عرض مشاركة واحدة

المحيط

عضو مُميز

اقتباس:
المشاركة الأصلية كتبت بواسطة خاتم سليمان مشاهدة المشاركة
السلام عليكم ورحمة الله وبركاته متواضعه امل انت تروق لكم

سحابتاً هلت من العرف هتان=واروت ضمى متذوقين الفرايد
رعادها يدوي وبراقها بان=وهملولها دك الوطى والنوايد
مضمونها مايدركه كل فهمان=ابعد من اللي في سماهن قلايد
هامت وهمت بدر لولو ومرجان=فرايد اللي للثقيلات رايد
(انا على خلفه وبالكف شامان)=شطراً يناسبني بصوغ الشرايد
مرسولها مني تحيه وعرفان=يم الرجال اهل النقا والعوايد
روساً تروم الطايله سر وعلان=على الفخر وعن الفخر ماتحايد
على النقا يومنها حد وسنان=تخشى مواقفهم جموع وبدايد
سلم عليهم كلهم يا كحيلان=من مشفقاً له عود الحلم عايد
واعط العلوم الوافيه لـ ابن برمان=قل طيرك المنعوت لسو صايد
جبته على كفك وتدعيه زومان=ولاعطيته علوم الرجال الوكايد
بلغ قليل العرف يا طيب الشان=الشلف ماهي لون هدف الجرايد
ياتابع السنه ويا استاذ الايمان=خل القصايد مانت ويا القصايد
يبغالها قرماً من النيل رويان=قرهود فكره طب هماً تزايد
ولا انت يا وضيحان من دون حقران=مالك ومال موسعين البنايد
سندت لك وادي وكتيت وديان=تايه وتاهوبك اقلال السدايد
سموك شاعر مجمع الانس والجان=وادي جبل مدري هبوب النوايد
هون ترا التوبه لماضيك غفران=خل الشداد لناطحين الشدايد
وين انت ياللي للجزيلات شفقان=خذها فخر من راس رجلاً محايد
عرف وطناخه سقتها لأربع الوان=والبستها من خاطري تاج قايد
لاسترسلت سود النوايا بلاعنان=وقفت عن حوض المواجيب ذايد
نادم مطر ديمومتي جفن سهران=ونامت عيون مكبرين الوسايد
ماشاء الله تبارك الله

الله يحفظك.. قصيده فخمه اقل مايقال عنها عانقت روس القمم وتجاوزتها لتنهمر عليها من علو بهملولها العذب السلسبيل ...

مشد حريف واسترسال واسهاب متقن بصور رائعه ومعاني راقيه

جزاله واسترسال واتقان بقدرة شعريه فذه على تطويع المفرده لايجيدها سوا شاعر بكل ماتعني الكلمه

الشاعر القدير
خاتم سليمان صح السانك وعلا شانك

تقديري واحترامي

مشاء الله تبارك الوهاب الله يحفظك