.:: مجالس الموروث ماضيا وحاضرا ::.
بسم الله الرحمن الرحيم,
إظهار / إخفاء الإعلاناتلجميع الاعلانات ذات الحجم الصغير
عدد الضغطات : 14,103 مساحة إعلانيه

مجلس الشعر العامي المنقول والنثر والخواطر يختص هذا القسم بنقل قصائد الشعراء من خارج المنتدى ومجلس النثر والخواطر

اضافة رد
الصورة الرمزية ابو باسل اللغبه

ابو باسل اللغبه

عضو مُميز

Thumbs up من اجمل قصائد سعد ابن جدلان الاكلبي

الشاعر سعد ابن جدلان الاكلبي

اترككم مع الابداع فلا مقدمه تليق بهذا الهرم

وهذه اجمل مائة بيت:

دخلت في الحب تصنيفه ورد اعتبار
واجتزت كل المراحل.مرحله. مرحله
سويت مثل العرب الافغان في قندهار
ان حاربو مشكله وان عوّدو مشكله
‏=‏====
أنت مطغيك البها لين حدّد مستواك
يعني اكبر مجرمة حب واكبر طاغيه
انا يوم اغليك واجيك وادور رضاك
باغيه نفسي ولا ادري وشنهي باغيه
‏=‏==
الله يقطع الحاجه ومشي بلا مشهاه
والله يقطع اللي كلّ من قاربه ملّه
والله يقطع اللي لا بغيناه ما نلقاه
والله يقطع اللي لا صفا ما صفا كلّه
‏=‏===
هلا ياخاطرٍ في خاطري من خيرة الخطّار
تقبلك الجوارح شرّع البيبان مسروره
يحيّيك الخفوق اللي بيوتك في مداه كبار
حللت اهلا بدار تحسب انها عنك مهجوره
‏=‏==
الوضع مزري ويؤسف له ويرثى له
حاول على وضع يصلح لك ويصلح لي
اما اعتبرني ذكي ماانت بعلى باله
ولا اعتبرني غبي مرّه ووضح لي
‏=‏==
كن بياضك في حمارك لا تقسّم
عارضٍ في وجنتك موكب مراسم
‏=‏=
ياقف الفاضل تحت لوحة مرور الافضليّة
وتعبر الفوضى مع جسر التحاشي والتغاضي

والانانية وحب الذات سوت فوضويّه
في طلوع وفي نزول وفي عمار وفي قضاضي

بين قتّاتٍ أثيم وبين كيمرة خفية
وبين مختالٍ فخور وبين هدارٍ خواضي

تضرب المسحوب في عرض اللحون السامريّة
وتسحب اقواس الربابة للجواميس الرباضي

فارشين تحت نوّ الامل بسط الاحمديه
وكل منهم لابس فتخة زعامة فعل ماضي

والآدمي ما يستريح الا يعيش بواقعية
لا رضيت بواقعيك صح كل عنك راضي

واما انا حقي على الطيب وله حقٍ عليه
نحوهم لا احطّ تأييدي ولا حطّ اعتراضي
‏=‏=
لانشرح ظرفي لمثله سلمت من الحسوف
ان قدر وان ما قدر ماينقص من غلاه
ان قدر يدرك لزومي ملكني بمعروف
وان تعذر من لزومي عسى الدنيا فداه
‏=‏=

إلا حاجتين تبحث اللي خفاه بعيد
اذا طال المرض ولا اذا ما طالت الطرقه
‏=‏=
والله اني ما اعتذر عن لزوم الطيبين
وان عسرني فالمطاليق دايم يعذرون
لنهم قد حدّهم وقتهم ومجربين
مرة يلقون وامرار ما يلقون لون
‏=‏=
اجامل على الاحوال والكبد فيها جرح
وكبدٍ يجيها الجرح تبطي وهي وجعه
‏=‏=
والمدوّر في متاهات سر الصامتين
بيتحيّر ما عرف كرهها من ودّها
كم شفوفٍ خيّمت في نفوس المستحين
لين ماتت بين بني الآمال وهدّها
‏=‏=
والرمش سادات قومٍ في الضحى سجّد
في عيد الاضحى تقرّب بآية السجده
‏=‏=
بياض وجهه يغلب اكثر حماره
يشبه غضب محشومة دمّها حار
‏=‏=
كني يتيم حسّته نظرة الناظر
ماخلت براسه من دموعه ولا قطرة
‏=‏=
والله اني شره وان هقوتي ترقى الطفوف
غير عيّا يستحي الفقر من وجه الغناه
‏=‏=
يالطيف الروح يازين الصراحه
كلمتين أمّا مجي ولا مراحي
‏=‏=
عزمي يحطّ الثريا والقمر فيدي
واسعى وعجزت جهودي عن طموحاتي
ارهي على جمع زرعٍ حصده بعيدي
ولا تحسّف على الفايت إذا فاتي
‏=‏=
يجيني منّه هيبه سحا معزّه وتقدير
اجيه في خاطري علم واروح ما قلته
‏=‏=
على ضوء الكلام اللي كشف عنّا ستار الصمت
عرفت ان به وجيهٍ باليمن ووجيه بالشامي
مصيبه لا تردّت قيمتك في عين من قيّمت
يشوفك بالسهل وانته تشوفه بالسما السامي
‏=‏=
فينا كبيرين الهقاوي يظنّون
إنّا لنا منزال فوق النوايف
ومن شانهم مانقبل المنزل الدون
والوقت مدهر والمزاهب خفايف
‏=‏===
والسكوت اخفى معرفه والكلام مصيبه
كان ما به كلمةٍ يفخر بها قايلها

