عرض مشاركة واحدة
الصورة الرمزية نايل الميس

نايل الميس

شاعر

مرثيه بالمغفور له بإذن الله
الشيخ / جزاع عامش الرويلان الشراري
نسأل الله بمنّه وكرمه أن يتقبله ويرحمه في هذا الشهر الفضيل وفي هذه العشر الأواخر من رمضان. (آمين يارب )
-------------------------------------------------


أظلم سما جو البلد والونس ظاع = والحزن واطن بالفياض وسكنها
من يوم قالوا وادع الكون جزاع = كنّ المدامع بالمواطي رسنها
ياضيقة المذهب وياقل الأسناع = فكري تلف والنفس زادت شحنها
أشهق نفس خطراً على كل الأظلاع = و أزفر لضآ ناراً بصدري وطنها
عجِزت أَلمْ العلم من يوم ماشاع =ماأستدرك التفكير حتى ضمنها
وعجزت لالقالي عن الضيق مطلاع=والناس تقنعني وأنا آصد عنها
لمّلمّت حِزني بينهم مير ماطاع = حتى القدم جاها البلا من بدنها
من لامني وإلابعد قال : لا داع = معذور .. نفسه ماتبين طعنها
مرحوم ياسبع الرجاجيل الأسناع = مرحوم يافقد السنين وثمنها
مرحوم ياطب البلاوي والأوجاع = مرحوم ياضد الصعاب وزبنها
مرحوم ياراع المرامي والأرماع = مرحوم ياللي وقفته ما ركنها
مرحوم يامن جاد في كل الأوضاع = مرحوم ياللي جيبته ماكبنها
مرحوم يامن عيشته مابها أطماع = مرحوم ياللي مدّته ما رهنها
بإذن الذي ترجع له الخلق بإجماع = يرحمه يوم الروح عنده ضمنها
يارب يامن تستجب دعوة الداع = تجعل له الفردوس عالي جننها
عبدك لفاك ورحمة أبوابك اوساع = نفسه لفت لك قبل يشرى‘ كفنها
الدايم أنت ولايفيدنّ الأجزاع = ولا نعترض حكم الحياه وسننها
هذا طريق الخلق للخالق إرجاع = والنفس أمانه والله اللي أمنها
يبقى العزآ في فقدنا الشيخ جزاع = بعياله اللي تبتسم في محنها
تعلموا منه العطايا والأطباع = يوم السنين الجايرات وزمنها
ساروا مسيره بالوفا ماحداً راع = مافيهم اللي شذّ عنها ومنها
وصلاة ربي عدّ ما ذكره إنشاع = على النبي اللي عن الظلم ينها


.
التعديل الأخير تم بواسطة محمد العايد ابوذينه ; 21-07-2014 الساعة 06:18 PM