عرض مشاركة واحدة
الصورة الرمزية طالب الأسمر

طالب الأسمر

المستشار الخاص للمجالس

بسم الله الرحمن الرحيم

أداوي جروح الزمان بصلاتي
........................ لو إنها تنزف على فقد سلمان







مثل الجبل ثابت..وديني ثباتي=عندي على حكم القدر..صبر وايمان
واداوي جروح الزمان بصلاتي= لو انها تنزف على فقد سلمان
اللي يعادل في حياتي..حياتي = موته مصيبه ، والمصايب للانسان
ومصيبة المؤمن من المكرماتي=إذا احتسب..يكسب مثوبه وغفران
وانا أحتسبت الأجر والخير ياتي=من واحد(ن) فضله وعدله بميزان
واللي يعزيني ويجمع شتاتي= دينه على التوحيد .. سنه ، وقرآن
زار الحرم عمره بصوم وصلاتي=وموته بشهر المغفره..شهر الاحسان
وجاه القدر صايم وقبل المماتي= رفض يذوق الماء ولو كان عطشان
عساه يشرب سلسبيل(ن) فراتي= في جنة الفردوس بانهار وإجنان
يدخل مع الريان باب النجاتي=ويبتل من عقب الضمى كل شريان
الله يبيحه عالم الخافياتي= وانا يعوضني مع الصبر سلوان
كل ما بغيت أمحاه من ذكرياتي= جاني بذكرى جاوزت كل نسيان
حتى وانا نايم بغمرة سباتي= يزورني طيفه تقل عايش الآن
طيفه تحداني وحطم سكاتي=لين أنفجر صمتي تعابير واوزان
أضحك مع العالم وتضحك شفاتي= وانا الجريح اللي تدالاه الاشجان
يسج فكري لا كسى الهم ذاتي= وإذا حمدت الله تجاوزت الاحزان
الواحد اللي كامل(ن) بالصفاتي=أمره على كل المخاليق..سلطان
ياخذ ويعطي .. والاكيد الثباتي=إن القدر محتوم من عالي الشان

شعر / مطلق الأسمر اللغبه

لا شيء ... يستحق !!

.
.
.


سبحان الله وبحمده ..... سبحان الله العظيم