المشاركة الأصلية كتبت بواسطة نايف الخضير

[poem= font="simplified arabic,5,black,bold,normal" bkcolor="transparent" bkimage="" border="groove,4,gray" type=0 line=0 align=center use=ex num="0,black"]
[poem=font="simplified arabic,5,black,normal,normal" bkcolor="transparent" bkimage="" border="solid,4,gray" type=0 line=0 align=center use=ex num="1,black"]
لوقريت من الكتاب بساس دينـي = كان عفت من الحيـاة الانتظـارا
شيب عيني من زمانـا مقتفينـي = لو تعجرف يودع لحالي مـرارا
موعدي مع الملك كشوف عينـي = لحظة من يـوم مامنهـا فـرارا
مابغيتـه ميـر ساعـة يشتهينـي = مايـرده لاجــدار ولاسـتـارا
وراس مالي عقب موتي مايجيني = ليت ماأعذب علـى شانـه بنـارا
ميزتـي مايمدحونـي وارثينـي = حيث مااعقب لهم كبـر الـزرارا
طالبا ربي علـى الحـق يهدينـي = يملك الغفـران وذنوبـي كبـارا
دام انا حيا وربـي هـو ظمينـي = وكاتبـا رزقـي بقـوة واقتـدارا
سجتي فيها شفى القلب الحزينـي = تبري الاوهام ساعـات اقصـارا
يارفيـقـا نمتنـيـه ويمتنيـنـي = مـن تمتـع بالمعـزة والوقـارا
حدد الموعـد ترانـا جاهزينـي = فوق من يقطع مواهيـف الزبـارا
موترا في سوقنـا نوعـه ثمينـي = والثمن ماهو على مثلـه خسـارا
من مصانع عبد بوذا اصفر جبيني = مرخصا نوع الشفر صنع النصارا
موتري لو لفـت السكـه يمينـي = اضرب القرشع ترى دربك يسارا
من شمال السيب مع خشم العريني = شرقي الثايـات قبلـي السمـارا
من شراوا وشرق بالممشى يزيني = غربي (ابا القور) بالأرض القفارا
ونقرة اللبة جنـوب الضيرتينـي = ومن شمال ارض القرية بالجوارا
للكتب لطريف للهبـر الحصينـي = ولملمت عرعرجنوب من المنـارا
للهزيـم وبيـن الازرق اريتينـي = وسهلة الصوان من شرقي مغارا
من يمر الوقف شاف العبرتينـي = الحصى وقاف واحريوف تـرارا
مرهـا وبـل الثـريـا مرتـيـن = تذرف الخبرا وبالروض الخضارا
مزهرا نبت الكـدادة بالشطينـي = بيذراها نحتري شـوف الحبـارا
عينها تغـزل لخـرب بالكمينـي = لمحة نحو السما تخشى الحـرارا
الروامـا مرتعـات بالبطيـنـي = والخشوف البيض بالمولد بـدارا
وان قضينـا ليلتيـن وليلتيـنـي = مر خوعا دربها من عنـد قـارا
ينفرز برمـال عالـج فرزتينـي = خل بالخل الجنوبي لـك مسـارا
مع نفودا في تلون وجـه صينـي = شرقي اعليم الظمأ ثـم استـدارا
تنحرف صوب الشمال وساعتيني = ثم تل اصماخ يبدي لـك اجهـارا
في طواريف الغضـا لاتستهينـي = خب حلمه دس عليـه ولاتـدارا
ان قطعت العرق لقزوزه رطينـي = والمراوح ترتقص رقص السكارا
بالغـرازه يرفعنـه جوزتيـنـي = برشمت في هيكله باربـع تبـارا
ان لهزته ثالث التـرس المتينـي = كسفينة نوح في عرض البحـارا
كن دق البلـف بيـن الحالتينـي = منكمنجة مطربـة ليـل السهـارا
شرق تل مليح يـوم انـه يبينـي = والنفود ايسار مع راس القـرارا
