عرض مشاركة واحدة

المحيط

عضو مُميز

الشاعر صالح المنيع وردا على قصيدة موجهه له من الشاعر خاتم سليمان على هذا الرابط

http://www.banymaklab.com/vb/t64730.html#post951472



الشمالي بالفرايد هب ريحه=والحلا دايم ذعاذيعه شمايل
جابها اللي مايجيب الا الصحيحه=شاعرا ختمه على شعره دلايل
عادته مايقني الهزلا الشحيحة =ولا تجول ب دايرة فكره هزايل
ماعرفته ..لكن حروفه صريحه=ولاعرف والله من آيات القبايل
الوكاد انه رجل عذب القريحه=له سنام السبق في سوق المثايل
له جهمت وشفت وجه الصبح ضيحه=شارده وافردتها بين الجمايل
جبتها له لا موات ولا جريحه=عندلاً تقطف زماليق الخمايل
لامدحني مثله افخر في مديحه=وامدحه وارقى ب مدحه كل طايل
ترتفع له كل بيضاناً طريحه=عن طمان حروفها والشك زايل
شاعراً ماظن يحتاج لنصيحه=نرتوي حرفه مثل جم الثمايل
واهنيال الذي نفسه مريحه=مثل ماقاله زمان بناخ وايل
كل يومٍ تطلع علومٍ قبيحه=بين نزّالٍ يحط وبين شايل
الخطا بالمجتمع نصف الشريحه=لكن الله يستر من اتلا العمايل
كل همٍ قادراً ربّك يزيحه=وكل جدبٍ يرزقه صدق المخايل


التعديل الأخير تم بواسطة محمد العابر ; 27-08-2013 الساعة 12:51 AM سبب آخر: طلب من صاحب الموضوع تعديل