.:: مجالس الموروث ماضيا وحاضرا ::.

.:: مجالس الموروث ماضيا وحاضرا ::. (http://www.banymaklab.com/vb/index.php)
-   مجلس الشعر العامي للأعضاء ,, (http://www.banymaklab.com/vb/f22.html)
-   -   صبر المهادي ..! (http://www.banymaklab.com/vb/t65994.html)

فرحان قيران 09-05-2014 07:11 PM

صبر المهادي ..!
 
http://upload.wikimedia.org/wikipedi...asmala.svg.png


http://im65.gulfup.com/fYV1rj.png

.

.

.


الإهداء الى اخي عايد رحيل الشمري ولكل متذوق للشعر اتمنى تحوز على رضاكم






سلام ياعايد من الرأس للراس = سلام (ن) الطف من هبوب البرادي

به فل جيزان وشذى ورد مكناس = وجاوي وكمبودي على شوي كادي

اغليك ياعايد رحيل بلاقياس = يشهد على ماقول رب العبادي

مهو غلا طعمه لحمزه وعباس = والاغلا حوزات قم لنجادي

الاغلا من قلب وشعور وإحساس = غلا الرجال اهل الشرف والمبادي

اربع خصال فيك للطيب مقياس = شهم وعفيف لسان عاقل وهادي

وعقب السلام اسمع ذهب واترك نحاس = ماينقله تلفاز والا روادي

شعر يتله باس ويعدله راس = عليه توقيعي وختم اعتمادي

ياصحت فيه ورحت لي فيه مرواس = يجيك مثل أسراب هيض الجرادي

انا عليه مصنف (ن) من أولي الباس = اذا قدح راس الفتيله زنادي

ماهي بلحية واضرب أخماس بااسداس = الا كما سيل (ن) جرف بطن وادي

ياعايد البارح من عماس لعماس = الشعر نادى له براسي منادي

وشديت لي من سبق الشعر عرماس = وفوق الشراريه نسفت الشدادي

ضامر عساف وعينها تقل مقباس = شيبا ظهر حمرا عريضة توادي

دكيتها بين المغيرب والادماس = وقامت تلفّت والمسافه تنادي

هجت هجيج وبالرسن تضرس أضراس = كنك تدح جنوبها بالهوادي

ماسندّت شكوى على كل بلاس = ولا وجهت يم الكذوب الربادي

ان جنبت شرواك تبشر بالإفلاس = يالشمري نسل الرجال النوادي

ضيّعت فرخ وضيّع الحظ قرناس = والفرخ ماهو هم لوكان غادي

الهم ضيعة صافي الريش مدباس = قرناس ياعايد على الفرخ بادي

آليا شهر فرجه وياهد فرّاس = ويا ادلى على الحفال يفرى الثنادي

اذا صعد جو وتنكس تنكاس = تقل من كفوفه تسل الهنادي

ياماجهمت لضيعته تقل عساس = في كل عيطا بس اصيًح وانادي

لكن رجاي برجعته طمها الياس = وعن كاذب اوهامي قنعت بوكادي

الله من الضيقة ومن قل الاوناس = ومن تكلفة زرعي وندرة حصادي

ياعايد المطنوخ يامعّرب الساس = صبري بوجه العوج صبر المهادي

يانسل من فيهم على الخطر ينداس = جزارة الحايل كعام المعادي

البارحه كني بلي وسط محماس = بقعا تقالبني على غير قادي

الرأس ياعايد تساوى مع الفاس = ومن التعب حاربت شربي وزادي

الله وكيلك يوم جريت الأنفاس = كنه يغني وسط صدري عبادي

البارح ابو دباس مشتاق لدباس = ودباس يذكر له بسجن انفرادي

من دونه إقفال وحواجز وحراس = شهرين صبر ولا تقنطر جوادي

ساكت وانا كبدي تسًرد بالامواس = أزرى عناد الوقت يكسر عنادي

لو كان مذنب قلت حقه ولاباس = مظلوم والزعلان يأكل زبادي

يلعب بنا وسواس يسند بخناس = هذاك (متحلطم) وذاك اقتصادي

وياضاق صدرك حولوها لحواس = وحواس طول الوقت لونه رمادي