سمح دربه مع شهاب ام الشنينـي = والعوادم فرعهـا يقـدح شـرارا
مر بالخنفه واهلهـا حاضرينـي = دلهوا شقـح العشايـر والبكـارا
اللبـن تلقـاه عـنـد الطيبيـنـي = من عطوف تنحرف يم الحـوارا
عـادة يشهـد بهـا الشاهديـنـي = ويشهد التاريخ واعطاهم اشعـارا
ومر به هـداج تيمـا والقطينـي = وشرق حسما باليميـن الانحـدارا
بالطبيق المعترض وقف هجينـي = ابيض التربة على حمراالحجـارا
في شخانب غانمه وسم الغصيني = صكها في ملتقى سـرد المهـارا
في قراها اخـوان شـرا نازليـن = مابـدوا لوجيتهـم بالاعـتـذارا
باللبن والهيل والكبـش السمينـي = يكرمون اضيوفهم لوهـم فقـارا
والكرم طبع الرجال المستحينـي = والصخا عند العرب والبخل عارا
بعدها نبغـى طبرجـل عايدينـي = حروة السبعين من غربي شغـارا
موتري عجـل ترانـا واردينـي = كت ريع الخيل في تالي النهـارا
قمة الغينـة شمالـك فرسخينـي = وتل اخويمه كنها بـرج المطـارا
ضاربا سكة طريـق المرشدينـي = وان تجاوز صار خطه مستعـارا
بيوادي سرحان يسكن به خدينـي = درانا يـوم ان كـلا لـه اديـارا
صك ماضينـا عليهـا ساكنينـي = ويشهد الحاضر على طلع البذارا
مارحلنا يـوم شـال الراحلينـي = يوم يجدب قاعهـا كنـه عمـارا
خيلنا تنطـح انحـور الطامعينـي = وبالنهايـة توجـت بالانتـصـارا
الله المعطي وخـاب الحاسدينـي = ولاوضـع ذريـة ادم مستشـارا
بالجهالة ويـن كـان المدعينـي = سربة الاحلام في ذكرى الاثـارا
يدعون ان ملكهم بقصيـر طينـي = اسسوه الترك وحطوبـه خفـارا
يوم شافوا راس مال المشترينـي = انطلق ساق القعود مـن الهجـارا
ياجماعة كيـف ورث الوارثينـي = افهموا جملة كلامـي باختصـارا
كان عنتر في طلب عبله غشينـي = هل في ذيـك السنيـن الاعتبـارا
لو هي بالماضي وخبر الخابريني = اليهود الهم على خيبـر اجـدارا
ارضنا بكر قبـل عـدة اسنينـي = يوم حنا وحدنـا قبـل الحضـارا
كنه الوشمه على عفرا الجبينـي = غربلة في رملها عيـال السـدارا
دارنـا ملـك الجـدود الاولينـي = كل طيه فوقهـا رسمـة شـرارا
لابـة ماهـي الجـداد المبتدينـي = ساس جرهم من ضنا يعرب خيارا
بالكرم هـو والمراجـل نافلينـي = وبالعدد كثـر الدبـا بالانتشـارا
لوحة التفصيل للرجـل الفطينـي = ملك ابوه وعرفها فهـم وشكـارا
في كروكي واضـح للدارسينـي = لو رسب به صاحب العقل الثبارا
يذكر الحكمـة كتـاب الفاهمينـي = خلفوه من الكبار الـى الصغـارا
الكلام اللـي ذكـر حقـا يقينـي = حيث مانرجي من المقفي قـرارا
يعرفه من كان سيـد العارفينـي = يوم جدي حي مـن جـده تثـارا
الله اعلم فـي نوايـا الصالحينـي = وين نلقى لصاحب الذمـة مـدارا
تذهـب الايـام والقاسـي يلينـي = والذيابـه بينـت لوهـي تـوارا
قلت قولا صامـلا والله عوينـي = يوم شفت غليص في طبعه غيارا
صيغته من شذرة السيف الرديني = للأسد والحـر تكفيـه الاشـارا
التحـيـة زفـهـا للسامعيـنـي = والسلام ختام مضمـون العبـارا[/poem][/poem]