.:: مجالس الموروث ماضيا وحاضرا ::.
بسم الله الرحمن الرحيم,
إظهار / إخفاء الإعلاناتلجميع الاعلانات ذات الحجم الصغير
عدد الضغطات : 14,852 مساحة إعلانيه

مجلس تاريخ وتراث ومشاهير وأعلام قبيلة الشرارات يهتم بقصص قبيلة الشرارات ورجالاتها وشيوخها وفرسانها هتم واعلامها سواء المعاصرين ام غيرهم

اضافة رد
الصورة الرمزية خالد خلف الفليو

خالد خلف الفليو

شاعر

افتراضي الشيخ/ خلف بن سلمان الفليو

بسم الله الرحمن الرحيم


الشيخ/ خلف بن سلمان الفليو من العزام من قبيلة الشراري
انتقل الى رحمة الله تعالىبتاريخ 2 / 5 / 1418هـ
عن عمر ناهز السبعين قضاه في مختلف شئون الرجال المميزين وشجونهم
كان عيناً في راْس قبيلته , حلماً , وحكمه , وكرما, وشجاعه , لسان وسنان ,
وكان قلباً وفياً في جسد وطنه كبير الحب وصادق الولاء لولاة امره ((ال سعود))
ومن ولي باْمرهم 0
وعلى المستوى القومي والديني قاتل باستماتة الشجعان في الحرب ضد اليهود في
عام1948م وبوازعٍ ذاتي وفردي وسجلت له فيها مواقف خالده منها حمله لزميله في الخط الحربي القومي المرحوم الفارس / محمد الحفر الشراري عندما اصيب في راْسه
وبعد ان قتل من(( صوّبه)) من الخطوط الاماميه لخط خلفي وكان ذالك
سبباً في شفائه 0 باْذن الله 0
رحم الله ( ابوعلي ) فنحن لانرائي بمناقبه بل نؤسس لها بتلك الاشاره الخاطفه
ليقتدى به بعد وفاته مثلما كان قدوه ورمزاً في حياته


وقال الشاعر المرحوم / فالح بن مفلح السواحله بتلك الحادثه هذه القصيده 0



كان ان القصّاد صارت به مذله=انباح المكنون وتمثيله عليّه
ترتيب الخياط بسواته مشله=ترتيب الخراز بسيوراً طريه
قولوا لكاظم بيك مني مرسلله=بي حروف الخط له مني هديه
سو المستقام والجابر على الله=شب نار الحرب لصحاب الجنيه
خل بالمرقاب كلاً يستدله=من شاف المشراف تدعيه البنيه
خطات الكذبان يمدح ربعتاًله=هو يعد الزور وانا اظهر خفيه
انا هرجي صدق كلاً شاهدله= ايظا بغير شهود ماتفعل قضيه
ربعك العزام ينفع طارياًله=نومس البعيد واللي بالسميه
ترسوا بالراس وانا فاطناًله=ويم الفشق راح جيناهم ستيه
خلو الكفار تجلى عن محله=ماوطو بالوجه تاطاه المنيه
معنا محمد عيد مايعرف المذله=هلل بالماذون واطبق لدعيه
زود النوماس وفعولاً مضله=دوره الى اليوم مثل الاوليه
ويوم محمد طاح خلف دانيلّه=عفيه المسطور استد بخويه
زينة العينين جعلة فدوتاً له=شال البندقين والثالث خويه
من فعول الجد قبل معقبن له=ماكسبهن كسب على الاوليه


وفي يوم الاربعاء 2/5/1418هـ توفي رحمه الله ورثاه
الشاعر الكبير/ عايد رغيان الورده