والنشيد تشلّه الركبان وتغنّي به
كل ما غنّوا قصيدة قيل من قايلها
‏=‏===
أما يشرح الرجّال ظرفه على رجّال
ولا يسكت الرجّال لا يشرح ظروفه
‏=‏===
وطارق ابواب العرب تفتح له الابوابي
ومن فتح باب الضيافه يكثرون ضيوفه
‏=‏===
صديقي اللي مايوقّف بصفّي
لا يمكن ان بيني وبينه علاقه
‏=‏===
عزّلت من صدقان عطلة الاسابيع
وعزّلت من ضحك الوجيه الصناعي
‏=‏===
طفّة المجد عن غيره تحود
وعند ذكره تحط ايد على ايد
‏=‏===
من قاد للعالم مقانيص وسباق
ثارت شوازنها وهدّت سلقها
‏=‏===
يابن آدم يلعن الله مختالٍ فخور
من تواضع تحت ربّي يعلّيه درجه
لجل ما تدخل جهنّم على شان الغرور
للعرب حاول تواضع وتعطيهم وجه
‏=‏===
يدك لا مدّت وفا لا تحرّى وش تجيب
كان جاتك سالمه حب يدك وخشّها
‏====
خلوني اسجّ عن موضوعه احسن لي
ولّا الغلا والله ان يبطي وهو غالي
‏=‏=====================
الاصايل تكافح كل يومٍ بالكعوب
والرّدي لا حصّل اللي يهينه قدّره
‏=‏===
(في الشاص الابيض)
مثل شغموم على خدمة الخوّة ولوف
يتغانم شبّة النار قدّام اخوياه
وكن سبيره حبّة الخال في عاتق هنوف
لا نقص خطوى عشيرٍ تبين له غلاه
‏=‏===
يقولون لي تب عن تصرفك وتحبّي
وانا توبتي عن مجتمعهم هي التوبه
وديار الوبا من طبّها راح متوبّي
وقرّابة الجربا على الحول مجروبه
‏=‏===
يامرحبا مادونها باب مقفول
لابوابها ريموت بيدين اهلها
‏=‏===
من يحط اذنه على كل سماعه
جاه فرقى مابعدها تجمّاعي
ان تجمّعنا على العزّ والطّاعه
وان تفرّقنا فجوج الله وساعي
فاقدٍ لي سلعهٍ واغلى بضاعه
سلعةٍ تشرى ولا هي بتنباعي
رفقه الطيب ليّا غيّر طباعه
اشهد انها كيّة توجع اوجاعي
‏=‏===

‏(في الجمس)
ولا وطا ارض العتش كن تهزّاعه
بنت شيخٍ طامحٍ من ولد راعي
‏=‏===
أفّ.. ياكبر الحلام اللي على بالي وشفّي
واخّ.. ياراسي من التفكير في مالا يشونه
واحّ.. ياحرّ انتظاري للقبول من المقفّي
وآه.. ياحبٍّ عطيت الناس ما يستاهلونه
‏=‏===
سلام ياغرّ السحاب اللي تبجّح بالمطر
وشمّ الجبال اللي تبجّح بالسحاب قذولها
‏=‏===
أنا في السفر لا صار مالي خـوي أزريـت
أشوف الطريـق بعيـد والطرقـه وحيشـه
‏=‏===
ياالله وحنا لك عبيدٍ ملاكا
ولمن يسالك مع رواق السما فكّ
يا مهلك العزّا معزّ الهلاكا
والمبتدا والمنتهى كلها لك
يامالكٍ مالك بملكك شراكا
افرج لجاشٍ حطّ فيه الدهر حكّ
ابغى اتحاكا ماعرفت آتحاكا
من همّي اللي قاطعٍ له علي صكّ
ضيم الدهر منه النشاما تشاكا
التكّ خلاها دبل والدبل تكّ
عطى ضعيف العقل ياكا وياكا
ولا حكيم العقل مايلحقه شكّ
‏=‏===
ياوليفي دمعكم في غيابي ردّ لي
وأدري ان دمعتك خوفٍ عليّ ومن غلاي