وكل الثلاث اوباش وانذال وانجاس = وموقف معًدل كل مايل حيادي

ادري واعرف ان الخطأ ديدن الناس = العيب ماهو بالخطأ بالتمادي

يانايم استيقظ كفى نوم ونعاس = اقبل على صبرالحليم النفادي

حدر (الخضر) لاتحسبنا بتكساس = احذر صباحي وانتبه من هجادي

الدار وحدها معًزي على ساس = والعدل حطه بالمكان القيادي

وان كان في راسك على الظلم وسواس = أذلف لحكم المالكي بالرمادي

مافيه غير الشرع بالمملكة راس = محجته بيضا ودربك سوادي

ما فيه نصر الله ولا مصطفى طلاس = بحكم السعود وخل عنك الدوادي

سجلت ما شفته لعايد بقرطاس = حبيت افضفض لجل يبرد فوادي

اقبلت فارس يلبس الدرع والطاس = واقفيت حاديني من الغيض حادي

واسلم عدد ما داعب الورد نسناس = وعداد ماجًود زماني قيادي


طالب الأسمر 09-05-2014 10:25 PM

رد: صبر المهادي ..!
 
الله الله الله يابوفيصل


جنوووووووووووووون وش اقتبس ووش اخلي؟؟؟؟



ضيّعت فرخ وضيّع الحظ قرناس
.......................... والفرخ ماهو هم لوكان غادي


مؤلم هذا البيت !


ياعايد المطنوخ يامعّرب الساس
....................... صبري بوجه العوج صبر المهادي

وهذا مؤثر ..!

الله وكيلك يوم جريت الأنفاس
.......................... كنه يغني وسط صدري عبادي

وهذا خياااااالي ..!


.
.
.

البارح ابو دباس مشتاق لدباس
........................ ودباس يذكر له بسجن انفرادي

من دونه إقفال وحواجز وحراس
........................ شهرين صبر ولا تقنطر جوادي

ساكت وانا كبدي تسًرد بالامواس
........................ أزرى عناد الوقت يكسر عنادي

لو كان مذنب قلت حقه ولاباس
........................ مظلوم والزعلان يأكل زبادي


استوقفتني كثيراً هذه الابيااااات ، جمعت من الحزن الكثير ومن الألم أشده !



يلعب بنا وسواس يسند بخناس
....................... هذاك (متحلطم) وذاك اقتصادي

وشتاااااااان بينهما ..!
المتحلطم غرّد ولا يزال يغرد والاقتصادي لايزال بالإنفرادي معزولاً عن كل شي !




اقبلت فارس يلبس الدرع والطاس
.................... واقفيت حاديني من الغيض حادي

تجلّي وعذوبه ومرجله وكل شي راقي ..


صح لسانك يابوفيصل على هالمعلقة الفريدة، اسأل الله عز وجل أن يخرج فيصل وأن يحق الحق ويزهق الباطل ..



تثبيت

الريشاوي 09-05-2014 11:35 PM

رد: صبر المهادي ..!
 


صح لسااانك / ابو فيصل ..

سبااائك ذهــب .. ماشاء الله عليك ..

تصخر الحرف تصخير على مزااجك ..


كل التحايا والتقدير لك

سالم مقبول 10-05-2014 12:46 AM

رد: صبر المهادي ..!
 
الشاعر القدير : فرحان بن قيران
قصيده من العيار الثقيل .. جمعت الجزالة والألم
معلقة من ذهب وعادتك الإبداع شاعرنا الجزل
نسأل الله أن يقر عينكم بالأستاذ والإعلامي الفذ : فيصل بن قيران
الذي لم نعرف عنه إلا محاولاته لإحقاق الحق ووضع النقط على الحروف
نسأل الله أن ينصره وأن يفك قيده بأسرع وقت وأن يظهر الله الحق
صح لسانك وسلم فكرك يا أبا فيصل
تقديري لكم
،،

سليمان العجيلي 10-05-2014 12:46 AM

رد: صبر المهادي ..!
 
