عرض مشاركة واحدة
قديم 24-07-2016, 02:23 PM  
هادي الورده
**مُصمم**


الصورة الرمزية هادي الورده
هادي الورده غير متواجد حالياً

بيانات اضافيه [ + ]
 رقم العضوية : 1005
 تاريخ التسجيل :  Dec 2007
 أخر زيارة : 17-08-2019 (04:26 PM)
 المشاركات : 1,685 [ + ]
 التقييم :  224
 الدولهـ
Saudi Arabia
 الجنس ~
Male
 SMS ~
شكــي زمــان خصنــي بالتهـاويـل وابكــي حبيــب دون وصلــه خطــوره بحــر الهــوى ياكـم غـرق به رجاجيـل وكــم من شبـاب مـات بـاول زهــوره
لوني المفضل : Black
افتراضي الشاعر عايد رغيان ياناشداً عني بتالي زماني (جديد)



من جديد متنبي بني كلب و الشعر / عايد رغيان الورده


ياناشدآ عني بتالي زماني=في يوم فات وباقيآ تالي اعصير
انسان عادي قد حالي وشاني=لامحدث المسجد ولاراهب الدير
جازلت عن قوم الكروش البداني=ولاشخت مع من شب صدره كما الكير
طاف الزمان وزاد فيه امتحاني=وضاعت على شلفاء جفاه التفاكير
وهو كماهو بالمسار وطواني=طي السجل وعطني بالمحاوير
مافات به مانذكره كيف كاني=وبعض الخطايا دون عذرا وتبرير
دارت بنا الايام مثل الثواني=وندله بها ولاقرينا المحاذير
نعيش في دنياء الامل والاماني=ولامير يكفينا من العلم تذكير
وايامنا في نقص والعمر فاني=وبالموت ماينفع علاج الدخاتير
لو طال عمري ماغشا اهلي غشاني=مامر بالمقدم يمر المواخير
يالله على خير الامور اتهداني=فيمابقالي زيدني فيه تنوير
مشكاي للرحمان ممااقتفاني=برضاك عني ياولي المقادير
الحال ماهو حالنا الاولاني=ازريت في عد السنين المدابير
العام لعبي بالغواء شقلباني=واليوم قرب وقت عكف البواكير
ولالان راسي والدهر مارماني=وعشت بشرف في عسرها والتياسير
ان باح مكنون الضمير وشجان=وصارت مراسيله وصايف وتعبير
سار القلم في خطه العورجاني=يصور المعنى برسمآ وتسطير
لو قيل بالريحان والدرسعاني=يفهم بها من جبر القاف تجبير
كن الثرياء وافقت للقراني=وجادت بوبل الساريات الحوادير
مزنآ نشاء يلعج به العقرباني=وبرهج عيون المرسلات المقاطير
يهيم سلطان الادب في بياني=شاعر ملم ولايهون الشواعير
كالورد يزمي فوقه الديدحاني=وتشابكت فوق الغصون النواوير
والشعر ماهو من خصايص فلاني=قسمة شرف بين الوجيه المسافير
اهل الادب من صايغين المعاني=يتعب وراهم مبعدين المشاوير
ولاكل من يدبك على ليل داني=يصير شاعر بين طبل ومزامير
قلبي على وكره بعوج المحاني=تجري عروقه بالروابع معاشير
يضخ من عد الادب برهجاني =عيلم روى تنصاه هجف الخواوير
وتشرب شرع من منبعآ صرهجاني=هداج بعيونه زما الجم ويفير
وكفي شديد بشد حبل السواني=في ورد عصمان الشوارب على البير
وشوفي بعيد عن الطروق الدواني=يشلع هواء مع حوم عوج المناقير
لولا الغلط ماشد كف الرهاني=ولولا الهدف ماصخر القاف تصخير
كلمة عرب يجهل بها الترجماني=تكفي عن التسجيل صوتآ وتصوير
نسيت في سلم العرب من نساني=والخط يمحى دام حبره طباشير
