الموضوع: ديمومة الفكر
عرض مشاركة واحدة

الميزان

مبدع الغــــــــــــــــــاز

اقتباس:
المشاركة الأصلية كتبت بواسطة خاتم سليمان مشاهدة المشاركة
السلام عليكم ورحمة الله وبركاته متواضعه ترتقي بكم


ليل وسهر وجروح روح وقوافي=وديمومة البارحه فلت ضفايرها
ارهت عليه وبيح ديمها الخافي=والعين نادم ضلام الليل حاجرها
جرت مشاعر كنيني وانتثر قافي=واقبلت ارتب لها من نضم ساهرها
ارقابها لطويل النايف الوافي=واجممع اعقودها واعود انثرها
من صوغ فكراً بعذبات المثل نافي=يرقا على هامت القمه ويسبرها
بلسم جروح الجريح وعذبه الشافي=اكبود يبرد لها وكبود يجمرها
يا صفوة رضاي ياقرهودي الصافي=يالعوده الي يفوح الطيب مكسرها
يامهرتاً ماعسفها كل عسافي=ماتقبل الزيف واهل الزيف تحقرها
تذيرة هومتك بي فوق مشرافي=للقمه الي تقدرني واقدرها
ديمومة الفكر عذبك يرق الغافي=بلي كبود الضمى واروي محاجرها
طال الرجى والجفاف ايلا وطى جافي=وعين الشقى نومها مامر ناظرها
الصمت لاطال شين ونوب ينعافي=غريمتي ماقطع نجواي دابرها
العلم يخلف عقول الناس يالافي=ماشافت العين لاتصدق مشاعرها
خابرك طيب وشهم وسمح وسنافي=ماتبتلش بالحقايق وانت خابرها
اسباب ماهاضني من راس يالوافي=عمهوجتاً بيحت مكنون شاعرها
غرا ايلاحي قمرها ليلها الضافي=اموت في خدها واعيش با احورها
المزنه الي ضفت بالوافي الكافي=بيح كنين المعنى جود ماطرها


خاتم سليمان ..
هلا وغلا بشاعرنا المحلَق في سماء الإبداع ..
ماشاء الله ..
قصيدة قمة ..
من أجمل القصائد التي نشرت ..
تبشر بمولد شاعر ينتظره مستقبل مضيء..
ويكفي أن هذه القصيدة قد لفتت إنتباه شاعرنا الكبير :- فرحان قيران..
يبقى التنبيه على أن هناك خطأ إملائي يجب على الشاعر ملاحظته وعدم تكراره ..
لأن ذلك الخطأ قد يوهم القاريء بأن هناك خلل بالوزن ..
ولكن المتذوق يعلم تمام العلم أن شاعر يكتب بهذا التجلي والإبداع لا يمكن أن يخل بالوزن كما حصل في صدر البيت الأول (مطلع القصيده):-
ليل وسهر وجروح روح وقوافي
أرجو من الشاعر سرعة تصحيح الخطأ الأملائي ليستقيم الوزن .
وهناك أخطاء أخرى(بسيطه جدا ) وأقل تأثير مثل :-
ضلام الليل = والصحيح ظلام
نضم ساهرها = والصحيح نظم
أرقابها لطويل = والصحيح للطويل
يرقا على هامت=والصحيح يرقى على هامة
يا مهرتا=والصحيح يا مهرة

نحن هنا ننبه لأخطاء إملائية بسيطه لأهمية القصيدة ونتوقع أن يتم نقلها وتداولها في منتديات أخرى ومن واجبنا إبراز هذه الدره بدون أي شوائب.

صح لسانك ملايين شاعرنا المتميز وحفظك الله وحفظ تفكيرك النيَر.