أنت ممرضني وأشوف المرض فيكم وفيّ
الهبوب البارده منك هبّت في حشاي

والله ان كبدي عليكم عراويها أضميّ
والمشارب غير هرجتك ماتقطع ضماي
‏=‏===
لابغيت أسجّ من سمح المحيّا شفت من وصفه على غيره حلايا
‏=‏===
من خذا منكم خفيّات السراير والله ان يبطي ولعكم في ضميره
‏=‏===
ياقطـاة العبيّـه ياهـيـام الـذلـول
ياعيـون النـداوي يارقبـة الغـزال
نور وجهك على من شاف منك القبول
نور صبحٍ تبسم فـي رهـاد الجبـال
كني اقرا على طُـرّة جبينـك تقـول
انـا قلبـي يحبـك ياحبيبـي تعـال
‏=‏===
لا فكت تلابيبٍ كما ريح روضة تل
تنهّدت وقلبي لو تنهّدت ينتلّ_
‏=‏===
مقاديم عكشٍ للحجاجين متقاطر
سعف قلب مرباعٍ من الحمل منهطره
كن في عاتقك مقدم تناعومة الماطر
جمال الطبيعة لاوّل اللي على الفطره
‏=‏===
‏(في القعود)
طوله فخوذ وسيق والعنق شاره
ومن طول زوره تحسب ايدينه قصار
‏=‏===
لا إله إلا القدير المعطي الوهّابي
الخضوع لسلطنته وكبرياه ونوفه
كل ما تحته على وجه التراب تراب_
والمعزّه والمذلّه من رجاه وخوفه
‏=‏===
من نور جيده سواد الليل متبجّد
ليله يصبّح مساه وصبحه يهجده
‏=‏===
واهل التكلّف بالمعرفه والتصنّع بالبشر
والله ماهي حول الصحيح ولا الصحيح بحولها
اللي يفضّل مايقيّم بو ميه من بو عشر
حتى الفضوليّه عن الفاضل بطل مفعولها
اللي تخبره لحيته ذا طولها يصبح بزر
واللي تخبره بزر يصبح لحيته ذا طولها
‏=‏===
أنا وين ابلقى يا لاجاويد فاعل خير
حريصٍ على سرّ المحبّين لا ارسلته
‏=‏===
ياذا الجلال اللي عروشك فوق واملاكك حدر
مهمن تسامت به عروشه مستحيل يطولها
ياحيّ ياقيّوم يا ذات الانافه والكبر
ما نافسك في عظمتك مكر العباد وهولها
ولا نافسك من عمر بيوته على سطح القمر
واللي ترسي فوق اقاليم المياه اسطولها
ولا انت بحاجة من عبد ولا بحاجة من كفر
ولا بحاجة ثابت الدنيا ولا منقولها
انت السميع لمن حمد وانت المزيد لمن شكر
واللي ما يشكر نعمة المنعم عليه تزولها
‏=‏===
يجيني هموم ما تسير على السالين
ملفاها معنّين الزمان ومجاريحه
‏=‏===

خلج الشكاوي على مجدك مسانيدي
اللي حداها من الايام صكّاتي
يامحقق اهداف شرهين المقاصيدي
في جانبك تكبر شروهي وهقواتي
‏=‏===
لا حدانا القلّ واللّي روابعهم ضعوف
جعل ربّي مايرينا غضبه ولا جفاه
ولانقفل بابٍ من الرزق حرّاسه وقوف
فتّحت بيبان الارزاق من كل اتجاه




للامانه منقول ^_^



كلمات البحث




[flash=http://up2.cc/uploads/files/up2-fa62355ded.swf]WIDTH=500 HEIGHT=200[/flash]
#2
الصورة الرمزية محمد الزنابيل

محمد الزنابيل

مشرف سابق وعضو مميز ونشيط

الله يعطيك الف عافية يا ابو باسل

والله العظيم قمة في الروعه

فينا كبيرين الهقاوي يظنّون
إنّا لنا منزال فوق النوايف
ومن شانهم مانقبل المنزل الدون
والوقت مدهر والمزاهب خفايف


احترامي وتقديري لك

#3
الصورة الرمزية عزوز اللميع

عزوز اللميع

عضو مُميز

الله يعطيك العافيه ابو باسل

سلمت إصيبعاتك على النقل المميييييييييز

ابيات رووووعه بروعة ناقلها

لاتحرمنا جديدك

دمت برعاية الله

#4
الصورة الرمزية خالد القضيب

خالد القضيب

مشرف سابق وعضو مميز



جمال الروح يظهر في أن نحب أناساً لم نرهم بأعيننا .. بل بقلوبنا رأيناهم وبإحساسنا لمسنا رقيهم وجمال قلوبهم 🌹
#5
الصورة الرمزية امير الظلام