من لابغاني لو عيونه تراني=يجحد وجودي لو خيالي كما النير
فعل الوفاء من واجب المودماني=مير الرجال ارقاب حصنآ مناكير
ماعاد لي بالمدعي لو دعاني=اقفاء الزمان وناتج الجمع تاخير
وانا احمد الله كل شيآ عطاني=صحه وامان وعلم بالشر والخير
امشي سليم بواسع السمهداني=واشوف بعيوني ابليا مناظير
ومفتاح بابآ فيه رزقآ كفاني=لاناقصا قدره ولافاض تبذير
ولاشي من رز ق المخاليق جاني=شيآ طلبته واحتري فيه توفير
ماراح مرسالي ولاجيت عاني=ونفسي رفيعه عن رقوم الفواتير
لو بعض ربعي مطلقين اليماني=تاتي هداياهم تساوي قناطير
في بادره منهم وانا كنت ماني=محتاج منهم لو كما عود سفير
واشكر ثناهم بالخفا والعلاني=ورد الثنا واجب على كل مايصير
واضرب شنق عن منكرين الحساني=مشيت في دربي وهم دربهم غير
وكفيت كفي عن كفوف الهداني=ورفعت راسي عن مقام المحاقير
لو عشت في فقر الزمان وحداني=مازيد زادي من فروخ العصافير
خط المعزه سرت به من زماني=واليوم نفس الخط في منتهى السير
وربي رفع في ساحة العز شاني=وذاب الدهر مامر بي من عواثير
من طاب حظه طاب فعله وباني=ومن غاب حظه نال ذم ومعايير
والطيب ماهو بالنسب والتماني=ولاهو على ماقيل حلمآ وتفسير
الطيب من فعل الفتى بالبناني=والا الردي تسهل عليه المعاذير
من زان خده في خضاب اصفهاني =الشمس تكشف عن مساج الكوافير
كم بشت من سلك الغواء كيشخاني=يغويك لابسها ولو قالو امير
يمكن وسيم وبالمواجيب واني=وباللازمه ماحصلوه المداوير
حيث الردي لو ينقل الصولجاني=ماطاب له علمآ وهو فيه تقصير
تلقاه في لعب الورق بهلواني =رابع فريق مدنهرين الدناقير
ياطيب من ينطح كبار المعاني=مهمايكون وبه معزه وتقدير
ان كبرت القاله وهاب الجباني=يصير له في مجمع الناس تاثير
بشرواه عن ضيم الملا يستعاني=شعشع قباله بالفزع والتباشير
اترك صبيآ دايم الحيداني=ينزح جنابه عن مجال الصقاقير
خطو الفتى كنه سهيل اليماني=واشهر دليله بالنجوم المشاهير
مثل الاصيل اللي براسه اجناني=ان بارت السلعه يرد المخاسير
والحق ياتي عن مجال الطعاني=بالعلم والحكمه وشرح المناشير
كلمه لها معنى اذا العلم شاني=اشد من ضرب السيوف البواتير
تاتي من المنهل بشذرة لساني=وعقلا يميز صوغ وزن التعابير
يشوم لي شين اللغاء لو نواني=ونذهب الي المسجد تهلل وتكبير
معلوم في بعض الحميا ضماني =بالحجه العوجا وحسن التدابير
صبيت من دلوي على من سقاني=حتى روي من فيض ذرف الشخاتير
واكتب بلاش وغيرنا مربحاني=مابعت قافي للملا بالدنانير
ولاباعني راع الولع واشتراني=وشطبت رقمي عن كبار الهوامير
وانا كما قالو نصيبي وزاني=مازاد بالمقسوم لو صار تغيير
سبقت عن عصر الطرب والاغاني =وربيت في عصر القصص والاساطير
مارافق الهزلا بدربي ولاني=من يعشق الدنيا على غرس قطمير
بالذروة العلياء حبالي امتاني=من عز ربعي مكرمين الخطاطير
بني شرار وصنفهم مايداني=من خل بالواجب قليل التباصير
