عرض مشاركة واحدة

عيد مقبول الفليو

شاعر

اقتباس:
المشاركة الأصلية كتبت بواسطة فرحان قيران مشاهدة المشاركة
صباح الخير ابو شاكر مانتبهت سويت رد أسالك عن الولد فكرته راح مريت الان مالقيته اكيد اني مسحته ولاراح اخوك عليمي الا بالشعريانويته اسوقه بالخيزرانه مثل مايسوق الراعي حلاله . المهم اي عيالك وعساه تحسن الله لايخرعك انت وأمهم على واحد منهم ولا على كل غالي عليكم والله يابو شاكر اني افرح لفرحكم واحزن لحزنكم ::: قلتها قبل ::: ابي عيالي (للشرارات) جيران = بس محد عطاني وجه هههههههههههههههههه بعذر هم والله مانعطي وجه تذكرت حمودي اليوم حمودي بلهجة الحضر((اخرالعنقود)) بلهجتها (القعدة) رابع ابتدائي بس ذكي ولماح احيان اذا كان شبعان نوم يجي مسفهل ويمدح نفسه ويبيني بس اسولف معه يحب الشعر ونكته ياصار مروق جاني هلا والله ابوفيصل هاه وش اخر قصيده وعقب سمعته قصيده يرد صح لسانك ابوفيصل ايه هذا الشعرعطنا بالله غزليه لاتخاف امي باخر الدنيا تسوي غداً ومن هالسوالف البارح مانام زين عنده عيال خواته ولعب وتأخر جاء اليوم والاينعس ومكشرانسدح عندي عرفت انها قافله معه قلت ياحيا الله حمودي كنت احتريك تجي ابي اسمعك غزليه جديده مارد كررتها التفت قال شف (فرحان قيران) تراي عطيتك وجه وغثيتني بشعرك اللي مثل وجهك قسم بالله ماسكت الا اروح لامي وأقول تعالي شوفي صرفه مع رجلك تراه مايستحي شايب وبس يغازل ضحكت لين أوجعتني كبدي قلت لا حمودي انت صديقي وحنا رجاجيل عيب نسولف للحريم خلاص نم انا ماتكلم ولا كلمه . لاحول انا وين شطحت بس اشوا جت سليمه ماعرف اخفي شي اللي بقلبي بلساني ابوشاكر لا تقول ماقلت لك اذا كان عنك سر مثلا تبي ((تزوج)) الله لا يقوله وكنت مضطر تقوله لواحد من أصدقاءك انس صداقتنا قله لغيري اوخله عندك تراي فضيحه بعد ساعه لو لقيتك هنا اول مسج هلاااا ابوشاكر متى عرسك ياعله مبروك والله غير اجي واسوي لك امسيه لحالي ههههههههههههههههههه هذا انا علمتك وانت حر آلسموحه غثيتكم بسوالفي ودعتكم ربي
الشاعر الكبير بقدره و الأخ العزيز/ فرحان قيران

أشكرك على شعورك الطيب و معدنك الأصيل و أبشرك إن إبني / زيد عيد الفليو خرج من المستشفى و هو الآن بصحة جيدة و الحمد لله و هو أصغر أبنائي الذكور يدرس بالصف الخامس ,
الله يخلي لك حمودي و أخوانه و أخواته و أمهم و يحرسهم بعينه التي لا تنام,
و أشكرك أيضاً على تعزيتك لنا بفقد والدتي (تغمدها الله برحمته )و الله لا يريكم مكروه في عزيز لديكم , و الله يابو فيصل إنت معروف بطيبة المعدن و الأخلاق العالية و الوفاء لمن تعزه, أما عاد الشِّعر فهذا حتى المحيطات أعتقد أن لها الشرف إذا قيس بها شعر أبو فيصل لأن قياسه يحتاج لأكبر من المحيطات و هذا واضح لكل متذوق للشعر

دمتم بالخير و المسرااااات