الله من قلبً سقته المراره=متحيراًمن ينصفه من طليبه
العين هلت دمعهافي غزاره=ولو توقف بعد لحظه تجيبه
على الذي من مات موته خساره=واخر قواعد لابة تعتزي به
خلف بن سلمان ساس السطاره=فراق مثله عند مثلي مصيبه
ماهو من اللي يتبعون الغتاره=مع المذله يقبلون الغليبه
ترك المراجل في نضرهم حظاره=ومن فهمهم ماينكرون المعيبه
ولاهو من اللي يدّعي بالمهراه=ويغض عن حقه ويوخذ نهيبه
ابو علي كار الرجاجيل كاره=ماينحصي في شرح الاقلام طيبه
الطيب وهبه والمراجل شعاره=غذىبهومات الشرف مع حليبه
زود(ن) على حقه حمى حق جاره=ولاشال حوضه عن موارد شريبه
ماباع ربعه في معاش الاماره=ولايشترك في مجلس(ن) فيه ريبه
لو شح وقته ماتقاطع اكتاره=واهل العوايز ينزلون بشعيبه
وغيدا تخالط بنهّا مع بهاره=يشرب بها بكرا ويدفق سريبه
ويكن منطوق الخطا من وقاره=وشرواه يعرف وين مرمى الضريبه
وانا احسب اني فاهم(ن) بالصقاره=ويابعدها بالعون ماهي قريبه
ويحدني موس الدهر صوب داره=والقاه سيفا بالعدا ينهوي به
حرا اذا جيته بعينه نماره=يشد زندي باليال العصيبه
وانا عقب موته سواة الصهاره=تركا على جمرا تزايد لهيبه
ظلام ليلي صار يشمل نهاره=وشمسي تساوى طلعها مع مغيبه
خلاني اقعد في ملمّ السعاره=وزمانن اشهب كشرت ناب ذيبه
ولا اسد عقبه في علوم السفاره=ولاظني اشبه من عميد الكتيبه
نشاف عود الراك عقب خظاره=مارخصه في سوق راع الجليبه
وانا احمد الله يوم سافر قطاره=شبيب عقب من خيار الشبيبه
عقب لنا عيال(ن) سواة النماره=وخلّف لنا بالعش من يعتني به
اشبال حرصينن على شب ناره=وتضل حيه والكوارث رهيبه
يالله تجعل مرقده في طهاره=ومثواه بالجنه بعزة حسيبه
واحسن عزانا به وعمّر مزاره=والا العمر له ساعة ينتهي به
وثبت قلوب العايله بالجباره=واصلح عمل من يارثون النجيبه
واستغفر الله عن كلام القماره=وقولا بليا اثبات ماينحكي به


...

..


.

تاااابع



البارحه يازيد ليلي تفاكير=لما ظواح الصبح يامسندي ناظ
الصبح اسلّي خاطري بالتعابير=خوفا يمس النفس من ضيمها اعراظ
نفسا تلوعه لايعاتا مغابير=وقلبا يكضه من طنا الوقت كظاظ
يمس قلبي حاميات المسامير=وجاهدت عبراتي بالتصبر والكماظ
علما لفاني كدر الفكر تكدير=بين الذهول وبين رجه ونفاظ
غديت كني واعيا عقب تخدير=اللي صحى من غفوته عقب الاغماظ
قالو خلف شد عنّا المظاهير=شد الرحال ولاتريض لمرتاظ
الموت حق ولاعن الحق تاخير=الباقي الله والبشر جاه قباظ
فقيدة ياكبرها من مخاسير=عمودنا اللي لاثقل الحمل نهاظ
هو سيفنا البتار عن كل تزوير=ان كلهست ناسا علابيها اعراظ
كم وقفة بيها تظيق التباصير=حلحل عقدها ماتعذر بالالفاظ
ماباع ربعه بالذهب والحناتير=نفسه عزيزه ماتخضع لجحاظ
يوم النذال عن الحقيقه مناكير=متلبسين جلود ومتونها اغلاظ
عرضت نفسك لاجلنا للمناشير=وسابقت بالليل الدجى كل ركاظ
ان راوز الحاسد يحط الدعاثير=مهو بخير الى علم بيك يغتاظ
يحتار بامره سد ماله معابير=تفتل ولاتفتل للعسيرات نقاظ
مرحوم ياراعي الوفا بالمعاسير=يافارسا بينت يوم الردي جاظ
مرحوم ياعفات خشم المناعير=عسى اللحد في جنت الخلد ورياض
مرحوم ياشبّاب نار المسايير=مرحوم يالطام حاسد وبغاض
ينجيك ربا سير الخلق تسيير=منجي نبيه نوح من عقب الاجهاظ
يحفظك حفّاظ السماء بالمشاهير=اللي وضع للبيت ساتر وحفاظ
(( مرحوم ياللي حرر الحفر تحرير=ملحق خويه يوم للبزر نظناظ))
عينه تلوح ونثر الدم تنثير=والثار طاح من القبيلين بحفاظ
وشلته على متنن ماتجيها الزمهرير=في ساعة تنشف بها الكبد ولحاظ
في سهلة عج المشوك معاصير=ارعد رعدها وبارقه يلمظ الماظ
بين الدروع وبين نار المغاوير=مامن تقى شمس الضحى نورها فاظ
وقفيت به عن وجه الطغاة الخنازير=حتى سلاحه ماتراخيت قباظ
بوداعة المعبود والي المقادير=يرحمك ربك باللحد عقب الافراظ
بوداعة الله ماتجيك العواثير=عسى عن الدنيا لك الرب عواظ
وحنا عوضنا بالعيال المشاهير=بيت بنيته يافتى الجود ماغاظ
هم درعنا وان صار بالوقت تغيير=سطامة العايل ان اغتاظ من غاظ
ياما نحو عنا كثير المخاسير=وياما استعز بقربهم كل رباظ
وياما نحو عن دربنا كل شرير=وياما قصر ضدا تزاييف الالفاظ
من لابة بالكون عند المغاتير=ياما كفو من ظربهم عدة احياظ
ياما ارملو من ظربهم من غنادير=وكم جثة من ظربهم دمها فاظ
فعلا لكم مابيه كذبا وتزوير=يشهد لكم باير مع التل وفياض
وصلاة ربي عد وبل الشخاتير=وعداد ماسيل الوعر بالسهل فاظ
وعداد مافوق الوطى حط تاثير=على النبي اعداد من صلى الافراظ


