عرض مشاركة واحدة
الصورة الرمزية فرحان قيران

فرحان قيران

شاعر

اقتباس:
المشاركة الأصلية كتبت بواسطة فوازعيدالفليو مشاهدة المشاركة
السلام عليكم ورحمة الله وبركاته

أبيات للتجديد التواصل

‘‘


أنا الطموح اللي عصته الأماني = على عباب الموج وين انت يالسيف
أحيان أحس إني لنفسي أناني = وأحيان أحس النفس تحتاج تثقيف
متواضعاً والكبر طبع الزماني = متكبراً عن شكوتي للملاقيف
أصافح المخطي بشانه و شاني = طبعي و لا أحقد لو تزيد المكاليف
وإن ضاقت الفرجه و هدت كياني = سجيتها يم العلو و المشاريف
ياما على المشراف فكري حداني = مشراف ملهوداً بهاك المطاريف
له موقعاً ما ياصله كل عاني = ذيابته ماهي بحده مواليف
ورفرف على راسه جناح الأماني =و طارن و طرت وباح سد السواليف
سوالفاً لإذني حكاهن لساني = كلايفاً لو هن بليا تكاليف
و عوّدت والضيقه عياناً بياني = رحمتك يا ربي بقل التصاريف
دام الطموح اللي عصته الأماني = ضيع مشاريفه بعد ضيع السيف


فوازعيدالفليو . صح لسانك شهادتي فيك مجروحه لكن القصيده روووووووووووعه واضح انها متعوب عليها الشعر مابه مجامله قلنا كثير اللي مايطور المفردة ويمشي مع الركب ماراح يستمر المفردة تطورت والمعلومة مهي باليوم صارت بالساعه شاعر بدون ثقافه عاليه وسعة اطلاع حتى لوكان موهوب راح يفقد الكثير من بريقه وماراح يستمريعجبني الشاعر المبتكر صاحب الشخصية المستقله لي أمل كبير فيكم انت ونواف النصره ومجموعه من الشباب اي متذوق شعر يبحث بالقصيده عن الشعرلاتستغرب آيه يبحث عن الشعر بالقصيده فيه قصيده خاليه من الشعرخفيفه بالضبط تشبه نفيض الغيم وقصيده مثل السحابة المحمله بالماء القراح شوي وإلا تلمس الارض من ثقل حملهالا تؤاخذني فواز طولت التعليق لاني أحب الشعر الشبابي الحديث المتمسك بالأصالة مثل قصيدتك هذي سبك عالي مستوى مفرده أصيلة مطوًره وتراي اعلق محبه لكم يشهد الله لاني عامل نفسي موجه ولاشي لآني اغلب الأحيان أنا احتاج من يوجهني صح لسانك مره ثانيه يا فواز شاعر من بيت شعر أبوك وأهلك مدارس شعر . لا تحرمنا من مثل هذي بلغ أبوك والجميع سلامي واحترامي . لك محبتي