الشاعر الكبير فرحان قيران الدهمشي العنزي
صح الله لسانك يابوفيصل على هالقصيده الجزله من ابداع وجزالت شاعرها الكبير شعراً وقدراً

ماسندَت شكوى على كل بلاس
....................................ولاو جهت يم الكذوب الربادي
ان جنبت شرواك تبشر بالإفلاس
.................................يالشمري نسل الرجال النوادي

والنعم يفعلون الغانمه بمن يستاهلونها

فاالأعلامي فيصل معروفاً بمواقفه المشرفه وشجاعتة بقول الحق ومناصرتة المظلوم على الظالم عند الجميع حفظكم وحفظه الله
نسأل الله عزوجل أن يخرج أخينا الاستاذ الأعلامي فيصل وان يحقق الحق ويزهق الباطل انه على كل شيء قدير

فرحان قيران 10-05-2014 01:04 AM

رد: صبر المهادي ..!
 
اقتباس:

المشاركة الأصلية كتبت بواسطة طالب الأسمر (المشاركة 967828)
الله الله الله يابوفيصل


جنوووووووووووووون وش اقتبس ووش اخلي؟؟؟؟



ضيّعت فرخ وضيّع الحظ قرناس
.......................... والفرخ ماهو هم لوكان غادي


مؤلم هذا البيت !


ياعايد المطنوخ يامعّرب الساس
....................... صبري بوجه العوج صبر المهادي

وهذا مؤثر ..!

الله وكيلك يوم جريت الأنفاس
.......................... كنه يغني وسط صدري عبادي

وهذا خياااااالي ..!


.
.
.

البارح ابو دباس مشتاق لدباس
........................ ودباس يذكر له بسجن انفرادي

من دونه إقفال وحواجز وحراس
........................ شهرين صبر ولا تقنطر جوادي

ساكت وانا كبدي تسًرد بالامواس
........................ أزرى عناد الوقت يكسر عنادي

لو كان مذنب قلت حقه ولاباس
........................ مظلوم والزعلان يأكل زبادي


استوقفتني كثيراً هذه الابيااااات ، جمعت من الحزن الكثير ومن الألم أشده !



يلعب بنا وسواس يسند بخناس
....................... هذاك (متحلطم) وذاك اقتصادي

وشتاااااااان بينهما ..!
المتحلطم غرّد ولا يزال يغرد والاقتصادي لايزال بالإنفرادي معزولاً عن كل شي !




اقبلت فارس يلبس الدرع والطاس
.................... واقفيت حاديني من الغيض حادي

تجلّي وعذوبه ومرجله وكل شي راقي ..


صح لسانك يابوفيصل على هالمعلقة الفريدة، اسأل الله عز وجل أن يخرج فيصل وأن يحق الحق ويزهق الباطل ..