امير الظلام

(قلم المجالس المبدع)

امتعتنا


شكرا لك

ان للعقل حداً ينتهي اليه كما ان للصبر حداً ينتهي اليه .
ربما اخفاني المعرف عن الكثير الا انه لن يخفيني من نظر الذي يعلم السّر وأخفى,غافر الذنب وقابل التوب شديد العقاب ذي الطول ,
وعليه ساحاول قدر جهدي ان لا استغله لكسب مزيد من السيئات
#6
الصورة الرمزية ابو باسل اللغبه

ابو باسل اللغبه

عضو مُميز

اقتباس:
المشاركة الأصلية كتبت بواسطة محمد الزنابيل مشاهدة المشاركة
الله يعطيك الف عافية يا ابو باسل

والله العظيم قمة في الروعه

فينا كبيرين الهقاوي يظنّون
إنّا لنا منزال فوق النوايف
ومن شانهم مانقبل المنزل الدون
والوقت مدهر والمزاهب خفايف

احترامي وتقديري لك
اهلين البث المباشر يالله حيه خطوه عزيزه وسعيده
الله يعافيك الروعه ياتي بمرورك الممييز
تحياتي لك

[flash=http://up2.cc/uploads/files/up2-fa62355ded.swf]WIDTH=500 HEIGHT=200[/flash]
#7
الصورة الرمزية ابو باسل اللغبه

ابو باسل اللغبه

عضو مُميز

اقتباس:
المشاركة الأصلية كتبت بواسطة عزوز اللميع مشاهدة المشاركة
الله يعطيك العافيه ابو باسل

سلمت إصيبعاتك على النقل المميييييييييز

ابيات رووووعه بروعة ناقلها

لاتحرمنا جديدك

دمت برعاية الله
اهلين ابو العز يالله حيه

الله يعافيك الروعه ياتي بمرورك الممييز

تحياتي لك

[flash=http://up2.cc/uploads/files/up2-fa62355ded.swf]WIDTH=500 HEIGHT=200[/flash]
#8
الصورة الرمزية ابو باسل اللغبه

ابو باسل اللغبه

عضو مُميز

اقتباس:
المشاركة الأصلية كتبت بواسطة &&عذب القيفان&& مشاهدة المشاركة
اهلين عذب الفيفان
الله يعافيك الروعه ياتي بمرورك الممييز
تحياتي لك

[flash=http://up2.cc/uploads/files/up2-fa62355ded.swf]WIDTH=500 HEIGHT=200[/flash]
#9
الصورة الرمزية ابو باسل اللغبه

ابو باسل اللغبه

عضو مُميز

اقتباس:
المشاركة الأصلية كتبت بواسطة امير الظلام مشاهدة المشاركة
امتعتنا


شكرا لك
اهلين بالكاتب المميز امير الظلام
العفو والمتعه اتت بمرورك الممييز شكرآ لك
تحياتي لك

[flash=http://up2.cc/uploads/files/up2-fa62355ded.swf]WIDTH=500 HEIGHT=200[/flash]
#10
الصورة الرمزية ذيب المعاصر

ذيب المعاصر

مشآري حصيده

نِقّلتَ لَنَآ
فأأبدعت
وتغيّص شوي وترجع بأشيآء لنا

طلآتك حلوه
مثل نقلك وموآضيعك وردودك
فتقبل وشسمه المتواضع
وشوووكر1 ت30

[/SIZE]أستغفر الله العظيم التواب الرحيم و لآإلـه إلأ اللـــه

تويتر https://twitter.com/meeshoo00
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
اعجبني <الشاعر الكبير / سعد بن جدلان الأكلبي ونماذج من شعره الحق مايزعل رجال الحمايل؟ مجلس الشعر العامي المنقول والنثر والخواطر 12 03-12-2009 01:58 AM
أجمل دمعهــ في حياة المسلمـــ ولد عبس 404 المجلس الدعوي العام والدفاع عن الإسلام ورسوله 1 24-10-2009 05:40 PM


Powered by vBulletin® Version 3.8.11
Copyright ©2000 - 2020, Jelsoft Enterprises Ltd.
Ads Management Version 3.0.1 by Saeed Al-Atwi
Search Engine Optimisation provided by DragonByte SEO v2.0.42 (Pro) - vBulletin Mods & Addons Copyright © 2020 DragonByte Technologies Ltd.
جميع الحقوق محفوظة لمجالس الموروث ماضيا وحاضرا