الموضوع: نسج القريحه
عرض مشاركة واحدة

المحيط

عضو مُميز

اقتباس:
المشاركة الأصلية كتبت بواسطة خاتم سليمان مشاهدة المشاركة
السلام عليكم ورحمة الله وبركات
قصيده موجهه لشاعر القدير صالح علي المنيع مع وافر التقدير والاحترام
امل ان تحوز على رضاه ورضاكم...


اقبلت ياحيها نسج القريحه=مزنتاً ربانها ساق الجزايل
برقها اللعاج من شمس الصبيحه=يبهض اركون المزون الي تهايل
من يطيح بكنفها مشنع مطيحه=مزنتي ياحيها قول وفعايل
وجهت لنادر الي بالمشيحه=يروي الذواق من عذب المثايل
صالح الي للمعالي هب ريحه=مبطياً سحب القصايد له تخايل
اعشقه واعشق مباديه الصريحه=واضحاً مامال مع درب الرزايل
من سلايل قوم ماتجنى الفضيحه=حبهم يجري مع عروقاً نحايل
كاسرين الضد بانيناً ضريحه=كم عديمن صار من ضمن الدلايل
عن علوم مطوعين المستبيحه=يتعب التاريخ عن سرد الجلايل
الرعد والبرق والشقرا الضبيحه=للمنيع استاقهن قدح الفتايل
جيت له وشطون فكري مستريحه=لروا الراهي ايلا اجدبن الثمايل
تايقن للعلم واحتاج النصيحه=والسوالف بين صول وبين جايل
وش يقول لناشداً روحه جريحه=شايلاً له من عذاب الوقت شايل
الرواه كثار والدنيا فسيحه=والبشر ذواقها يرفا الهزايل
بين بنت ابن سبيل والفصيحه=ضيع المرسال مضمون الرسايل
جاك علمي والخواطر مستميحه=للعلوم الغانمه قولاً وقايل
الشاعر القدير خاتم سليمان
تبارك الوهاب وماشاء الله وصح السانك الله يحفظك-

ارسلت القصيده لشاعر صالح المنيع وتخبر بعد اخذ وعطا ارسل هذا الرد مع رسالة شكر وتقدير واحترام لك


الشمالي بالفرايد هب ريحه=والحلا دايم ذعاذيعه شمايل
جابها اللي مايجيب الا الصحيحه=شاعرا ختمه على شعره دلايل
عادته مايقني الهزلا الشحيحة =ولا تجول ب دايرة فكره هزايل
ماعرفته ..لكن حروفه صريحه=ولاعرف والله من آيات القبايل
الوكاد انه رجل عذب القريحه=له سنام السبق في سوق المثايل
له جهمت وشفت وجه الصبح ضيحه=شارده وافردتها بين الجمايل
جبتها له لا موات ولا جريحه=عندلاً تقطف زماليق الخمايل
لامدحني مثله افخر في مديحه=وامدحه وارقى ب مدحه كل طايل
ترتفع له كل بيضاناً طريحه=عن طمان حروفها والشك زايل
شاعراً ماظن يحتاج لنصيحه=نرتوي حرفه مثل جم الثمايل
واهنيال الذي نفسه مريحه=مثل ماقاله زمان بناخ وايل
كل يومٍ تطلع علومٍ قبيحه=بين نزّالٍ يحط وبين شايل
الخطا بالمجتمع نصف الشريحه=لكن الله يستر من اتلا العمايل
كل همٍ قادراً ربّك يزيحه=وكل جدبٍ يرزقه صدق المخايل


التعديل الأخير تم بواسطة محمد العابر ; 27-08-2013 الساعة 01:00 AM