تثبيت



طالب الاسمر . صح بدنك تسلم قل امين عسى ما يحكمنا غير ال سعود والله يا راجعت لي ناس اذا هم من كوكبنا لك حق عالم غريبه عجيبه قروب شر اضرب لك مثل اذا كان القروب 10 ويرضون عليك 9 ماينفع لازم تقدم الولاء والطاعة للعاشر شف عاد متى يرضى سعادته حنا عائله كبيره ابوي وجدي رحمة الله عليهم مدفونين بعرعر قبل يبنى وأجدادي بواديه انبنى على روسنا طين عدد افراد أسرتنا كبير جداً اذا واحد من هالاسره الكبيرة العريقه دخل مركز شرطه او دخل محكمه او حكم عليه لوسجن يوم واحد خلال 50 سنه نصف قرن وهذا مدى ذاكرتي على ولاة الامرقص لساني ربونا أهلنا على الادب وحب ها لوطن والسمع والطاعه ل السعود بس غيرهم معصي أقولها انا نيابه عن الجميع ابوي من خويا خادم الحرمين الشريفين الله يطول عمره بداية التسعينات الهجريه عدة سنوات يقنص الشمال ويروح معه ابوي دليله وشاعر ورجل من الرجال المعدودين والكل يعرفه وانا معزبي وسيدي وتاج راسي الامرالناهي علي وعلى عيالي وبناتي مادمت حي صاحب السموسيدي الاميرعبدالله بن عبدالعزيزبن مساعد ال سعود اميرمنطقة الحدود الشماليه عسى الله يطول عمره غيره معصي اسمع يا ذاك وذاك وبلغ هذاك لولاهيبته علي الاطلاق من ام فيصل ماتاصلون المكان اللي انا فيه الا بعدماتاخذون الأذن مني انتم وامثالكم ياناس ملينا ياناس يكفي ياناس والله ماقلت شي للحين بس لوماطلع فيصل راح اقول الصبر له حدود انا ما اطلب الا الشرع القاضي المحكمه الشرعيه اقسم برب البيت والكلام هذا موجه لاي انسان عنده ضمير وبيده سلطه يردع هالظلمه انهم ولا ودي اسمي اسماء الا اذا طلب مني مسئول قادر ينتزع حقي منهم اقسم واحلف على القران الكريم وانا الرجل الصادق النزيه وبالإمكان السؤال عني انهم اخرمره جيتهم قالوا لو سمحت ترى مالك حق تراجع بمعاملة فيصل انفجعت بغيت اموت قلت ولدي قالوا ولو القانون يمنعك قلت وش القانون حناحكمنا شرع والشرع يقول الولد وماله لابيه على كذا وحدنا الملك عبدالعزيز عساه بجنات النعيم قالوا لاتكثر سوالف تبي تتابع قضية ولدك حط محامي قلت واللي ماعنده فلوس قالوا مهو ذنبنا ((يدبر حاله)) ليت ابوي رباني على هذي وشسمها ايه ((دبرحالك)) 39 سنه خدمه للدوله ومستعد ادفع حياتي رخيصه لوطن وحكام ما علموني على (دبر حالك) علموني حاجه اهم تدرون وشي قالوا لي اذا احد قال لك ((دبر حالك)) خاف ربك وباللي يقسمه لك رب عيالك . السموحه طولت عيكم اعذروني الموضوع مهم . مع السلامه

محمد العابر 10-05-2014 01:23 AM

رد: صبر المهادي ..!
 
صح لسانك يا ابو فيصل والله آلمتني جداً
ونعم فيك ونعم في عايد رحيل الشمري ونعم الهدية له
وكفووووووو بالجميع
صراحة يؤلمنا جداً ما آل إليه الأستاذ فيصل
نسأل الله ان يرفع عنه الظلم عاجلاً غير آجل
وينعم بالإفراج القريب وتقر عينك في خروجه

ما نقول الا لاحول ولا قوة الا بالله
ونعم بالله فارج الهم والكرب

فرحان قيران 10-05-2014 03:16 AM

رد: صبر المهادي ..!
 
اقتباس:

المشاركة الأصلية كتبت بواسطة الريشاوي (المشاركة 967833)


صح لسااانك / ابو فيصل ..

سبااائك ذهــب .. ماشاء الله عليك ..

تصخر الحرف تصخير على مزااجك ..


