبك فوق مايعاني
أزعلك وأنت ترضيني وتتعنّى

وصفك اللي وقف في طارف لساني
إيه تشبه طفل طار بسما الجنّة

لاتبسمت جتك الشمس من ثاني
ولاتضايقت صارت في يدك حنّا

مشرفنا الرآقي عبدالكريم جدوع

نورت وعطرت بتوآجدك مجدداً



//




....مــنـــزلـــك .....



منزلك مـا بيـن الحنايـا والاهـداب
وموضعـك منـي ياحبيبـي مكـانـي
الحب يبقى لـك ولـو ناظـري غـاب
يا أغلى وأرهف من سكن فـي كيانـي
نحيا على مر الزمـن ربـع وأحبـاب
والله لا يـحـرم زمـانـك زمـانـي
من كثر ما تهوى وأنا أهواك الاعجـاب
احتار فيـك وصـار شوقـي أغانـي
كل حرف لك في رعشة الليل ينسـاب
وحبر الغـلا يـا كـم يـذرف حنانـي
للحلم مـع طيفـك مواعيـد وأسبـاب
حتـى ولـو تهيـع عيونـي ثـوانـي
وصلك مهاجر واللقا وصلـك اغـراب
وتبقى الضيا فـي عربتـي والأمانـي
انته بخفوقي صاحبي وصـل وغيـاب
لا البعـد عنـك .. لا التلاقـي كفانـي
لاجلك فتحت أبواب .. وانسدت أبـواب
معنى المـوده لـك عيـون المعانـي
وتعلـم بأنـك صاحبـي زد الأصحـاب
واحد ولا فـي القلـب والـروح ثانـي
سافرت بك والمـوج عاتـي وعبـاب
لا مـات حبـي .. لا ولا يـوم فانـي
تبقى لحروفـي دايـم حضـن وكتـاب
يا بحر موجي .. هاجسـي والموانـي
يا كيف أخفي الجرح .. والجرح ما طاب
يا طب جرحي منـك جرحـي وأعانـي
أسأل ضميرك خاطرك واحسب حسـاب
إذا صاحبك مجني ترى الحكـم جانـي


لسمو الشيخ هزاع بن سلطان


................................

أجمل بآقة يآسمين .. مع طلب حر ...

يعطيكم العافيه ع الابداع الغير مستغرب

[poem=font="simplified arabic,6,gray,normal,normal" bkcolor="transparent" bkimage="" border="double,4,red" type=2 line=0 align=center use=ex num="0,black""]
عطني عهد وانا امتثلك واصافيك =والا ترى مابيننا ماله اساس
اخشى اتورط بالمحبه واحاتيك =وتصير لي قصه تسولف بها الناس
خل الوفا ياخذ مكانه وانا اجيك =ولا على العشره نترحم ولا باس
اببتعد عن دربكم ليه اعنـــيـــكٌـ=وافتح مجال تسولف لآجلك الانجاس
مع السلامه جعل ربي يهنــيـك=عسى الولي يسعدك ياصعب الاحساس
[/poem]

للبعدي اجمل باقة نرجس << ميقلد

مع اختيار حر

مشكور على الموضوع

أرآقبك ] منـ بعييد
.............................آحسّك بـ صدري ~
أسولف لـ " صورتك " عن
:
آخر أخبآري ...
ما أبيك تدري بـ غلآك و : ينكشف أمري :
حلات’ـه إني عشقتك وإنت مو دآري !