وفي عزوة العزام مركز كياني=غصنآ شمخ وسط الغصون المخاضير
اخوان عز وجمهم مايهاني=وصابورهم يحسب بعدة صوابير
كبيرهم يكدي بنات الحصاني=ويردف على البن الحمر وافر المير
وشيخي ابن ورده عريب المجاني=زعامة الماضي بها امنيخ وامثير
في بيت عزآ من كبار المباني=والنار حيه في لضاها المباهير
والزاد ياتي في كبار الصياني=رمز الكرم يوم السنين المعاسير
وان جاء النذر ثم ارقل الشيشخاني=تلقاه باولهم يقود الطوابير
خيال صفراء بنت سبع المثاني= عدة ضرايبها طوال الشوابير
يوم اللقاء ماكعكعت بالعناني=مضرب حوافرها مثار المعاصير
حمالة الجوخه مع الجبخاني =في ضفهم ممشاء السلف والمظاهير
في بيع سوق المرجله جرهداني=تخفض مساعيرا وترفع مساعير
مليح وقراقر ونقرة اصفاني=تشهد لهم ومعسكرات المسامير
وحرب العقيله يوم ثار الثماني=في موعد اجريد وعزل المغاتير
حين اقبلن في قاطعين الوتاني=ماكنها الا روس شهب الخنازير
ابطال خاضوها بصبر وتفاني=ولاكنها الا نقرة من زمهرير
مافاض به واد الرتم بالطماني=من فيضة الرشراش عقلت بها الضير
وعزلت بها هنف الخشوم المقاني=وتسمع حنين معبسات الاصارير
وحب العرافه خالطه حب ثاني=من مضرب السدان حمر الشراشير
فعلا عليه شهو قاصي وداني=واللي عليه شهود ماقيل تزوير
وساس الفخر من بحره الريهجاني=لمة بني مكلب طوال الاشابير
ماجت من الفارغ على البوبهاني=اربع من الجنحان ينهض بها الطير
باربع قبايل تجتمع بشهواني=وماعقب الاصبغ شعوب وجماهير
من لابة تا يخها سرمداني=جمرة قضاعه في ملاقاء المناعير
من ساس جرهم من خيار قحطاني=في شجرة المنشاء سجل التقارير
منقولهم شلفآ وهجهن يساني=بيض الصفايح مجوزات الشناكير
لولا طعنهم ماسكنا المكاني=ولاجابت الابطال شقر الغنادير
ماشي بلاش الا بضرب السناني=خطه بليغ وصدقوه المخاتير
من ترشده عينه وسمع الاذاني=ياخذ من الحاظر بعقلا وتفكير
الدار ماتعطى بعطف وحناني=الا بحد السيف زرعآ وتعمير
ساسا ركز غربآ بوادي امعاني=لرمال عالج بالطعوس المزابير
ومن حد ضلعآ من شمال الجراني=حتى وراء تيما عزيب المصادير
ماناخذ الا بالجزال السماني=يوم الجوارح بين حوم ومخامير
صنف الذهب ماهو بسوق الاواني=ولاحل بيعه في حراج الصفافير
من يقبل الذله يعيش بهواني =زمالته عرجا وجيشه مداهير
تكفي عصا الطرفاء عن الخيزراني=ولايدرك النوماس راع المقاصير
ختمتها في فوح مسك القناني=ونفنف شذا منتوج سوق العطاطير
ونسوقها بالهيل والزعفراني=باقبال دسمين الشوارب مسايير
وصلاة ربي عد مالخلق كاني=على رسولا بلغ الناس بالخير
(عايد رغيان الورده الشراري)


 
 توقيع : هادي الورده
نعم الرجال اللي تعرف المواجيب.
يلقآ المعزه ضيفهم واحترامه.
لا جاهم المحتاج خالي من الجيب.
يدعي لهم من طيبهم بالسلامه.
من قربهم تبرا الجروح المعاطيب.
وفي شورهم ماتغتشيك الندامه.

التعديل الأخير تم بواسطة محمد ابوذينه ; 06-09-2016 الساعة 08:33 AM

رد مع اقتباس