كل التحايا والتقدير لك



الريشاوي . هلابك الغالي صح بدنك موضوع فيصل مهزله وبنفس الوقت ماساه سمو الامير مادري عنه انا احلف على هالشي حبيت أوصله له فيه ناس بارعين بالتخطيط للشرليهتم استخدمواذكائهم بماينفع الناس وقتًوالفعلتهم بتوقيت انشغال سموالامير الله يطول عمره الاميرمسئول عن منطقه كامله مهوبس عن فرحان قيران وعياله صحيح انه ولي امري ولي محبه خاصه عنده والله مافيه ارحم وأطيب من قلبه لكن ماحصل أوضح له الصوره اكيدالان بعد مايعرف السالفة انا متاكد ان فيصل راح يطلع والهدف مهو طلعته انا هدفي الرئيسي ناس هنا حسبي الله عليهم حسبي الله ونعم الوكيل أعداءحتى للدوله واذا شفتهم تحلف انهم ياصحابه ياتابعين يفكرون السلطة تدوم بكره نعرض على ملك الملوك وراح أخذ حقي منهم مهم عارفين وش تسببوا فيه من ماساه . فيصل شاب متربي عمري ماوجهته اوحتى هاوشته تركت شخصيته تشكل تحت رقابتي بس من بعيد طلع ولد تحطه على يمناك لكنه صح بزمان غلط . من ماساته وبالاصح ماساتي اناوامه امه مريضه وهذي هي باالبيت يوم وبالمستشفى 3ايام اناعادي صبرالجمل شخصيتي كذامع العلم اني عاطفي وقريب دمعه فيصل عنده فارس 8 سنوات وفجر 6 سنوات أمهم مدرسه باالجنوب (محايل عسير) مأمن بعد 2000 كيلو أبوهم مسافر التفت لفجرتلعب بجنبي قايلين لهاانه مسافربنيه مثل الورده نهاية الاسبوع عندناوالسبت المغرب يروحون لخوالهم مدارسهم هناك فجرمتعلقه بي لدرجه ماتوصف وجودي مخفف عليها لكن المشلكله اذاراحت 5 اشوا اهجع واذا جت الخميس تدخل علي حتى لوكنت نايم توايق وتقول ( شلونك جدي) مفاجأة صح جدي وعقب جت طايره وضميتها لين ارتاح وأول سؤال جدي دق على بابا يجي طول امس كان هذا جوابي لها ::::: ارض(ن) تضمك يابو فارس دعتني : ان جتني الفرصة فانا محتريها : عقبك همومي دون سجن سجنتني : السجن والله حارة(ن) مانت فيها : عليك دمعات العيون احرقتني : أنهيك قصه ثم ارد ابتديها : يا فيصل صدوف الزمن غربلتني : باعتني العالم وانا مشتريها : كرت لعبت بي وانتهت واحذفتني : عالم على رب العباد اشتكيها : بغيت اهيد ( وفجر ) قبل امس جتني : صديت عنها بس روحي تبيها : دنًقت حزن ولوحت فوق متني : عجزت اخلًص من رقبتي يديها : ضميتها لين الدموع اشرقتني : اشمها ورده وعطر انتشيها : بالحيل فاقدها وهي فاقدتني : روحي لو احتاجت فدا تفتديها : ايوالله اغليه وهي مغليتني : غابت كثير وجدها مانسيها : هم بعثروها بس هي بعثرتني : يالله عليك بمن ظلم والديها : الارض ترجف بس ماحركتني : ليش ارتبك مادمت منها اليها : دنيا دروس ايامها علمتني : ان المذله تنفع اللي رضيها :::: وسلامتك ياخوي الريشاوي يشهد الله فيصل ماهمني مهما انتهت قضيته لاني مطلًع وادري انه على حق اللي على باطل اللي يتهربون عن المحكمه الشرعيه بصلاحياتهم وصدقاتهم لكن الاطفال وش ذنبهم الله ينتقم لفارس وأخته من كل واحد ظلم أبوهم وظلمهم تقبل محبتي

فرحان قيران 10-05-2014 05:30 AM

رد: صبر المهادي ..!
 
اقتباس:

المشاركة الأصلية كتبت بواسطة سالم مقبول (المشاركة 967841)
الشاعر القدير : فرحان بن قيران
قصيده من العيار الثقيل .. جمعت الجزالة والألم
معلقة من ذهب وعادتك الإبداع شاعرنا الجزل
نسأل الله أن يقر عينكم بالأستاذ والإعلامي الفذ : فيصل بن قيران
الذي لم نعرف عنه إلا محاولاته لإحقاق الحق ووضع النقط على الحروف
نسأل الله أن ينصره وأن يفك قيده بأسرع وقت وأن يظهر الله الحق
صح لسانك وسلم فكرك يا أبا فيصل
تقديري لكم
،،