الشاعر الكبير / عايد جظرم العتيقي الشراري

........................................ .................................


غاب النهار ودق ناقوس الاخطار=الليل موحش والعواصف شديده
سود الليال السود بركانها ثار=والله مادري ويش هي مستفيده
جارت علينا البارح اصغار وكبار=باكبر خساره والفقيده فقيده
اقفت بركب الشيخ ياقصر الاعمار=واثره صحيح ان الليالي بليده
مرحوم ياشيخآ حفظ هيبة الجار=يوم الردي يطوي لجاره مكيده
مرحوم ياللي مارضى وصمة العار=لما وقف نبض الحياه بوريده
ياقف الى هاب الردي موقفآ حار=مواقفآ ماهي علينا جديده
خلف زبون اللي من الضد محتار=خلف خلف راع العلوم الحميده
هذا الفليو اللي كما ضلع سنجار=اكبر من حروف الهجاء والقصيده
شيخآ فنى عمره على الطيب والكار=العز تاجه والكرامه رصيده
ياطول شبره مع طويلين الاشبار=كريم سبلا والهقاوي بعيده
عانيه ماباداه في كثر الاعذار=ينهض كما زمعان لاشاف صيده
مسقي عدوه من قراطيع الامرار=وللصاحب احلى من حلى طلع غيده
والضيف له عنده مكانه ومقدار=يبذل لضيفه كل ماحاشت ايده
مامات من عقب صناديد الاحرار=صوارما عند الملاقى عنيده
فيهم لقينا الشيخ مازال بالدار=جالس وكنه مارحل للبعيده
الله يجعل منزله بين الابرار=في جنة الفردوس يجني حصيده
وصلاة ربي عد ماطايرآ طار=على نبيآ جالنا بالعقيده

الشاعر الكبير/خلف عويض الاسيد الشراري ( ملك القاف )

كلمات البحث




تستطيع أن ترى الصورة بحجمها الطبيعي بعد الضغط عليها
التعديل الأخير تم بواسطة محمد العايد ابوذينه ; 05-09-2019 الساعة 03:47 PM
#2
الصورة الرمزية محمد العايد ابوذينه

محمد العايد ابوذينه

الـــمُـــديـــر الـــعـــام

الله يرحمه ويسكنه الجنه

الله يرحمه ويسكنه الجنه


حقيقه اقف عاجزاُ عن التعبير عن هذا العلم والذي بفقده فقدنا الكثير


الله يرحمه ويسكنه الجنه

شكراً لك اخي خالد

وصح لسان الشعراء ولسانك ومهما قيل به فهو قليل بحقه رحمه الله


الحساب الرسمي لمجالس قبيلة الشرارات على السناب banykalb



حساب مجالس قبيلة الشرارات بتويتر
@banymaklab1

حسابي الشخصي في تويتر
@moh81024

للتواصل عبر بريد المجالس الجديد على الايميل التالي
banymaklab01@gmail.com


او التواصل مع الadmin عبر هذا الرقم (واتس اب فقط) 0501306585


كلمتان خفيفتان على اللسان ثقيلتان بالميزان(سبحان الله وبحمده سبحان الله العظيم)
التعديل الأخير تم بواسطة الشراري ; 18-02-2017 الساعة 10:07 AM
#3
الصورة الرمزية هاني المعارك

