عرض مشاركة واحدة

المحيط

عضو مُميز

السلام وعليكم ورحمة الله وبركاته



ياعقاب ماجتك الثلاث المجاهيم=مالاح لك من طارفتهن وسيمه
دهماً مباهيماً اتساوق مباهيم=مفلاهن فياض النفوس الوخيمه
امس الضحى قادو..سلفهن مرازيم=واليوم شبو..نارهن بالقصيمه
عساه مايسقي مراتعهن الديم=والمزن مايسمع ثراهن رزيمه
حوش الخدوش اللي تكيم الخطأ كيم=تشوش ذل وللردى مستهيمه
لاتقطع الفرجه ولاتجلي الضيم=هوماتها بين الًوخم والهزيمه
حرمت عليها هبت الريح تحريم=عن مجدها مركوعتاً بالشكيمه
عن ذروة الواجب تذب المخاريم=وان مال ميزان الدهرماتقيمه
ياعقاب يانسل الفهود المكاضيم=عوق الخصيم اللي يسد بخصيمه
هنا ابترالقسمه وابت اللوازيم=واشرب رهى واجلى عن الجو..غيمه
افضح خفايا علتاً شرها مقيم=واشب بطراف الفريق الضريمه
اقعد رواقدها واصحي لها النيم=واكشف مرض هاك النفوس السقيمه
اعري اوجيهاً غطتها الملاثيم=سليمت اجساداًولاهي سليمه
والا اترك الحقره بسوق المضاليم=تلقالها مع هافي القوم قيمه
لون تركتها علي الملازيم=ضليمتاً لاهل الوفى والحشيمه

محمد دويشر النصره



شفت الجواب اللي مشده علي ميم=ولقيت للنصره عليه الوسيمه
ماهو غريب من الحرار الصواريم=رد النقا بالعزة المستديمه
اهدي لهم مني تحيه وتسليم=ومن فعلهم يستاهلون الحشيمه
دنياك يامحمد رجاها مقاسيم= كلا كتب له من نصيبه قسيمه
لاتشتكي من المحل والمطر ديم=منتوجها طيب ومعزه وشيمه
لك عندنا اكبر معزه وتكريم=وجود مثلك يالسنافي غنيمه
شرواك مايصبر علي الجور والضيم= يامامضا لك من مواقف عظيمه
فيها عزلت الذيب عن مرتع الريم=ويذل من دونك قوي العزيمه
السين حله يابو نواف بالجيم=اما الشذوذ عن المراجل جريمه
ان كان نبت الروض شيح وقواصيم= مرتع حليمه وش تبي من حليمه
تسرح علي تيما" وترجع علي تيم=وعاداتها في هالمراعي قديمه
مسراحها مترين ورباطها سيم=عاشت هليمه وان توفت هليمه
لو ربعت مامن جسامه وتسنيم=من طبع راكبها يجيد الهزيمه
والناس ماتغير قديم المفاهيم=عوج العقايد ماتجي مستقيمه
ومن لاتعلم مافهم منك تعليم=زاد الرمد شر العيون الكريمه
عمر الردي في عامر السوق ماسيم=ولاصار له من صاحب الصنف قيمه
من يصطم العايل اذا عال ماليم=اذا وصل يركب عميمه طميمه
تمضي السنه علي حسابا وتقويم=تفني بها الدنيا ولاهي مقيمه
صلي المصلي والعمل بالخواتيم=والله عليما بالنوايا السليمه

عايد رغيان الورده



غر المزون اللي تساوق مظاليم=بيها الرعد قام يتجاوب رزيمة
عقب هماليله تقافا به الديــم=نـــواً يـربـع بالمفـالــي هشــيمة
لقح بحراً ان هاجت امواجة مظيم=والـيا ركـد دوا النـفوس السقيمــة
اليا ارتكى بالموزمة كنه غنيم=يصـك فـي روس المعانــي صريمـة
نجـماً يالو هبت الاريـاح والغيم=درع الشداد اللي علئ كور ريمـة
ضفر وحكيم ويقتدي بالمفاهيم=ونفسه عن الداني عيوف وحليمة
اقبل يساوقهن عقيد الشغاميم= من منهـلاً يعـرف بعـز وعزيمـــة
حيالله اللي بالفخر ذكره مقيم=لـو راح تبقــى معلقاتـه مقيمــة
استاذ لي ويعطي السين والجيم= وانـا اعتبــر سـؤال مثله غنيمــة
والعلم عنده لكن ان وده يهيم=ينفث علئ وجيه الجنون الرجيمة
يابن دويشر لو نفخ بالهوا شريم=شريــم مالـه بالصعيبــات قيمــة
وشفت الثلاث مكوعاتن مصاريم=وجمالهـن لاجــي ابيـت اليتيمـة
رمايهن قلنا جبل واصبح حزيم=ضيّح يالـو يركب عميمه طميمــة
ياقشر حظه يوم قسم المقاسيم=قسمة مذلـه يــوم حظه غريمـة
وألا انت مقداماً بوجه المقاديم=ونفسي ونفسك عن سماهم حشيمة
اقبل تحية مخلصاً من ظنا سليم= يابن الرجال المدركين العظيمة

عقاب العديلاوي