سالم مقبول : ياكثر غلاي لها الاسم وراعيه رجل من الرجال اللي لهم مكانه بقلبي صح بدنك اخوي المحترم ربك كريم وماينسى احد هي الحياه وش تسوى كلها على بعضها الله سبحانه خلقنا لعبادته ماخلقنا نظلم بعض ونزيف وتقلب حقايق وناسين ان كل من عليها فان بكره راح اقول ياربي هذا وهذا وهذا ظلموني بالدنيا ابي حقي منهم اعقدواواحد من اجتماعاتكم السريه الليليه وفكروا بجواب لسؤال مثل هذا . هذا غير ذنب سواتكم بزميلكم لمعلومية الجميع فيصل يشتغل بنفس الادارة حتى توقيف يوم واحد ظلم له كانوا قادرين يحققون معه كل يوم واذا ثبت عليه شي ماعلى راسه ريشه يأخذ جزاه مثله مثل غيره تصوروا هالمنظر واحفظوا السالفة هذي المدير زميل فيصل حوالي 12سنه أوأكثر امر باعتقاله بالإدارة قدام زملاءه بطريقه مهينه حتى للحيوان مهو لشاب من عائله كريمه ماشاف مثل هالمنظر بحياته حط الحديد بيديه ورجليه وسحبوه مثل (.........) بدون ذنب وهذا شي مايبي شاهد قدام الله وخلقه والمدير هذامع الأسف من بلد اشتهرت بالكرم الحاتمي والطيب والنخوه والمرجله من ديره ماحبيت ديره مثل ماحبيتها من منطقه الجوف وبالتحديد من (سكاكا) لي فيها أصدقاء وناس غالين ولي فيها جماعه (الدهامشه) مافيه اكرم منهم جيتهم مره وحده بحياتي انا ومشعل الجبوري الشاعر والصحفي بجريدة الجزيرة حنا 2 قسم بالله ذبحوا لنا بعير كرم مابعده كرم ادري هذا ما يمثلهم عسى مانت بن حطاب اللي جاب للجوف سالفه ماتنسى عبر التاريخ ::::: لاواهني والشمس يبدي شعقها : من حدرالبلقا على نقرة الجوف : كم حايل للضيف نرمي شنقها : يقلط حثث مهو على الزاد مردوف : ابرك من البلقا وحامي مرقها : مقلطة للضيف كرعان وكتوف : ونعم بالجوف وأهل الجوف اوووووووووووووف يالجوف وش صار بحشاشة الجوف . هذا اللي امر واللي نفذ الكارثة الكبرى بالهجوم على بيتي واستباحته واحد من اهل (دومة الجندل) تصوروا دومة الجندل الجوف الحقيقيه سقاها السيل انا ماعلى راسي ريشه يفتش بيتي بس مهوبهاللسبب ولا بهالطريقه البشعة والتوقيت المدروس هذا اللي اقدر اقوله عن تفتيش منزلي باقي التفاصيل والله ماتنقال . احترامي اخوي سالم لك وللجميع

سالم مقبول 10-05-2014 09:19 AM

رد: صبر المهادي ..!
 
اقتباس:

