.:: مجالس الموروث ماضيا وحاضرا ::.

.:: مجالس الموروث ماضيا وحاضرا ::. (http://www.banymaklab.com/vb/index.php)
-   مجلس شعراء وأدباء قبيلة الشرارات (http://www.banymaklab.com/vb/f16.html)
-   -   وادي النعيم فراشكم زل وضلال لمشارع الجعيري (http://www.banymaklab.com/vb/t36815.html)

نايف الخضير 24-03-2010 01:14 AM

وادي النعيم فراشكم زل وضلال لمشارع الجعيري
 

يالله سترك ياعزيز ارحم الحال=لاتزيغ عقلي ياثقيل الموازين
يابن رباح اللي من المدح مكتال=يامكرم الخطار ريف الضعافين
ياليت عمرك طايلً كل الاحوال=ياجامع التقوى للاحسان لدين
ماني خطيبً قارينً ماقر بلال=تقول أفد ربعك عساهم عزيزين
من جاك بمشياً ركضله بذومال=ومن جاك بباعاً ركضله بباعين
ومن لايودك لاتعذله ليا مال=ومن لاستشارك لاتشوره على شين
ياراكب عوصا حليات الأقبال=مثل إنخضاب موردات الشياهين
معربات مجودات أصل وحيال=زود الثلاث إليا تشافيت ثنتين
مكربات اكوارهن مس بحبال=يابعد ممساهن ومصباحهن وين
إن ريحوهن شد الأرسان زرفال=طفقات هن واللي بالاكوار عجلين
ركابهن ما بدلونهن بالاطيال=خمساً على قطع المعادين ناويين
رسلاً من العزام ماضين الأفعال=عوق العديم اللي على الضد صلفين
ويلفن بيوت به مسايير ورجال=من عاشق لعماش لبن الدعاجين
تلقى المولم حين ماقبلن فنجال=وعلى الصياني روس مثل النياشين
يصلح لمجلسكم حديث وفضا بال=وحنا بعز الي ذكرتوا عزيزين
ترى النصايح قبل يشرن بالمال=واليوم فايدكم نصايح بلا شين
وانا لكم بكل الأعلام مرسال=أيات عز رجال ولا مساكين
يوم الدير قسمت وكلاً قضب جال=لدياركم وكاد منتم مخلين
كم عقلة مضى بها كون وقتال=مالكم ديار غيرها يالفهيمين
بنتً ذبايحها من السرد ورجال=ولعبً عليها لون طق السدادين
حامين حد اطرافها ماضي الأفعال=يوم الجهاد لكبت الدم ضارين
أشرف على المصباح وبراس ماطال=وغز اللواء كان الشرارات حيين
يلفن بهم نوضة قطانا إلى جال=كيد الجهاد وهم على الضد صلفين
قل وشلونكم ياعزوتي كيف الاحوال=علمي بكم على اللوازم معيين
ديرة وطنك إلى العدو دونها حال=مثل مراعي عشقته مع معادين
فاتت يده منها حذا الغبن!وش نال=لاواحده لاذيك لاهي بدل شين
وادي النعيم فراشكم زل وضلال= ورث لأهلكم من خلقتو لها الحين
ديرة عمار وبالمرى مالها امثال=مالها ثمن لو حط بيها ملايين
تخرج ثمر دبس وسمح على جال=ميراًيعجب ماوطا به فدادين
وماها شرع تدلاه بالصطل وعقال=أبنو بها رسمي قصور وبساتين
اليوم طبت به جنود وشغال=من غرب نجد ومن مشرق فلسطين
والقضب ينحا القوم بدور الأجهال=وتراكت المقضب يروحون لاجين
والشور وين اللي يحطه على البال=ماينفع التايه ليا قال ياسين
شوفو إلى زرتو حجيجا على فال=حقاً عليكم ترجمون الشياطين
نجماً وراكم سهل الضلع والجال=تخدم له الإنسان لوهم بعيدين
إن غاب غيبات القمر وإن مضى هلال=وإليا حضر ضو القمر قبل عشرين

ياعادل الشور الدليلي إلى مال=يامطوع العاصي دروب القوانين
عبدالعزيز بعز الأله مازال= لاولاه من عج المعاصيرسافين
اركز بجو دارك من كثر مايفال=من الذل ماتلقى عليه المقيمين
النبك للي خابره قبل ينهال=أسواق وقصور وغرس ودكاكين
من عقب ماهو عج ماخذ ومجفال=مثل البساط مشاكلاً بالتلاوين
وابو عبدالله يوم حطه على البال=ابني به الجامع لأجل المصلين
ابنوا لكم قصراً ذرياً ومقيال=مرياحتاً للي مع الدرب ما شين
من الغرب يذري والشمالي والأقبال=وحتى عن الشرقي ذرانا ودافين
وامن به اللي قبل باليل يشتال=الله يعز معز الاسلام والدين

