عرض مشاركة واحدة
الصورة الرمزية فرحان قيران

فرحان قيران

شاعر

اقتباس:
المشاركة الأصلية كتبت بواسطة عيد مقبول الفليو مشاهدة المشاركة
الشاعر الكبير بقدره و شِعْره / فرحان قيران

المعذره يابو فيصل على تأخري بالرد , و الله يابو فيصل إنني مبتعد عن النت خلال الأسبوع الماضي لوفاة والدتي رحمها الله و أسكنها فسيح جناته ,و إنشغالي أيضاً بدخول إبني قبل يومين للعناية المركزة لتعرضه لحادث عرضي .و لم أشاهد ردك هذا إلا الآن ,


صح لسانك يابو فيصل و الله يعطيك العافيه على هالقصيدة الرائعه التي أعتبرها وسام مرصّع بالألماس , لأنها من رجل له وزنه و مقامه العالي الذي يستاهله بكل جداره و الجميع يشتركون بمحبته و تقديره , وفقك الله و جزاك كل خير عن إنطباعك و حبك للجميع

دمتم بالخير و المسرااااااات



صباح الخير ابو شاكر مانتبهت سويت رد أسالك عن الولد فكرته راح مريت الان مالقيته اكيد اني مسحته ولاراح اخوك عليمي الا بالشعريانويته اسوقه بالخيزرانه مثل مايسوق الراعي حلاله . المهم اي عيالك وعساه تحسن الله لايخرعك انت وأمهم على واحد منهم ولا على كل غالي عليكم والله يابو شاكر اني افرح لفرحكم واحزن لحزنكم ::: قلتها قبل ::: ابي عيالي (للشرارات) جيران = بس محد عطاني وجه هههههههههههههههههه بعذر هم والله مانعطي وجه تذكرت حمودي اليوم حمودي بلهجة الحضر((اخرالعنقود)) بلهجتها (القعدة) رابع ابتدائي بس ذكي ولماح احيان اذا كان شبعان نوم يجي مسفهل ويمدح نفسه ويبيني بس اسولف معه يحب الشعر ونكته ياصار مروق جاني هلا والله ابوفيصل هاه وش اخر قصيده وعقب سمعته قصيده يرد صح لسانك ابوفيصل ايه هذا الشعرعطنا بالله غزليه لاتخاف امي باخر الدنيا تسوي غداً ومن هالسوالف البارح مانام زين عنده عيال خواته ولعب وتأخر جاء اليوم والاينعس ومكشرانسدح عندي عرفت انها قافله معه قلت ياحيا الله حمودي كنت احتريك تجي ابي اسمعك غزليه جديده مارد كررتها التفت قال شف (فرحان قيران) تراي عطيتك وجه وغثيتني بشعرك اللي مثل وجهك قسم بالله ماسكت الا اروح لامي وأقول تعالي شوفي صرفه مع رجلك تراه مايستحي شايب وبس يغازل ضحكت لين أوجعتني كبدي قلت لا حمودي انت صديقي وحنا رجاجيل عيب نسولف للحريم خلاص نم انا ماتكلم ولا كلمه . لاحول انا وين شطحت بس اشوا جت سليمه ماعرف اخفي شي اللي بقلبي بلساني ابوشاكر لا تقول ماقلت لك اذا كان عنك سر مثلا تبي ((تزوج)) الله لا يقوله وكنت مضطر تقوله لواحد من أصدقاءك انس صداقتنا قله لغيري اوخله عندك تراي فضيحه بعد ساعه لو لقيتك هنا اول مسج هلاااا ابوشاكر متى عرسك ياعله مبروك والله غير اجي واسوي لك امسيه لحالي ههههههههههههههههههه هذا انا علمتك وانت حر آلسموحه غثيتكم بسوالفي ودعتكم ربي

التعديل الأخير تم بواسطة فرحان قيران ; 14-05-2014 الساعة 04:30 AM