المشاركة الأصلية كتبت بواسطة فرحان قيران (المشاركة 967852)
سالم مقبول : ياكثر غلاي لها الاسم وراعيه رجل من الرجال اللي لهم مكانه بقلبي صح بدنك اخوي المحترم ربك كريم وماينسى احد هي الحياه وش تسوى كلها على بعضها الله سبحانه خلقنا لعبادته ماخلقنا نظلم بعض ونزيف وتقلب حقايق وناسين ان كل من عليها فان بكره راح اقول ياربي هذا وهذا وهذا ظلموني بالدنيا ابي حقي منهم اعقدواواحد من اجتماعاتكم السريه الليليه وفكروا بجواب لسؤال مثل هذا . هذا غير ذنب سواتكم بزميلكم لمعلومية الجميع فيصل يشتغل بنفس الادارة حتى توقيف يوم واحد ظلم له كانوا قادرين يحققون معه كل يوم واذا ثبت عليه شي ماعلى راسه ريشه يأخذ جزاه مثله مثل غيره تصوروا هالمنظر واحفظوا السالفة هذي المدير زميل فيصل حوالي 12سنه أوأكثر امر باعتقاله بالإدارة قدام زملاءه بطريقه مهينه حتى للحيوان مهو لشاب من عائله كريمه ماشاف مثل هالمنظر بحياته حط الحديد بيديه ورجليه وسحبوه مثل (.........) بدون ذنب وهذا شي مايبي شاهد قدام الله وخلقه والمدير هذامع الأسف من بلد اشتهرت بالكرم الحاتمي والطيب والنخوه والمرجله من ديره ماحبيت ديره مثل ماحبيتها من منطقه الجوف وبالتحديد من (سكاكا) لي فيها أصدقاء وناس غالين ولي فيها جماعه (الدهامشه) مافيه اكرم منهم جيتهم مره وحده بحياتي انا ومشعل الجبوري الشاعر والصحفي بجريدة الجزيرة حنا 2 قسم بالله ذبحوا لنا بعير كرم مابعده كرم ادري هذا ما يمثلهم عسى مانت بن حطاب اللي جاب للجوف سالفه ماتنسى عبر التاريخ ::::: لاواهني والشمس يبدي شعقها : من حدرالبلقا على نقرة الجوف : كم حايل للضيف نرمي شنقها : يقلط حثث مهو على الزاد مردوف : ابرك من البلقا وحامي مرقها : مقلطة للضيف كرعان وكتوف : ونعم بالجوف وأهل الجوف اوووووووووووووف يالجوف وش صار بحشاشة الجوف . هذا اللي امر واللي نفذ الكارثة الكبرى بالهجوم على بيتي واستباحته واحد من اهل (دومة الجندل) تصوروا دومة الجندل الجوف الحقيقيه سقاها السيل انا ماعلى راسي ريشه يفتش بيتي بس مهوبهاللسبب ولا بهالطريقه البشعة والتوقيت المدروس هذا اللي اقدر اقوله عن تفتيش منزلي باقي التفاصيل والله ماتنقال . احترامي اخوي سالم لك وللجميع

الغالي والنقي : أبوفيصل
يعلم الله بما لك من محبة واحترام
إعلم ياصديقي أن ماحصل مقدر ومكتوب
واللهم ان كتبت مثل هذا فاجعلنا مظلومين لاظالمين
لأن دعوة المظلوم من الدعوات التي لاتحتمل تأجيل وتستجاب
حتى وإن خرجت من غير مسلم لأن الله حرم الظلم على نفسه ولله حكمته في ذلك
وفي هذه الحياة لنا قصص عن الظلم وأهله إما سمعناها أو قرأناها أو رأيناها أو عايشناها
أقسم بالله أنني رأيت دعوات من قبل مظلومين على أناس ظلموهم
رأيتها عياناً بياناً وفي سرعة هائله .. بدعوة واحده ألا وهي
حسبي الله الذي لا إله إلا هو عليه توكلت وهو رب العرش العظيم
الانسان يمر بإختبار وامتحان يمتحن الله به صبر عبده المؤمن
أوصيك بالصبر والدعاء وأن تحتسب الله على كل ظالم وفي كل أمر والله نعم الوكيل
كلامك كلام الواثق بربه والمتكل عليه بإذن الله وأنت رجل لاتستحق إلا كل خير ومن رجال أخيار
وأسأل الله أن يفرح قلبك بإظهار الحق وخروج فيصل عاجلاً غير آجلاً
تأثرت بماكتبت عن فارس وفجر أسأل الله أن يحفظهم ويصلحهم ويفرحهم برؤية أبوهم عاجلاً
وأن يأخذ حقهم من تسببوا في هذا الوضع وظلمهم
وأن يظهر الله الحق ويزهق الباطل
حسبنا الله ونعم الوكيل
،،


الساعة الآن 07:37 PM

Powered by vBulletin® Version 3.8.11
Copyright ©2000 - 2020, Jelsoft Enterprises Ltd.

Ads Management Version 3.0.1 by Saeed Al-Atwi

Search Engine Optimisation provided by DragonByte SEO v2.0.42 (Pro) - vBulletin Mods & Addons Copyright © 2020 DragonByte Technologies Ltd.
جميع الحقوق محفوظة لمجالس الموروث ماضيا وحاضرا