له جلستين الصبح والعصر بضلال=الله يساعدهم ملوك وسلاطين
ماحداً يعارض نشركم لوهي اهمال=وانتم بضل سيوفهم مستريحين
وأرسل لكم قبل التفاويت مرسال=على بلدكم كل الأجناب مشفين
يطلبه الأيدى وابن شعلان من جال=وعيى بها من شانكم ياسويدين
قل ياشيخ فيها أهفينا الارقاب والمال=ولولا طعنا ماتنتهم لها الحين
ماجاه عناز ومعاز نزال=ولاشربو الفنجال به مستريحين
الأرض ملك ودشرة لون الأهمال=مال الضعوف اللي عن السنع غادين
وإن عمرت تحفلت بأجمل الحال=مثل الهنوف مجهزه بالقفاطين
لاتابعون برايكم خطو الأنذال=خبل يموت ألو تهج البعارين
اذل من قرط الادالي على الجال= راعي وفا له موفيناً من معالين
وأشوف انا مع تالي الورد رجال=عقبي ووده عن مطبي ينبين
ياصف لنا المشروع والله وماقال=وحنا على مانزل الحق راضين
ولا بعد يصفي لنا منك الأذعال=نعطيهم العاده وهم الخبيرين
اسلوم عسكر بين طعساً ونيال= وارع الفقير بحد خبرا بغاثين
والايدا بالجايفه مكتفي الجال= ماينقصون اديارنا مستفيدين
يوم انت مع الوادي بالاخوان صوَال=من شفت به غير الشرارات الادنيين
يموت به جيلاً ويظهر به أجيال=ونظرك كفـي لـو بعـد مالنـا شيـن
الشاعرالكبير/مشارع الجعيري الشراري رحمه الله وأسكنه فسيح جناته

ابو ليث 24-03-2010 01:30 AM

رد: وادي النعيم فراشكم زل وضلال= ورث لأهلكم من خلقتو لها الحين
 
رحم الله الشاعر القدير والحكيم

مشارع الجعيري

والله يعطيك الف الف عافيه اخوي نايف على النقل

وادي السرحان 24-03-2010 01:43 AM

رد: وادي النعيم فراشكم زل وضلال= ورث لأهلكم من خلقتو لها الحين
 
احسنت اخوي نايف الخضير

فعلا ابيات تستحق ان نقف عندها وان نحفظها وان نتعلم منها وخاصة انها من شاعر يعتبر من اعلام هذه القبيلة الموقرة

من جديد كل الشكر لك


ومن بعد اذن المشرف بتثبيتها

صقـ الشمال ـر 24-03-2010 02:08 AM

رد: وادي النعيم فراشكم زل وضلال= ورث لأهلكم من خلقتو لها الحين
 
رحم الله الشاعر الكبير شاعر الحكمه مشارع الجعيري

واشكرك اخوي نايف على نقل الدره الثمينه

تحياتي لك

غازي الفليو 24-03-2010 01:48 PM

رد: وادي النعيم فراشكم زل وضلال= ورث لأهلكم من خلقتو لها الحين
 
رحم الله الشاعر مشارع الجعيري وأدخله فسيح جنّاته

ألف شكر لك خي نايف الخضير على نقل هذه القصيدة لنا

الذيــــــــــب 25-03-2010 11:57 PM

رد: وادي النعيم فراشكم زل وضلال= ورث لأهلكم من خلقتو لها الحين
 
رحم الله
الشاعر الكبير مشارع الجعيري
وأســـكــنه الله فـسـيــح جــنـاتـــه
ولك كل الشكر أخي على هذا النقل الجميل

ياأجمل الوقت 26-03-2010 12:21 AM

رد: وادي النعيم فراشكم زل وضلال= ورث لأهلكم من خلقتو لها الحين
 
رحمه الله وأسكنه فسيح جناته

قصيده جزل و رائع ولا يمل من قرأته

شكرا لك نايف الخضير على هذا الحضور الرائع دائما

جوديه بالخير مرويه 26-03-2010 08:25 AM

رد: وادي النعيم فراشكم زل وضلال= ورث لأهلكم من خلقتو لها الحين
 
الله يرحم الشآعر مشآرع وهو من الشعرآء الأوآئل في تآريخ القبيلة


وشكراً جزيلاً بن خضير على نقل القصيده الرآئعه

وفقك الباري

الجاهز 26-03-2010 09:57 PM

رد: وادي النعيم فراشكم زل وضلال= ورث لأهلكم من خلقتو لها الحين
 
رحم الله الشاعر القدير والحكيم

مشارع الجعيري

والله يعطيك الف الف عافيه اخوي نايف على النقل


واشكر اخينا وادي السرحان على التثبيت لمثل ذلك

الدر 13-04-2010 01:24 AM

رد: وادي النعيم "مشارع الجعيري"
 
نايف الخضير دايم متميز
الله يعطيك العافيـــــــه
ومشكووووووووووووور


الساعة الآن 11:12 AM

Powered by vBulletin® Version 3.8.11
Copyright ©2000 - 2019, Jelsoft Enterprises Ltd.

Ads Management Version 3.0.1 by Saeed Al-Atwi

HêĽм √ 3.1 BY: ! ωαнαм ! © 2010
Search Engine Optimisation provided by DragonByte SEO v2.0.42 (Pro) - vBulletin Mods & Addons Copyright © 2019 DragonByte Technologies Ltd.
جميع الحقوق محفوظة لمجالس الموروث ماضيا وحاضرا