هاني المعارك

عضو مؤسس

الله يرحمه ويسكنه فسيح جناته

لا اله الا الله وحدة لا شريك له
#4
الصورة الرمزية محمد العايد ابوذينه

محمد العايد ابوذينه

الـــمُـــديـــر الـــعـــام

تم تثبيت الموضوع وننتظر المزيد منك اخي خالد

وفقك الله ورعاك


الحساب الرسمي لمجالس قبيلة الشرارات على السناب banykalb



حساب مجالس قبيلة الشرارات بتويتر
@banymaklab1

حسابي الشخصي في تويتر
@moh81024

للتواصل عبر بريد المجالس الجديد على الايميل التالي
banymaklab01@gmail.com


او التواصل مع الadmin عبر هذا الرقم (واتس اب فقط) 0501306585


كلمتان خفيفتان على اللسان ثقيلتان بالميزان(سبحان الله وبحمده سبحان الله العظيم)
#5

شمالي من إلى

المستشار السابق واحد مؤسسي المجالس

[size=5]
رحمك الله يا بو علي واسكنك فسيح جنانه

والبركة با بنائه الخاطين خطاه وفقهم الله


دمتم سالمين

التعديل الأخير تم بواسطة شمالي من إلى ; 01-06-2007 الساعة 03:35 AM
#6
الصورة الرمزية نايف الخضير

نايف الخضير

مـراقـب سابق وعضو مميز

رحم الله الشيخ خلف الفليو

وطيب الله ثراه






لمراسلتي اضغط هنا
#7
الصورة الرمزية خالد بن جايز

خالد بن جايز

حسين قبلان اللحاوي نائب للمدير سابق وأحد المؤسسين

الله يرحمك يا ابو علي ويغفر لك ويعفو عنك ويسامحك

رجل كانت له بصمته في وقته وبعد وفاته افتقده الكثير من القبيلة ولكن الحمد لله

فهو لم يمت بل عقب لنا رجالاً تحمل صفاته من كرم ونبل واخلاق ونخوه ولله الحمد

ولكن ذهاب ذلك الرجل احدث في انفسنا الكثير رحمه الله واسكنه فسيح جناته


حفظك الله يا خادم البيتين

ومـا مـن كاتـب إلا سيفـنى ... ويبقي الدهر ما كتبت يداه
فلا تكتب بخطك غير شيء ... يسرك في القيامة ان تراه
#8
الصورة الرمزية العارم

العارم

مشرف سابق وعضو مُميز ومخلص

الله يرحمه ويسكنه الجنه هذا ما اسطيع قوله الان

شكراً لك اخي خالد

وصح لسان الشعراء ولسانك ومهما قيل به فهو قليل بحقه رحمه الله

#9

شمالي1387

المستشار الخاص للمجالس سابقا

رحم الله الشيخ الفارس خلف الفليو واسكنه فسيح جناته
ومشكور يابو خالد على التثبيت


#10
الصورة الرمزية الحوت

الحوت

مراقب سابق وعضو مميز

الله يرحمه ويسكنه فسيح جناته
ويسامحه

إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
تعيين الشراري قاضيا في النماص متفائل لمجلس العامه والحوار ولأخبار 33 29-12-2009 01:58 AM
قصص وحكايات قراند....طبرجل....الشراري مجلس القصص والروايات والحكايات 0 12-12-2009 03:31 AM
تجربة الشيخ سلمان العودة مع القراءة .. مقتطفات وأرقام .. شراري وكلي فخر لمجلس العامه والحوار ولأخبار 6 15-11-2009 11:11 PM


Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
Ads Management Version 3.0.1 by Saeed Al-Atwi
Search Engine Optimisation provided by DragonByte SEO v2.0.42 (Pro) - vBulletin Mods & Addons Copyright © 2021 DragonByte Technologies Ltd.
جميع الحقوق محفوظة لمجالس الموروث ماضيا وحاضرا